ომბუდსმენის სტუმრობა გურიაში


საზოგადოება

ომბუდსმენის სტუმრობა გურიაში

3 ივნ. 2019, 11:54:57

ახლახან სახალხო დამცველი გურიას სტუმრობდა. ნინო ლომჯარია ოზურგეთში, ქალაქის ბიბლიოთეკაში ახალგაზრდებს შეხვდა.

_ ეს არის ჩემთვის მშობლიური გარემო. თქვენი ასაკის რომ ვიყავი, სწორედ აქ დავიწყე სამოქალაქო აქტივობა. დღევანდელი შეხვედრის თემა თავისუფალია. შეგიძლიათ, ისაუბროთ ნებისმიერ პრობლემაზე, ქალთა და ბავშვთა უფლებებზე, ეს შეიძლება იყოს მიმდინარე პოლიტიკა.

სახალხო დამცველი კონტროლს უწევს ადამიანის უფლებების დაცვას. მინდა, გითხრათ ერთი სიახლის შესახებაც _ ამიერიდან ჩვენი მანდატი კერძო სამართლის პირებზეც ვრცელდება, შეგვიძლია დავადგინოთ დისკრიმინაციული ფაქტებიც. გურიის მიხედვით დისკრიმინაციული ფაქტები შესასწავლია. თუ მაგალითად სუპერმარკეტში ავიწროებენ კონკრეტულ პირს, შეგვიძლია, დავიცვათ ის. ასევე, ძალზე მწვავე მიმართულება გახდა ეკოლოგია. ჰაერის დაბინძურება და მისი კვლევა არის ჩვენთვის პრიორიტეტი, ასევე, ეთნიკური მიმართულებაც. მინდა მოვისმინო თქვენი სათქმელი, _ მიმართა ომბუდსმენმა ნინო ლომჯარიამ ახალგაზრდებს.

ვიდრე ახალგაზრდები საუბარს დაიწყებდნენ, ახალგაზრდა იურისტთა ასოციაციის თავმჯდომარემ, თამაზ ტრაპაიძემ და არაერთმა დამსწრემ ისაუბრეს გარემოს დაცვის საკითხებზე, რაც გურიაში ძალზე პრობლემატურია და საგანგაშო სახე მიიღო:

"არანაირი ყურადღება არ ექცევა, თუ როგორ უნდა მოხდეს ინერტული მასალის ამოღება და მერე ტრანსპორტირება, რის გამოც მდინარეების ხეობები ნადგურდება, ზიანდება გზები და ამ ყველაფრის მიმართ ახელმწიფო გულგრილია", _ ასეთი იყო მათი გამოსვლის შინაარსი.

_ ლიხაურში, აჭის ხეობა გადაარჩინა იმან, რაც მოხდა ბჟუჟის ხეობაში. მოსახლეობამ როცა გაიგო, რა მოხდა იქ, მტკიცედ დადგა და შეაჩერეს ხრეშის უთავბოლო მოპოვება. ცალკე თემაა ლიცენზიის მოპოვების საკითხი, თუ როგორ ხდება და მერე როგორ გამოიყენება. მოსახლეობას არ აქვს ინფორმაცია. იგებს იმით, რომ მის სახლთან ახლოს, მდინარესთან მივა ტრაქტორი და იწყებს მუშაობას. ნებართვა რომ გაიცა ინერტული მასალის მოპოვებაზე, ამის თაობაზე ინფორმირებული და პროცესებში ჩართული უნდა იყოს მოსახლეობა _ ის ყველაზე საუკეთესო მონიტორინგია, _ თქვა თამაზ ტრაპაიძემ.

ლაითურელმა მოსწავლემ მარინა ჩხარტიშვილმა დასვა კითხვა, თუ როგორ კონტროლდება საქართველოში არასრულწლოვანთა შრომითი მიგრაცია, რაც სახალხო დამცველს ძალიან მოეწონა. გოგონამ ისაუბრა, თუ როგორ მიდიან ან მშობლებს მიჰყავთ სამუშაოდ არასრულწლოვანი ბავშვები მეზობელ ქვეყანაში.

_ პირველ რიგში გეტყვით, რომ ეს არის ძალიან კარგი კითხვა. თუ არასრულწლოვანზე არის ძალადობა, ამის შესახებ პირველ რიგში, სკოლა იგებს. ამიტომ სკოლამ უნდა გაახმოვანოს ინფორმაცია. ბავშვის შრომას თავისი სტანდარტი აქვს, თუმცა, ამ შემთხვევაში გარკვეული არ არის, რამდენ საათს მუშაობს არასრულწლოვანი. ჩვენ ახლა ვმუშაობთ სკოლებთან. სახელმწიფომ უნდა მიაქციოს ყურადღება, იმალება თუ არა ასეთ ფაქტები, _ თქვა ნინო ლომჯარიამ.

ოზურგეთელმა მოსწავლემ ჯუმბერ დუნდუამ და მისმა მეგობრებმა დასვეს კითხვა და საკუთარი თვალსაზრისი გამოთქვეს სატელევიზიო ეთერით გინების შესახებ:

_ რატომ არ ახდენთ რეაგირებას პირდაპირ სატელევიზიო ეთერიდან გვარამიას ამაზრზენ გინებაზე? ამას ისმენენ მოსწავლეები, არასრულწლოვანი ბავშვები. გინება ხდება რაღაც ნორმა. როცა საზოგადოებაში, სხვების წინაშე შეურაცხყოფს ერთი მეორეს, ნუ აგინებს, ამას შესაძლოა უმძიმესი შედეგი მოჰყვეს, _ თქვეს მათ.

_ გვარამიას რაც შეეხება, ეს არის მედიაეთიკის საკითხი და ვერავინ ვერაფერს ეტყვის. როცა კერძო ტელევიზიაში არასაჯარო პირი აკეთებს ამას, როგორი აღმაშფოთებელიც უნდა იყოს, თუ ეს არ გადადის მუქარაში, არ არის წამქეზებლური და მიმართულია კონკრეტული ადრესატის მიმართ, ვერაფერს ვიტყვით. სახალხო დამცველი არ არის მორალის პოლიცია. საბედნიეროდ, ჩვენთან არ არსებობს ცენზურა _ უარი ვთქვით ამაზე, ეს ჩვენი მონაპოვარია, არსებობს ეთიკური და არაეთიკური ნორმები. გამოხატვის ფარგლები თავისუფალია მანამ, სანამ იქ არ გაჩნდება ფაშისტური გამონათქვამები. უმჯობესია, იმ ჯგუფებზეც გვესაუბრა, რომლებიც ძალადობენ, ჩაგრავენ, კლავენ... მეც არაერთხელ გავმხდარვარ თავდასხმის ობიექტი. თუმცა, მომწონს, რომ ბიჭები გინების წინააღმდეგი ხართ, _ თქვა ლომჯარიამ.

მოსწავლეებმა შეახსენეს მას, რომ ძალადობრივი გამონათქვამებიც ხშირად არის გვარამიას გამოსვლებში. ასევე, უთხრეს, რომ საუბრის დასაწყისში სახალხო დამცველმა ხაზი გაუსვა, მის ფუნქციებში სიახლეს და ეს არის ის ხაზი, რომ სახალხო დამცველის მანდატი კერძო პირებზეც ვრცელდება.

 ბავშვებმა, ასევე, დასვეს კითხვები, თუ საიდან და როგორ უნდა იგებდნენ ბავშვთა უფლებების დაცვის შესახებ ინფორმაციას, რომელიც მათ არ აქვთ. სახალხო დამცველის მოადგილემ განმარტა, რომ ბავშვებზე ზრუნვა სახელმწიფოს ვალია. მათ სკოლაში უნდა მიეწოდოთ ინფორმაცია საკუთარი უფლებების შესახებ, რასაც ხშირად ვერ იგებენ.

ჟურნალისტმა ნუგზარ ასათიანმა ისაუბრა სენსიტიურ თემაზე, როცა ბავშვები მეზობელ ქვეყანაში გაჰყავთ იქაურ სკოლებში, მერე კი ისევ უკან ბრუნდებიან. ეს პროცესი გასაიდუმლოებულია, რამაც საბოლოოდ შესაძლოა, სახელმწიფოს ზიანი მიაყენოს.

ნინო ლომჯარიამ მოიყვანა მაგალითი, რომ ის ერთ-ერთ პანსიონში ყოფნისას მოსწავლეს შეეკითხა, რა სურს გახდეს. პასუხად მიიღო, რომ რელიგიური თანამდებობა სურს.

_ განათლება უნდა იყოს სეკულარული და ახლა ჩვენ ვმუშაობთ განათლების სამინისტროსთან. თუ კონკრეტული ფაქტები გექნებათ, დაგვიკავშირდით, _ თქვა მან.

სახალხო დამცველის შეხვედრა სოფელ ლიხაურის მცხოვრებლებთან ემოციურ ფონზე წარიმართა _ კარიერების თემა, ინერტული მასალების ამოღების საკითხები, ნებართვით თუ უნებართვოდ გაცემული ლიცენზიების თემა ქვიშა-ხრეშის მოპოვების გამო და ქედან გამომდინარე, უმძიმესი შედეგების გამო, ლიხაურელები სახალხო მოძრაობას აანონსებენ.

_ ჩვენ ქვიშა-ხრეშის მოპოვების წინააღმდეგი არ ვართ _ ვიცით, რომ ამით სასიცოცხლოდ მნიშვნელოვანი საქმე კეთდება. ჩვენ ვითხოვთ იმ კატასტროფული ქმედებების აღკვეთას, რასაც ლიცენზიების კანონიერად თუ უკანონოდ გაცემას ახლავს. ნამატის ამოღება დასაშვები ნორმით უნდა ხდებოდეს და ამაზე არავინ ფიქრობს, ოღონდაც მდინარეში შევიდეს, ფული "აკეთოს" და თუნდაც დაიქცეს ქვეყანა. ნადგურდება ხეობები, შრება ჭები, ვითარდება მეწყერული პროცესები, გვიახლოვდება ეკოლოგიური კატასტროფა, _ ღელავდნენ ლიხაურები.

_ ახლა რაც ხდება გურიის მდინარეებში, ეს არის კრიმინალი, ეს არ არის ქვიშა-ხრეშის მოპოვება კეთილი მიზნებისთვის. ჩვენს სახელმწიფოს ევროკავშირთან ხომ აქვს ხელშეკრულება, სადაც მითითებულია, რომ მოსახლეობა ყოველმხრივ ინფორმირებული უნდა იყოს?! დარღვეულია მათი უფლებები. მდინარეების ფსკერი განადგურებულია. ვიბრძვით ყველანაირად, რომ პროცესები შევაჩეროთ. ჩვენი მოთხოვნაა, ნებისმიერი ლიცენზია, რომელიც იქნება გაცემული, სანამ სერიოზული დასკვნა არ იქნება დადებული, რომ საფრთხე არაის და არაფერს ემუქრება, არ ამოქმედდეს. ამასთანავე ქვიშა-ხრეშის ამოღების დროს მოხდეს კონტროლი, ნებისმიერ უბანზე. წინააღმდეგ შემთხვევაში, მოსახლეობა სერიოზულ გამოსვლას დაიწყებს, _ თქვა ლიხაურის საჯარო სკოლის პედაგოგმა ირმა გორდელაძემ.

ოზურგეთის საკრებულოს დეპუტატმა ლევან მგელაძემ ისაუბრა ლიხაურელთა მაღალ აქტივობაზე.

_ გმირულად დადგა ეს სოფელი, პროცესი მოგვარდა, თუმცა, დარჩა ლიცენზიები. წიაღის სააგენტო არის ჩაკეტილი ორგანიზაცია. რა უნდა ველაპარაკოთ, როცა ექვსსაათიან აუქციონს ატარებენ? გროშებად იყიდება ლიცენზიები, მერე კი უზარმაზარ თანხებად ყიდიან. მუდმივად რომ 50 მძიმე გამავლობის მანქანა გადის, ხრეშით დატვირთული, კონტროლი მოშლილია, თუ რა რაოდენობის ტვირთი უნდა წაიღოს, ან მდინარის კალაპოტს რა მოუვა და ან გზას? ყველა ხიდი დაზიანებულია _ სოფელ მერიაში რომ ჩაინგრა, ყველამ იცის. ლიცენზიების გაცემაზე უმკაცრესი კონტროლი უნდა იყოს. ასევე, ამოღებაზეც. სამი მეტრის სიღრმიდან რომ უნდა ამოიღოს ქვიშა, ცხრა მეტრზე რომ ჩადის, ეს საქმე და ამბავია? _ თქვა მან.

_ ამ კომპანიების უკან კორუფციული ელემენტები ხომ არ ჩანს? _ იკითხა სახალხო დამცველმა, რაზეც მგელაძეს გულწრფელად გაეცინა:

_ ეს ჩვენ უნდა გვკითხოთ, ქალბატონო ნინო?!

ირმა გორდელაძემ საგანგებო მიუთითა, რომ ე. წ. "შავი სამყაროს" წარმომადგენლები განაგებენ კარიერების "ზონებს".

ლიხაურელები მრავალ პრობლემაზე ესაუბრნენ სახალხო დამცველს, რის გამოც გურიას ძალიან უჭირს _ ეს არის მავნებელ ფაროსანას შემოსევა, უმუშევრობა, უწყლობა, რაც უმძიმესი ეკონომიკური ყოფის საფუძველი ხდება. თუმცა, კარიერების თემა და გურიის მდინარეების გადარჩენის, ხეობების, როგორც მათ თქვეს, ვანდალებისგან დაცვა ახლა სასიცოცხლოდ აუცილებელი საკითხია, რომელზე წინაც არანაირი პრობლემა არ დგას და რომლის ირგვლივ სოფელი გაერთიანებულია და ელოდებიან სამთავრობო, მათ შორის, სახალხო დამცვლის მტკიცე თანადგომას.

_ წინააღმდეგ შემთხვევაში, ექვთიმე თაყაიშვილის სოფელი სახალხო მოძრაობას დაიწყებს, _ თქვეს მათ.

_ ჩვენ ყველანაირად დაგიდგებით გვერდით, _ შეხვედრის დასასრულს მოკლედ და მრავალმნიშვნელოვნად უთხრა მასპინძლებს ნინო ლომჯარიამ.




 ახალი ამბები
  • ექსკლუზივი: სად და რატომ გადაჰყავთ გურიის პოლიციის დეპარტამენტის უფროსი კახა მურადაშვილი"გურია ნიუსის" წყაროს ინფორმაციით, გურიის პოლიციის დეპარტამენტის უფროსი კახა მურადაშვილი კახეთში იმავე თანამდებობაზე გადაიყვანეს. როგორც წყარო გვეუვბნება, მურადაშვილის ადგილს სამცხე-ჯავახეთის  პოლიციის დეპარტამენტის მოქმედი უფროსი დაიკავებს. მურადაშვილი აღნიშნულ პოსტს 5 წლის განმავლობაში იკავებდა, რაც უახლოეს პერიოდში იშვიათია. მან ახლახან კოვიდი დაამარცხა საკმაოდ მწვავე ფორმებში. მურადაშვილს, როგორც უწყებს ერთ-ერთ გამორჩეულ თანამშრომელს, ისე ახასიათებენ. ჩვენი წყაროს თქმითვე, მურადაშვილის გადაყვანა როტაციის პრინციპს უკავშირდება. შსს-ს პრესსამსახურში აღნიშნულის შესახებ ინფორმაციას არ ფლობენ. "დავაზუსტებ და დაგიკავშირდებით", _ გვითხრეს უწყებაში. ჩვენი ინფორმაციით კი, მურადაშვილი გუშინ უკვე გამოემშვიდოვბა გურულ ... ...
  • ირაკლი ზარქუა - გუბაზი პარლამენტში 4 წლის განმავლობაში რას აკეთებდა, ძირითადად, ეძინანაკლებად მაინტერესებს, იქნება თუ არა პარლამენტში გუბაზ სანიკიძე, დანარჩენი ოპოზიცია გუბაზისა და გაკოტრებული სააკაშვილის მძევალი არ უნდა გახდეს, _ ამის შესახებ დეპუტატმა ირაკლი ზარქუამ განაცხადა. „ეს არის უმუშევრობა, ეკონომიკური პრობლემები, პანდემია და ა.შ. დროა, სწორედ ამ თემებზე გადავერთოთ. რაც შეეხება ე.წ. ოპოზიციას და მის გარკვეულ ნაწილს, ჩამოყალიბდნენ, რა უნდათ. თუ უნდათ მუშაობა, სამუშაო აქ არის. „ენდიაის“ კვლევები ხომ ნახეს, სადაც პრიორიტეტი ყოველთვის ოპიზიციის აზრს ენიჭებოდა და იცით, ჩვენი პოზიცია ამ კვლევებთან დაკავშირებით. მათ ამომრჩეველი ეუბნებათ, შედით, ილაპარაკეთ პარლამენტში და იქ გააკეთეთ საქმეო. მეტი რა უნდა ვქნათ? ოპოზიციას გონივრული ვადა მივეცით, იმ პირობებში, რა პირობებშიც შესაძლებელი იყო და წავყევით, რეფორმის ნაწილშიც, იგივე საარჩევნო თემატიკაზე. ჩემთვის ნაკლებად საინტერესოა, გუბაზ სანიკიძე პარლამენტში იქნება თუ- არა. არ მაინტერესებს, რადგან ჩვენ ვნახეთ, გუბაზი 4 წლის განმავლობაში რას აკეთებდა, ძირითადად, ეძინა. გუბაზისნაირი ტიპები რომ არიან ოპოზიციაში ლიდერებად, დანარჩენი ოპიზიცია არ უნდა გაჰყვეს. არ უნდა გახდნენ მძევალი გუბაზისა და გაკოტრებული სააკაშვილის“, – განაცხადა ირაკლი ... ...
  • ვინ არიან ვაკის, კრწანისის, დიდუბისა და გლდანის რაიონების გამგებლობის კანდიდატები დედაქალაქის მერმა, კახა კალაძემ ვაკის, კრწანისის, გლდანისა და დიდუბის რაიონების გამგებლობის კანდიდატები წარადგინა. საკადრო ცვლილებების შესახებ თბილისის მერმა მუნიციპალიტეტის მთავრობის დღევანდელ სხდომაზე ისაუბრა.  როგორც მან აღნიშნა, ვაკის რაიონის გამგებლის თანამდებობაზე დავით კვინიკაძის კანდიდატურაა წარდგენილი.  „ვაკის რაიონში გამგებელი იყო ნოდარ ტურძელაძე, რომელიც საქმიანობას პარლამენტში განაგრძობს. მინდა, მას წარმატება ვუსურვო. ვაკის რაიონის გამგებლის თანამდებობაზე დავით კვინიკაძის კანდიდატურას წარმოვადგენ, რომელიც მთელი ამ წლების განმავლობაში, ვაკის გამგებლის მოადგილე იყო. ხუთ წელზე მეტია დავითი ვაკის გამგეობაში სხვადასხვა პოზიციაზე მუშაობდა და ძალიან კარგად იცნობს ვაკის რაიონის საჭიროებებს. ის არის ეკონომისტი, ბიზნესისა და მართვის სპეციალისტი, ოქსფორდ ბრიუკის უნივერსიტეტის კურსდამთავრებული - საერთაშორისო ბიზნესის მაგისტრი.  მას არ აკლია არანაირი გამოცდილება და ყველა პროცესში პირადად იყო ჩართული. დარწმუნებული ვარ, ერთიანი ძალისხმევით, ღირსეულად ვუპასუხებთ ყველა იმ  გამოწვევას, რომელიც ვაკის რაიონს აწუხებს“, - განაცხადა კახა კალაძემ. თბილისის მერმა კრწანისის რაიონის გამგებლად ბექა მიქაუტაძის კანდიდატურა წარადგინა, რომელიც ამ დრომდე, გლდანის რაიონის გამგეობას ხელმძღვანელობდა. „ცვლილებები გვაქვს კრწანისის რაიონში. ლევან ჯაფარიძე, რომელიც აღნიშნულ რაიონს ხელმძღვანელობდა, ამჟამად, საკრებულოში საქმიანობს. კრწანისის გამგებლად მინდა წარვადგინო ბექა მიქაუტაძის კანდიდატურა, რომელიც აქამდე გლდანის რაიონის გამგებელი იყო. ის არის სახელმწიფო მმართველობის მაგისტრი, აქვს მრავალფეროვანი და მრავალწლიანი სამსახურებრივი გამოცდილება, როგორც ადგილობრივი თვითმმართველობის, ისე საკანონმდებლო ორგანოში და საერთაშორისო ინსტიტუტებში მუშაობის. ის არის ძალიან მაღალკვალიფიციური სპეციალისტი და დარწმუნებული ვარ, კრწანისის რაიონში წარმატებით გააგრძელებს საქმიანობას“, - აღნიშნა დედაქალაქის მერმა. რაც შეეხება გლდანს, აღნიშნულ რაიონს ლევან ნაროუშვილი უხელმძღვანელებს, რომელიც ამ დრომდე, გამგებლის მოადგილის თანამდებობას იკავებდა. „გლდანის რაიონში მინდა წარვადგინო ლევან ნაროუშვილის კანდიდატურა - განათლებით ეკონომისტი, მენეჯმენტისა და ეკონომიკის მაგისტრი. ის დღემდე გლდანის გამგებლის მოადგილის თანამდებობას იკავებდა. ჩართულია ყველა იმ პროექტში, რომელიც გლდანის რაიონში დღემდე განხორციელდა. დარწმუნებული ვარ, მისი ახალი თანამდებობით, ყველაფერს გააკეთებს, რომ იმ გამოწვევებს, რომელიც გლდანის რაიონში არსებობს, ღირსეულად უპასუხოს. მინდა, წარმატებები ვუსურვო მას“, - განაცხადა კახა კალაძემ. დიდუბის რაიონის გამგეობას ირმა ზავრადაშვილის ნაცვლად, ლევან ჯღარკავა უხელმძღვანელებს, რომელიც თბილისის მუნიციპალური ინსპექციის უფროსის თანამდებობას იკავებდა. „მინდა, დიდუბის რაიონის გამგებლის პოზიციაზე წარმოგიდგინოთ ლევან ჯღარკავა, რომელიც აქამდე მუნიციპალურ ინსპექციას ხელმძღვანელობდა. მანამდე იყო „თბილსერვის ჯგუფის“ ხელმძღვანელი. არის ძალიან ეფექტიანი მენეჯერი - სპეციალობით იურისტი და ეკონომისტი, რომელსაც აქვს ძალიან დიდი გამოცდილება, როგორც საკანონმდებლო ორგანოში, ასევე, ფინანსთა სამინისტროში, სხვადასხვა შპს-ებში მუშაობის. ლევან ჯღარკავას ერთ-ერთი მნიშვნელოვანი რაიონი ბარდება, რომლის მცხოვრებლებს ახსოვთ წინა გამგებლის, ირმა ზავრადაშვილის საქმიანობა. მინდა, მას ახალ თანამდებობაზე წარმატებები ვუსურვო. მჯერა, რომ ლევან ჯღარკავა აქაც წარმატებული იქნება“, - აღნიშნა კახა კალაძემ. დედაქალაქის მერმა ყველა მათგანს მომავალ საქმიანობაში წარმატებები უსურვა, მოსახლეობასთან ყოველდღიურ რეჟიმში კომუნიკაცია, პროექტებში ჩართულობა და მათი მოსაზრებების მაქსიმალურად გათვალისწინება ... ...
  • კალაძე: კორუფციაში ჩართვის შემთხვევაში, ყველას კანონის სიმკაცრით მოვთხოვთ პასუხსდედაქალაქის მერმა კახა კალაძემ თანამშრომლებს კორუფციული სამართალდარღვევების მიმართ სიფრთხილისკენ მოუწოდა. როგორც მან თბილისის მუნიციპალიტეტის მთავრობის სხდომაზე აღნიშნა, მსგავსი გადაცდომები მიუღებელია. „რამდენიმე დღის წინ მოხდა ჩუღურეთის რაიონის გამგებლის მოადგილის დაკავება, რაც ძალიან ცუდი ფაქტია. ჩვენ ძალიან ბევრჯერ ვისაუბრეთ და ყველას დაგევალათ განსაკუთრებული სიფრთხილე ამ კუთხით. თქვენ იცით ჩემი დამოკიდებულება გადაცდომებთან დაკავშირებით, ამიტომ, მინდა ყველას კიდევ ერთხელ მოგიწოდოთ, მაქსიმალური სიფრთხილით გავაკონტროლოთ თითოეული თანამშრომელი, რომ ვინმეს არ ჰქონდეს რაიმე გადაცდომა“, - აღნიშნა თბილისის მერმა. მისივე თქმით, რაც შეეხება ჩუღურეთის გამგებლის მოადგილის დაკავების ფაქტს, ამასთან დაკავშირებით დაწყებულია გამოძიება. „მე აქ უდანაშაულობის პრეზუმფციას ვერ დავარღვევ. დაველოდოთ გამოძიებას და ის დაადგენს, რასთან გვაქვს საქმე. თუმცა ყველას კიდევ ერთხელ ვაფრთხილებ, რომ, გამოიჩინონ მაქსიმალური ყურადღება თანამშრომლებში, რადგან კატეგორიულად მიუღებელია რაიმე სხვა მიმართულებით ფიქრი, კორუფციაში ჩართულობა და ა.შ. არავის არასდროს გავუტარებთ ამ მიდგომას. ყველას მაქსიმალურად, კანონის სიმკაცრით მოვთხოვთ პასუხს, რადგან კანონის წინაშე ყველანი თანასწორუფლებიანნი და თანაბარნი ვართ“, - განაცხადა  კახა ... ...
  • ბაღდათში უკანონო სახერხი საამქროები გამოავლინესბაღდათის მუნიციპალიტეტში ორი უკანონო სახერხი საამქრო გამოავლინეს. გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ინფორმაციით,  მოქალაქეებს  ბაღდათში ლენტური ტიპის, ბაღდათის მუნიციპალიტეტის სოფელ პირველ ობჩაში კი, ცირკული ტიპის სახერხი საამქროები ჰქონდათ მოწყობილი. გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა სახერხი საამქროები დალუქეს. „ტერიტორიიდან თხმელის სახეობის უკანონოდ მოპოვებული და ტრანსპორტირებული მორებისგან დამზადებული 1,5 კუბური მეტრი ფიცარიცაა ამოღებული. ვინაიდან ფაქტები შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებაში გადაიგზავნა“,_ აცხადებენ გარემოსდაცვითი ზედამხედველობის ... ...

არქივი

ტესტები

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....