სახალხო დამცველის წერილი "ციანიდის საქმის" მოსამართლეს

gurianews.com

საზოგადოება

სახალხო დამცველის წერილი "ციანიდის საქმის" მოსამართლეს

2017 ივნ 8 16:39:18

საქართველოს სახალხო დამცველი უჩა ნანუაშვილი ე.წ. ციანიდის საქმის მოსამართლეს, ბესიკ ბუგიანიშვილს წერილით მიმართავს, სადაც განმარტებულია, რომ მას დახურულ სხდომებზე დასწრების უფლება აქვს, რაც სასამართლომ შეუზღუდა: 

"ბატონო ბესიკ,

მოგეხსენებათ, 2017 წლის 30 მაისს ვიმყოფებოდი თბილისის საქალაქო სასამართლოში დეკანოზი გიორგი მამალაძის მიმართ მიმდინარე სასამართლო პროცესზე დასწრების მიზნით. სამწუხაროდ, აღნიშნულ სხდომაზე დასწრების შესაძლებლობა არ მომეცა, მათ შორის, იმ გარემოებაზე მითითებით, რომ საქართველოს საპროცესო კანონმდებლობა სახელდებით არ შეიცავს ნორმას დახურულ პროცესზე სახალხო დამცველის დასწრების შესახებ. ამასთან, როგორც ცნობილია, ბრალდებულ გიორგი მამალაძის მიმართ მიმდინარე პროცესის დახურვის საფუძველს პერსონალური მონაცემების, პირადი ცხოვრებისა და პროცესის მონაწილის უსაფრთხოების დაცვა წარმოადგენს.

საქართველოს კონსტიტუციის თანახმად, სახალხო დამცველი ზედამხედველობას უწევს და შეისწავლის ადამიანის უფლებათა და თავისუფლებათა დაცვას საქართველოს მთელ ტერიტორიაზე. სახალხო დამცველი აფასებს და ყოველწლიური საპარლამენტო ანგარიშისა თუ სპეციალური ანგარიშების მეშვეობით საზოგადოებას აცნობს სახელმწიფოში უფლებათა დაცვის კუთხით არსებულ ვითარებას.

„საქართველოს სახალხო დამცველის შესახებ“ ორგანული კანონის მე-14 მუხლის 1-ლი პუნქტის „ბ“ ქვეპუნქტის შესაბამისად, სახალხო დამცველის კომპეტენციას განეკუთვნება სასამართლოს განხილის პროცესში საქართველოს კანონმდებლობით მინიჭებული უფლებებისა და თავისუფლებების შელახვა ან დარღვევა. ამავე კანონის მე-12 მუხლის მიხედვით კი, საქართველოს სახალხო დამცველი დამოუკიდებლად ამოწმებს ადამიანის უფლებათა და თავისუფლებათა დაცვის მდგომარეობას, ასევე მათი დარღვევის ფაქტებს როგორც მიღებული განცხადებისა და საჩივრის საფუძველზე, ისე საკუთარი ინიციატივით.

გარდა ამისა, „საქართველოს სახალხო დამცველის შესახებ“ საქართველოს ორგანული კანონის თანახმად, სახალხო დამცველს ასევე აქვს უფლება, გაეცნოს საიდუმლო, მათ შორის, სახელმწიფო საიდუმლოების შემცველ ინფორმაციას. აღნიშნული კანონის საფუძველზე საქართველოს სახალხო

დამცველი რეგულარულად ითხოვს და იღებს ინფორმაციას სხვადასხვა ისეთი უწყებებიდან, რომლებიც ამუშავებენ როგორც პერსონალური, ისე – კომერციული, სახელმწიფო თუ სხვა ტიპის საიდუმლოს შემცველ დოკუმენტაციას. საქართველოს სახალხო დამცველი, ასევე, კანონით დადგენილი წესით, ეცნობა გრიფი „საიდუმლოს“ შემცველ დოკუმენტაციას.

შესაბამისად, სახალხო დამცველის საქართველოს კონსტიტუციითა და საქართველოს ორგანული კანონით გარანტირებული უფლებამოსილება გულისხმობს, რომ მას შეუძლია, შეისწავლოს სასამართლო განხილვის პროცესში საქართველოს კანონმდებლობით მინიჭებული უფლებებისა და თავისუფლებების შესაძლო შელახვის ან დარღვევის ფაქტები, რომლის ერთ–ერთ საშუალებას სასამართლო პროცესის მონიტორინგი წარმოადგენს. ზემოხსენებული ნორმების ანალიზი ცხადყოფს, რომ საქართველოს სახალხო დამცველს საქართველოს კონსტიტუცია და საქართველოს ორგანული კანონი ანიჭებს, ერთის მხრივ, სასამართლო პროცესის მონიტორინგის უფლებამოსილებას, ხოლო მეორეს მხრივ, მათ შორის, ყველა სახის საიდუმლო ინფორმაციაზე წვდომას.

ამასთან, ვერ გავიზიარებ არგუმენტს იმასთან დაკავშირებით, რომ ქართული კანონმდებლობა, კერძოდ კი – საქართველოს სისხლის სამართლის საპროცესო კოდექსი სახელდებით არ იცნობს ნორმას დახურულ პროცესზე სახალხო დამცველის დასწრების შესახებ.

„ნორმატიული აქტების შესახებ“ საქართველოს კანონის თანახმად, საქართველოს კონსტიტუციაც და ორგანული კანონიც იერარქიულად უფრო მაღალი ძალის მქონე აქტს წარმოადგენს, ვიდრე საქართველოს კანონი. ამასთან, საქართველოს კონსტიტუცია და „საქართველოს სახალხო დამცველის შესახებ“ საქართველოს ორგანული კანონი მოცემულ შემთხვევაში, წარმოადგენს სპეციალურ კანონს, რამდენადაც აღნიშნული აქტები ადგენენ სახალხო დამცველის ექსკლუზიური უფლებამოსილების სფეროს ადამიანის უფლებათა და თავისუფლებათა დაცვის პროცესში.

შესაბამისად, უპირატესი იერარქიული ძალისა და სპეციალური მოქმედების ძალის მქონე კანონებით დადგენილ რეგულაციას ვერ გადაწონის ის გარემოება, რომ საქართველოს სისხლის სამართლის საპროცესო კოდექსი სახელდებით არ აწესრიგებს სახალხო დამცველის მანდატის შემადგენელი უფლებამოსილების ერთ–ერთ ასპექტს. სახალხო დამცველის უფლებამოსილების ფარგლების დასადგენად სასამართლომ იმ სპეციალური საკანონმდებლო აქტებით უნდა იხელმძღვანელოს, რომლებიც აღნიშნული უფლებამოსილების სფეროს ადგენენ.

გარდა ამისა, გასათვალისწინებელია, რომ სასამართლო პროცესის მონიტორინგი ერთ–ერთ უმნიშვნელოვანეს ინსტრუმენტს წარმოადგენს ადამიანთა სამართლიანი სასამართლოს უფლების რეალიზაციის შეფასების პროცესში. ამასთან, სახალხო დამცველის მიერ სასამართლო პროცესის მონიტორინგი წინააღმდეგობაში არ მოდის იმ სიკეთის დაცვასთან, რამაც საქმის არსებითი განხილვის სრულად დახურვა გამოიწვია. სასამართლო პროცესზე ჩემი დასწრებით გამორიცხულია პროცესის მონაწილეთა პერსონალური მონაცემების, პირადი ცხოვრებისა და უსაფრთხოების დაცვის საჯარო ინტერესის უგულებელყოფა.

სახალხო დამცველს საქართველოს კანონმდებლობა ანიჭებს, მათ შორის, დახურულ სასამართლო სხდომაზე დასწრების უფლებამოსილებას, რაც ჩემი კონსტიტუციური მანდატით გათვალისწინებული ვალდებულების – სასამართლო განხილვის პროცესში ადამიანის უფლებათა და თავისუფლებათა დაცვის შეფასების – მნიშვნელოვან ასპექტს წარმოადგენს. აღნიშნული უფლებამოსილების რეალიზაცია არ ეწინააღმდეგება პროცესის მონაწილეთა პერსონალური მონაცემების, პირადი ცხოვრებისა და 
უსაფრთხოების დაცვის ინტერესსაც.

მსურს, კიდევ ერთხელ დავადასტურო პატივისცემა სასამართლო ხელისუფლების დამოუკიდებლობისა და მართლმსაჯულების ინტერესების მიმართ. ამასთან, ვიმედოვნებ, რომ შემდგომ სასამართლო სხდომაზე არ განმეორდება ჩემთვის მინიჭებული უფლებამოსილების უგულებელყოფა და უზრუნველყოფილ იქნება სასამართლო სხდომაზე ჩემი დასწრება.

პატივისცემით,

უჩა ნანუაშვილი
სახალხო დამცველი", _ აღიშნულია სახალხო დამცველის წერილში. 



 ახალი ამბები
  • ​მცხეთასთან სპეცდანიშნულების რაზმია მობილიზებული​მცხეთასთან სპეცდანიშნულების რაზმია მობილიზებული. ამის შესახებ პირველ არხს თვითმხილველებმა აცნობეს. პირველი არხი შსს-ს დაუკავშირდა, სადაც ჯერ კომენტარს არ აკეთებენ. სპეცოპერაცია ... ...
  • არასამთავრობო სექტორი სახალხო დამცველის პოსტზე უმრავლესობას ოთხ კანდიდატურას სთავაზობს არასამთავრობო სექტორი სახალხო დამცველის პოსტზე უმრავლესობას ოთხ კანდიდატურას სთავაზობს. ამის შესახებ გაზეთ "რეზონანსის" მთავარმა რედაქტორმა ლაშა ტუღუშმა საქართველოს პარლამენტში განაცხადა, სადაც პარლამენტის თავმჯდომარე ირაკლი კობახიძე, სახალხო დამცველის კანდიდატურების შერჩევასთან დაკავშირებით არასამთავრობო, საერთაშორისო და დონორი ორგანიზაციების წარმომადგენლებთან კონსულტაციებს მართავს.  "ჩვენ გვაქვს ორი ტიპის წინადადება დღეს: ერთი ეხება პერსონალიებს, მეორე - პროცესს. პერსონალიებთან დაკავშირებით ჩვენ შევჯერდით ოთხ კანდიდატზე, ესენია: ვახუშტი მენაბდე, ზვიად ქორიძე, ნინო ლომჯარია და ანა ნაცვლიშვილი. ეს არის ჩვენი შეჯერებული ოთხი კანდიდატი. პროცესთან დაკავშირებით ჩვენ ასევე გვაქვს წინადადებები. ამ ოთხ კანდიდატს ჩვენ ვთავაზობთ მთლიანად პარლამენტს. რა თქმა უნდა, პირველ რიგში, ჩვენ გვაქვს ინტერესი, რომ ეს კანდიდატურები განიხილოს უმრავლესობამ, რადგან ისინი იღებენ მნიშვნელოვან გადაწყვეტილებებს პარლამენტში. ასევე, ჩვენ ვფიქრობთ, რომ კარგი იქნება, თუ ამ ოთხ კანდიდატს მოუსმენენ ფრაქციები. დღეს კანონი ასეთ პროცედურას არ ითვალისწინებს, თუმცა ვფიქრობთ, ძალიან მნიშვნელოვანია, პროცესი იყოს ღია, გამჭვირვალე და დემოკრატიული",- განაცხადა ლაშა ტუღუშმა შეხვედრის ... ...
  • "დიდი განსაცდელი გამოიარა საქართველომ" _ ილია მეორე სპეცოპერაციას ეხმაურებასაქართველოს კათოლიკოს-პატრიარქი ილია მეორე,ბერი გაბრიელ სალოსის ქუჩაზე სახელმწიფო უსაფრთხოების სამსახურის კონტრტერორისტული ცენტრის მიერ გუშინ ჩატარებულ სპეცოპერაციას გამოეხმაურა. "გუშინ დიდი განსაცდელი გამოიარა საქართველომ, მაგრამ ღმერთი ჩვენი მფარველია. ორივე მხარეს არის მსხვერპლი. ჩვენ განვიცადეთ ეს მწუხარება, ღმერთმა მშვიდობა მოგვცეს და გვაშოროს შინაური და გარეული მტერი", - ამბობს  ილია მეორე. ... ...
  • ოკუპირებულ ცხინვალში ზღუდერის ეკლესიაში ხატები დაამტვრიეს19-20 ნოემბერს ზღუდერის წმინდა გიორგის ეკლესიაში  დაუდგენელმა პირებმა ეკლესია შეურაცხყვეს, დაამტვრიეს ხატები,  ტრაპეზი და შესაწირიდან თანხა მოიპარეს.  როგორც ირკვევა,  ინციდენტის შესახებ პოლიციაში მღვდელმა განაცხადა.  აღნიშნულ ინფორმაციას ცხინვალის დეფაქტო ძალოვნებზე დაყრდნობით ერთ-ერთი მედიასაშუალება იუწყება.  აღსანიშნავია, რომ დანაშაულში ეჭვმიტანილი უკვე დაკავებულია. ოკუპირებულ ცხინვალში, ზღუდერის წმ. გიორგის ეკლესია მე-17 საუკუნით ... ...
  • ვინ წარადგენს სახალხო დამცველის კანდიდატად ნინო ლომჯარიასარაოფიციალური ინფორმაციით, მმართველი გუნდი სახალხო დამცველის თანამდებობაზე გენერალური აუდიტორის ყოფილი მოადგილის, ნინო ლომჯარიას კანდიდატურას განიხილავს - ამ ინფორმაციას  ერთ-ერთი მედიასაშუალება ავრცელებს. გავრცელებული ინფორმაციით, საპარლამენტო უმრავლესობა ლომჯარიას კანდიდატურას ყველაზე მეტად ლობირებს, თუმცა გადაწყვეტილება, თუ ვისზე შეჩერდება საბოლოოდ არჩევანი, მიღებული ჯერ კიდევ არ არის. ნინო ლომჯარია ჩვენთან საუბრის დროს ამბობს, რომ განიხილება თუ არა მისი კანდიდატურა სამთავრობო გუნდში, ამაზე ინფორმაცია არ აქვს.  “მე მარტო ის ვიცი, რომ არასამთავრობო ორგანიზაციები ერთ-ერთ კანდიდატად აპირებენ ჩემს შეთავაზებას. სხვა არაფერი ვიცი, ვინ რას აპირებს“, _  გვითხრა ნინო ... ...

არქივი

ზაფრანი

ტრაქტორიდან „ლამბორჯინამდე“

საქვეყნოდ ცნობილი საავტომობილო გიგანტის, "ლამბორჯინის",...

როზალინდა ჩელენტანოს საიდუმლო

რამდენიმე ხნის წინ ადრიანო ჩელენტანოს...

მკურნალი ზეთი

მცენარეული ზეთი არა მარტო აუმჯობესებს...

„ფოტოგრაფი“ ლომი

კენიაში, "მასაი მარას" ნაკრძალში, ლომებზე...

ბრაზიანი "ელვისი"

სიდნეიში, "ავსტრალიის რეპტილიის პარკში", ცნობილი...

„სიგარეტი“ და რიანა

ახლახან ჰავაის კუნძულებზე დასასვენებლად ჩასული...
კარმიდამო ჩემი

ნატურალური წვენები ჯანმრთელობის სამსახურში

გერმანელმა მეცნიერებმა მასშტაბური გამოკვლევების შემდეგ...

ხიზილალა და ადამიანის ჯანმრთელობა

წითელ ხიზილალას მედიცინა მეტად ძვირფას...

როგორ მოვერიოთ ინტოქსიკაციას

ყოველდღიურად სუნთქვის საშუალებით, საკვებიდან, წყლიდან...

ღიღილო ჯანმრთელობის სამსახურში

ჰიპოკრატეს დროიდან არის ცნობილი ლურჯი...

იაჟუჟუნას სამკურნალო თვისებები

იაჟუჟუნა, ანუ სამფერა ია შედის...

ჯანმრთელობისთვის საჭირო ელემენტები

როგორც კი ცუდად ვიგრძნობთ თავს,...

გემრიელი "დუეტი"

თუ გინდათ იყოთ ჯანმრთელი და...

ფიტოაფთიაქი

სამყურას ეთეროვან ზეთს აქვს ანთების...

ექინაცეას სამკურნალო თვისებები

ექინაცეა სამართლიანად მიაჩნიათ "გონიერ" მცენარედ....

როგორ შევინარჩუნოთ მხედველობა

მხედველობის მრავალი პრობლემა თვალების გადაღლისა...

ძლიერი იმუნიტეტი რომ გვქონდეს

ყოველდღე ორგანიზმში წარმოიქმნება 12 მილიარდი...

როზმარინის სამკურნალო თვისებები

ბერძებმა ექიმებმა იცოდნენ, რომ "როზმარინი...