ყველი და რძის შემცველობის პროდუქცია _ რა საფრთხეები არსებობს გურიაში?


საზოგადოება

ყველი და რძის შემცველობის პროდუქცია _ რა საფრთხეები არსებობს გურიაში?

13 თებ. 2020, 16:37:58

რძისა და რძის ნაწარმის ვარგისიანობისა და ხარისხის თაობაზე, საზოგადოებაში მრავალი კითხვა არსებობს და საფუძვლიანიც, თუმცა, ბოლო დროს უცხო ქვეყნებიდან შემოტანილი რძის ფხვნილისა თუ შედედებული რძის თემა სკანდალურიც კი გახდა. უფრო მეტიც, რძის პროდუქტის ირგვლივ ატეხილი სკანდალი ძირითადად სიმართლე აღმოჩნდა და ბევრი რამ დადასტურდა, რაც მოსახლეობაში შიშის წარმოქმნის საფუძველი გახდა. კერძოდ, ეს შეეხებოდა ყველის გაურკვეველი შემადგენლობით დამზადებას. კონკრეტულად კი საუბარი იყო რძის ფხვნილსა და ირანიდან შემოტანილ შედედებულ რძეზე.

სურსათის ეროვნული სააგენტოს მიერ, მართლაც გამოვლინდა ყველის არარეგისტრირებული მრავალი მწარმოებელი. კერძოდ, ფიზიკური პირები, რომლებიც არ არიან რეგისტრირებულები და ისე ამზადებენ ყველს, შემდეგ კი მის რეალიზაციასაც დაუბრკოლებლად ახდენენ. სეს-ის მიერ მოხდა იდენტიფიცირება და დაჯარიმება, უფრო მეტიც _ არა ერთგან შეჩერდა საწარმოო პროცესიც.

რა ხდება ამ მხრივ გურიაში, კონკრეტულად კი ოზურგეთში?

საქმე სახარბიელოდ ნამდვილად არ არის: ჩვენი ერთდღიანი მოკვლევის შემდეგ, ოზურგეთის აგრარულ ბაზარში განთავსებულ სავაჭრო დახლებსა თუ სუპერმარკეტებში გასაყიდად გამოტანილ ყველს და რძის შემცველ პროდუქტად წოდებულ სურსათს დოკუმენტური მტკიცებულება ან არ ახლავს, ან ღიმილისმომგვრელი, ერთჯერადად ამობეჭდილი ინფორმაცია აქვთ მიკრული, ყოველგვარი ბეჭდისა და ფაქსმილეს გარეშე.

დიდი დაფიქრება არ სჭირდება იმას, რომ ასეთი ბეჭდური "მტკიცებულების" გაკეთება ნებისმიერ მოქალაქეს უპრობლემოდ შეუძლია და სადაც გაუხარდება, იქ გააკრავს.

ოზურგეთის აგრარულ ბაზარში, სპეციალურად განკუთვნილ სექციაში და ასევე ალაგ-ალაგ, ყოველთვის იყიდება სოფლის მოსახლეობის მიერ შემოტანილი ყველი, რომლის ნამდვილობა უფრო დამაჯერებელია, ვიდრე ე. წ. ქარხნული ყველის. თუმცა, არც ერთ გამყიდველს არანაირი დოკუმენტაცია არ გააჩნია და უმეტესობას აქვს ერთი ბანალური პასუხი: "საქმე დაგელიათ? ვიბარებთ ყველს, მოაქვთ სოფლიდან, ზოგს ქალაქიდანაც. რაა საეჭვო? წადით, ერთმანეთს რომ ხოცავენ ეს შეშლილი პოლიტიკოსები, იმათ მიხედეთ!"

შედარებით კორექტულად მოსაუბრენი ამბობენ, რომ აქვთ ყველანაირის საბუთები, თუმცა "ბუღალტერი რომ წავიდა შინ, ეს დოკუმენტაციაც გაიყოლა".

ოზურგეთის ბაზარში მდებარე მარკეტში, რომელიც ინდმეწარმე "გია ტყეშელიაძეს"ეკუთვნის, რძის შემცველი პროდუქტი, რასაც ხალხი მაინც ყველს ეძახის, ერთი კილოგრამი ცხრა ლარად იყიდება. აქ წარმოდგენილი ეტიკეტის მიხედვით, რომლის გამცემად შპს "ნინი" არის დასახელებული, რძის შემცველი პროდუქტის შემადგენლობა ერთჯერადად ამობეჭდილ ფურცელზე წარმოდგენილია შემდეგი შემადგენლობით: "ცხიმი, ნაჯერი ცხიმოვანი მჟავები, ნახშირწყლები, მათ შორის შაქრები, ცილა, მარილი... შეიცავს ალერგონს." "შენახვის პირობების" გასწვრივ გაურკვეველია ტემპერატურის აღმნიშვნელი რიცხვია, ხოლო დამზადების თარიღია 13 იანვარი, გამოყენება კი 13 თებერვლამდეა დაშვებული. საკითხავია, რამდენად შეესაბამება ეს სიმართლეს, ერთ თვეზე მეტი არის თუ არა გასული ამ პროდუქტის დამზადებიდან, თუმცა, ერთი თვეც საკმაოდ დიდი დროა.

ვადების დაცულობის მხრივ, გაცილებით უკეთესი მდგომარეობაა შპს "მოდერნში" წარმოდგენილ ეტიკეტზე, სადაც აგროკონსორციუმ "წეროვანის" პროდუქციას ტრანსპორტირების პირობებში 15 გრადუსი ტემპერატურა აქვს მითითებული, დამზადების თარიღი 5 თებერვალია, ვარგისიანობის ვადა კი 12 თებერვლამდე არის მითითებული. პროდუქციის სარეალიზაციოდ გატანის ერთკვირიანი ვადა დამაკმაყოფილებელია და საპრეტენზიოც შესაძლოა, არაფერი იყოს, თუმცა, აქაც ეტიკეტირება ბეჭდური სახითაა წარმოგენილი ფურცელზე, ყოველგვარი დამოწმების გარეშე და ეჭვის საბაბს ღიად იძლევა.

ყველაზე მთავარი კი რაც არის, მოქალაქეთა ინდიფერენტულობაა _ ჩვენი დაკვირვების დროს, პროდუქტის შეძენისას, არც ერთ მოქალაქეს არ უჩნდება სურვილი, დაიცვას მომხმარებლის უფლება _ იკითხოს და გადაამოწმოს, რამდენად დაცულია ვადები, ხარისხი, შემადგენლობა და ასე შემდეგ.

საცხობი "ნონა ბებოს ღვეზელი", სადაც სხვადასხვა დასახელების პროდუქცია იყიდება, აქ მომუშავეთა განმარტებით, მხოლოდ ნატურალურ პროდუქტს მოიხმარენ. ყიდულობენ სოფლიდან შემოტანილ ყველს და რძის შემცველ პროდუქტს, მათივე თქმით, ხელოვნურ ყველს, სარეალიზაციოდ არ იყენებენ.

_ ასეთი შემთხვევაც გვქონდა, მოიტანეს ე. წ. ქარხნის ყველი, თუმცა შემოთავაზებაზე უარი ვუთხარით და გავატანეთ უკან, _ გვითხრეს აქ.

კითხვაზე, აქვთ თუ არა შესაბამისი დოკუმენტაცია, აქ მომუშავე ქალბატონებმა მეორე დღისთვის დაგვიბარეს. აქვე დასვეს სამართლიანი კითხვებიც, რატომ უნდა ებრძოლონ რიგით მოქალაქეებს, რომლებიც მცირე ბიზნესს რის ვაივაგლახით აწარმოებენ, როცა მთელ ქვეყანაში ცნობილი გახდა, თუ ვის როგორ და რა გზებით შემოაქვს ქვეყანაში ირანული წარმოშობის შედედებული რძე თუ ფხვნილი.

_ ჩვენ რაც გვერჩით? სათავეში ვინც ამღვრევს წყალს, იმათ დაეტაკეთ. ყველაფერი უბედურება იქედან მოდის. აქ ყოველთვის სოფლის ყველს ვყიდულობთ და ყოველთვის შეიძლება ამის დაზუსტება, _ გვითხრეს "ნონა ბებოს ღვეზელის" თანამშრომლებმა.

სურსათის ეროვნული სააგენტოს, გურიის რეგიონული სამსახურის უფროსი მანანა ერქომაიშვილი "გურია ნიუსთან" საუბრისას განმარტავს, რომ ყველსა და რძის შემცველ პროდუქტს ყოველთვის ახლავს შესაბამისი ეტიკეტი.

კითხვაზე, როგორ ხდება გაურკვეველი დოკუმენტაციის იდენტიფიცირება, არსებობს ეტიკეტები, რომლის ანალოგიურიც, შესაძლებელია ყველა მოქალაქემ დაბეჭდოს, ის ამბობს, რომ რისკები ყოველთვის არსებობს.

_ ეტიკეტი მოჰყვება პროდუქციას, სადაც მითითებულია, თუ რომელ რეგიონშია ის დამზადებული. ხდება ასევე ნიმუშების აღება და შემოწმება.

_ ქალბატონო მანანა, გეგმიურად თუ არის დადგენილი, რამდენ ხანში ხდება ყველის ნიმუშის აღება და რომელ ლაბორატორიაში ისინჯება?

_ ასე ზუსტად არ არის გაწერილი. შეიძლება, თვეში ოთხჯერ ან ხუთჯერაც გახდეს საჭირო _ რისკებს გააჩნია. ლაბორატორია ჩვენთან არ არის. შემოწმება ბათუმში ხდება.

_ რძის საწარმო თუ არის გურიაში, სადაც ამზადებენ ეგრეთ წოდებულ ყველს?

_ არა, ნამდვილად არ არის. ერთი იყო ლანჩხუთში და იმანაც შეაჩერა მუშაობა.

_ კუსტარულად დამზადების შესახებ თუ გსმენიათ? ჩვენ გვაქვს ინფორმაცია, რომ რძის შემცველ პროდუქციას ოზურგეთშიც ამზადებენ.

_ არ ვიცი, ასეთი არ მსმენია.

_ სოფლიდან შემოტანილ ყველს თუ უტარდება კვლევა და ნიმუშების აღება თუ ხდება?

_ როცა დაგვავალებენ, ვიღებთ. ისე კი შემოწმება ხდება, ნამდვილად არის თუ არა პირუტყვი ბრუცელოზზე აცრილი. ზოგადად, უყურადღებოდ არ ვტოვებთ არაფერს. გითხარით, რისკები არსებობს. სურსათის ეროვნულმა სააგენტომ, როგორც ვიცით, გამოავლინა არარეგისტრირებული მწარმოებლები. ინსპექტირება ხდება მთელი ქვეყნის მასშტაბით, კონტროლი გამკაცრებულია და ეს პროცესი გაგრძელდება, _ გვითხრა მანანა ერქომაიშვილმა.

როგორც საერთო სურათი გვიჩვენებს, მიუხედავად იმისა, რომ მთავრობის დადგენილებით, 2020 წლის 9 იანვრიდან ძალაში შევიდა გადაწყვეტილება, რომლის თანახმად უნდა შემოწმდეს ნებისმიერი ფიზიკური პირი, რომელიც რძის პროდუქტებს აწარმოებს, მარტივი დაკვირვების დროსაც კი ადვილად ჩანს, რომ ეს პროცესი ჯერ კიდევ აქტიურ ფაზაში არაა. კერძოდ, რაც თვალში საცემია, რძის პროდუქტს ახლავს გაურკვეველი, ერთჯერადად ამობეჭდილი, ხელმოწერის გარეშე გამოფენილი ეტიკეტები. შესაძლოა, დიდი ალბათობით, ეს ეტიკეტი სწორიც იყოს, თუმცა, ძირითადად გამყიდველის კეთილსინდისიერებაზეა დამოკიდებული. ლოგიკური კითხვა კი, როგორ იყოს დარწმუნებული მყიდველი ეტიკეტის სანდოობაში, რომელიც უბრალოდ, პრინტერზეა ამობეჭდილი, რატომ არ აქვს ამ დოკუმენტს დასრულებული სახე, თუნდაც, ფორმალურად, რომ მყიდველი გარეგნულად მაინც დარწმუნდეს მის საიმედოობაში _ მაინც პასუხგაუცემელი რჩება და ტოვებს დიდ, საფუძვლიან ეჭვს. ეს ის კითხვებია, რომელიც ყოველდღე აქტიურდება და არა ერთხელ მიგვაბრუნებს იმ უმწვავეს საკითხთან, რასაც რძის შემცველობის პროდუქციის წარმოება ჰქვია.




 ახალი ამბები
  • ბაკურიანში დიდი თოვლი მოვიდაკურორტ ბაკურიანში დღეს დიდი თოვლი მოვიდა _ კადრებს სოციალური ქსელის მომხმარებელი ივა სირაძე ავრცელებს. გარემოს ეროვნული სააგენტო ცნობით, საქართველოში მოსალოდნელია ნალექი, ზოგან ძლიერი _ 19-20 იანვარს, უმეტესად თოვლის სახით, მთაში ზოგან ნისლი და ქარბუქი, ზღვაზე 2-3 ბალიანი ღელვა, საავტომობილო გზებზე ლიპყინული, ელექტროგადამცემ ხაზებზე მოყინულობა, მთიან რეგიონებში ზვავსაშიშროება; 19-22 იანვარს ღამის საათებში კოლხეთის დაბლობზე ჰაერის ტემპერატურის -4, -6 გრადუსამდე მოსალოდნელმა დაწევამ შესაძლებელია ციტრუსები, განსაკუთრებით ლიმონის ნარგავები ... ...
  • გაბუნია ვაქცინაციაზე: ამბიციური სამიზნე მაჩვენებელი არის მოზრდილი მოსახლეობის 60%ჯანდაცვის მინისტრის მოადგილე, თამარ გაბუნია, ვაქცინაციაზე საუბრისას ამბობს, რომ იმუნურობის საჭირო დონის მისაღწევად, ზრდასრულების 60%-ის აცრაა საჭირო. "სამიზნე მაჩვენებელი - ეს არის საორიენტაციო, თუმცა ამბიციური სამიზნე მაჩვენებელი, რასაც ჩვენ გვინდა, რომ მივაღწიოთ ქვეყნის კორონავირუსული ინფექციისაგან დასაცავად - არის მოზრდილი მოსახლეობის 60%, რაც იქნება იმუნურობის დონის გარანტია, რომ მოვახერხოთ ეკონომიკის სტაბილური და უსაფრთხო გახსნა გრძელვადიან პერსპექტივაში. პირველი ჯგუფი არიას ჯანდაცვის პროფესიონალები, შემდეგ ამას მოჰყვება ასაკობრივი პაციენტები და მაღლი რისკის სხვა ჯგუფები", - ამბობს გაბუნია. ამასთან, გაბუნია ამბობს, რომ ტექნიკური სამუშაოების ნაწილი დასრულებულია. "ვაქცინის დანერგვის გეგმის ტექნიკურ ნაწილზე მუშაობა პარასკევს დასრულდა. მასში 82 სპეციალისტი იყო ჩართული. დღეს ჯანდაცვის სამინისტროს იურიდიული დეპარტამენტი ამზადებს უკვე გეგმის ვერსიას, რაც მთავრობის ადმინისტრაციაში დასამტკიცებლად გამოიგზავნება. ვფიქრობ, რომ კვირის ბოლომდე ეს დასრულდება. გეგმაში განსაზღვრულია სამი ეტაპი, რის მიხედვითაც მაღალი რისკის ჯგუფებიდან მოხდება ვაქცინაცია, მოსახლეობის იმ ჯგუფებამდე, რომელსაც რისკი მაღალი არ აქვს, თუმცა იმუნიტეტის განვითარებისთვის მათი მოცვა მნიშვნელოვანია". ამავე ბრიფინგზე ამირან გამყრელიძემ თქვა, რომ მივდივართ სტაბილიზაციისკენ, მაგრამ ეს დამშვიდების საფუძველს არ ... ...
  • ოპოზიციონერი დეპუტატი ფრიდონ ინჯია ოპოზიციას გაქრობას" უწინასწარმეტყველებსოპოზიციონერი დეპუტატი ფრიდონ ინჯია ოპოზიციას შანტაჟში ადანაშაულებს და ამბობს, რომ პარტიების ნაწილის განცხადება, თუ რიგგარეშე საპარლამენტო არჩევნებს არ დაინიშნება თვითმმართველობის არჩევნებს ბოიკოტს გამოუცხადებენ, შანტაჟია. ინჯია ოპოზიციას "გაქრობასაც" უწინასწარმეტყველებს: "შეიძლება ვიღაცამ ბოიკოტი გამოუცხადოს, მაგალითად, რომელიღაცა სოფელმა და იმ პარტიამ, ვისაც 0,5% აქვს. ვნახოთ, ყველაფერს დრო აჩვენებს, მაგრამ ეს არის შანტაჟი სხვადასხვა მეთოდებით. თვითმმართველობის არჩევნები როდის იქნება, ჯერ გამოცხადებული არ არის და ვნახავთ, ვინ დარეგისტრირდება. ვფიქრობ, რომ ბევრი პარტია მიიღებს მონაწილეობას თვითმმართველობის არჩევნებში. თუ არ მიიღებენ, ისინი უახლოეს წლებში საერთოდ გაქრებიან“, _ ამბობს ინჯია. შეგახსენებთ, რომ ინჯია პარლამენტში "პატრიოტთა ალიანსის" სიით ... ...
  • გიორგი ვაშაძე - ჩემზე რომ რამე კომპრომატი იყოს, უკვე იქნებოდა გამოყენებულიჩემზე რომ რამე კომპრომატი ოყოს, ეს კომპრომატი იქნებოდა უკვე დიდი ხნის გავრცელებულიც და გამოყენებულიც, არაერთხელ მქონია განსხვავებული პოზიციები თუნდაც მის მერ დასახელებულ პიროვნებებთან, – ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა. აღნიშნული კომენტარით ის გამოეხაურა ალეკო ელისაშვილის განცხადებას, რომლითაც მან არ გამორიცხა, რომ გიორგი ვაშაძეს ყოფილი ხელისუფლების წარმომადგენლები, მათ შორის მერაბიშვილი და ბოკერია კომპრომატებით ემუქრებოდნენ. გიორგი ვაშაძე ელისაშვილის ამ განცხადებას ჭორაობას უწოდებს. „ჩემზე რომ რამე კომპრომატი იყოს, დიდი ხანი იქნებოდა ეს კომპრომატი უკვე გავრცელებულიც და გამოყენებულიც ამ საკითხთან დაკავშირებით, არაერთხელ მქონია განსხვავებული პოზიციები თუნდაც მის მერ დასახელებულ პიროვნებებთან. ასე რომ, ეს არის ტყუილი, ზღაპარი და ძალიან ვთხოვ ალეკოსაც, იაგოსაც, ყველას, აქცენტი იყოს „ქართული ოცნება“ და არა – ოპოზიცია. დიდ ყურადღებას არ ვაქცევ ასეთ განცხადებებს, სიმართლე გითხრათ, იმუნიტეტი გამომიმუშავდა ამერიკაში ყოფნის პერიოდში, მაგრამ რასაც ხელს უშლის, ასეთი პოზიციონირება ნამდვილად უშლის მოლაპარაკებების შედეგიანად დასრულებას. დანარჩენი, თუ რამე იციან, თქვან, თუ არადა დაანებონ თავი ჭორაობას, ეს არის ჭორაობა, პოლიტიკოსი დაკავებული უნდა იყოს არა შეთხზვით, არამედ საქმის გადაწყვეტით“, – განაცხადა გიორგი ვაშაძემ. ალეკო ელისაშვილი ვარაუდობს, რომ გიორგი ვაშაძეს ყოფილი ხელისუფლების წარმომადგენლები, მათ შორის ვანო მერაბიშვილი და გიგა ბოკერია სწორედ ამ კომპრომატებით ემუქრებიან. „არ გამოვრიცხავ, რომ იყოს სხვა მიზეზები. გიორგი ვაშაძის ან სხვების წინააღმდეგ, სხვა ოპოზიციონერების წინააღმდეგ, რომლებიც ერთ დღეს ამბობენ, შევხვდეთო დ მეორე დღეს ამბობენ, აღარ გვინდა შეხვედრაო, სხვა ბერკეტებიც ჰქონდეთ ზოგიერთი ოპოზიციური პარტიის წარმომადგენლებს. მაგალითად, კომპრომატები და სწორედ ამით მართავდნენ და ამას იყენებდნენ მათი პოზიციების ცვლილებებისთვის. „ქართული ოცნებაც“ ამბობდა და ლოგიკა არის ამაში, სამწუხაროდ. ვის შეიძლება ჰქონდეს მათ წინააღმდეგ კომპრომატები? არ ვიცი, ვინც წინა ხელისუფლებაში იყვნენ. ალბათ, ვანო მერაბიშვილი, გიგა ბოკერია და ისინი, ვინც იყვნენ ადრეც ამით დაკავებულები, ხომ გვახსოვს“,- განაცხადა ალეკო ელისაშვილმა. „მოქალაქეების“ ლიდერი ალეკო ელისაშვილი და „გირჩის“ ლიდერი იაგო ხვიჩია აცხადებენ, რომ გიორგი ვაშაძე მათთან შეხვედრაზე თანახმა იყო, თუმცა დღეს პოზიცია შეცვალა და შეხვედრაზე უარს ... ...
  • საკოორდინაციო საბჭო მოქმედი შეზღუდვების ეტაპობრივი მოხსნის გეგმაზე მუშაობსვაქცინაციის სამოქმედო გეგმა, ქვეყანაში არსებული ეპიდემიოლოგიური მდგომარეობა და შეზღუდვების ეტაპობრივად მოხსნა განიხილა უწყებათაშორისმა საკოორდინაციო საბჭომ დღევანდელ სხდომაზე, რომელიც პრემიერ-მინისტრ გიორგი გახარიას ხელმძღვანელობით მთავრობის ადმინისტრაციაში გაიმართა. პრემიერ-მინისტრის პრესსამსახურის ინფორმაციით, საბჭომ დეტალურად იმსჯელა ვაქცინით მოსახლეობის მოცვის გეგმასა და იმ სამიზნე ჯგუფების შესახებ, რომელთა ვაქცინაცია უპირველესად განხორციელდება. როგორც ცნობილია, გეგმა ასევე მოიცავს ვაქცინაციასთან დაკავშირებულ ლოგისტიკურ თუ საოპერაციო საკითხებს. „საბჭოს სხდომაზე ისაუბრეს იმ ნაბიჯებზე, რომელიც საქართველოში ვაქცინის შემოსვლის მიმართულებით იდგმება. როგორც ცნობილია, კოვიდვაქცინაციის თემაზე პრემიერ-მინისტრის დავალებით შექმნილი სპეციალური კომისია ინტენსიურ რეჟიმში განაგრძობს მუშაობას, როგორც ვაქცინის დროული მიღების, ისე ქვეყანაში შესაბამისი გამართული ინფრასტრუქტურის უზრუნველყოფის კუთხით. აღსანიშნავია, რომ საქართველოში სამედიცინო პერსონალისთვის ვაქცინის პირველი დოზების მიღებასთან დაკავშირებით COVAX-პლატფორმის მზადყოფნის დადასტურების პარალელურად, მოლაპარაკებები ერთდროულად რამდენიმე მწარმოებელთან ინტენსიურ რეჟიმში გრძელდება. საბჭოს სხდომაზე კიდევ ერთხელ გაესვა ხაზი იმ ფაქტს, რომ ქვეყანაში ვაქცინის შემოსვლის უპირველესი წინაპირობა ჯანმრთელობის მსოფლიო ორგანიზაციის პრეკვალიფიკაცია და მისი საერთაშორისო აღიარებაა“, – აღნიშნულია პრემიერ-მინისტრის პრესსამსახურის ინფორმაციაში. მათივე ცნობით, უწყებათაშორისი საკოორდინაციო საბჭოს სხდომაზე აღინიშნა, რომ მოქმედი შეზღუდვების შედეგად, შეინიშნება ვირუსით ინფიცირების შემთხვევების სტაბილიზაცია და დადებითობის მაჩვენებელი საშუალოდ ბოლო ერთ კვირაში 8,3%-ია, თუმცა ეს მოდუნების საფუძველი არ უნდა გახდეს და კვლავაც უმნიშვნელოვანეს პრევენციულ ღონისძიებებად რჩება სოციალური დისტანციის დაცვა და პირბადეების ტარება. დაავადებათა კონტროლის ეროვნული ცენტრის ხელმძღვანელმა ამირან გამყრელიძემ სხდომაზე აღნიშნა, რომ დღეს საქართველოში პირბადის ტარების მაჩვენებელი 75%-ია და ჯანმრთელობის გაზომვათა ინსტიტუტის პროგნოზით, თუ ის 95%-ს მიაღწევს, მაისში ინფიცირების ყოველდღიური შემთხვევები 10-77-ის ფარგლებში იქნება. „საბჭომ ასევე იმსჯელა გლობალურად ინფექციის გავრცელების კუთხით არსებულ ვითარებაზე. აღინიშნა, რომ მსოფლიოში, მათ შორის ევროპაში სიტუაცია კვლავ მძიმე რჩება და არაერთმა ქვეყანამ შეზღუდვების გახანგრძლივების თუ გამკაცრების გადაწყვეტილება მიიღო. მსოფლიოში არსებული ტენდენციებისა და ზოგადი ეპიდემიოლოგიური მდგომარეობის ანალიზის გათვალისწინებით, საკოორდინაციო საბჭოს სხდომაზე განსაკუთრებით გაესვა ხაზი საქართველოში დღეს მოქმედი შეზღუდვების ეტაპობრივად მოხსნის აუცილებლობას. აღინიშნა, რომ აუცილებელია გადაიდგას მაქსიმალურად ფრთხილი ნაბიჯები და თითოეული შეზღუდვის მოხსნა ეფუძნებოდეს არსებული ეპიდემიოლოგიური ვითარების მკაცრ მონიტორინგს, რათა არსებული სტაბილიზაციის შემდეგ, ინფიცირების მაჩვენებლები კვლავ მნიშვნელოვნად არ გაიზარდოს. პრემიერ-მინისტრის დავალებით, შემუშავდება ქვეყანაში დღეს მოქმედი შეზღუდვების ეტაპობრივი მოხსნის გეგმა, რომელიც საზოგადოებას უახლოეს პერიოდში წარედგინება. ამასთან, მთავრობის მეთაურის დავალებით, ინტენსიურად გრძელდება ერთობლივი მუშაობა კერძო სექტორთან, რადგან ბიზნესმა ვირუსის პრევენციის მიზნით შემუშავებული დაცვის მექანიზმებისა და დამატებითი კომპონენტების გათვალისწინებით, გახსნის ეტაპზე უზრუნველყოს კოვიდუსაფრთხოების მაღალი სტანდარტი. გარდა ამისა, შესაბამისი უწყებების მხრიდან აქტიურად კონტროლდება ქვეყნის მასშტაბით დღეს მოქმედი შეზღუდვების აღსრულება. სამართალდამცველების მიერ განხორციელებული მონიტორინგის შედეგად, ბოლო 24 საათის განმავლობაში, ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1 107 ფაქტი გამოვლინდა. პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად, 121 ფიზიკური პირი დააჯარიმა. მათ  შორის არიან მოქალაქეები, რომლებმაც 21:00-დან 05:00 საათამდე მოქმედი გადაადგილების შეზღუდვის წესი დაარღვიეს. პირბადის ტარების წესის დარღვევის ფაქტზე კი ბოლო 24 საათის განმავლობაში 986 ფიზიკური პირი დაჯარიმდა. საქართველოს მთავრობის N322 დადგენილებით აკრძალული საქმიანობის განხორციელების საფუძვლით დაჯარიმდა სამი ობიექტი, რომელიც მათ შორის გასართობ დაწესებულებაში, ხალხმრავალი სოციალური ღონისძიების ორგანიზებას გულისხმობდა. ადმინისტრაციულ სამართალდარღვევათა კოდექსით გათვალისწინებული სანქციის გარდა, ობიექტებს საქმიანობა შეუჩერდათ. საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 247 915 ლაბორატორიულად დადასტურებული შემთხვევა გამოვლინდა, საიდანაც 234 636 პირი გამოჯანმრთელდა, გარდაცვლილია 2 958 ადამიანი. ამ ეტაპზე, კარანტინში იმყოფება 460 ადამიანი, კლინიკურ სასტუმროებში – 634 მოქალაქე, ხოლო სტაციონარში, მეთვალყურეობის ქვეშ – 3 670 პირი. პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ადმინისტრაცია“, – ნათქვამია პრემიერ-მინისტრის პრესსამსახურის მიერ გავრცელებულ ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....