როგორ გადაჭრა ბათუმმა უწყლობის და ზღვის დაბინძურების პრობლემა ევროკავშირის დახმარებით

საზოგადოება

როგორ გადაჭრა ბათუმმა უწყლობის და ზღვის დაბინძურების პრობლემა ევროკავშირის დახმარებით

2019 ივნ 19 17:53:27

 დაბა ჩაქვში, მრავალსულიან ოჯახში მცხოვრები ნინო ქათამაძე ამბობს, რომ სასმელი წყლის 24-საათიან უწყვეტ მომარაგებასა და სისუფთავეს მისთვის, ისევე როგორც დანარჩენი მოსახლეობისთვის, დიდი მნიშვნელობა აქვს. ამ დასახლებაში ვიდრე წყალმომარაგების ახალ სისტემაზე გადავიდოდნენ, ნინო ამბობს, რომ წყლის ჭავლი ტანსაცმლისა თუ ჭურჭლის სარეცხი მანქანის ჩართვას არ ჰყოფნიდა. წყალი ხშირად წყდებოდა კიდეც.

არადა, მთელი ბათუმი, სადაც 165 ათასი ადამიანი ცხოვრობს და ბათუმის შემოგარენიც, სასმელი წყლით სწორედ იმ მდინარის (ჩაქვისწყლის) სათავიდან მარაგდება, რომელიც ნინო ქათამაძის სახლიდან ათეულ მეტრში მიედინება. ჩაქვსა და ბათუმში ცალკე ტექნიკური წყალი არ აქვთ, მოსახლეობას მხოლოდ ერთი - სასმელი წყალი მიეწოდება.

„ყოველი გაწვიმება გვაშინებდა. წყალი იმღვრეოდა, ბინძურდებოდა და სასმელად უვარგისი ხდებოდა. გრაფიკით მოგვეწოდებოდა ხან როდის - ხან როდის. ერთი წელია, რაც წყალმომარაგების ახალ სისტემაზე გადავედით და მრიცხველიც დაგვიმონტაჟეს. ახლა 24 საათის განმავლობაში სუფთა წყალი გვაქვს, დიდი შეღავათია,“ - ამბობს ნინო ქათამაძე.

ჩაქვის მცხოვრებ ნინო ქათამაძის ოჯახი წყალმომარაგების ახალ სისტემაში ერთი წლის წინ ჩაერთო

 ნინოს ოჯახი სასმელი წყლით ახლა ჩაქვის ახალი რეზერვუარიდან მარაგდება,  რომელიც ევროკავშირისა და KFW-ს დაფინანსების ფარგლებში ორი წლის წინ მოეწყო.

2500 კუბური მეტრის მოცულობის ეს რეზერვუარი 1100 აბონენტისთვის წყლის უწყვეტ რეჟიმში მიწოდებას უზრუნველყოფს. რეზერვუარის მშენებლობას 900 823 ევრო დასჭირდა. ცალკე პროექტის ფარგლებში ჩაქვში მეორე, შედარებით მცირე, 900 კუბური მეტრი მოცულობის წყლის სამარაგო რეზერვუარიც აშენდა.

ჩაქვის №1 2500 კუბური მეტრის მოცულობის რეზერვუარიდან წყლით 1100 აბონენტი მარაგდება

ჩაქვში, ასევე, ბათუმსა და მის შემოერთებულ ტერიტორიაზე კომუნალური ინფრასტრუქტურის რეაბილიტაციის ყველაზე დიდ ინვესტიციას გერმანია-საქართველოს ფინანსური თანამშრომლობის პროგრამის ფარგლებში ახორციელებს გერმანიის განვითარებისა და რეკონსტრუქციის ბანკი KFW და ევროკავშირის საინვესტიციო სამეზობლო ფონდი. კომუნალური ინფრასტრუქტურის რეაბილიტაცია რამდენიმე წელია მიმდინარეობს. ჩაქვში ჩატარებული სამუშაოები რეაბილიტაციის მესამე ფაზაში შედის. ამ ფაზაში ჩაერთო ევროკავშირის თანადაფინანსებაც.

სწორედ KFW-ის დაფინანსებითა და ევროკავშირის გრანტით განხორციელდა პროექტი, რაც წყალმომარაგებისა და ნაწილობრივ წყალარინების (საკანალიზაციო) სისტემების რეაბილიტაციას, ასევე, გამწმენდი ნაგებობის მშენებლობას მოხმარდა ჩაქვის, მახინჯაურისა და მწვანე კონცხის ტერიტორიაზე.

პროექტისთვის, რომელიც მოსახლეობის კეთილდღეობაზე, მდინარეებისა და ზღვის წყლის სისუფთავეზე პირდაპირ აისახება, ევროკავშირმა 4 მილიონი ევრო გამოყო. პროექტის ღირებულებამ ჯამში 6 მილიონ 100 ათასი ევრო შეადგინა - 2 მილიონ 100 ათასი ევროს დაფინანსება  KFW ბანკმა და  ბათუმის მუნიციპალიტეტის მერიამ გამოყო.

ბათუმის მუნიციპალიტეტის საინვესტიციო პოლიტიკისა და საგრანტო პროგრამების მართვის განყოფილების უფროსი, ჯაბა ტუღუში ამბობს, რომ ამ დასახლებებში წყალმომარაგების ძველ სისტემაზე ბევრი უკანონო დაერთება იყო, რის შედეგადაც მდინარე ჩაქვისწყლის სათავეზე მოპოვებული წყლის დიდი ნაწილი იკარგებოდა.

ბათუმის მუნიციპალიტეტის საინვესტიციო პოლიტიკისა და საგრანტო პროგრამების მართვის განყოფილების უფროსი ჯაბა ტუღუში

 „ერთ დიდ ქალაქს რომ ეყოფა, იმდენი წყალი იკარგებოდა. წყლის სისტემის რეაბილიტაციასთან ერთად უკანონო დაერთებებიც ჩაიჭრა, რაც მოსახლეობისთვის 24-საათიანი, უწყვეტი წყალმომარაგების გარანტიაა. უკვე მოწესრიგებული ახალი ქსელის საშუალებით მიმდინარეობს მოსახლეობის ეტაპობრივი გამრიცხველიანება. ცხადია, გაუმჯობესდა წყლის ხარისხიც, რაც რეზერვუარების არარსებობის პირობებში შეუძლებელი იყო. ჩაქვის ორივე რეზერვუარი თვითდენით ცენტრალური სათავე ნაგებობიდან მარაგდება წყლით და შემდეგ მოსახლეობაში ნაწილდება,“ - ამბობს ჯაბა ტუღუში.

ზურაბ მიქელაძის მოვალეობა რეზერვუარში წყლის დონის და ქლორის შემცველობის მუდმივი კონტროლია. მან წყლის რეზერვუარის ოპერატორის სპეციალური კურსი გაიარა და სხვა პირებთან ერთად დასაქმდა.

  ზურაბ მიქელაძემ სპეციალური კურსი გაიარა და ჩაქვის წყლის 1 რეზერვუარის ოპერატორად დასაქმდა

გარდა ჩაქვისა, რომელიც ქობულეთის მუნიციპალიტეტს ეკუთვნის, წყალმომარაგების სისტემა სრულადაა განახლებული მწვანე კონცხსა და მახინჯაურშიც. ეს დასახლებები, ჩაქვის ნაწილის მსგავსად, ქალაქ ბათუმის ფარგლებშია მოქცეული. აქ წყალმომარაგების ახალი მილები ზღვის დონიდან 40 მეტრ სიმაღლეზე მცხოვრებ თითოეულ მოსახლესთან ინდივიდუალურადაა მიყვანილი. ამ ეტაპზე მიმდინარეობს აბონენტების ქსელში ჩართვა-გამრიცხველიანების პროცესი.

აჭარის გარემოს დაცვის სამმართველოს გარემოს ინტეგრირებული მართვის განყოფილების უფროსის, ნუგზარ პაპუნიძის თქმით, ჩაქვში წლების განმავლობაში ზღვაში კანალიზაციის წყლის უკანონო ჩაშვების 18 ადგილი იყო დაფიქსირებული და ეს დაბა ზღვის სანაპირო ზოლის ერთ-ერთ ყველაზე დამაბინძურებელ მონაკვეთად მიიჩნეოდა.

პრობლემა მას შემდეგ აღმოიფხვრა, რაც ევროკავშირისა და KFW ბანკი დაფინანსების ფარგლებში ჩაქვის ჩამდინარე წყლების გამწმენდი ნაგებობა აშენდა ყველაზე მჭიდროდ დასახლებულ ტერიტორიაზე. ევროპული სტანდარტის გამწმენდი ნაგებობის მოსაწყობად 400 ათასზე მეტი ევრო დაიხარჯა. ის 1200 ოჯახს ემსახურება. აქ გროვდება ყველა ჩამდინარე წყალი, სრულად იწმინდება  ბიოლოგიურად, ზედაპირულ წყალში ჩაშვებამდე კი, მოწმდება წმენდის ხარისხი.

მსგავსი ნაგებობები აჭარის მთელ ტერიტორიაზე იქნება ზღვის წყლის უმაღლესი ხარისხის გარანტია, რადგან წყალარინების სისტემების გამართული მუშაობა პირდაპირ კავშირშია ზღვისა და მდინარეების წყლის სისუფთავესთან. ინფრასტრუქტურის რეაბილიტაციის მიმდინარე პროექტის ფარგლებში ბათუმში აშენდა და ფუნქციონირებს ცენტრალური გამწმენდი ნაგებობა, სადაც მთელი ქალაქის, ასევე, გონიოსა და კვარიათის საკანალიზაციო სისტემები იყრის თავს. 2019 წელს, პირველად, ბათუმის კანალიზაცია ღიად ზღვაში აღარ ჩაედინება.

ოპერატორი ჰუსეინ ნემსაძე ჩაქვის გამწმენდ ნაგებობაზე ხუთი  დასაქმებულიდან ერთ-ერთია. როგორც თავად ამბობს, მისთვის მნიშვნელოვანია ასრულებდეს სამუშაოს, რაც მდინარეების, ზღვის, ბუნების დაცვასთანაა დაკავშირებული. აკონტროლებს დანადგარებს და მდინარეში ჩაშვებამდე გაწმენდილი წყლის ხარისხზეა პასუხისმგებელი.

ჰუსეინ ნემსაძე - ჩაქვის ჩამდინარე წყლების გამწმენდი ნაგებობის ოპერატორი

 გამწმენდი ნაგებობა ჩაქვში უკვე სრულად ფუნქციონირებს. აქ დამონტაჟებული დანადგარებით გაწმენდილი წყლის არც ერთი ნაწილაკის შემცველობა გარემოსთვის საზიანო არ არის.            

ჩაქვში, აღმაშენებლის ქუჩაზე, ინდივიდუალური დაერთებები გრძელდება იმ ახალ საკანალიზაციო ქსელზე, საიდანაც დაბინძურებული წყალი გამწმენდ ნაგებობაში იყრის თავს. პარალელურად მიმდინარეობს აბონენტების ჩართვა წყალმომარაგების ახალ სისტემაში.

ჩაქვში, აღმაშენებლის გამზირზე აბონენტთა ახალ საკანალიზაციო სისტემაზე გადართვის სამუშაოები მიმდინარეობს

ჩაქვის მოსახლეობა განცხადებისა და მიმართვის საფუძველზე უერთდება წყალმომარაგებისა და წყალარინების ცენტრალურ სისტემას, რაშიც მათ ფინანსური რესურსის ხარჯვა არ უწევთ. ყველა ხარჯი პროექტითაა გათვალისწინებული და ძირითადად, მუნიციპალიტეტისა და მუნიციპალური საწარმოს - „ბათუმის წყლის“ მიერ ფინანსდება.

აღმაშენებლის გამზირის N36-ში მდებარე საცხოვრებელი კორპუსის მცხოვრები მამია კოჩალიძე ამბობს, რომ ამ და ახლომდებარე სხვა კორპუსების სერიოზული პრობლემა არასტაბილური წყალმომარაგება და მოუწესრიგებელი, არარსებული საკანალიზაციო სისტემა იყო.

„მილები სულ იჭედებოდა, ვწვალობდით, ჩვენ ვწმენდდით... ძველ, კომუნისტების დროს მოწყობილ შამბოებზე იყო დაერთებული კორპუსების საკანალიზაციო მილები. ანტისანიტარია იყო... წყლისა და კანალიზაციის ძველი სისტემა აქ, მეზობლად მდებარე კორპუსებთანაც მთლიანად გაუქმდება და სრულად გადავალთ ახალ სისტემაზე,“ - ამბობს მამია კოჩალიძე.

„მილები სულ იჭედებოდა, ვწვალობდით, ჩვენ ვწმენდდით“ - ჩაქვის მცხოვრები - მამია კოჩალიძე

24-საათიანი წყალმომარაგება სასიცოცხლოდ მნიშვნელოვანია ჩაქვში, მწვანე კონცხსა და მახინჯაურში. შავიზღვისპირა ამ დასახლებებში მოსახლეობის უმეტესობისთვის მნიშვნელოვან შემოსავლის წყაროს წარმოადგენს საზღვაო ტურიზმი.

სწორედ ჩაქვთან, მწვანე კონცხთან და მახინჯაურთანაა დაკავშირებული მტირალას ეროვნული პარკი, ცნობილი პლაჟები, ბათუმის ბოტანიკური ბაღი, რაც განსაკუთრებით იზიდავს ტურისტებს.

მუდმივი წყალმომარაგება ზრდის მომსახურების ხარისხს, რაც ეკოლოგიურად სუფთა გარემოსთან და ზღვასთან ერთად არის ამ ადგილებში ტურისტებისა და დამსვენებლების რაოდენობის ზრდის გარანტია. ცხადია, ეს აისახება მოსახლეობის შემოსავლებზეც.

ინგა ჯინჭარაძის ოჯახისთვის ტურისტულ სეზონზე ხარისხიანი წყლის უწყვეტ მომარაგებას დიდი მნიშვნელობა აქვს, აქამდე ვერც ეზოს რწყავდა ზაფხულობით ისე, როგორც მწვანე ნარგავებს სჭირდებოდა და მის საოჯახო სასტუმროში დაბინავებულ ტურისტებსაც დისკომფორტი ექმნებოდათ უწყლობისგან. უკვე ერთი წელია, რაც ეს მდოგომარეობა შეიცვალა და წყალი გასუფთავდა, აღარც გრაფიკია დაწესებული. ინგა მწვანე კონცხზე ცხოვრობს.

 მწვანე კონცხის მცხოვრები - ინგა ჯინჭარაძე

ევროკავშირის საინვესტიციო სამეზობლო ფონდისა და გერმანული KFW-ის  დაფინანსებით ჩაქვში, მახინჯაურსა და მწვანე კონცხზე - წყლისა და წყალარინების ახალი სისტემის მოსაწყობად ჩატარებულ სამუშაოებში არაერთი ადამიანი ჩაერთო, შეიქმნა ახალი სამუშაო ადგილები.

მხოლოდ ახალი აბონენტების სისტემაში ჩართვისა და მრიცხველების დამონტაჟების  სამუშაოებისას დასაქმდა 300-350 ადამიანი, ამას ემატება გამწმენდ ნაგებობებსა და წყლის რეზერვუარებზე დასაქმებულთა რაოდენობა.

წყლისა და წყალარინების ახალი სისტემის მოსაწყობად ჩატარებულ სამუშაოებში არაერთი ადამიანი ჩაერთო, შეიქმნა ახალი სამუშაო ადგილები.

 ჩაქვის, მახინჯაურისა და მწვანე კონცხის წყლისა და წყალარინების ახალი სისტემები, რომლებშიც ევროკავშირისგან გამოყოფილი გრანტი დაიხარჯა, იმ დიდი პროექტის ნაწილია, რომლის მიხედვითაც ბათუმში საბოლოოდ უნდა შეიქმნას თანამედროვე, ევროპული სტანდარტების შესაბამისი და ერთი პულტით მართვადი წყლისა და წყალარინების ერთიანი ქსელი.

იქ, სადაც წყალარინების სისტემა მოწესრიგებული არ არის, მოსახლეობა იძულებული ხდება კანალიზაციის მილები უკანონოდ მიუერთოს სანიაღვრეებს, დაბინძურებული წყალი კი, ყოველგვარი გაფილტვრის გარეშე ჩაედინება  ზედაპირულ წყლებში და საფრთხეს უქმნის მდინარეებს, აბინძურებს გარემოს, აუარესებს ზღვის წყლის ხარისხს.

ჩაქვში, მწვანე კონცხსა და მახინჯაურში, ასევე, ბათუმს შემოერთებულ სხვა ტერიტორიებზე - ხელვაჩაურში, კახაბერში, მეჯინისწყალსა და ადლია-აეროპორტის დასახლებაში -  წყალარინების ახალი სისტემის სრულად გასამართად მუშავდება ახალი პროექტი, რომელიც დონორებთან, განსაკუთრებით KFW ბანკთან წინასწარი შეთანხმებით, მათივე დაფინანსებით განხორციელდება.

ავტორი: ია ბობოხიძე

სტატია დაიწერა პროექტისევროკავშირის აღმოსავლეთ სამეზობლოფარგლებში.
სტატიაში
გამოხატული მოსაზრებები ეკუთვნის მხოლოდ და მხოლოდ სტატიის ავტორს

(R)




 ახალი ამბები
  • “არა ძალადობის“ თემაზე შექმნილი 10 საუკეთესო ნახატი აარჩიესოზურგეთის მუნიციპალიტეტის მერიის საგამოფენო დარბაზში  სამხატვრო სკოლის მიერ საუკეთესო 10 ნახატი გამოიფინა. “არა ძალადობის" 16 დღიანი კამპანიის ფარგლებში ჩატარდა კონკურსი, სამხატვრო სკოლის მოსწავლეებს შორის და გამოვლინდა 10 საუკეთესო ნახატი, კონკურსის გამარჯვებულებს ხვალ დააჯილდოვებს მუნიციპალიტეტის მერის მოადგილე ფასიანი ... ...
  • ვის აბარია ორმოცდასამი საბავშვო ბაღის ხორცით მომარაგება,,ახალი საქართველოს“ სოციალური მიმართულების ხელმძღვანელი სურსათის ეროვნული სააგენტოს გურიის რეგიონული სამმართველოს უფროსის მანანა ერქომაიშვილის მიერ გავრცელებულ ინფორმაციას ეხმაურება. აღნიშნულმა სამმართველომ ოზურგეთის სოფელ დვაბზუს სასაკლაოზე შპს ,,სოფოს“ ნაქირავებ ფართში ვადაგასული ხორცი აღმოაჩინა, რომელიც მათი განცხადებით აჭარის ბაღებისთვის იყო განკუთვნილი. ,,როგორც ჩანს, რამდენიმე კვირის წინ, შპს ,,ელენიკოს“ დირექტორისთვის პატიმრობის შეფარდებამ, წინა წელს სამტრედიის საბავშვო ბაღებში ცხენის ხორცის შეტანის ფაქტის დადგენის შემდეგ, დიდად ვერ დააფიქრა ბიზნეს ოპერატორები და მაინც ბედავენ საბავშვო ბაღების მომარაგებას საეჭვო წარმოშობისა და მდგომარეობის ხორცპროდუქტებით. სახელმწიფოს მხრიდანაც საკმარისი ნება არაა, რომ საბავშვო ბაღების მომმარაგებლები მეტი სიფრთხილით იქნენ შერჩეული. აღსანიშნავია რომ შპს ,,სოფო“ დაფუძნებულია 2018 წლის 26 მარტს და პირველი ტენდერი, რომელშიც მონაწილეობა მიიღო და მოიგო კიდეც გამოცხადებული გახლდათ ა(ა)იპ ,,ოზურგეთის მუნიციპალიტეტის სკოლამდელი აღზრის ცენტრის“ მიერ 2018 წლის  16 მარტს და განაცხადების შეტანის ბოლო ვადად განსაზღვრული იყო 29 მარტი. ეს იმას ნიშნავს, რომ აღნიშნული შპს ნაჩქარევად სპეციალურად ამ ტენდერისთვის შეიქმნა და შესაბამისად, მას არანაირი გამოცდილება არ გააჩნდა. ისმის კითხვა: რატომ ანდო სატენდერო კომისიამ ასეთ შპს-ს 43 საბავშვო ბაღის ხორცპროდუქტებით მომარაგება? გამოძიება უნდა დაიწყოს სწორედ აქედან და დაიკითხოს NAT180004337 ტენდერის სატენდერო კომისიის მთლიანი შემადგენლობა: ოზურგეთის მუნიციპალიტეტის სკოლამდელი აღზრდის ცენტრის დირექტორი მაკა ჭყონია, ამავე ცენტრის თანამშრომლები და სატენდერო კომისიის წევრები: ნინო ქადეიშვილი, კაკო ზაქარიაძე, მალხაზ კვაჭანტირაძე, ნატალია კალანდაძე, ბადრი გორგილაძე, ანა გოგატაძე, მარიკა ანდღულაძე. შემდეგ კი ყველა იმ ტენდერის სატენდერო კომისიის წევრები, რომელშიც შპს “სოფომ“ გაიმარჯვა. თავისთავად შპს-ს დამფუძნებელი სოფიკო გორგაძე და დირექტორი ბეგლარ ბერიძეც. აღსანიშნავია, რომ ეს შპს მოხვდა შავ სიაშიც სახელმწიფო შესყიდვის შესახებ ხელშეკრულებით ნაკისრი ვალდებულებების არაჯეროვანი შესრულების გამო; კერძოდ, ააიპ ,,ხელვაჩაურის საბავშვო ბაღების გაერთიანების“ ტენდერით გათვალისწინებული რძის პროდუქტების ნაცვლად, უხარისხო პროდუქტების მიწოდების გამო. ყოველივე ზემოთ აღნიშნული გვიჩენს საფუძვლიან ეჭვს, რომ აღნიშნული შპს-ს მიერ ტენდერების მოგება, შესაძლოა, უკავშირდებოდეს კონკრეტულ ინტერესებს. ამიტომ, აუცილებელია აღნიშნულ ფაქტზე დაიწყოს გამოძიება. ცალსახად უნდა დამკვიდრდეს პრაქტიკა, რომ საბავშვო ბაღებში საკვები პროდუქტის მიმწოდებელი ბიზნეს ოპერატორების შერჩევის დროს, სატენდერო პირობების დადგენისას, განსაკუთრებული ყურადღება მიექცეს კომპანიის გამოცდილებას და სამი დღის დაფუძნებულ კომპანიებს არ ვანდოთ ათასობით ბავშვის კვება,“_აცხადებს ,,ახალი საქართველოს“ სოციალური მიმართულების ხელმძღვანელი თეონა ... ...
  • როდის აღსრულდება გურიის გუბერნატორის მუქარა “უმკაცრესად დასჯის“ შესახებსამართალდამცველები და სპეციალისტები არკვევენ იყო თუ არა ვადაგადასული ტონაზე მეტი ხორცი, რომელიც საბავშვო ბაღებში უნდა შესულიყო. საეჭვო ხორცით მომარაგებაში  შპს “სოფოს“ ადანაშაულებენ, რომელიც ადრეც იყო გახვეული “ხორცის სკანდალში. “გურია ნიუსი“ გურიის გუბერნატორს ზურაბ ნასარიას დაუკავშირდა და ამ ფაქტთან დაკავშირებით, მისი კომენტარი ჩაწერა. “სურსათის ეროვნული სააგენტო დგას მოწოდების სიმაღლეზე, ოპერატიულად მუშაობენ. ეს, არ არის პირველი შემთხვევა, როდესაც, მოხდა ძველი პროდუქტების ამოღება და დაჯარიმდნენ კონკრეტული კომპანიები. ჩვენს რეგიონში მსგავსი ფაქტი ხორცთან დაკავშირებით ერთხელ დაფიქსირდა, თუ არ ვცდები და იქაც სურსათის ეროვნული სააგენტოს ჩართულობით მოხდა ფაქტის აღსკვეთა. მაქსიმალური კონტროლია არა მარტო ბაღში, არამედ ყველგან, რომ მოხდეს სუფთა და ხარისხიანი პროდუქტების შეტანა,“-გვითხრა ზურაბ ნასარაიამ. გუბერნატორისგან განსხვავებული პოზიცია აქვს “ერთიანი ნაციონალური მოძრაობის“ ლანჩხუთის ორგანიზაციის თავმჯდომარეს კახა ასკურავას; ის თვლის, რომ ვადაგასული ხორცით მომარაგების შემთხვევების მიუხედავად, შპს “სოფოს“ ბაზარზე ოპერირება, გავლენიანი მფარველის გარეშე ვერ მოხდება: “შპს "სოფოს"(შპს, რომელიც გურიის და აჭარის საბავშვო ბაღებს ძროხის ხორცით ამარაგებს) მფლობელი რომ თაღლითი და დანაშავეა, ეს არაერთგზის გამოვლინდა იმ დარღვევებით, რომელიც ამ ერთ წელიწადში სამჯერ გამოვლინდა უკვე. მაინტერესებს და ოფიციალურად მოვითხოვ შესაბამისი უწყებებებიდან განმარტებებს, ვინ დგას ამ შპს-ს უკან ისეთი გავლენიანი, რომ მიუხედავად სურსათის უვნებლობის სამსახურის მიერ ჯერ დისკვალიფიკაციისა და ამჯერად ვადაგასული ხორცის ამოღების შემდგომაც კი, კიდევ ოპერირებდეს ბაზარზე?! ვერავინ დამაჯერებს,რომ ეს შემთხვევითია და ვიღაც ბობოლა ბაბაიას ხარჯზე, ეს თაღლითი შპს არ აყენებს ჩვენი შვილების სიცოცხლეს რისკის ქვეშ?! ამაზე უსწრაფეს ვადებში მოვითხოვთ კონკრეტულ პასუხებს!“ გურიის გუბერნატორი ზურაბ ნასარაია კი თვლის, რომ  შპს “სოფომ“ გაიმარჯვა ტენდერში და თუ მსგავსი დარღვევები იყო ან კიდევ იქნება, შესაბამისად, სამართალდამცველები შეისწავლიან ამ საქმეებს. _ ბატონო ზურაბ, მსგავსი ქმედების დროს, კომპანიები მცირედი თანხით  ჯარიმდებიან და შემდეგ ისევ აგრძელებენ მუშაობას. არის თუ არა გასამკაცრებელი კანონი? _ არსებობენ ადამიანები და არსებობენ თაღლითები. ამიტომ, ჩვენ ცალსახად ვამბობთ, არავის დანდობა არ იქნება, სადაც საუბარია ბაღებზე, ბავშვებზე, ადამიანების სიცოცხლეზე. ყველა მსგავსი ფაქტი იქნება გამოძიებული და ის ადამიანები, რომლებიც ცდილობენ ვადაგადასული ხორცის შეტანას სხვადასხვა დაწესებულებებში, მკაცრად დაისჯებიან. _ როდის, ბატონო ზურაბ? შპს “სოფო“ უკვე იყო დადანაშაულებული მსგავსს ქმედებაში. თქვენ ახლა გვითხარით, რომ ყველას, ვინც შეეცდება ვადაგადასული ხორცის შეტანას ბაღებში, მკაცრად მოეთხოვება პასუხი. _ “სოფოს“ დარღვევები, რა ქონდა წინა წლებში, მე არ ვიცი. კიდევ ერთხელ ვიტყვი, არავის დანდობას არ ვაპირებთ. დაარღვია შპს “სოფომ“ კანონით მინიჭებული უფლება? მაშინ მან უნდა აგოს პასუხი ამ ქმედებაზე. დაველოდოთ გამოძიების შედეგებს. _ თქვენი გუბერნატორობის დროს მოხდა, ე.წ. “ხორცის სკანდალი“ და მაშინაც ხორცის მიმწოდებელი  იყო შპს “სოფო“... _ ყველა ფაქტი გაჟღერდა ჩვენი სამსახურების კარგი მუშაობის გამო. სურსათის ეროვნული სააგენტო თავის საქმეს კარგად აკეთებს, - გვითხრა საუბრის დასასრულს ზურაბ ნასარაიამ. ... ...
  • ვეტერანი პოლიციელების აქცია ლანჩხუთში პოლიტიკური ფიგურების წინააღმდეგლანჩხუთში  სამსახურებრივი მოვალეობის დროს დაღუპულ პოლიციელთა სახელობის სკვერში ვეტერანმა პოლიციელებმა აქცია გამართეს. თუმცა, აქციას გარდა პოლიციელებისა, რამდენიმე საჯარო მოხელეც შეუერთდა. როგორც გაირკვა, აქციის მონაწილეები „გამარჯვებული საქართველოს” ერთ-ერთი  ლიდერის, გუბაზ სანიკიძის ტელეკომპანია „კავკასიას“ ეთერში პოლიციელების მისამართით გაკეთებულმა განცხადებამ: „ნახევარი მილიონი ქართველი გამოვა ორლულიანი თოფებით და თქვენზე დაიწყებენ ნადირობას, ფრთხილად იყავით, თორემ სახელით და გვარებით მოგაკითხავთ ყველას“, გააღიზიანა. ვეტერან პოლიციელთა ჯგუფის სახელით აქციაზე ყოფილმა პოლიციელმა ლალი ლომაძემ წერილობითი მიმართვა გაჟღერდა სახალხო დამცველისა და არასამთავრობო სექტორის მისამართით, სადაც გარდა გუბაზ სანიკიძის განცხადებისა, გრიგოლ ვაშაძის ქმედებაც იყო დაგმობილი. „პოლიცია საზოგადოების მხრიდან დიდ ნდობას, პატივისცემას და არა თავში წამორტყმას, მუქარასა და დაშანტაჟებას. რა ხდება, რა შემთხვევასთან გვაქვს საქმე, როცა მავანნი ცდილობს პოლიციის დემორალიზაციას. კიდევ უფრო ცუდი დაუმორჩილებლობისკენ მოუწოდებს?! თავს უკიდურესად შეურაცხყოფილად ვგრძნობთ. მოვუწოდებთ სახალხო დამცველს, არასამთავრობო სექტორს დადგნენ  მოწოდების სიმაღლეზე. დაუყოვნელივ მისცენ შეფასება გრიგოლ ვაშაძისა და გუბაზ სანიკიძის საქციელს. ამავდროულად მსოფლიოს გააცნონ მათი „გმირობის“ ამსახველი კადრი და განცხადების შინაარსი,“_ თქვა ... ...
  • როგორია უახლოესი დღეების ამინდის პროგნოზიგარემოს ეროვნული სააგენტოს ინფორმაციით, 9-15 დეკემბერს საქართველოში მოსალოდნელია უმეტესად უნალექო ამინდი. 13 დეკემბრიდან ზოგან იქროლებს აღმოსავლეთის მიმართულების ქარი. ჰაერის ტემპერატურა დასავლეთ საქართველოს დაბლობში +12, +17 გრადუსამდე მოიმატებს, აღმოსავლეთ საქართველოში ღამის საათებში ეციება, დღისით კი ბარში +6, +11 გრადუსი დაფიქსირდება. თბილისში უნალექო ამინდი იქნება. ჰაერის ტემპერატურა დღის საათებში +9, +11 გრადუსია ... ...

არქივი

ზაფრანი

რა დაავადებისგან იცავს ვარჯიში მამაკაცებს

რეგულარული ვარჯიში კონკრეტული დაავადებების რისკს...

დღეში, რამდენი ფინჯანი ყავის დალევა შეიძლება

რამდენიმე თვის წინ ამერიკელმა მკვლევარებმა...

კაკაოს გასაოცარი თვისებები

კაკაო შეიცავს ნივთიერებას, რომელიც კარგია...

პროდუქტები რომლებიც სწრაფად გვაბერებს

მარგარინი – შეიცავს ტრანსცხიმს და...

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს