კარიერზე კვლავ დაპირისპირებაა: "არავის შემოგიშვებთ" და პასუხი: "ჩვენს უფლებებს თქვენ არღვევთ!"

საზოგადოება

კარიერზე კვლავ დაპირისპირებაა: "არავის შემოგიშვებთ" და პასუხი: "ჩვენს უფლებებს თქვენ არღვევთ!"

2019 ივლ 22 14:43:57

ოზურგეთში, სოფელ კვირიკეთის სიახლოვეს, მდინარე ბჟუჟის სანაპიროზე ქვა-ღორღის მოპოვების საწინააღმდეგო აქცია კიდევ ერთხელ, ამჯერად მწვავე დაპირისპირების ფონზე გაიმართა.

როგორც აქაურები ამბობენ, 13 ივლისს, გაურკვეველი პირები მალულად შეიპარნენ კვირიკეთთან, ბჟუჟის ნაპირთან არსებულ კარიერზე და მოიყვანეს მძიმე ტექნიკა. მოსახლეობამ მაშინვე აცნობა ადგილობრივ ხელისუფლებას, პოლიციას, მოძრაობა "გადავარჩინოთ გურიის მდინარეების" წარმომადგენლებს.

_ რა აზრი აქვს ამათთან ბრძოლას?! არაფერი ესმით! ნადგურდება მდინარის ხეობა, სასმელი წყლის გარეშე ვართ დარჩენილი. სანამ არ მოწესრიგდება ლიცენზიის საკითხი, სანამ კანონი არ შეიცვლება სასიკეთოდ და შესაბამისი რეგულაციები არ დაწესდება, სულ წინააღმდეგობას გავუწევთ და არ შემოვუშვებთ აქ. ერთ ტომარა ქვიშას ვერ ამოიღებ, დაგაჯარიმებენ, მათთვის ყველაფერი ნებადართულია, ესაა სამართალი? _ გვეუბნებიან კვირიკეთის მცხოვრებლები.

13 ივლისს მოსახლეობის წარმომადგენლები და ქვა-ღორღის მომპოვებლები, რომლებსაც ლიცენზიის კანონიერებას თხოვდნენ, შეთანხმდნენ, რომ დაიშლებოდნენ და მეორე დღე დათქმულ დროს წარმოადგენდნენ დოკუმენტაციას.

_ დავიშალეთ, თუმცა, მათ სიტყვა გატეხეს. სიტყვის გატეხვა კი არა,  უსირცხვილო საქციელი ჰქვია ამას. ერთი საათიც არ დაუგვიანიათ _ მობრუნდნენ ქურდულად, სასწრაფოდ ამოიღეს ქვა-ღორღი და მოასწრეს ერთი მანქანის გატანა. მოსახლეობა კვლავ გადაუდგა მათ წინ და ამჯერად უკან აღარ მობრუნებულან. როცა ასე იქცევიან, ერთი სიტყვაც კი არის სანდო მათი მხრიდან? _ გვეუბნება "გადავარჩინოთ გურიის მდინარეების" ერთ-ერთი დამფუძნებელი ირმა გორდელაძე.

კვირიკეთში კარიერზე მისულ პირთაგან, ერთ-ერთი, რომელიც აცხადებდა, რომ ის არის მეპატრონე და ლიცენზიანტთან ხელშეკრულება აქვს დადებული, ოზურგეთელი შოთა კიღურაძე აღმოჩნდა.

"გურია ნიუსი" კიღურაძეს დაუკავშირდა და სთხოვა, ესაუბრა, რამდენად კანონიერად ფლობს კარიერს, ფიქტიური ხომ არ არის მისი ლიცენზია, როგორ შეძლებს მოსახლეობის პროტესტის წინააღმდეგ წასვლას და მათ დარწმუნებას საკუთარი ქმედების კანონიერებაში.

_ მე დასამალი არაფერი მაქვს, ვარ კანონიერი მფლობელი, დადებული მაქვს ხელშეკრულება. ოზურგეთს საკრებულოში კარგა ხანია, გაგზავნილია და ადგილზე დევს დასკვნა, რომ ჩვენ გვაქვს კარიერზე მუშაობის უფლება, უკანონოდ არაფერი გაგვაქვს. ხვალ (საუბარი შედგა 16 ივლისს. ავტ.), ჩვენ მივალთ გუბერნიაში, შევხვდებით ყველას, ვისაც ეს საკითხი აინტერესებს.

_ კვირიკეთელები ბრაზობენ, რომ თქვენ აქციის დროს დათქმული დაპირება დაარღვიეთ და კვლავ შეიპარეთ კარიერზე, დატვირთეთ მანქანა და გაიქეცით...

_ შესაპარი რა მჭირდა? კანონიერი დოკუმენტი მაქვს და კანონიერად ვმუშაობ. ყველა კითხვას პასუხს გავცემ.

_ მოსახლეობა არ აპირებს ვინმე შეუშვას კარიერზე, არავის ენდობიან. დარწმუნებული ხართ, მაინც იმუშავებთ და გაიტანთ ქვა-ღორღს?

_ მე უკანონოდ არაფერს ვაკეთებ. ვინ არ მანებებს? ერთი ის უნდა გავარკვიო, რა ორგანიზაციაა ის, ვინც გვეწინააღმდეგება და აქეთ არღვევს ჩვენს უფლებებს.

_ ეს არის მოძრაობა "გადავარჩინოთ გურიის მდინარეები". მასში საზოგადოების აქტიური წარმომადგენლები გაერთიანდნენ...

_ მაინტერესებს, რა ორგანიზაციაა. ჩვენი სამუშაოები ყველგან ნორმალურად არის შესრულებული. არსად არაფერი დაგვიშავებია. გვაქვს ლიცენზია. არის ნატანი, რომელიც უნდა ამოვიღოთ. მერე კი მანდ ლიცენზია არ გაიცემა.

_ ანუ, თქვენ კანონიერად გაგაქვთ და სხვაზე თუ გაიცა, უკანონო ქმედებაა?

_ სხვა არ ვიცი, ჩვენ ყველაფერი კანონიერად გვაქვს და ვიმეორებ, არსად არაფერი ჩაგვიდენია ისეთი, რომ შენიშვნასაც ვიმსახურებდეთ.

_ აბა, რატომ გედავებიან?

 _ მათ ჰკითხეთ.

_ ვინ არის ლიცენზიანტი, ვისთანაც ხელშეკრულება გაქვთ დადებული და ვისი სახელითაც საუბრობთ?

_ ეს არის კომპანია "ჯორჯიან მინერალს".

_ დარწმუნებული ხართ, გუბერნიაში შეხვედრის შემდეგ, თქვენ გააგრძელებთ კარიერზე მუშაობას და ქვა-ღორღის გატანას?

_ დიახ, იმიტომ, რომ კანონიერად ვმოქმედებთ. პირიქით, ჩვენს უფლებას არღვევენ ზოგიერთები.

_ ჩვენ გვაქვს ინფორმაცია, რომ ეს შეხვედრა დახურული იქნება. თუმცა, მაინც მოვალთ. გაგვაცნობთ თუ არა შეხვედრის დეტალებს?

_ მობრძანდით, დასამალი ჩვენ არაფერი გვაქვს. აუცილებლად გეტყვით, _ გვითხრა კიღურაძემ.

"გურია ნიუსი" მოძრაობა "დავიცვათ გურიის მდინარეების" წევრს, ოზურგეთის მუნიციპალიტეტის საკრებულოს წევრს ლევან მგელაძეს ესაუბრა:

"პირველ რიგში, გეტყვით, რომ ჩვენ, მოძრაობის წევრები და მოსახლეობა წინააღმდეგი არ ვართ ქვიშა-ხრეშის მოპოვების. თუმცა, ეს უნდა ხდებოდეს კანონის ფარგლებში და, ერთხელ და სამუდამოდ, კანონმდებლობაში კარგად უნდა გაიწეროს. სინამდვილეში ყველაფერი კანონსაწინააღმდეგოდ ხდება. რად უნდა განმარტება? მიხვალ ადგილზე და ნახავ _ აოხრებულია მდინარეთა კალაპოტები. ჩვენ ვდგავართ მოსახლეობის გვერდით. მათ არაფერი ეშლებათ. გურიის მდინარეებს ეკოკატასტროფა ემუქრება.

ადრე გარემოს დაცვის სამინისტროში არსებობდა ცალკე სამსახური, რომელიც ამ საქმეს ასე თუ ისე კონტროლს უწევდა, საქმე კეთდებოდა. ორი სამინისტროს გაერთიანების შემდეგ ყველაფერი აირია, კონტროლი მოიშალა და ეს სამსახურიც აღარ არსებობს. ჩვენ შევისწავლით ამ ყველაფერს და გარემოს დაცვის სამინისტროს ვთხოვთ, რომ დაგვრთონ ნება, კონტროლი გავუწიოთ კარიერებზე მიმდინარე მოვლენებს.

აოხრებულია გარემო, ჭებში წყალი დაშრა, ხალხს მიწის ნაკვეთები წაართვა კალაპოტდარღვეულმა მდინარეებმა, ნადგურდება საგზაო ინფრასტრუქტურა, რომელი ერთი ჩამოვთვალო?" _ გვითხრა ლევან მგელაძემ.




 ახალი ამბები
  • დაირღვა თუ არა 7 წლის ბავშვის უფლებები _ დიდი გამოხმაურება სოციალურ ქსელშიდღეს დიდი აჟიოტატი მოყვა სოციალურ ქსელში გავრცელებულ ვიდეოს და ფოტოს, სადაც შვიდი წლის გოგონა არის გადაღებული. “გული მაქვს გახეთქვაზე. 7 წლის გოგოს აცვია პენუარი, უჩანს საცვალი და ცეკვავს დაახლოებით, ისე, როგორც სტრიპტიზ ბარში ცეკვავენ; ანუ არის ჰიპერსექსუალიზირებული, დასწავლილი მოძრაობებით, რომელიც ერთმნიშვნელოვნად მიმართულია სექსუალური ლტოლვის აღძვრაზე. ამ ვიდეოებს აქვს ათასობით ნახვა, ზოგი ბოროტად იყენებს და ზოგი რატომღაც ვერ ხვდება, რომ ბავშვი არ შეიძლება წარმოვაჩინოთ სექსუალურ ობიექტად.“ - წერს სოციალურ ქსელში ქალთა უფლებადამცველი ბაია პატარაია. ის ასევე აღნიშნავს: განათლების სამინისტროს საღათას ძილით სძინავს საპატრიარქოს და ვასაძისებრთა შიშით, სქესობრივი უმეცრება და პედოფილია კი ყვავის ქვეყანაში. ბოლო 6 თვეში 28 პირს შეეფარდა პატიმრობა არასრულწლოვანის მიმართ გარყვნილ ქმედებაზე. შსს-ს უკვე მივმართე და გარკვეული ნაბიჯები უკვე დაგეგმილი აქვთ. შეიბრალეთ თქვენი ქალიშვილები, ნუ წაართმევთ ბავშვობას, ქალობას ისედაც მოესწრება, ნუ აქცევთ პატარა გოგონებს პედოფილების სამიზნედ. ბავშვის სექს-ობიექტად გადაქცევა არის საზიანო და ძალიან საშიში პრაქტიკა. სოციალურ ქსელში ამ თემას დიდი გამოხმაურება მოჰყვა. როგორც გაირკვა, გოგონა ოზურგეთიდან არის. მისი ახლობელი კი ფეისბუქზე შემდეგი სახის კომენტარს წერს. მ.ც.-ძე: არ შემიძლია ამ თემას არ გამოვეხმაურო. დავიწყებ იქიდან, რომ ეს ბავშვი, არის ულამაზესი და უნიჭიერესი. 6 წლის ასაკში ცდილობს მიაღწიოს წარმატების მწვერავლებს და ჩვენ რას ვაკეთებთ? _ ბავშვს ყოველგვარ იმედს და ხალისს ვუკლავთ, ჩვენი ბოღმით, მერე რა რომ გამოპრანჭულია, თქვენი შვილები მსგავს კონკურსში რომ გამოდიოდნენ, არ გამოპრანჭავდით ? თქვენ არ იპრანჭებოდით ბავშვობაში? ყველაფერს თავი რომ დავანებოთ, არის ბავშვი. როგორ შეიძლება მსგავსი სიტყვები ჩემმამდე მართლა არაღწევს. მიუხედავად იმისა, რომ არვიცნობ ამ ულამაზეს პატარას, მინდა ვუსურვო უამრავი წარმატება ცხოვრებაში და ვურჩიო, რომ არავის ლაპარაკს ყურადღება არ მიაქციოს და ისწრაფოს თავისი მიზნებისა და ოცნებების ასრულებისთვის. #არაბულინგს. (ამის შემდეგ გოგონას მშობლებს მიმართავს) საუკეთესო მშობლები ხართ თქვენს შვილს ასე რომ უვლით და ხელს უწყობთ წარმატების მიღწევაში. "ეს ჩემი შვილია, 7 წლის. არავის არაფერს ვუმტკიცებ, მაგრამ უმაკიაჟოადაც ბრილიანტი მყავს. აი, თქვენ კი თქვენს ნაკლს ვერ ხედავთ და სხვას აკრიტიკებთ. ჩემი შვილის ჩაცმა-გამოპრანჭვას თქვენ ნამდვილად არ შეგეკითხებით. თქვენ მაგაზე არ იდარდოთ, თქვენს თავს მიხედეთ. ის კი ნამდვილად ვიცი, თქვენნაირ სულით მახინჯ ადამიანად ნამდვილად არ აღვზრდი. მადლობა ყურადღებისათვის," - ეს კი 7 წლის გოგონას დედის კომენტარია, რომელიც ასევე ფეისბუქით ვრცელდება. სოციალურ ქსელში ფსიქოლოგმა, მაია ცირამუამ და ბავშვთა უფლებადამცველმა, ანი აბაშიძემ შემდეგი სახის პოსტები გაავრცელეს, რომელსაც “გურია ნიუსი“ უცვლელად გთავაზობთ. მაია ცირამუა: ბავშვი არ არის ინსტრუმენტი, თოჯინა, სათამაშო .... ბავშვი არ შეიძლება გამოპრანჭოს მშობელმა, გაუკეთოს მაკიაჟი, რაც ყველაზე შემზარავია "გაასექსუალუროს" და მერე ფბ-ზე გამოჭიმოს მისი ვიდეო, რომელსაც 150 000 ზე მეტი ნახვა აქვს - ანუ კარგი მასალაა ცუდად დაინტერესებული ადამიანებისთვის. ბავშვის ასეთ საფრთხეში ჩაგდება არ შეიძლება, სულ რომ გალიაში გამოკეტოთ და დაცული გყავდეთ - აზიანებთ, სერიზოულად აზიანებთ მის ფსიქიკას და ამას გარდა ნორმად აქცევთ ბავშვის სექსუალიზაციას. ასეთ მშობელს სოციალურმა სამსახურმა უნდა გააგებინოს საკუთარი ფუნქცია, სულ რომ მდიდარი და გავლენიანი იყოს, სოციალურ სამსახურს აქვს უფლებამოსილება ეს გააკეთოს, რადგან ბავშვის ინტერესი არის უპირატესი. P.S. არ მკითხოთ რა მოხდა, მაშინ მომიწევს ლინკების მოცემა და გავრცელება იმისი, რაც პირიქით უნდა შეიზღუდოს ამ სივრცეში. რაც მოხდა მიწერია ისედაც. ანა აბაშიძე: პატარა გოგონასთან დაკავშირებულ ვიდეო და ფოტო მასალებთან დაკავშირებით, ჩემი შეფასებით:1. მოხდა ბავშვისთვის სექსუალიზება; 2. ბავშვი ჩააყენეს მისთვის სრულიად შეუსაბამო და შეუფერებელ როლში და ამით მას მიაწოდეს მისთვის არასასურველი და ასაკის გათვალისიწინებით დაუშვებული სექსუალური შინაარსის ინფორმაცია; 3. ბავშვის საშუალებით მოხდა ბავშვთა ქორწინების რომანტიზება/ნორმალიზების ხელშემწყობი ქცევა; 4. შესაძლოა ბავშვი გახდეს ონლაინ და ოფლაინ პედოფილების სამიზნე; 5. შესაძლოა ბავშვი გახდეს ბულინგის სამიზნე 6. მსგავსი ქცევა არ ეხმარება ბავშვის ფსიქო-ემოციურ, კოგნიტურ და ფიზიკურ განვითარებას, უფრო აზიანებს მას. ახლა რა უნდა მოხდეს, მნიშნელობა არ აქვს განზრახ თუ გაუფრთხილებლობით მოხდა ეს, შსს-მ, სოც სამსახურმა, მანდატურის სამსახურმა და სხვა დაკავშირებულმა უწყებებმა უნდა შეიმუშაონ ერთობლივი განცხადება აუხსნან და გააფრთხილონ მშობლები ამ რისკებზე და მოუწოდონ მასალის აღება დაუყოვნებლივ. ეს არის აუცილებელი პრევენციული ქცევა. თუ განმეორდება მსგავსი რამ უკვე უწყებების უშუალო ჩარევის საფუძველი გახდება. გვახსოვდეს, ბავშვს ვაზიანებთ გააზრებულად თუ გაუაზრებლად, შედეგეს არ ცვლის ამიტომ ყველა თანაბრად ყურადღებით უნდა იყოს.“ "პალიტრავიდეოსთან" შსს პრესსამსახურში გავრცელებულ კადრებზე შემდეგი სახის კომენტარი გაკეთდა. „გავრცელებული ინფორმაცია არ შეიცავს დანაშაულის ნიშნებს, თუმცა ცნობიერების ამაღლება მსგავსი ვიდეოების საფრთხეებთან და ბავშვის განვითარების რისკებთან დაკავშირებით საჭიროებს განზოგადებას და ხანგრძლივვადიან მულტიდისციპლინურ მუშაობას, რომელშიც ჩართული უნდა იყოს როგორც სახელმწიფო უწყებები, ისე სამოქალაქო სექტორის წარმომადგენლები.ამ მიზნით, ადამიანის უფლებათა დაცვისა და გამოძიების ხარისხის მონიტორინგის დეპარტამენტი გეგმავს ქეის-კონფერენციას შესაბამისი უწყებების ჩართულობითა და ... ...
  • ბოლნისში ქმარმა ცოლი მოკლაბოლნისში ქმარმა ცოლი მოკლა. შემთხვევა სოფელ ტალავერში მოხდა. გავრცელებული ინფორმაციით, კაცმა ქალი ქამრით გაგუდა. წყვილს 3 არასრულწოვანი შვილი ჰყავს. როგორც შსს-ში აცხადებენ, დანაშაულში ეჭვმიტანილი უკვე დაკავებულია. უწყების ინფორმაცით, სისხლის სამართლის საქმე 109-ე მუხლის მეორე ნაწილის ბ- ქვეპუნქტითაა ... ...
  • თეთრიწყაროში დასაქმებისა და პროფესიული განათლების ფორუმი გაიმართება18 ოქტომბერს, თეთრიწყაროში დასაქმებისა და პროფესიული განათლების ფორუმი გაიმართება.    ფორუმი, რომელიც სამუსიკო სკოლის დარბაზში, 11 საათსა და 30 წუთზე დაიწყება,  მიზნად ისახავს ადგილობრივი სამუშაოს მაძიებლების პროფესიულ საგანმანათლებლო დაწესებულებებსა და კერძო კომპანიებთან დაკავშირებას. ღონისძიებაში მონაწილეობას სოფლის განვითარების პროექტების წარმომადგენლები მიიღებენ.  ფორუმის ფარგლებში, სამუშაოს მაძიებლები დამსაქმებლების მიერ შეთავაზებულ ვაკანსიებს ადგილზე გაეცნობიან და პროფესიული მომზადების კურსების შესახებ დეტალურ ინფორმაციას მიიღებენ. თავის მხრივ, დამსაქმებლებს  საშუალება ექნებათ არსებულ ვაკანსიებზე მოიძიონ შესაბამისი კადრები. გარდა ამისა, სხვადასხვა სფეროში მომუშავე წარმატებული ადამიანები, ფორუმის მონაწილეებს თავიანთ ისტორიებს გაუზიარებენ, თუ როგორ შეიძლება  გახდე კონკურენტუნარიანი შრომის ბაზარზე. RDFG კი,  ღონისძიების მიმდინარეობისას, ფორუმის მონაწილეთათვის პროფესიული მომზადება-გადამზადების კურსების 30 უფასო ვაუჩერებს გაათამაშებს. გამარჯვებულებს  შესაძლებლობა ექნებათ, მათი ინტერესების შესაბამისი, პროფესიული მომზადება-გადამზადების მოკლევადიანი კურსი თავად შეარჩიონ. სოციალური მომსახურების სააგენტომ ფორუმის გამართვის შესახებ მოკლე ტექსტური შეტყობინება worknet-ზე დარეგისტრირებულ რეგიონში მცხოვრებ, 26 000-მდე, სამუშაოს მაძიებელს წინასწარ გაუგზავნა. ღონისძიებაზე მონაწილეობისთვის სამუშაოს მაძიებელმა რეგისტრაცია უნდა გაიაროს (სარეგისტრაციო ლინკი - http://apps.ssa.gov.ge:4000/ ). ღონისძიების მსვლელობისას სამუშაო მაძიებლებს ინდივიდუალურ კონსულტაციებს  გაუწევენ და საჭიროების შემთხვევაში, worknet.gov.ge-ზეც დაარეგისტრირებენ.  ასევე, ფორუმზე სააგენტოს წარმომადგენლები როგორც სამუშაოს მაძიებლებს, ასევე დამსაქმებლებს ქვეყანაში დასაქმების ხელშემწყობი პროგრამებისა და სერვისების შესახებ დეტალურ ინფორმაციას ... ...
  • ჩოხატაურში სამუსიკო სკოლა გაიხსნა (R)ჩოხატაურში სამუსიკო სკოლა გაიხსნა. რეაბილიტირებული სკოლა დღეს გურიის მხარის რწმუნებულმა ზურაბ ნასარაიამ, ჩოხატაურის მერმა ირაკლი კუჭავამ და საკრებულოს თავმჯდომარე ზაალ მამალაძემ, მხარისა და ადგილობრივი ხელისუფლების წარმომადგენლებთან ერთად გახსნეს. მოსწავლეებმა სკოლის გახსნა საზეიმოდ აღნიშნეს. შესრულდა სხვადასხვა მუსიკალური ნომერი. ა(ა)იპ სამუსიკო სკოლას სრული რეაბილიტაცია ჩაუტარდა. გაფართოვდა საკონცერტო დარბაზი და მოეწყო შენობის თბოიზოლაცია. პროექტი, რომლის ღირებულებამ 277 988 ლარი შეადგინა, რეგიონებში განსახორციელებელი პროექტების ფონდიდან დაფინანსდა. ... ...
  • ინგა გრიგოლია TV პირველის დირექტორი გახდატელეკომპანია პირველის მფლობელის, ვატო წერეთელის განცხადებით, დღეიდან ტელევიზიას ჟურნალისტი ინგა გრიგოლია უხელმძღვანელებს. მანამდე ამ თანამდებობას პაატა კაკაურიძე იკავებდა. დღეიდან ტელეკომპანია ,,პირველს,, ინგა გრიგოლია უხელმძღვანელებს. გადავდივართ განვითარების ახალ ეტაპზე , რომელსაც სათავეში ახალი დირექტორი ჩაუდგება, დიდი გეგმებით და მთელი გუნდის ერთიანი ძალისხმევით .ინგა ,,პირველზე,, იმ დროს მოვიდა, როცა აქ პირველი აგური იდებოდა და ჩვენი ტელევიზიის ყველა თანამშრომელთან ერთად,, მთელი ენერგია ჩადო ჩვენი ტელევიზიის განვითარებაში. უკვე დღეიდან ,,რეაქციასთან " ერთად ის მთელი არხის ახალ ეტაპზე გადასვლის პროცესს ჩაუდგება სათავეში. მჯერა, ეს ახალი ეტაპი კიდევ უფრო წარმატებული გამოგვივა. ინგა გრიგოლია, წარმატებებს გისურვებ! _ წერს ვატო წერეთელი ფეისბუქის საკუთარ ... ...

არქივი

ზაფრანი

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...

ერთ დროს უსახლკარო ვარსკვლავები

თინეიჯერულ ასაკში ჯიმ ქერი ოჯახთან...

კოკა-კოლას სასარგებლო თვისება

დღესდღეობით თითქმის ყველამ იცის კოკა-კოლას...

რატომ უნდა დადოთ საწოლთან გაჭრილი ლიმონი

ლიმონი ვიტამინი C-ს წყაროა. გარდა...

სიზმრის ახსნა

კბილის გატეხვა ან ამოღება -...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...