მედია სარეკლამო ბაზარი ცვლილებები და გამოწვევები 2016 წელს

საზოგადოება

მედია სარეკლამო ბაზარი ცვლილებები და გამოწვევები 2016 წელს

2017 მარ 30 17:31:01

"საერთაშორისო გამჭვირვალობა - საქართველო" მედია სარეკლამო ბაზრის ცვლილებებისა და გამოწვევების შესახებ კვლევას აქვეყნებს, რომელსაც "გურია ნიუსი" უცვლელად გთავაზობთ:

"2016 წელს სარეკლამო ბაზარზე არაერთი მნიშვნელოვანი ცვლილება მოხდა. შეიქმნა სარეკლამო გაყიდვების ერთი სახლი, რომლის მეშვეობითაც ყველა მსხვილი ტელეკომპანიის სარეკლამო დრო იყიდება. ასევე დაარსდა ახალი მედია ჰოლდინგი, რომელშიც ტელეკომპანიები „იმედი”, „მაესტრო” და GDS გაერთიანდნენ. ამასთან, ბაზარზე საქმიანობას აგრძელებს ორი რეიტინგების მთვლელი კომპანია.

სარეკლამო ბაზარზე არსებული მდგომარეობის შეფასების მიზნით „საერთაშორისო გამჭვირვლობა - საქართველომ“ გაანალიზა ტელეკომპანიების მიერ დეკლარირებული სარეკლამო შემოსავლები და ჩაატარა ინტერვიუები მსხვილი ტელეკომპანიების წარმომადგენლებთან. რამდენადაც 2016 წლის ივნისში ჩვენ მიერ გამოქვეყნებული ანგარიში სარეკლამო ბაზრის შესახებ მიმოიხილავდა ძირითადად 2014-2015 წლის ტენდენციებს, ასევე მედიასაშუალებების 2016 წლის პირველი კვარტლის სარეკლამო შემოსავლებს, საქართველოში სარეკლამო ბაზრის სრული სურათის წარმოსაჩენად მნიშვნელოვანია გასული წლის მეორე ნახევარში მომხდარი  ცვლილებების მიმოხილვა.

ტელევიზიების სარეკლამო შემოსავლები 2016 წელს

კომუნიკაციების ეროვნული კომისიის ანალიტიკურ პორტალზე განთავსებული ინფორმაციის თანახმად 2016 წელს ტელეკომპანიების სარეკლამო შემოსავლებმა (შემოსავლები რეკლამიდან და სპონსრობიდან) 83.7 მლნ.ლარი (35.3 მლნ. აშშ დოლარი) შეადგინა, რაც წინა წელს მიღებულ შემოსავალს დაახლოებით 10 მლნ. ლარით (3 მლნ. აშშ დოლარით) აღემატება.

ლარში სარეკლამო შემოსავლები 14.5%-ით გაიზარდა, აშშ დოლარში კი დაახლოებით 10%-ით. თუმცა, მნიშვნელოვანია ამ შემოსავლებში გათვალისწინებული იქნეს, საარჩევნო პერიოდში პოლიტიკური პარტიების მიერ რეკლამაში დახარჯული თანხა, რომლის ჯამურმა ოდენობამაც 9 მილიონი ლარი შეადგინა. ამ თანხის გამოკლებით, ტელევიზიების მიერ მიღებული კომერციული შემოსავლები დაახლოებით წინა წლის შემოსავლების ტოლია.

ბაზრის ორი უმსხვილესი ტელეკომპანიის „რუსთავი 2”-ისა და „იმედის” შემოსავლები წინა წელთან შედარებით მნიშვნელოვნად არ შეცვლილა.

„რუსთავი 2”-ის სარეკლამო შემოსავლებმა 2015 წელს  35.5. მლნ. ლარი (15.7 აშშ დოლარი) შეადგინა. წელს კომპანიის შემოსავალი 2.9 მილიონი ლარითაა გაზრდილი და 38.4 მლნ.-ს შეადგენს. შესაბამისად, მცირედით გაზრდილია შემოსავალი დოლარშიც (16.1 მლნ. აშშ დოლარი). საერთო ჯამში, ტელეკომპანია “რუსთავი 2-ს” ლარში 7.9%-იანი, ხოლო აშშ დოლარში კი 2.6%-იანი მატება ჰქონდა.

ტელეკომპანია „იმედის” შემოსავლები 2016 წელს წინა წელთან შედარებით 24.1 მლნ. ლარიდან 24.8 მლნ. ლარამდე გაიზარდა, რაც აშშ დოლარში დაანგარიშებით 1%-იან შემცირებას ნიშნავს. (10.6-დან 10.4 აშშ დოლარამდე).

“რუსთავი 2”-სა და “იმედის” სარეკლამო გაყიდვების წარმომადგენლებმა „საერთაშორისო გამჭვირვალობა - საქართველოსთან” შეხვედრის დროს განმარტეს, რომ ის მცირედი მატება რომელიც სარეკლამო შემოსავლებში ფიქსირდება ძირითადად პოლიტიკური რეკლამიდან შემოდინებულმა თანხამ და არჩევნემა განაპირობა.

„იმედის” წარმომადგენლის ალექსანდრე სკრებნევის თქმით, შემოსავლის გარკვეული წილი არხებმა პოლიტიკური რეკლამის ხარჯზე მიიღეს, კომერციულმა სარეკლამო შემოსავლებმა კი მსხვილ არხებზე წინა წელთან შედარებით ეროვნულ ვალუტაში დაახლოებით 14%-ით იკლო. აღნიშნულ მოსაზრებას იზიარებს „რუსთავი 2”-ის სარეკლამო გაყიდვების წარმომადგენელიც, რომელიც მიუთითებს, რომ თუ შემოსავლებში პოლიტიკურ რეკლამას არ გავითვალისწინებთ, მაშინ წინა წელთან შედარებით არხზე სარეკლამო შემოსავლების კლებაა.

სარეკლამო შემოსავლების კლების ძირითად მიზეზად ტელეკომპანიების წარმომადგენლები ქვეყანაში არსებულ ეკონომიკურ მდგომარეობას და ლარის გაუფასურებას ასახელებენ. მიუხედავად იმისა, რომ სხვადასხვა არხის წარმომადგენლები მიუთითებენ 2015 წელს განხორციელებული საკანონმდებლო ცვლილებებით (სარეკლამო დროის საათობრივი შეზღუდვა, სპონსორობის უფრო მკაცრი რეგულაცია) გამოწვეულ უხერხულობაზე ბადის დაგეგმვის დროს და უკმაყოფილებას გამოხატავენ სპონსორობის ახალ რეგულაციებთან დაკავშირებით, მათ ჩვენთან არ უსაუბრიათ ამ რეგულაციების მნიშვნელოვან გავლენის შესახებ უშუალოდ შემოსავლების ოდენობაზე.

მიუხედავად იმისა, რომ ორივე მსხვილი კომპანიის წარმომადგენელი სარეკლამო შემოსავლებში პოლიტიკური რეკლამის წილზე ამახვილებდნენ ყურადღებას, სხვა მცირე ტელეკომპანიებთან შედარებით პოლიტიკური რეკლამის წილი მათთან არც ისე მაღალია. რუსთავი 2-ის შემთხვევაში აღნიშნულმა შემოსავალმა 6,6% შეადგინა, იმედის შემთხვევაში კი 13.7%;

„რუსთავი 2”-ისა და „იმედისგან” განსხვავებით სარეკლამო შემოსავლებში მნიშვნელვანი მატება აქვს ტელევიზიებს, რომლებმაც ბოლო რამდენიმე წლის განმავლობაში დაიწყეს მაუწყებლობა. მაგალითად TV პირველს, იბერიას და ობიექტივს.

TV პირველის მფლობელი საჯარო რეესტრის ინფორმაციით ქეთევან ჯაფარიძეა, რომელიც ბიზნესმენის ავთანდილ წერეთლის შვილის, ვახტანგ წერეთლის მეუღლეა. გასულ წელს ტელემოპანიის შემოსავლები საშუალოზე დაბალი იყო, 2016-ში კი ტელეკომპანიის შემოსავალი 10-ჯერაა გაზრდილი.

ტელევიზიის წარმომადგენლის განცხადებით არხზე სარეკლამო შემოსავლების მკვეთრი მატების ერთ-ერთი მიზეზი არხის გადაწყვეტილება - ფოკუსირება გაყიდვების სამსახურის განვითარებაზე მოახდინოს. არხის კლიენტები საშუალო და წვრილი კომპანიებია, მსხვილ საერთაშორისო კომპანიებზე კი არხი წელს აპირებს გასვლას. მნიშვნელოვანი გარემოებაა ისიც, რომ რვა მსხვილი ტელეკომპანიის პოლიტიკური რეკლამის შემოსავლის პროცენტული წილით TV პირველი პირველ ადგილზეა (26.7%).

კვლევის ფარგლებში „საერთაშორისო გამჭვირვალობა - საქართველოს” წარმომადგენლები ტელეკომპანია “ობიექტივის” აღმასრულებელ დირექტორსაც ესაუბრნენ. ობიექტივის დირექტორის განცხადებით ისინი გაყიდვაზე საერთოდ არ მუშაობენ და მათი შემოსავალი პოლიტიკური რეკლამითაა განპირობებული.

პოლიტიკური რეკლამის თვალსაზრისით ობიექტივი ნამდვილად გამორჩეულია, ტელეკომპანიის სარეკლამო შემოსავალმა მთლიანობაში 2016 წელს დაახლოებით 1 მლნ. ლარი შეადგინა, აქედან პოლიტიკური რეკლამის წილი 23,03% იყო. ნიშანდობლივია, რომ ობიექტივზე რეკლამის უმსხვილესი დამკვეთი პოლიტიკური პარტია “პატრიოტთა ალიანსია”. არხი მჭიდროდაა დაკავშირებული ამ პარტიასთან, რაც იმითაც დასტურდება, რომ არხის დამფუძნებელი პატრიოტთა ალიანსის ლიდერი, პარლამენტის ვიცე სპიკერი ირმა ინაშვილია.  

იბერია TV-მ მაუწყებლობა რამდენიმე წლის წინ განაახლა. მისი მფლობელი ბიზნესმენი ზაზა ოქუაშვილი და მისი მეუღლე ნატო ჩხეიძე იყვნენ. 2016 წლის საპარლამენტო არჩევნების შემდეგ ნატო ჩხეიძე პატრიოტთა ალიანსის სიით პარლამენტის წევრი გახდა, ზაზა ოქუაშვილი კი აჭარის უმაღლესი საბჭოს წევრი. საკანონმდებლო ორგანოებში არჩევის შემდეგ მათ ტელევიზიის წილები საკუთარ შვილებს გადაუფორმეს. ოჯახის საკუთრებაშია ომეგა ჯგუფი, რომელიც სიგარეტისა და ავტომობილის დისტრიბუტორ მსხვილ კომპანიებს აერთიანებს. ტელეკომპანიის სარეკლამო შემოსავალი წინა წელთან შედარებით თითქმის 150%-ით გაიზარდა. მიუხედავად იმისა, რომ ტელეკომპანიის ორივე მფლობელი პოლიტიკური ინტერესების მქონე პირია, არხზე პოლიტიკური რეკლამის წილმა მხოლოდ 5% შეადგინა.

* 2016 წლის მონაცემები

საინტერესოა ისიც თუ რა კრიტერიუმებით ანიჭებენ პარტიები უპირატესობას ტელეკომპანიებს წინასაარჩევნო რეკლამის განთავსებისას. რიგ შემთხვევებში ნათელია, რომ აღნიშნული ქცევა არ არის მიბმული არხის რეიტინგზე. მაგალითისთვის, სახელმწიფო აუდიტის სამსახურის ვებგვერდზე გამოქვეყნებული ჯამური დეკლარაციების მიხედვით “ნაციონალურ მოძრაობას” საერთოდ არ განუთავსებია ფასიანი პოლიტიკური რეკლამა ტელეკომპანია „იმედზე,” ხოლო „ქართულ ოცნებას” კი „რუსთავი 2-ზე.”

საზოგადოებრივი მაუწყებელი

საზოგადოებრივმა მაუწყებელმა წლის განმავლობაში რეკლამიდან და სპონსორობიდან 1.7 მლნ ლარის შემოსავალი მიიღო, რაც წინა წლის შემოსავალზე დაახლოებით 1 მლნ ლარით მეტია, თუმცა საგრძნობლად ჩამორჩება კომერციული არხების შემოასვლებს.  

შემოსავლების უმეტესი ნაწილი ივლისი-სექტემბერის პერიოდზე მოდის, როდესაც არხზე მნიშვნელოვანი საერთაშორისო სპორტული ღონისძიებები გადაიცემოდა. „მაუწყებლობის შესახებ” კანონში შესატანი ცვლილებების ერთ-ერთ საკითხად შეიძლება მაუწყებლისთვის სარეკლამო დროის ზრდაც განიხილებოდეს.

ინტერ მედია

2017 წლის იანვრიდან შპს „ინტერ მედია” „რუსთავი 2”-ის, „მარაოს”, „კომედი არხის”, „იმედის”, „მაესტროს” და GDS-ის სარეკლამო დროს სრულად ყიდის, TV პირველისა და „კავკასიის” დროს კი ნაწილობრივ. გაყიდვების სახლი მხოლოდ რეკლამისა და სპონსორობის დროს ყიდის. არხები თავად მართავენ პროდუქტის განთავსებას და ასევე რიგ გადაცემებს, რომლებსაც, მიაჩნიათ, რომ საკუთარი რესურსებით უკეთ გაყიდიან. აღსანიშნავია, რომ ეს არხები სხვადასხვა მთვლელის მომსახურებით სარგებლობენ. „ინტერ მედია” მათ სარეკლამო რესურსს შესაბამისი კომპანიების მიერ დათვლილი რეიტინგების საფუძველზე ყიდის. ორი მთვლელის არსებობა, საქართველოს სარეკლამო ბაზარზე კვლავ ერთ-ერთი მთავარი შემაფერხებელი ფაქტორია.

შპს „ინტერ მედია” 2016 წლის დეკემბერში დარეგისტრირდა. მისი დირექტორია ზურაბ იაშვილი, მფლობელები კი ზურაბ გუმბარიძე (32.5%), ირაკლი ბურძგლა (32.5%), გიორგი ბარკალაია (15%) და მანანა დოიაშვილი (20%) არიან.

ირაკლი ბურძგლა ასევე არა ერთი სარეკლამო სააგენტოს მესაკუთრეა. მათ შორისაა შპს „ედ ვინდფორსი”(16%), რომელიც, თავის მხრივ, მცირე წილს (5%) ფლობს ერთ-ერთ უმსხვილეს სარეკლამო სააგენტო შპს „მედია პორტში.”

ირაკლი ბურძგლა შპს „ჯენერალ მედიას” დირექტორიც იყო. „ჯენერალ მედია” 2012 წლამდე ყველა მსხვილი ტელეკომპანიის სარეკლამო დროს ყიდდა. 2012 წლამდე სარეკლამო ბაზარი კონკურენციის ნაკლებობით გამოირჩეოდა. „ჯენერალ მედიასა” და რიგ სარეკლამო კომპანიებში  ხელისუფლებასთან დაახლოებული პირები ფიგურირებდნენ და, ფაქტობრივად, მსხვილ ტელეკომპანიებში სარეკლამო შემოსავლის დინება ამ კომპანიების მეშვეობით იყო კოორდინირებული.

„ინტერ მედიას” დირექტორის ზურაბ გუმბარიძის განცხადებით (ზურაბ გუმბარიძე შპს „ჯენერალ მედიას” აღმასრულებელი დირექტორიც იყო) „ჯენერალ მედიას” მსგავსად „ინტერ მედიასაც” ბაზრის მნიშვნელოვანი წილი უჭირავს, თუმცა „ჯენერალ მედიასგან” განსხვავებით კომპანიის საფასო პოლიტიკა და ტელეკომპანიებთან გაფორმებული ხელშეკრულებები ბევრად უფრო გამჭვირვალეა. გუმბარიძე ვერ ხედავს ბაზრის მონოპოლიზაციისა და 2012 წლამდე არსებული მდგომრეობის დაბრუნების რისკებს.

გუმბარიძის განცხადებით ტელეკომპანიებთან მოლაპარაკება საკმაოდ რთული პროცესი იყო. მისი აზრით, ტელეკომპანიების სურვილი გაერთიანებულიყვნენ ერთ გაყიდვების სახლში შესაძლოა განაპირობა ბოლო წლებში ბაზარზე არსებულმა მძიმე მდგომარეობამ. „ინტერ მედიას” დირექტორის პროგნოზით, ერთი გაყიდვების სახლის არსებობა ხელს შეუწყობს ბაზარზე არებული ფასების დისბალანსის მოშლას, რაც, მათ შორის იყო იმის შედეგი, რომ ტელეკომპანიები ცდილობდნენ კლიენტები ექსკლუზიურად მხოლოდ მათ არხზე ყოფილიყვნენ, რისთვისაც მნიშვნელოვნად დაბალ ფასს სტავაზობდნენ. გუმბარიძის განცხადებით, გაყიდვების ერთი სახლი ფასების დისბალანსის პრობლემას მოხსნის და ხელს შეუწყობს ბაზრის კლების შეჩერებას. ტელეკომპანიების წარმომადგენლებიც ადასტურებენ, რომ ტელეკომპანიებისთვის ერთიანი გაყიდვების სახლი ხელსაყრელია და შესაძლოა შემოსავლების ზრდას შეუწყოს ხელი.

მიუხედავად იმისა, რომ შპს „ინტერ მედიას” დირექტორი ვერ ხედავს რისკებს ერთიანი გაყიდვების სახლის არსებობაში, ზოგიერთი ტელეკომპანიის წარმომადგენელმა აღნიშნა, რომ „ჯენერალ მედიასა” და „ინტერ მედიას” შორის თვისებრივ სხვაობას ვერ ხედავს. სარეკლამო ბაზარზე წარსულში არსებული მდგომარეობიდან გამომდინარე ნათელია, რომ ერთიანი გაყიდვების სახლი წარმოშობს სარეკლამო ბაზრის სახელისუფლებლო კონტროლის რისკებს, რაც, თავის მხრივ, მედიაზე კონტროლის შესაძლებლობას იძლევა. „იმედის”, „მაესტროსა” და GDS-ის გაერთიანება არის ერთ-ერთი მანიშნებელი იმისა, რომ სატელევიზიო მედია ბაზარზე პლურალიზმი კლებულობს. ამ ვითარებაში გადამწყვეტი მნიშვნელობა ენიჭება იმას, თუ როგორ გადაწყდება დავა „რუსთავი 2”-თან დაკავშირებით. ეს მნიშვნელოვნად განსაზღვრავს როგორც ერთიანი გაყიდვების სახლის ბედს, ასევე იმას, თუ რამდენადაა შესაძლებელი სარეკლამო ბაზარი დაუბრუნდეს 2012 წლამდე არსებულ მდგომარეობას.  

„ინტერ მედიას” ტელეკომპანიებთან ერთწლიანი ხელშეკრულებები აქვს გაფორმებული. გაურკვეველია, თუ რამდენად მდგრადი აღმოჩნდება ბაზრის ეს მოდელი. ზოგიერთ ტელეკომპანიის წარმომადგენლის მოსაზრებით, ეს შესაძლოა დიდხანს არ გაგრძელდეს, მათ შორის, იმის გამოც, რომ გაყიდვების სახლში გაერთიანებული კომპანიები ერთგვარად პოლარიზებული მედია გარემოს ორ დაპირისპირებულ მხარეს წარმოადგენენ. ამ შემთხვევაში, მნიშვნელოვანია ისევ „რუსთავი 2”-თან დაკავშირებული დავის შედეგი.

მოკლედ რეგიონული მედიის შესახებ

2016 წელს რეგიონულ მედიაშიც შემოსავლების ზრდა დაფიქსირდა. შემოსავლების მნიშვნელოვანი მატება რეგიონულ მაუწყებლებზე ასევე პოლიტიკური რეკლამით უნდა იყოს განპირობებული. პოლიტიკური რეკლამიდან მიღებული შემოსავლებით, პირველ ადგილზეა ტელეკოპმანია რიონი, რომლის შემოსავალმა 134,343.66 ლარი შეადგინა.

მიუხედავად, იმისა რომ 2016 წელი რეგიონული მედიისთვის ოდნავ უფრო შემოსავლიანი იყო, რეგონული მედია კვლავ დგას იმ ფინანსური, ტექნიკური თუ ადამიანური რესურსების კუთხით არსებული გამოწვევების წინაშე, რაც წლების განმავლობაში აფერხებდა მის განვითარებას,  როგორიცაა: მთველელის პრობლემა, ტექნიკური გამართულობა, გაყიდვების სახლების გამართული მუშაობა და სხვა. ნიშანდობლივია, რომ ამ პრობლემების მოგვარებამდე, რაიმე ძირეული ცვლილება რეგიონული მედიისთვის ძნელად სავარაუდოა.

2016 წელს სარეკლამო ბაზარზე განვითარებული მოვლენები არ მიანიშნებს, რომ მდგომარეობა მომდევნო წელს მნიშვნელოვნად გაუმჯობესდება.

 

სამომავლო პროგნოზები

2015-2016 წლებმა ნათლად დაგვანახა, რომ ქართულ მედია სარეკლამო ბაზარს მდგრადობა აკლია. მასზე გავლენას ახდენს, როგორც ქვეყნის საშინაო ეკონომიკური მდგომარეობა და ასევე მსოფლიო ეკონომიკაში, რეგიონში მიმდინარე ეკონომიკური პროცესები. სარეკლამო ბაზარი საკმაოდ სენსიტიური გამოდგა სარეკლამო რეგულაციებისადმი, რომლითაც შეიცვალა რეკლამი ხანგრძლივობა და ასევე ჭრებს შორის ინტერვალი გაიზარდა. ტელევიზიების წარმომადგენლების თქმითაც სასპონსორო და პროდუქტის განთავსების ახალი წესები არაა მოქნილი და ნათელი, რაც საბოლოო ჯამში ეფექტურ მუშაობას აფერხებს.

2017-2018 წელს საქართველოში თვითმმართველობის და საპრეზიდენტო არჩევნებია ჩასატარებელი, რაც დამატებითი შემოსავლის შესაძლებლობას აჩენს ტელეკომპანიებისთვის, თუმცა ეს ვერ გადაჭრის იმ პრობლემებს, რაზეც ტელეკომპანიების წარმომადგენლები საუბრობენ.

იმ რისკების გათვალისწინებით, რაც გაყიდვების ერთიან სახლს ახლავს თან ჩნდება კითხვები: თუ რამდენად მყარი იქნება ეს კავშირი და სასარგებლო გრელვადიან პერსპექტივაში? ახალი კომპანია მონოპოლიურ მდგომარეობაში ხომ არაა და რამდენად კეთილსინდისიერად გამოიყენებს იგი საკუთარ აღმატებულ მდგომარეობას სარეკლამო ფასების კუთხით? აღნიშნულიდან გამომდინარე გაურკვეველია, შეძლებს თუ არა გაყიდვების ახალი სახლი მნიშვნელოვანი დადებითი ზეგავლენის მოხდენას ბაზრის მოცულობასა და კონკურენტუნარიანობაზე.

ჩვენ მიერ 2016 წლის ივნისში გამოქვეყნებულ ანგარიშს ამავე თემაზე, შეგიძლიათ გაეცნოთ აქ", _ აღნიშნულია კვლევაში.




 ახალი ამბები
  • ოჯახური კონფლიქტის ნიადაგზე შვილმა მამა მოკლაშინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 2002 წელს დაბადებული ჯ.კ., ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. დანაშაული 13-დან 17 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ საჩხერის მუნიციპალიტეტის სოფელ ჭალაში მცხოვრებმა არასრულწლოვანმა, საკუთარ საცხოვრებელ სახლში, ოჯახური კონფლიქტის ნიადაგზე წარმოქმნილი ურთიერთშელაპარაკების შედეგად, მამას - 1969 წელს დაბადებულ გ.კ.-ს სანადირო თოფიდან გასროლით სასიკვდილო ჭრილობა მიაყენა. დაჭრილი მამაკაცი შემთხვევის ადგილზე გარდაიცვალა. ჯ.კ.-მ, კვალის დაფარვის მიზნით, მოკლული მამის ცხედარი ეზოში მდებარე დამხმარე სათავსოს სარდაფში გადამალა. ასევე, დადგინდა, რომ მომხდარი ფაქტის დროს მამა-შვილი სახლში მარტო იმყოფებოდა. სამართალდამცველებმა, ჩატარებული ოპერატიულ-საგამოძიებო მოქმედებების შედეგად, ბრალდებული საკუთარ საცხოვრებელ სახლში, მალევე დააკავეს. პოლიციამ დანაშაულის ჩადენის იარაღი - თოფი ნივთმტკიცებად ამოიღო. დაკავებული დანაშაულს აღიარებს. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 109-ე მუხლის მე-2 ნაწილის „ვ“ ქვეპუნქტით ... ...
  • აჭარის მაუწყებლის დირექტორის მოადგილის კონკურსი დახურესამ წუთებში აჭარის მაუწყებლის დირექტორის მოადგილის კონკურსი დახურულ კარს მიღმა მიმდინარეობს. პროცესში მონაწილეობს სამი კონკურსანტი, მათ შორის ორი ტელევიზიის  თანამშრომელი ემზარ დიასამიძე და ფირუზ ბოლქვაძე. მესამე მონაწილეა ჟურნალისტი ვახო ხუზმიაშვილი. ამ ეტაპზე გასაუბრებას პირველი კანდიდატი გადის. შესარჩევი კომისიის წვერების უმრავლესობა მაუწყებლის თანამშრომელია ერთი კი ხელოვნების უნივერსიტეტის რექტორი. დღის ბოლომდე გახდება ცნობილი, ვისზე გააკეთებს არჩევანს კომისია. წყარო: ... ...
  • გახარია: "მერაბიშვილი არ იყო და ვერ იქნებოდა პოლიტიკური პატიმარი""ვანო მერაბიშვილი არ იყო და ვერ იქნებოდა პოლიტიკური პატიმარი"_ ასე უპასუხა პრემიერ-მინისტრმა, გიორგი გახარიამ ჟურნალისტების მიერ დასმულ კითხვას ვანო  მერაბიშვილის შესახებ. ცნობისთვის,  ყოფილმა პრემიერ-მინისტრმა ვანო მერაბიშვილმა სასჯელაღსრულების დაწესებულება გუშინ დატოვა. როგორც მან განაცხადა დღევანდელი ხელისუფლების დამხობის შემდეგ, პოლიტპატიმრებისთვის ამ ციხის კარი ფართოდ ... ...
  • შინაგან საქმეთა მინისტრი: რუსეთის კვალი იყო ამ ყველაფერშიშინაგან საქმეთა მინისტრმა ვახტანგ გომელაურმა ბათუმში, პოლიციელების დაჯილდოების ცერემონიის შემდეგ, ჟურნალისტების კითხვებს უპასუხა და ოქტომბერში განხორციელებულ კიბერშეტევასთან დაკავშირებით  კომენტარი გააკეთა. „ეს მნიშვნელოვანი თემაა.  ეს მოხდა ოქტომბერში. ყველამ გაიგო. დიდი შეტევა იყო კიბერმიმართულებით. ვიმუშავეთ ჩვენს კოლეგებთან, ჩვენს პარტნიორებთან ერთად, ამას ძალიან დიდი დრო დასჭირდა. ამ საკითხთან დაკავშირებით  ოფიციალური განცხადება  უკვე გაკეთდა. რა თქმა უნდა, განცხადება გავაკეთეთ ღიად, არ დაგვიმალია, საიდან იყო, საიდან მოდიოდა. გითხარით, რომ რუსეთის კვალი იყო ამ ყველაფერში. 21-ე საუკუნეა და ეს თემა, რა თქმა უნდა, პოპულარულია, სამწუხაროდ, მსოფლიოში, არა მარტო საქართველოში, დიდ ქვეყნებშიც,  როგორებიცაა: ამერიკის შეერთებული შტატები, ბრიტანეთი, ევროპის დიდი ქვეყნები. ეს საფრთხეები უფრო და უფრო იზრდება, რაც უფრო ვითარდება ტექნოლოგიები. ჩვენ ვმუშაობთ პარტნიორებთან ერთად, რომ გავაუმჯობესოთ და უფრო მეტი კონტროლი იყოს, რათა არ მოხდეს ასეთი კიბერშეტევა. თუ მოხდება, მოხდეს იქვე ჩაკეტვა, ასე ვთქვათ, არ შემოვიდეს სივრცეში და არ დააზიანოს ესა თუ ის მიმართულება“,_ განაცხადა ვახტანგ ... ...
  • გალტ ენდ თაგარტი Global Finance -მა საქართველოში საუკეთესო საინვესტიციო ბანკად აღიარაგალტ & თაგარტმა Global Finance-ის ჯილდოს „საუკეთესო საინვესტიციო ბანკი საქართველოში 2020 წელს“ მიღების შესახებ განაცხადა. აღნიშნული ჯილდოს მფლობელი გალტ & თაგარტი ზედიზედ მეექვსედ გახდა.   „Global Finance-ის აღნიშნული ჯილდო არის კომპანიის მიღწევების დასტური და კიდევ ერთხელ აღნიშნავს „გალტ & თაგარტ“-ის წამყვან როლს საქართველოს საინვესტიციო საბანკო სფეროში. გალტ & თაგარტი სთავაზობს მის კლიენტებს საინვესტიციო საბანკო მომსახურების სრულ სპექტრს, როგორც ადგილობრივ, ისე საერთაშორისო ტრანზაქციებზე“,- განაცხადა გალტ & თაგარტის მმართველმა დირექტორმა, ოთარ შარიქაძემ. "საინვესტიციო საბანკო საქმე მნიშვნელოვან როლს ასრულებს გლობალური ეკონომიკის წინსვლასა და განვითარებაში. ჩვენი ვაჯილდოებთ ხარისხიანი და  ინოვაციური გარიგებების დადებით გამორჩეულ იმ საინვესტიციო ბანკებს, რომლებიც აკმაყოფილებენ მომხმარებლის მუდმივ რეჟიმში ცვალებად საჭიროებებსა და მოთხოვნებს", - განაცხადა Global Finance-ის გამომცემელმა და მთავარმა რედაქტორმა, ჯოზეფ დ. ჯიარაფუტომ. ჟურნალმა Global Finance-მა, მე-21-ედ გამოავლინა მსოფლიოს საუკეთესო საინვესტიციო ბანკები ქვეყნების, რეგიონებისა და სექტორების მიხედვით. Global Finance-ის რედაქტორებმა, ინდუსტრიის ექსპერტებთან ერთად, გამარჯვებულთა გამოსავლენად შემდეგი კრიტერიუმები გამოიყენეს: ბაზრის წილი, გარიგებების სტრუქტურირების შესაძლებლობები, დისტრიბუციის ქსელი, სერვისი, რჩევები, ფასები, ინოვაცია, რეპუტაცია და სხვა.   Global Finance 1987 წელს დაფუძნდა და 50,050 ეგზემპლარს გამოსცემს, რომელსაც 189 ქვეყანაში ყავს მკითხველი. Global Finance-ს კითხულობენ სამეთვალყურეო საბჭოს თავმჯდომარეები, კომპანიების პრეზიდენტები, გენერალური დირექტორები და ფინანსური დირექტორები, ასევე ფინანსურ სფეროში მოღვაწე სხვა ტოპ მენეჯერები, რომლებიც გადაწყვეტილებებს იღებენ ინვესტიციების განხორციელებასა და სტრატეგიაზე, მულტიეროვნულ კომპანიებში და ფინანსურ ინსტიტუტებში. ჟურნალის ვებგვერდი GFmag.com აქვეყნებს ანალიტიკასა და სტატიებს და წარმოადგენს 32 წლიან გამოცდილებას საერთაშორისო ფინანსურ ბაზრებზე. Global Finance-ის სათავო ოფისი მდებარეობს ნიუ იორკში, ასევე აქვს ოფისები ლონდონსა და მილანში. ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...