რას ფიქრობს მმართველი გუნდი განათლების ყოფილ და ახალ მინისტრებზე

საზოგადოება

რას ფიქრობს მმართველი გუნდი განათლების ყოფილ და ახალ მინისტრებზე

2017 ნოე 16 18:15:50

სამთავრობო ცვლილებების შედეგად საქართველოს განათლებისა და მეცნიერების სამინისტროს ახალი მინისტრი მიხეილ ჩხენკელი უხელმძღვანელებს. ამის შესახებ საქართველოს პრემიერ–მინისტრმა გიორგი კვირიკაშვილმა მთავრობის კანცელარიაში გამართულ ბრიფინგზე განაცხადა, სადაც მან მინისტრთა კაბინეტში გატარებულ ცვლილებებსა და სამინისტროების შემცირების შესახებ ისაუბრა. ახალმა მინისტრმა განათლების მინისტრის პოსტზე ალექსანდრე ჯეჯელავა ჩაანაცვლა.

რას ფიქრობენ ალექსანდრე ჯეჯელავას მინისტრობის ერთ წელზე და როგორი მოლოდინი არსებობს ახალი მინისტრთან დაკავშირებით? _ ამ თემებზე სასაუბროდ ,,გურია ნიუსი“  განათლების და მეცნიერებისა და კულტურის  კომიტეტის წევრს ზაზა პაპუაშვილსა  და ,,ქართული ოცნების“  წევრს ზაქარია ქუცნაშვილს დაუკავშირდა.

 ზაზა პაპუაშვილის გაცხადებით, განათლების სამინისტროს კარგი რეორგანიზაცია სჭირდება.  ,,ქართული ოცნების“ წევრის თქმით, ჯეჯელავასთან დაკავშირებით კითხვები ყოველთვის ჰქონდა. 
როდესაც მინისტრის პოსტზე ინიშნება ადამინი,  ყოველთვის მებადება კითხა: რატომ გახდა მინისტრი და რა რეფორმებს გაატარებს საგანმანათლებლო სისტემის გასაუმჯობესებლად. მე ვფიქრობ, წარსულის შეცდომებზე უკეთესი მომავლის შენება უნდა შევძლოთ. ალექსანდრე ჯეჯელავასთან დაკავშირებით ყოველთვის მქოდა კითხვები, მის არაორდინალურ და თამამ განცხადებებს მოჰყვებოდა თუ არა ქმედითი ნაბიჯები, რაც ვერ შეძლო. ვფიქრობ, რომ განათლების სამინისტროს კარგი რეორგანიზაცია სჭირდება. არ შეიძლება გარკვეულმა ხელმძღვნელებმა თავიანთი აკვიატებით მართონ დეპარტამენტები.  ახალ მინისტრს არ ვიცნობ, მაგრამ მას სამეცნიერო და პედაგოგიური წრეები დადებითად ახასიათებენ. როგორც ვიცი,  ძალიან დიდი გამოცდილებისა  და კვალიფიკაციის მქონეა და  დარწმუნებული  ვარ, რომ განათლების სამინისტროს ღირსეულად უხელმძღვანელოს“, _ თქვა ჩვენთან საუბრისას ზაზა პაპუაშვილმა.

ალექსანდრე ჯეჯელავასთან დაკავშირებით საპირისპიროს ფიქრობს ,,ქართული ოცნების“ წევრი ზაქარია ქუცნაშვილი. მისი განცხადებით, ალექსანდრე ჯეჯელავა მისთვის მოსაწონი მინისტრი იყო, თუმცა, მისი თქმით, სიღრმისეული შეფასებისგან თავს შეიკავებს. რაც შეეხება ახალ მინისტრს, ქუცნაშვილის განცხადებით, ამ პიროვნების შესახებ მედიის საშუალებით გაიგო.

მე მოვერიდებოდი ალექსანდრე ჯეჯელავას შეფასებას, რადგან ადამიანი მხოლოდ და  მხოლოდ  ერთ წელი იყო თანამდებობაზე. შემიძლია გითხრათ, რომ ეს პიროვნება არის საკმაოდ თავისუფალი, ერუდირებული, რაც, არ დაგიმალავთ და გეტყვით, რომ  მომწონს.

_ ბატონო ზაქარია, წარმატებული იყო ჯეჯელავას მინისტრობის პერიოდში განათლების სისტემა?

_ მისი მინისტრობის პერიოდში ყურადღება მიექცა პროფესიული განათლების მიმართულებას, მაგრამ იქიდან გამომდინარე, რომ  მისი მინისტრად მოღვაწეობის პერიოდი იყო  საკმაოდ ხანმოკლე,  ამიტომაც  მოვერიდებოდი შეფასების გაკეთებას.

ახალ მინისტრს არ ვიცნობ, მედიით გავიგე ამ პიროვნების თაობაზე. რაც  ვიცი მისი ბიოგრაფიული მონაცემებიდან, საკმაოდ წარმატებული  მეცნიერი იყო უცხოეთში, სხვა მონაცემებს ამ პიროვნების თაობაზე არ ვფლობ.

განათლების ახალი მინისტრის მიხეილ ჩხენკელის ბიოგრაფია ასეთია:

მიხეილ ჩხენკელმა ოქროს მედალზე დაამთავრა თბილისის პირველი საშუალო სკოლა, შემდეგ  თსუ-ს მექანიკა-მათემატიკის ფაკულტეტი. იყო მუსხელიშვილის სახელობის სტიპენდიანტი. სწავლობდა  პენსილვანიის უნივერსიტეტში დოქტორანტურაზე, მინიჭებული აქვს  მათემატიკის დოქტორის სამეცნიერო ხარისხი.

20 წლის განმავლობაში ასწავლიდა ამერიკის წამყვან უნივერსიტეტებში.

მიღებული აქვს მრავალი ჯილდო სამეცნიერო და პედაგოგიური მოღვაწეობისთვის, მათ შორის _ საპროფესორო ოსკარი საუკეთესო სწავლებისთვის, პენსილვანიის უნივერსიტეტის 9 ჯილდო საუკეთესო სწავლებისთვის, Goldman Sachs-ის ფონდის პრემია, სამეცნიერო-კვლევითი გრანტები და სტიპენდიები. არის მრავალი სამეცნიერო სტატიის ავტორი, ამერიკაში გამოცემული წიგნების რეცენზენტი და სამეცნიერო-კვლევითი საზოგადოებების წევრი.

ამერიკაში იყო მათემატიკის დეპარტამენტის კომპიუტინგის კომიტეტის თავმჯდომარე, პროფესორთა სენატის წევრი, მათემატიკის და კომპიუტერული მეცნიერების საკონკურსო კომიტეტების წევრი, ტექნოლოგიის, ანალიტიკური აზროვნების, აკადემიური სტანდარტების კომიტეტების წევრი, მათემატიკური საზოგადოების სტუდენტთა სამეცნიერო კონფერენციების ჟიურის წევრი, სამეცნიერო-კვლევითი კონფერენციების და მათემატიკური ოლიმპიადების ორგანიზატორი, Cengage Learning-ის მრჩეველი და გოლდვოტერის პრემიის კომიტეტის წევრი. მიხეილ ჩხენკელი იყო თსუ-ს რექტორის მოადგილე.

მონაწილეობს საერთაშორისო სამეცნიერო კონფერენციებში, მათ შორის - ამერიკის მათემატიკური საზოგადოების და ამერიკის მათემატიკური ასოციაციის სამეცნიერო კონფერენციებში. მონაწილეობს ახალი კურიკულუმების შემუშავებაში და კითხულობს ლექციებს. აქვს მჭიდრო კავშირები წამყვანი უნივერსიტეტების პროფესორებთან, მათ შორის - ჰარვარდის, პრინსტონის, პენსილვანიის, იელის, კოლუმბიის, ბრაუნის, კორნელის, ჩიკაგოს, ბერკლის, ნიუ იორკის, ჯონს ჰოპკინსის, მასაჩუსეტსის. არის ამერიკის უნივერსიტეტების პროფესორთა ასოციაციის წევრი.




 ახალი ამბები
  • ოჯახი და პოლიცია 45 წლის მამაკაცს ეძებსოჯახი 45 წლის ლაშა ხვინგიას ეძებს. ახალგაზრდა მამაკაცი თბილისში ცხოვრობს. ის სახლიდან 30 ოქტომბერს გავიდა და მას შემდეგ მის შესახებ არავინ არაფერი იცის. ნათესავების ინფორმაციით, ის ბოლოს საავადმყოფოში გამოკვლევების ჩასატარებლად წავიდა. პოლიციამ ოფიციალურად გამოაცხადა მასზე ძებნა, თუმცა ჯერჯერობით უშედეგოდ. წყარო: ... ...
  • საპრეზიდენტო არჩევნების მეორე ტურის თარიღი, სავარაუდოდ, დღეს დასახელდებასაქართველოს ცენტრალურ საარჩევნო კომისიაში დღეს, 13:00 საათზე სხდომა გაიმართება, რომელზეც ერთ-ერთი მთავარი განსახილველი საკითხი საპრეზიდენტო არჩევნების მეორე ტურის თარიღზე შეჯერებაა. ამის შესახებ ინფორმაცია ცეკოს ვებგვერდზეა განთავსებული. დღის წესრიგის მიხედვით, სხდომაზე შეჯამდება საქართველოს პრეზიდენტის 2018 წლის 28 ოქტომბრის არჩევნების პირველი ტურის შედეგები. ასევე იმსჯელებენ 28 ოქტომბრის არჩევნების მეორე ტურისთვის სახელმწიფოს მიერ გამოყოფილი თანხის განაწილებისა და გამოყენების წესის განსაზღვრის თაობაზე. ცესკომ განაცხადა, რომ კანონდარღვევა არ იქნება თუ მეორე ტური სამუშაო დღეს ... ...
  • ქმარმა ცოლი საჭმლის დროულად არ მიტანის გამო გაკოჭა, სცემა და დანით დაჭრა14 თებერვალს, მარნეულის რაიონში, მთვრალ მდგომარეობაში მყოფმა კაცმა მის გამო, რომ მეუღლემ დროულად არ მიუტანა საჭმელი, სასტიკად სცემა, ამის შესახებ ინფორმაციას საქართველოს მტავარი პროკურატურა ავრცელებს. უწყების ცნობით, ბოლნისის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და მეუღლის მიმართ განხორციელებული წამებისა და თავისუფლების უკანონო აღკვეთისთვის ბრალდებული გ.გ. დამნაშავედ ცნო. ამის შესახებ ინფორმაციას მთავარი პროკურატურა ავრცელებს. როდესაც დაზარალებული  წინააღმდეგობის გაწევას შეეცადა, იატაკზე წააქცია და ხელ-ფეხი პლასტმასის ე.წ. ხამუთებით შეუბოჭა, რა დროსაც ცოლის წინააღმდეგობის დასაძლევად ფეხში დანა ჩაარტყა. ქალი შებოჭილი, დაახლოებით, 4 საათის განმავლობაში იყო და ამ დროის განმავლობაში ქმარი მას ფიზიკური ტკივილის და მორალური ტანჯვის მისაყენებლად ფეხებით და ხელებით სცემდა. სამართალდამცველებმა გ.გ. 2018 წლის 17 თებერვალს დააკავეს. მარნეულის რაიონულმა პროკურატურამ მას ბრალდება სსკ-ის 111,143-ე მუხლის მე-2 ნაწილის „გ“ ქვეპუნქტით (თავისუფლების უკანონო აღკვეთა, ჩადენილი სხვა დანაშაულის ჩადენის გაადვილების მიზნით ოჯახის ერთი წევრის მიერ ოჯახის სხვა წევრის მიმართ) და 111,1441 მუხლის პირველი ნაწილით (ოჯახის ერთი წევრის მიერ, ოჯახის სხვა წევრის მიმართ წამება) წარუდგინა. ბოლნისის რაიონულმა სასამართლომ კაცი დამნაშავედ ცნო წარდგენილ ბრალდებაში და 7 წლით და 6 თვით თავისუფლების აღკვეთა ... ...
  • ახალციხეში გარყვნილი ქმედებისთვის პაკისტანის მოქალაქე დააკავესახალციხეში 7 არასრულწლოვნის მიმართ ჩადენილი გარყვნილი ქმედების ბრალდებით ქმედების  პაკისტანის მოქალაქე დააკავეს. შინაგან საქმეთა სამინისტროს განცხადებით, დაკავებული ჩადენილ დანაშაულს აღიარებს. ახალციხის სასამართლომ ბრალდებულს აღკვეთის ღონისძიების სახით წინასწარი პატიმრობა შეუფარდა. მომხდარ ფაქტზე გამოძიება საქართველოს სისხლის სამართლის კოდექსის 141-ე მუხლის პირველი ნაწილით ... ...
  • გზავნილებიდან მიღებული შემოსავალი სესხის გაცემისას დამაბრკოლებელი ფაქტორი აღარ იქნება„მიკროსაფინანსო ორგანიზაციებისთვის რეგულაციების ვადა არ იცვვლება და ძალაში შედის 2019 წლის 1-ლი იანვრიდან. კარგია ის, რომ ინდუსტრია და მარეგულირებელი ისეთ კონფიგურაციაზე შეთანხმდნენ, რომელიც მისი ეტაპობრივი დანერგვის საშუალებას იძლევა“, -ამის შესახებ „ბიზნესპრესნიუსს” მიკროსაფინანსო ორგანიზაცია „კრისტალის“ დამფუძნებელმა განუცხადა. მისი განმარტებით, ეროვნულ ბანკთან მოლაპარაკებების შედეგად, სესხის გაცემისას მიკროსაფინანსო ორგანიზაციების შემთხვევაში, დაუსაბუთებელი შემოსავლების გათვალისწინებაც მოხდება. „რეგულაციების შესახებ არსებული დოკუმენტი მნიშვნელოვნად შეიცვალა მას შემდეგ, რაც პირველი ვერსია გამოვიდა. ეს ძალიან მნიშვნელოვანია ჩვენი სექტორისთვის, შემოსავლები, რომლებიც დოკუმენტებით არ არის დადასტურებული, კვლავ იქნება მიჩნეული შემოსავლად და მისი დადგენის სექტორში არსებული პრაქტიკა იქნება გათვალისწინებული. ასევე ჩვენთვის პრაქტიკულად არაფერი არ იცვლება ბიზნესის დაფინანსების კუთხით. გარკვეულწილად შეიზღუდება სამომხმარებლო დაკრედიტება და მოექცევა პასუხისმგებლიანი დაკრედიტების ჩარჩოში. საქართველოში მთელი ჯამური შემოსავლის მხოლოდ 45%-ია ხელფასის სახით არსებული შემოსავალი. დანარჩენი ფრაგმენტული, სეზონური და არარეგულარული ბიზნესშემოსავლებია. ასევე ჩვენი კლიენტების შემთხვევაში, დიდი წილი უჭირავს უცხოეთიდან განხორციელებულ გზავნილებს. სწორედ ამ რეალობის გათვალისწინება მოხდა რეგულაციებში. შესაბამისად, საბოლოო ჯამში, რეგულაციებმა სწორი სახე მიიღო. ჩვენ გავაგრძელებთ ბიზნესის დაფინანსებას და ასევე კლიენტების სამომხმარებლო საჭიროებების დაკრედიტებას, მაგრამ არა იმ დოზით, რომ ამ ოჯახების ფინანსური პრობლემები წარმოიშვას,“- განაცხადა არჩილ ბაკურაძემ. „კრისტალის“ დამფუძნებლის პროგნოზით, რეგულაციების ამოქმედების შემდეგ, ფინანსური სექტორი ზრდას განაგრძობს, მაგრამ ტემპი შენელდება. შეგახსენებთ, რომ ეროვნული ბანკის დადგენილებით, „ფიზიკურ პირებზე სესხის გაცემის შესახებ“ ახალი რეგულაციები საბანკო სექტორზე 1-ლი ნოემბრიდან უნდა ამოქმედებულიყო, თუმცა აღნიშნულმა ვადამ 15 ნოემბრამდე გადაიწია. დანარჩენ საფინანსო სექტორზე კი რეგულაციების გავრცელება 2019 წლის იანვრიდან ... ...

არქივი

ზაფრანი

როგორ ვუმკურნალოთ სახლის პირობებში ხველას

ექიმები გვაძლევენ რამდენიმე რჩევას, რომელიც...

ზოდიაქოს რომელი ნიშნები დაწყვილდებიან 2019 წელს?

ვერძი და მშვილდოსანი _ ვერძსა...

„შერიგებული“ ვარსკვლავები

ერთხელ მაინც გაიგებდით ისტორიას იმის...

როგორ ავიცილოთ თავი რთული სიტუაციებიდან

თუ თქვენ ვინმე გიყვირით, შეინარჩუნეთ...

წიწიბურის დიეტა

წიწიბურას სასარგებლო თვისებების წყალობით შესაძლებელია...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?