ნასაკირალის მცხოვრებთა პრეტენზიები და ხელისუფლების პასუხი

საზოგადოება

ნასაკირალის მცხოვრებთა პრეტენზიები და ხელისუფლების პასუხი

11 სექ. 2017, 13:11:32

ოზურგეთის მუნიციპალიტეტში, დაბა ნასაკირალის მოსახლეობის წარმომადგენლები, ხელისუფლების მიმართ უყურადღებობაზე საუბრობენ და კონკრეტულ ფაქტებს ასახელებენ. კერძოდ, ნასაკირალში, 23 მაისის სტიქიის შემდეგ, ხელისუფლების წარმომადგენელთა მიერ მოხდა ზარალის აღწერა, რომელიც 21 ოჯახს ეხებოდა. აღნიშნული ოჯახებიდან, როგორც თავად ამბობენ, ორის წარმომადგენელი _ მარტოხელა პენსიონერი სოფიო აროიანი და არჩილ ირემაძე საყვედურს გამოთქვამენ, რომ მხოლოდ მათი ოჯახები დატოვეს დახმარების გარეშე, დანარჩენ 19-ს კი სახლები გადაუხურეს ან შეუკეთეს.

_ 69 წლის მარტოხელა მოხუცი ვარ. 160 ლარის წამალი მარტო ერთ თვეში მჭირდება, თორემ რაღაცას გავაკეთებდი ჩემი სახსრებით. მოვიდნენ, ნახეს, აღრიცხეს ყველაფერი და მერე საერთოდ ამომაგდეს სიიდან? თუ ასე აპირებდნენ, რატომ ჩამსვეს? სახურავი კი აქვს ჩვენს კორპუსს, გადახურეს, მაგრამ მეორე სართულზე ვცხოვრობ და გვერდითი აივანი ჩამომპალი და საყრდენგამოცლილია. ხის კიბე, რომლითაც დაბლა ჩავდივარ, დამპალია, ძლივს დავდივარ. ახლა კარგი ამინდებია და ზამთარში ან წვიმიან ამინდში, წვიმა ისე ასხამს აქ, რაღა სახურავიდან ჩამოსულა. ნუთუ, არ შეიძლებოდა, იმდენი თუნუქის ფირფიტა მოეცათ, გვერდითი ხუფი ან ცოტა ჩამოხურული აივანი გაკეთებულიყო, რომ კიბეზე ჩასვლა არ გამიჭირდეს და ამ ხნის ქალი არ დავგორდე. კარგად ჩანს, სახურავის გასწვრივ საყრდენი ბოძიც არ არის. რა ვქნა? ვინ მიშველის, იქნებ, თქვენ დამეხმაროთ. ზამთრის მოახლოების მეშინია. არავინ არაა ჩემი პატრონი ამ ქვეყანაზე, სრულიად მარტო ვარ, _ ამბობს სოფიო აროიანი.

 ის, აგრეთვე, გვაჩვენებს სოფლის გამგებლის ხელმოწერით გაკეთებულ განცხადებას და წამლების სიას, რომლის შეძენაც ერთჯერადი დახმარების გაწევით უნდოდა, მაგრამ ამბობს, რომ მუნიციპალიტეტის გამგეობაში მისულს, უარი უთხრეს _ ახლა ფული არ გვაქვსო. აროიანი, ასევე, სვამს კითხვას, რატომ მიაკუთვნეს მარტოხელა პენსიონერ ავადმყოფ ქალს მაღალი სარეიტინგო ქულა, რომლის გამოც სოციალური დახმარება არ დაენიშნა.

ნასაკირალის მესამე მიკრორაიონის მესამე კორპუსის წარმომადგენლები საუბრობენ მათი საცხოვრებელი კორპუსის კრიტიკულ მდგომარეობაზე.

ვაჟა ვანაძე, კორპუსის მცხოვრები: "ნასაკირალში ყველაზე მეტი ოჯახი ამ კორპუსში ცხოვრობს. კორპუსის საძირკველი კი, ნახევარზე მეტი გაშიშვლებულია, რომელიც მიწაში უნდა იყოს. ამისთვის ოთხი ტონა ცემენტი იყო გამოყოფილი, მაგრამ ჩვენამდე არ მოუღწევია. ნახეთ, გვერდითი კედელი, ხელისუფლებამ კი გააკეთა, მაგრამ ისე ზერელედ იყო აკრული, მათი გამოგზავნილი კომპანიის მიერ, ნახევარი ააძრო ქარმა ამ სეზონზევე. ასევე, მთლიანად მორყეულია სახურავი და ერთი გრიგალი რომ დატრიალდეს, მთლიანად ახდის. ეს არის უპასუხისმგებლოდ გაკეთებული საქმე. თუნუქი, რაც ქარმა ააძრო, ყველა შენახული გვაქვს, მაგრამ როგორ ავაკრათ ამხელა კორპუსზე, ჩიტები კი არ ვართ. წყალში გადაყრილი ფულია, მეტი არაფერი. ამდენ მასალას, შიფერს მოიტან და ათი ღერით მეტ ლურსმანს ოსტატურად და ხარისხიანად რომ არ დააჭედებ, რა ადამიანი ხარ? საქმის მწარმოებლის პასუხისმგებლობა უფრო სხვანაირად უნდა იყოს დაყენებული.

ნასაკირალის მესამე მიკრორაიონის მეოთხე კორპუსი, ძველია და კომუნისტების დროს არის დახურული. აქ მცხოვრები ნინა და ნატაშა დოცენკოები ჩამომპალი, მინის გარეშე დარჩენილი შუშაბანდის გამო წუხან და მოახლოებული ზამთრის ეშინიათ. გაავდრებისას კი, როგორც გარეთ, "შუშაბანდშიც" ისე წვიმს და მეორე სართულის აივანზე წყალი ტბად დგება, დაბლა ჩადის და სათავსში ყველაფერი უფუჭდებათ.

_ წასასვლელი არსად გვაქვს, თორემ აქ გაჩერება არ შეიძლება. ღია ცის ქვეშ გაჩერებას კი სჯობს და ესაა, მეტი არაფერი, _ ამბობენ დოცენკოები.

ოზურგეთის მუნიციპალიტეტის გამგებლის წარმომადგენელი დაბა ნასაკირალში დავით ტუნაძე, მოსახლეობის მიერ აღნიშნული პრობლემის შესახებ, კონკრეტულად საუბრობს და ამბობს, რომ რაც შესაძლებელი იყო, სტიქიის შემდეგ, მაქსიმალურად გაკეთდა და უყურადღებოდ არავინ დარჩენილა:

_ მესამე მიკრორაიონის მესამე კორპუსის მცხოვრებთა პრეტენზია ოთხი ტონა ცემენტის გამოყოფის შესახებ, ტყუილია. მსგავსი რამ ჩემი მუშაობის პერიოდში არ მომხდარა. რომ გამოყოფილიყო, სად წავიღებდით? მე, როგორც ვიცი და მაქვს ინფორმაცია, ასეთ დახმარებაზე საუბარი ყოფილა "ნაციონალური მოძრაობის" ხელისუფლების დროს. რომ ამბობენ, დააკონკრეტონ, რომელ წელს მოხდა. სოფიო აროიანის დახმარებას რაც შეეხება, ერთხელ მან ნამდვილად შეიძინა წამლები. ხოლო მეორედ როცა მოითხოვა, მას ეგონა, თურმე, ერთჯერად დახმარებას წამლებისთვის ფულის სახით მიცემდნენ. ასეთი რამ ახლა არ ხდება _ მხოლოდ აფთიაქებს ერიცხებათ წამლების შესაძენად განსაზღვრული თანხა, ისიც ერთხელ. ამიტომ აროიანმა უნდა იცოდეს, რომ ხელზე ფულს არ მისცემენ _ ეს საკრებულოს გადაწყვეტილებით არის დადგენილი.

დაბა ნასაკირალის მაჟორიტარი დეპუტატი ბესო ქათამაძე განმარტავს, რომ სტიქიის შემდეგ აქ ხელისუფლების წარმომადგენლები დაუყოვნებლივ მივიდნენ, აღწერაც გააკეთეს, მაგრამ ორი ოჯახი მაინც გამოტოვეს. ქათამაძე მიზეზად კორუფციის ნიშნებს ასახელებს. როგორც ის ამბობს, კომპანია, რომელიც აწარმოებდა სამუშაოებს, ეკონომიკის სამინისტროს შავ სიაშია და, სავარაუდოდ, უფრო ფულის გათეთრებით იყო დაკავებული.

ოზურგეთის მუნიციპალიტეტის გამგებლის მოადგილე, ბადრი გობრონიძე განმარტავს, რომ ნასაკირალის მცხოვრებთა პრობლემებს, რომლებიც სტიქიის დროს წარმოიშვა, გადაუდებელი რომელიც იყო, ყველას მიხედეს:

_ 20 ათასი ასეთი ოჯახიდან, მინიმუმ, ხუთი ათასს მსგავსი რამ სჭირდება. სტიქიის დროს ვინც ძალიან დაზარალდა, დეტალურად აღიწერა და დახმარება გაეწიათ. რაც შეეხება ქათამაძის განცხადებას, თუ საეჭვო ფირმა არსებობს სადღაც, რატომ არ ასახელებს, ვინ არის? გაგცათ პასუხი? არ ასახელებს იმიტომ, რომ ტყუილია. ეს "ნაციონალი" დეპუტატების მახასიათებელია, თორემ შემოვიდეს საჯარო ინფორმაციის მოთხოვნით და ყველაფერს დოკუმენტურად გაეცემა პასუხი. ასე წამოსროლილი ბრალდებების საპასუხოდ ჩვენ არ გვცალია, საქმეა საკეთებელი. საინტერესოა, სხვა დროს თუ ყველაფერზე ითხოვენ საჯარო ინფორმაციას, ახლა რატომ იკავებენ თავს და მხოლოდ ზეპირად ყვირიან? მოვიდნენ განცხადებით და მიიღებენ ოფიციალურ პასუხს, _ თქვა გობრონიძემ.




 ახალი ამბები
  • ჩოხატაურში შვილის ცემისთვის მამაკაცი დააკავესშინაგან საქმეთა სამინისტროს გურიის პოლიციის დეპარტამენტის ჩოხატაურის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1974 წელს დაბადებული შ.შ., ოჯახში ძალადობის ბრალდებით, მოსამართლის განჩინების საფუძველზე დააკავეს. დანაშაული 1-დან 3 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ჩოხატაურის მუნიციპალიტეტის სოფელ იანეულში მცხოვრებმა ბრალდებულმა მამაკაცმა, არასრულწლოვანი შვილის თანდასწრებით, ფიზიკურად იძალადა მეორე შვილზე - 1999 წელს დაბადებულ მ.შ.-ზე. გამოძიება საქართველოს სისხლის სამართლის კოდექსის 126-ე პრიმა მუხლის მეორე ნაწილის „ა“ და „ბ“ ქვეპუნქტებით ... ...
  • გლდანის საპატიმროს დირექტორმა სახელმწიფო ინსპექტორის სამსახურს მისი დაკითხვის მოთხოვნით მიმართა (R)N8 პენიტენციური დაწესებულების დირექტორმა, ნოდარ ქინქლაძემ და მისმა მოადგილემ, როინ დეკანოიძემ სახელმწიფო ინსპექტორის სამსახურს მათი დაკითხვის მოთხოვნით მიმართეს.  საქმე ეხება მიმდინარე წლის 24 სექტემბერს ტელეკომპანია „ფორმულას“ მიერ გავრცელებულ ინფორმაციას იმასთან დაკავშირებით, თითქოს ნოდარ ქინქლაძე პატიმრებს გაუპატიურებით დაემუქრა. ამასთან დაკავშირებით ტელეკომპანიას მსჯავრდებულ შ.ჭ.-ს მეუღლე და ადვოკატი ალექსანდრე კობაიძე ესაუბრნენ. ამასთან, 25 სექტემბერს სხვადასხვა მედიასაშუალებებმა გაავრცელეს საქართველოს სახალხო დამცველის კომენტარი. მოცემულ თემაზე ნინო ლომჯარიამ განაცხადა, რომ ომბუდსმენის წარმომადგენლებთან N8 პენიტენციური დაწესებულების „პატიმრები საუბრობენ სავარაუდო მუქარაზე და ასევე, საუბრობენ სავარაუდო არასათანადო მოპყრობის ფაქტებზე მათ მიმართ, თუმცა, საუბარი არის არა ციხის დირექტორზე, არამედ სავარაუდოდ, მოადგილის გვარი იყო ნახსენები“. სწორედ ამიტომ, დაკითხვას სახელმწიფო ინსპექტორის სამსახურისგან ითხოვს არა მხოლოდ ნოდარ ქინქლაძე, არამედ მისი მოადგილე როინ დეკანოიძეც.  აღსანიშნავია, რომ ადვოკატმა კობაიძემ 25 სექტემბერს უარი განაცხადა, გამოცხადებულიყო სპეციალური პენიტენციური სამსახურის მონიტორინგის დეპარტამენტში და უწყებისთვის მიეწოდებინა მის მიერ გამოთქმული ბრალდებების დამადასტურებელი ფაქტები (ასეთის არსებობის შემთხვევაში). სამაგიეროდ N8 პენიტენციური დაწესებულების ადმინისტრაცია და მთლიანად სპეციალური პენიტენციური სამსახური სრულ მზადყოფნას გამოთქვამს ითანამშრომლოს შესაბამისი უფლებამოსილების მქონე უწყებებთან, რათა დადგინდეს ჭეშმარიტება. სწორედ ამ მიზანს ემსახურება ნოდარ ქინქლაძის და როინ დეკანოიძის მერ სახელმწიფო ინსპექტორის სამსახურისადმი მიმართვაც, ვინაიდან ყველაზე მეტად სწორედ პენიტენციური დაწესებულების ადმინისტრაციის და პენიტენციური სამსახურის ინტერესში შედის, რომ საკითხთან დაკავშირებით ჭეშმარიტება ... ...
  • "ადვოკატმა კობაიძემ უარი განაცხადა მის მიერ გამოთქმული ბრალდებების დამადასტურებელი რაიმე მტკიცებულების მოწოდებაზე " (R)სპეციალური პენიტენციური სამსახური განცხადებას ავრცელებს N8 პენიტენციური დაწესებულების დირექტორის შესახებ ადვოკატ ალექსანდრე კობაიძის მიერ გავრცელებულ ინფორმაციასთან დაკავშირებით და განმარტავს, რომ ადვოკატმა არ ისურვა წარმოედგინა მის მიერ გამოთქმული ბრალდებების დამადასტურებელი რაიმე სახის მტკიცებულება. შეგახსენებთ, 2020 წლის 24 სექტემბერს ტელეკომპანია „ფორმულამ“ გაავრცელა ინფორმაცია, თითქოს N8 პენიტენციური დაწესებულების ოთხმა პატიმარმა თვითდაზიანებები მიიყენა იმიტომ, რომ მათ დაწესებულების დირექტორი სექსუალური ძალადობით დაემუქრა. ტელეკომპანია „ფორმულას“ მიერ გავრცელებულ ინფორმაციაში გამოყენებული იყო ადვოკატ ალექსანდრე კობაიძის ინტერვიუ, სადაც მან განაცხადა: "ნასვამ მდგომარეობაში მყოფი ბატონი ქინქლაძე (დაწესებულების დირექტორი) ეჩხუბა პატიმრებს იმის გამო, რატომ არ მოსწონდათ ჩაი და ამის გამო უთხრა, რომ მას გააუპატიურებდა. რაზეც ადეკვატური პასუხი ჰქონდათ პატიმრებს". ინფორმაციის გავრცელებისთანავე სპეციალური პენიტენციური სამსახურის მონიტორინგის დეპარტამენტმა დაიწყო სამსახურებრივი შემოწმება ადვოკატის მიერ გამოთქმულ ბრალდებებთან დაკავშირებით. სამსახურებრივი შემოწმების ფარგლებში მონიტორინგის დეპარტამენტი დაუკავშირდა ადვოკატ კობაიძეს და მიიწვია იგი იმისთვის, რომ თუკი მას გააჩნდა მის მიერ დაწესებულების დირექტორის მისამართით გამოთქმული ბრალდებების დამადასტურებელი რაიმე მასალა, მოეწოდებინა ეს ინფორმაცია მონიტორინგის დეპარტამენტისთვის. ადვოკატს შეეთავაზა 25 სექტემბერს 11:00 საათზე გამოცხადებულიყო სპეციალურ პენიტენციურ სამსახურში, რაზეც მან განაცხადა უარი მოუცლელობის მიზეზით და ამის სანაცვლოდ შესთავაზა მონიტორინგის დეპარტამენტის წარმომადგენელს, რომ 25 სექტემბერს საღამოს საათებში მივიდოდა პენიტენციურ სამსახურში, ხოლო ადგილზე მისვლის ზუსტ დროს შუადღისას დაასახელებდა. დღეს, 25 სექტემბერს ადვოკატმა კობაიძემ, იმ დროს, როდესაც ვერ მოიცალა მონიტორინგის დეპარტამენტში გამოცხადებისთვის, აქცია გამართა N8 პენიტენციურ დაწესებულებასთან. აღსანიშნავია, რომ ადვოკატის ორგანიზებულ აქციაზე მხოლოდ თავად კობაიძე და კიდევ ორი ადამიანი იმყოფებოდა, თუმცა ამან არ შეუშალა ადვოკატს ხელი, რომ პენიტენციური დაწესებულების დირექტორის მისამართით კვლავ გაეკეთებინა ცილისმწამებლური განცხადებები. 25 სექტემბერს, დაახლოებით 14:00 საათზე, როდესაც მონიტორინგის დეპარტამენტის წარმომადგენელი კვლავ დაუკავშირდა ადვოკატ კობაიძეს, რათა მისი პენიტენციურ სამსახურში მისვლის დრო დაეზუსტებინა, ადვოკატმა მისვლაზე უარი განაცხადა, რაც აბსოლუტურად გაუგებარია, ვინაიდან თუკი იგი ფლობს რაიმე მტკიცებულებას, როგორც თავად აღწერს, ასეთი საგანგაშო ფაქტის შესახებ, მისი, როგორც უფლებადამცველის ინტერესში უნდა იყოს, რომ ამაზე ჭეშმარიტება დადგინდეს. ადვოკატთან მონიტორინგის დეპარტამენტის წარმომადგენლის ორივე საუბარზე შედგენილია შესაბამისი ოქმები. ეს ოქმებიც და მონიტორინგის დეპარტამენტის ხელთ არსებული სხვა დოკუმენტაციაც გადაეგზავნება სახელმწიფო ინსპექტორის სამსახურს. სპეციალური პენიტენციური სამსახური იმედს გამოთქვამს, რომ სახელმწიფო ინსპექტორის სამსახური დაადგენს ჭეშმარიტებას და ამ თემაზე ერთხელ და სამუდამოდ დასრულდება ყოველგვარი სპეკულაციები. ... ...
  • რომან გოცირიძე - მთავრობას ლარიც გაექცა და ვირუსიცპარლამენტის ფრაქცია „ნაციონალური მოძრაობის" თავმჯდომარე, რომან გოცირიძე ეკონომიკასთან მიმართებით ხელისუფლების პოლიტიკას აკრიტიკებს და მთავრობას მოუწოდებს, ქვეყანაში არსებული მძიმე ეკონომიკური ვითარებიდან გამოსასვლელად ქმედითი ნაბიჯები გადადგას. „მთავრობამ ყველაფერი გააკეთა იმისთვის, რომ წინასაარჩევნოდ გამოეყენებინა 5 მილიარდი ფული საარჩევნო მანიპულირებისთვის, ნაცვლად ხალხის მხარდაჭერისა. მთავრობას, რომელსაც დიდი დრო და რესურსი ჰქონდა უცხოეთის დახმარების სახით, ვერც ლარს მოუარა და ვერც პანდემია აიცილა თავიდან, ლარიც გაექცა და ვირუსიც. ეს არის ხელისუფლების მიერ გადადგმული პოლიტიზირებული ნაბიჯების შედეგი. დღეს, თუ სასწრაფოდ არ მიიღებს მთავრობა რადიკალურ ზომებს, თუ არ შეკვეცს კორუფციულ და უსარგებლო ხარჯებს, რომელიც „ქართულ ოცნებასა" და მასთან მიტმასნილ ბიზნესს ემსახურება, თუ არ გამკაცრდება პოლიტიკა, ამ შემთხვევაში, ლარი მიაღწევს ისეთ ნიშნულს, როდესაც ეკონომიკა გაჩერდება და მოქალაქეების შემოსავალი კატასტროფულად დაიკლებს. პირველ რიგში, მოვუწოდებთ მთავრობას, შეწყვიტოს ფულის ფლანგვა მათი პოლიტიკური ინტერესების შესაბამისად. მოვუწოდებთ ეროვნულ ბანკს, დაანებოს თავი უსაზღვრო ოდენობით რეფინანსირების სესხის გაცემას, მართოს ჯერ კიდევ მის ხელთ არსებული ბერკეტით ეს პროცესი“, - განაცხადა ... ...
  • „დავასახელებთ მომსყიდველების ვინაობას“ : " ჩვენი საქართველო, სოლიდარობის ალიანსი"-ს ბრიფინგი ოზურგეთშიოზურგეთში „ჩვენი საქართველო- სოლიდარობის ალიანსი"-ს  შტაბში , ბრიფინგი გამართეს. ბრიფინგის წამყვანმა, შტაბის წარმომადგენელმა ლელა ნაცვალაძემ განაცხადა, რომ გურიის მაჟორიტარი დეპუტატობის კანდიდატი ნინოშეწირული-გობრონიძე იქნება და სწამს, რომ ის გამრჯვებას მიაღწევს ამ საპარლამენტო არჩევნებში. __ჩვენ ვაპირებთ პატიოსან საარჩევნო კამპანიას. არ გვაქვს ფუფუნება, ვინმეს დავურიგოთ   კარტოფილი ან კვერცხი, თუმცა ჩვენ მზად ვართ, ვიბრძოლოთ ადამიანების პრობლემების მოსაგვარებლად და ჩვენი ხმა  გვქონდეს პარლამენტში, - თქვა ბრიფინგის წამყვანმა, შტაბის წარმომადგენელმა ლელა ნაცვალაძემ. მან თქვა, რომ ადგილი აქვს ამომრჩეველთა მოსყიდვის მცდელობას, როცა მათ პირდებიან ფულს, ასევე ოზურგეთის სპორტის სახლში ახლახან შეიტანეს დიდი ტრაილერით ბურღულეული, მათთვის დასარიგებლად, _ თქვა ნაცვალაძემ. ჟურნალისტების კითხვაზე, დაესახელებინა კონკრეტული პირები, ვინ ვის სთავაზობს ქრთამს, ნაცვალაძემ თქვა, რომ ამჯერად თავს იკავებს, თუმცა მალე დაასახელებს მათ ვინაობას. დეპუტატობის კანდიდატმა,    ნინო შეწირულმა ისაუბრა საარჩევნო კამპანიის თაობაზე, რომ  ამომრჩევლებს, კერძოდ, მის ნათესავებს და  ოჯახის წევრებს, ახლობლებს, „ქართული ოცნების“ წარმომადგენლები   ფულით მოსყიდვას უპირებენ, ჰპირდებიან თანხას, ოღონდაც კი  მათ მხარეს გადავიდნენ. _დღეს არ ვასახელბ მათ  გვარებს, თუმცა ამ ბრიფინგით  ვაფრთხილებთ   მათ. თუ კვლავ   გაგრძელდება მათი მხრიდან ასეთი საქციელი, აუცილებლად გადმოგცემთ   მათ სიას, სათანადო მტკიცებულებით, - უთხრა მან ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls