“მე შუაში ვარ მუშებთან, ჩემთან _ “ვიგორაა“, მასთან კი გამგეობა“_ ვინ არის პასუხისმგებელი მუშებთან

საზოგადოება

“მე შუაში ვარ მუშებთან, ჩემთან _ “ვიგორაა“, მასთან კი გამგეობა“_ ვინ არის პასუხისმგებელი მუშებთან

2017 მაი 20 14:22:03

ოზურგეთის მუნიციპალიტეტის სოფელ ოზურგეთში ახალი საბავშვო ბაღი  სამი თვეა, რაც გაიხსნა, ბაღის მშენებლობაზე დასაქმებულ  პირებს  კი კუთვნილი ანაზღაურება ჯერ კიდევ არ აუღიათ. როგორც “გურია ნიუსს“ მუშებმა უთხრეს, მათ მიმართ კომპანიას გასასტუმრებელი აქვს, დაახლოებით, 10 000 ლარი.

მუშებმა პროტესტი რამდენიმეჯერ გამოხატეს, ბოლო რამდენიმე დღეა კი მიმართავენ კომპანიის მიერ დაქირავებულ ქვეკონტრაქტორი ფირმის ხელმძღვანელს ამირან მამალაძეს, იყვნენ მუნიციპალიტეტის გამგეობაში, შეიკრიბნენ ბაღის ეზოში და გამართეს აქციაც. თუმცა, როგორც “გურია ნიუსს“ უთხრეს, ჯერჯერობით, გარკვეული არაფერი არაა და არ იციან, როდის გაისტუმრებს პასუხისმგებელი პირები მუშახელის სახელფასო დავალიანებას.

“სამი თვე,  რომ იმუშავებ ფიზიკურად, წვიმაში, თოვლში, დაღამებამდე რომ საჭმელსაც ვერ შეჭამ და  მაღაზიიდან  ნისიად გამოგაქვს პროდუქტი, იმ იმედით, რომ ჩვენს კუთვნილ ანაზღაურებას ავიღებთ ყოველი თვის ბოლოს, ესაა ცხოვრება და ესაა სამართალი? მუშას ფულს რომ არ გადაუხდი? ყოველი ჩვენგანის უკან ოჯახები დგანან, შვილები გვყავს, რომლებიც ყოველი დღე მოუთმენლად ელიან თანხას“, _ ამბობენ “გურია ნიუსთან“ საუბრისას სოფელ ოზურგეთის ბაღის მშენებლობაზე დასაქმებული მუშები.

იაგო ბოკუჩავა, მუშა: “პროტესტს გამოვხატავთ, რა თქმა უნდა. ხალხს ნამუშევარი არ აქვს აღებული, არ დაგვირიგეს. დაახლოებით, ალბათ, 10 ადამიანი ვართ, ვინც კუთვნილ ანაზღაურებას ველოდებით. მე, პირადად, 1 200 ლარი მაქვს ასაღები, გამგეობაში ვიყავით, აზრი ვერ გამოვიტანეთ, ერთმანეთს აბრალებენ. გამგებელთან იყო შესული უფროსი. საქმის მწარმოებელი ამირან მამალაძე მოვიდა ჩვენთანაც, გაგვესაუბრა, გვითხრა, ეს თანხა გაყინულიაო, ერთმანეთში აქვთ რაღაც გასარკვევი, სამი თვეა ბაღი გახსნილია და ჩვენ საერთოდ ერთი თეთრი არ აგვიღია“.

კახა მიქელაძე, მუშა: “ხელფასი გვაქვს ასაღები და არ გვაძლევენ, როგორც ჩვენ გავიგეთ, გამგეობას აქვს ფირმის დავალინება და არ მისცა, ფირმას აქვს გადასახდელი ასევე გამგეობისთვის თანხა, არის მაგათ შორის დავა და ამ დროს  მუშების ბედი არავის აინტერსებს“.

სოფელ ოზურგეთის ბაღის მშენებლობის საქმის მწარმოებელი  ამირან მამალაძე “გურია ნიუსთან“ საუბრისას ამბობს, რომ მსგავს საქმეებს ყოველთვის მოსდევს პატარა გაურკვევლობა. მისი თქმით, მალე გამოსწორდება აღნიშნული საკითხი და მუშებიც ადრეულ პერიოდში მიიღებენ კუთვნილ ანაზღაურებას“.

“ვინ გამართა აქცია, არაფერი ვიცი. ან გამგეობა არაფერ შუაში არ არის, არც მე ვარ შუაში, გამგეობაშიც იყვნენ. ფული არის გადმოსარიცხი, მაგრამ ჩვენ უნდა მოგვცეს ბათუმის ფირმამ თანხა, ერთმანეთში აქვთ ანგარიში გასასწორებელი, მე ვიყავი ქვეკონტრაქტორი ბათუმის ფირმის, მუშებთან შუაში მე ვარ, ჩემთან კი „ვიგორაა“, რომელმაც უნდა გადაიხადოს დავალიანება,  მგონი ჯერ არ მიუმართავს სასამართლოსთვის, იმუქრება მივმართავო და არ ვიცი. ჩვენ არაფერ შუაში ვართ. ისინი და გამგეობა უნდა გასწორდნენ ერთმანეთში. დაიფარება მაგათი დავალიანება, ზოგჯერ ხდება ასეც, იწელება დროში ასეთი რაღაცეები, დაახლოებით, 7000 ლარია გასაცემი,  როგორც მე ვიცი“.

“გურია ნიუსი“ დაუკავშირდა ოზურგეთის მუნიციპალიტეტის გამგებლის მოადგილეს ბადრი გობრონიძეს, რომელიც აღნიშნულ საკითხთან დაკავშირებით განმარტავს, რომ მუნიციპალიტეტის გამგეობას ნამდვილად აქვს დავალიანება გასასტუმრებელი კომპანია “ვიგორას“ მიმართ, თუმცა,  სანამ კომპანია “ვიგორა“ თავის პირგასამტეხლოს არ გადაიხდის, რომელიც ვალდებულებად აწევს მუნიციპალიტეტის მიმართ, მანამ თანხის გადარიცხვა გამგეობის მიერ ვერ მოხდება:

 “საქმის კურსში ვარ მუშების ანაზღაურებასთან დაკავშირებით, ჩვენ რამდენჯერმე ოფიციალურად,  წერილით მივმართეთ კომპანიას, საიდან პასუხი არის მხოლოდ ერთი _ “ვიჩივლებ სასამართლოში“ . ეს ძალიან დიდი ისტორიაა. მაგ ფირმას აქვს ჩვენი დავალინება, რომელიც უნდა დაგვიფაროს. მხოლოდ ამის შემდეგ  უნდა გადავრიცხოთ თანხა,  სხვანაირად ვერ  მოხდება, მაგ ფირმამ უნდა უზრუნველყოს ეს, მუშებისთვის ანაზღაურების გაცემა, სხვანაირად ვერ გამოვა, ჩვენ მეტის უფლება არ გვაქვს. მივწერეთ, მაგრამ კონტაქტზე აღარ გამოდის და რაც უფრო მალე შეიტანს სარჩელს სასამართლოში, მით უფრო კარგია ჩვენთვის“, _ ამბობს ბადრი გობრონიძე. ჩვენს კითხავზე, არსებობს თუ არა გარკვეული ვადები ამასთან დაკავშირებით, გამგებლის მოადგილე კონკრეტულად ვერ გვპასუხობს:

ოზურგეთის მუნიციპალიტეტის გამგეობასა და შპს“ვიგორას“ შორის დავა უკვე რამდენიმე თვეა, დაწყებულია, მოკლე ისტორია კი ოფიციალური დოკუმენტების მიხედვით ასეთია:

შპს “ვიგორამ“ ოზურგეთის მუნიციპალიტეტში, სოფელ ოზურგეთისა და სოფელ ცხემლისხიდის ადმინისტრაციულ ერთეულებში საბავშვო ბაღი ააშენა. ოფიციალური ინფორმაციით, ორივე სოფელში ბაღის მშენებლობა აღნიშნულმა კომპანიამ ხელშეკრულებით განსაზღვრული ვადების დარღვევით შეასრულა და მას მუნიციპალიტეტის მიერ ჯარიმის გადახდა 61 213  ლარი და 50 თეთრით დაეკისრა.

მუნიციპალიტეტს კი შპს “ვიგორას“ მიმართ, საბოლოო ანგარიში  75 708, 42 ლარი აქვს გასასწორებელი, თუმცა,  როგორც ოფიციალურ დოკუმენტშია აღნიშნული, თუ შპს ჯარიმას 20 დღეში არ გადაიხდიდა, მუნიციპალიტეტი მას საბოლოო ანგარიშს არ გაუსწორებდა.

ოფიციალური დოკუმენტების საფუძველზე, “ოზურგეთის მუნიციპალიტეტის გამგებლის მერაბ ჭანუყვაძის  და შპს “ვიგორას“ დირექტორის რამინ შავაძის, წარმოდგენილ  მინდობილ პირს ამირან მამალაძეს შორის, ელექტრონული ტენდერის შესაბამისად,   2016 წლის 7 აპრილს გაფორმდა  ხელშეკრულება. ხელშეკრულების თანახმად, აღნიშნულ კომპანიას ოზურგეთის მუნიციპალიტეტის სოფელ ოზურგეთში საბავშვო ბაღი უნდა აეშენებინა. ხელშეკრულების საერთო ღირებულება შეადგენდა 392334, 00  ლარს. ხელშეკრულების მიხედვით, შესყიდვის ბოლო ვადა იყო 2016 წლის 1 ნოემბრამდე".

2017 წლის 23 თებერვალს ინფრასტრუქტურის სამსახურის უფროსი გოჩა აბაშმაძე მოხსენებითი ბარათით მიმართავს გამგებლის მოადგილეს ბადრი გობრონიძეს:

“07 04 2016 წლის სახელმწიფო შესყიდვების #73 ხელშეკრულების შესაბამისად, შპს “ვიგორას“ მიერ წარმოდგენილია სოფელ ოზურგეთში საბავშვო ბაღის მშენებლობის სამუშაოს შესრულების საბოლოო აქტი (სამუშაოს ჩაბარების ვადების დარღვევით), ინსპექტირების დასკვნის თანახმად შესრულებული სამუშაოს მთლიანი ღირებულება განისაზღვრა 385041,14 ლარით. ასანაზღაურებელი თანხა შეადგენს 75 708, 42 ლარს.“.

“გურია ნიუსთან“ შპს “ვიგორას“ ხელმძღვანელი რამინ შავაძე ამბობდა, რომ აუცილებლად მიმართავდა სასამართლოს:

“აბა, დაინტერესდით, რატომ არ მირიცხავს გამგეობა დარჩენილ 80 ათას ლარს. მოსაცემი აქვთ, წარმოგიდგენიათ? ბაღი გაიხსნა, ბავშვები შევიდნენ, ფუნქციონირებს და დარჩენილ ფულს არ მიხდიან. იცით, რას მეუბნებიან? ჯერ ჯარიმა გადაიხადეო. აი, ამიტომ მივალ სასამართლოში. თუ ჯარიმას არ გადაიხდით, იმ ძველ თანხას არ მოგცემთო. აუცილებლად შევხვდებით ოზურგეთის სასამართლოში!“_ ამბობდა რამინ შავაძე.

რაც შეეხება მუშების ანაზღაურებასთან დაკავშირებულ საკითხს, “გურია ნიუსი“ შეეცადა ახალი კომენტარი მოეპოვებინა რამინ შავაძისგან, თუმცა, ჩვენი არაერთი გზის მცდელობისა, კომპანიის ხელმძღვანელმა ჩვენს სატელეფონო ზარებს არ უპასუხა.

 




 ახალი ამბები
  • დავით ნარმანიას თავმჯდომარეობით სემეკში პირველი საჯარო სხდომა გაიმართასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) დავით ნარმანიას თავმჯდომარეობით პირველი საჯარო სხდომა გაიმართა. კომისიის წევრებმა სხდომაზე იმსჯელეს დღის წესრიგით გათვალისწინებულ 39 საკითხზე. მათი უმეტესობა შეეხებოდა მოქალაქეებსა და ელექტროენერგეტიკის, ბუნებრივი გაზისა და წყალმომარაგების სექტორებში მოქმედ კომუნალურ კომპანიებს შორის არსებულ დავებს, მოქალაქეებზე უსაფუძვლოდ  განხორციელებულ დარიცხვებთან დაკავშირებით. მიმდინარე კვირაში სემეკში კიდევ 3 საჯარო სხდომა გაიმართება, სადაც კომისია 100 მდე საკითხს განიხილავს. სემეკი შეახსენებს მოქალაქეებს, რომ იმ შემთხვევაში თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე 16 216, ასევე  სემეკის Facebook გვერდზეც. ... ...
  • დავით ნარმანია სემეკის თავმჯდომარე გახდა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) 22 ოქტომბრის სხდომაზე კომისიის თავმჯდომარის არჩევნების კენჭისყრის შედეგები დამტკიცდა, რომლის საფუძველზეც სემეკის თავმჯდომარე დავით ნარმანია გახდა. იგი ამ პოსტს 3 წლის ვადით დაიკავებს. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, 21 ოქტომბერს გამართულ არჩევნებზე კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ხმის დამთვლელი კომისიის კენჭისყრის ოქმის მიხედვით, დავით ნარმანია კომისიის წევრთა შემადგენლობის უმრავლესობით, 4 ხმით აირჩა.  დავით ნარმანია პროფესიით ეკონომისტია. მას მინიჭებული აქვს ეკონომიკის აკადემიური დოქტორის ხარისხი. სხვადასხვა პერიოდში ხელმძღვანელობდა და მონაწილეობას იღებდა ენერგეტიკის სექტორის განვითარების მიმართულებით საერთაშორისო და ადგილობრივ პროექტებში. დავით ნარმანია არის 42 სამეცნიერო და კვლევითი ნაშრომის ავტორი, 48  ნაშრომის თანაავტორი. იგი დღემდე აგრძელებს სამეცნიერო საქმიანობას. 2012 წლიდან დღემდე არის ივ. ჯავახიშვილის სახელობის თბილისის სახელმწიფო უნივერსიტეტის პროფესორი, მენეჯმენტისა და ადმინისტრირების კათედრის გამგე, კითხულობს ლექციებს ბიზნეს-რისკების მართვისა და ბიზნეს-გარემოს რეგულირების მიმართულებით.(R) დავით ნარმანია 2014-2017 წლებში იყო ქ. თბილისის მერი, 2012-2014 წლებში  - საქართველოს რეგიონული განვითარებისა და ინფრასტრუქტურის მინისტრი. ფლობს ინგლისურ, გერმანულ და რუსულ ენებს. ჰყავს მეუღლე და სამი ... ...
  • გურიის მხარის პირველმა პირებმა ოზურგეთში მიმდინარე ინფრასტრუქტურული სამუშაოები დაათვალიერეს (R)გურიის მხარის სახელმწიფო რწმუნებულის პირველმა მოადგილემ, აკაკი შენგელიამ, ოზურგეთის მერის მოადგილე ოსიკო თოთიბაძესთან ერთად, მუნიციპალიტეტში მიმდინარე ინფრასტრუქტურული სამუშაოები დაათვალიერა. ►ოზურგეთი-ნინოშვილი-ლესის გზიდან, სოფელ ჯუმათის ცენტრის გავლით გზის სარეაბილიტაციო სამუშაოები მიმდინარეობს. პროექტის ღირებულება 1, 469,164 ლარს შეადგენს. სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან თანადაფინანსებით ხორციელდება.► სოფელ გაღმა დვაბზუდან - სოფელ ბახვის ცენტრალურ გზამდე, 2260 გრძივი მეტრი საავტომობილო გზის ასფალტო - ბეტონის საფარით მოწყობის სამუშაოები აქტიურად მიმდინარეობს. სამუშაოები რეგიონებში განსახორციელებელი პროექტების ფონდიდან 738 992 ლარით დაფინანსდა. ► მუნიციპალიტეტის სოფლებში ამბულატორიების მშენებლობა - რეაბილიტაცია გრძელდება. ახალი სამედიცინო პუნქტები შენდება ჭანიეთში, ნასაკირალში, გურიანთასა და კონჭკათში. ხოლო რეაბილიტაცია ნატანების, ნარუჯის, ბაილეთის, შემოქმედის, ურეკისა და ბოხვაურის ამბულატორიებს უტარდება. პროექტის ჯამური ღირებულება 794 118 ლარს შეადგენს და ფინანსდება ჯანმრთელობისთვის უსაფრთხო გარემოს უზრუნველყოფის ხელშეწყობის მიზნით, საქართველოს რეგიონებში განსახორციელებელი პროექტების ფონდიდან.► ქალაქ ოზურგეთში, წერეთლის ქუჩაზე, საგანგებო სიტუაციების კოორდინაციისა და გადაუდებელი დახმარების ცენტრის მშენებლობის სამუშაოები აქტიურ ფაზაშია. პროექტი, რომლის ღირებულებაც 368 485 ლარს შეადგენს, ჯანმრთელობისთვის უსაფრთხო გარემოს უზრუნველყოფის ხელშეწყობის მიზნით საქართველოს რეგიონებში განსახორციელებელი პროექტების ფონდიდან ფინანსდება. ... ...
  • სარფში, სპეციალურ სამალავებში 1 113 გრამი ოქროს ნაკეთობები აღმოაჩინესსაქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტის წარმომადგენლებთან კოორდინირებული ღონისძიებების შედეგად, საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტი გამოავლინეს. „საგამოძიებო სამსახურის თანამშრომლებმა, საბაჟო-გამშვები პუნქტი „სარფის“ გავლით შემოსულ ავტოსატრანსპორტო საშუალებაში მოწყობილ სპეციალურ სამალავებში, აღმოაჩინეს და ამოიღეს 1 113 გრამი ოქროს ნაკეთობები. წინასწარი მონაცემებით, ამოღებული ძვირფასეულობის საბაჟო ღირებულება 70 000 ლარს აღემატება. ტარდება შესაბამისი ექსპერტიზა“, – აცხადებენ საგამოძიებო სამსახურში. საქმეზე გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას ვადით 5-დან 7 წლამდე ... ...
  • პოლიციამ ქვემო ქართლში განსაკუთრებით დიდი ოდენობით ნარკოტიკი ამოიღოშინაგან საქმეთა სამინისტროს ქვემო ქართლის პოლიციის დეპარტამენტის მარნეულისა და ბოლნისის რაიონული სამმართველოების თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, 1961 წელს დაბადებული, პირობითი მსჯავრის ქვეშ მყოფი ე.ი., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, მარნეულში დააკავეს. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ბრალდებული მარნეულის მუნიციპალიტეტის სოფელ იმირში, ავტომანქანით გადაადგილებისას შეაჩერეს. პოლიციამ დაკავებულის პირადი ჩხრეკისას 119 აბი „სუბოქსინი“ ნივთმტკიცებად ამოიღო. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...