სასწრაფო სამედიცინო დახმარების ახალი შენობა სასწრაფო დახმარების მოლოდინში

საზოგადოება

სასწრაფო სამედიცინო დახმარების ახალი შენობა სასწრაფო დახმარების მოლოდინში

6 ივნ. 2019, 12:55:55

ლანჩხუთის მუნიციპალიტეტში  ახალი სასწრაფო სამედიცინო  დახმარების ცენტრის შენობის მშენებლობა ჯერ კიდევ  2017 წელს დააანონსა მერიის ინფრასტრუქტურის სამსახურის უფროსმა ლევან ჩხაიძემ, როცა საკრებულოს ერთ-ერთ სხდომაზე  დეპუტატებისგან იმ წელს გასახორციელებელი ინფრასტრუქტურული პროექტების მოწონების შესახებ განკარგულებაში ცვლილებაზე  თანხმობა ითხოვა.

ლევან ჩხაიძის მაშინდელი მოხსენებით, ახალი სასწრაფო სამედიცინო დახმარების ცენტრის მშენებლობის ღირებულება 161 545 ლარს შეადგენდა, პროექტის გახორციელება აგვისტოდან უნდა დაწყებულიყო და წლის ბოლოსთვის დასრულებულიყო.. მაშინ სხდომათა დარბაზში მყოფმა უკლებლივ ყველა დეპუტატმა ინფრასტრუქტურის სამსახურის მიერ წარმოდგენილ საკითხს მხარი დაუჭირა, თუმცა, ზოგმა ის ტერიტორია დაიწუნა, სადაც ამ ცენტრის მშენებლობა იყო გათვალისწინებული _ აქცენტი ქალაქის პირველი ბაღისა და სარეაბილიტაციო ცენტრ "იავნანას" მიმდებარე ტერიტორიაზე კეთდებოდა და სხვათა შორის, ამ ადგილზე მშენებლობას, დეპუტატების გარდა, საფრთხის შემცველს ხედავდნენ უბრალო ადამიანებიც:

"სასწრაფო დახმარება მუდმივ რეჟიმშია მობილიზებული, რასაც ხმაური და ბევრი სხვა საკითხი მოსდევს თან. იქვეა საბავშვო ბაღი და ბავშვთა სარეაბილიტაციო დღის ცენტრი, პირველი საჯარო სკოლაც, ამიტომ მიზანშეუწონელია ეს ადგილი ამ ცენტრის მშენებლობისთვის. იმდენი ტერიტორიაა ამ ქალაქში, რომ გაცილებით უკეთესი ადგილის შერჩევაც ადვილად შეიძლება", _ ამბობდნენ ისინი. თუმცა, მათი კრიტიკული მოსაზრება არავინ შეისმინა და ზუსტად იმ ადგილზე დაიწყო მშენებლობა, რომელიც რეგიონული განვითარებისა და ინფრასტრუქტურის მაშინდელმა მინისტრმა ზურაბ ალავიძემ და გურიის ექსგუბერნატორმა მერაბ ჭანუყვაძემ ერთად დაათვალიერეს კიდეც და ხაზი გაუსვეს, რომ წლების განმავლობაში ლანჩხუთის სასწრაფო სამედიცინო დახმარების პერსონალს ავარიულ შენობაში უწევდა ყოფნა და რომ მალე საგანგებო სიტუაციებისა და გადაუდებელი დახმარების ცენტრის რაიონული ფილიალი ახალ შენობაში დაიდებდა ბინას.

მაშინ, ქვეყნის მასშტაბით, 40-ზე მეტი ახალი სასწრაფო დახმარების სამედიცინო ცენტრის მშენებლობა გახორციელდა, აქედან ორი გურიაში _ ჩოხატაურსა და ლანჩხუთში.

ჩოხატაურში საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ ახალი შენობა მაჟორიტარ დეპუტატთან ნინო წილოსანთან, ასევე, მხარისა და ადგილობრივი ხელისუფლების წარმომადგენლებთან ერთად 2018 წლის ბოლოს გახსნა.

რაც შეეხება ლანჩხუთს, ერთი შეხედვით, ამ დასრულებულ ობიექტზე, სამშენებლო სამუშაოები კარგა ხანია, აღარ მიმდინარეობს, მაგრამ, რაც დრო გადის, იქ სიტუაცია უარესდება და შენობის გარე ფასადის უბრალო თვალის შევლებითაც კარგად ჩანს, რომ იქ სამუშაოები ხელახლა ჩასატარებელია _ ჩამოშლილია ბათქაში, ბზარები შეიმჩნევა კედლებზე და ალაგ-ალაგ ჩამოყრილია საღებავი.

ის, რასაც ზედაპირზე ყველა ხედავს, როგორც ჩანს, შეუმჩნეველია ლანჩხუთის მუნიციპალიტეტის მერისთვის _ ალექსანდრე სარიშვილი უარყოფს, რომ ახალაშენებული შენობა დაზიანებულია. მერი, ღონისძიებაზე ყოფნის გამო, ჩვენთან მოკლე კომენტარით შემოიფარგლა და გვითხრა, რომ ადგილზე მხოლოდ ეზოს კეთილმოწყობის სამუშაოებია ჩასატარებელი.

სარიშვილისგან განსხვავებით, პრობლემების არსებობას ადასტურებს მერიის მერიის ინფრასტრუქტურის სამსახურის უფროსი. ჩხაიძე ამბობს, რომ სამშენებლო სამუშაოებს შპს "ბილდ მენეჯმენტი" ასრულებდა, ხოლო მშენებლობის მიმდინარეობას ზედამხედველობას "რეალ ექსპერტი" უწევდა. მისივე თქმით, მშენებლობა ხარვეზების გარეშე მიმდინარეობდა და ის დაზიანებები, რაც სასწრაფო დახმარების ახალ აშენებულ შენობაზეა, ეზოს კეთილმოწყობის სამუშაოების შეფერხებითაა გამოწვეული:

"შენობის გარკვეული დაზიანებები მისმა უმოქმედობამ გამოიწვია _ აქ მხოლოდ ეზოს კეთილმოწყობის სამუშაოებიღა იყო დარჩენილი და როგორც მე მაქვს ინფორმაცია, ტენდერი, რომელიც საამისოდ საგანგებო სიტუაციების კოორდინაციისა და გადაუდებელი დახმარების ცენტრს უნდა გამოეცხადებინა, რამდენჯერმე ჩავარდა.

სწორედ ამ სამუშაოების შეფერხებამ გამოიწვია შენობის დაზიანება, ნესტის გამო გარკვეული ხარვეზებია შენობის შიგნით და გარე ფასადზეც ბათქაში ჩამოვარდა. ამ ეტაპზე კომპანიის მიერ მიმდინარეობს ამ ხარვეზების აღმოფხვრა", _ ამბობს ინფრასტრუქტურის სამსახურის უფროსი.

საგანგებო სიტუაციების კოორდინაციისა და გადაუდებელი დახმარების ცენტრის დირექტორი ავთანდილ თალაკვაძე ამბობს, რომ ეზოს კეთილმოწყობის სამუშაოები მალე დაიწყება:

_ ეზოს კეთილმოწყობაზე ერთი ტენდერი ჩავარდა და ახალ ტენდერს მალე გამოვაცხადებთ. რაც შეეხება უშუალოდ შენობას, ის მერიამ ააშენა და როგორც ვიცით, მშენებელს აქვს ვალდებულება ხარვეზების გამოსწორების. ჩვენ ვიცით ამ ხარვეზების შესახებ, მოვახდინეთ შესაბამისი რეაგირება. ხარვეზები დაფიქსირდა არა მხოლოდ ფასადზე, არამედ შენობის შიგნითაც. ამ დროისთვის შიდა პრობლემები მოგვარებულია და ფასადზე არსებული ხარვეზებიც მალე გამოსწორდება, _ გვითხრა  თალაკვაძემ.

მისივე განმარტებით, შენობის შიგნით და გარეთ არსებულ ხარვეზთან არაფერ შუაშია არაა ეზოს კეთილმოწყობა:

_ ცოტა გაუგებარია, რა კავშირშია ეზოში ჩასატარებელი სამუშაოები ახალაშნებულ შენობაში არსებულ ხარვეზებებთან. ეს მშენებლობის ხარვეზია, რომელიც, როგორც გითხარით, მშენებელმა მალე უნდა გამოასწოროს, _ გვითხრა თალაკვაძემ, და აღნიშნა, რომ ახალ შენობაში, სასწრაფო სამედიცინო დახმარების სამსახური, სავარაუდოდ, შემოდგომაზე გადავა.




 ახალი ამბები
  • ბახმაროში ჩარჩენილები _ ხელის თხოვნა 2050 მეტრის სიმაღლეზე"ჩემს ტყუპს სიგიჟემდე რომ უყვარს ბახმარო, ალბათ, ყველამ იცის. მისი სიყვარულის ისტორიაც აქ დაიწყო, ჰოდა, უკიდეგანოდ ბედნიერი ვარ, რადგან სწორედ ამ საოცარ ადგილას აღვნიშნავთ მის გაბედნიერებას და ჩვენს "ოქროს დაბადების დღესაც", გილოცავ ტყუპჩიკ, ეს რაღაც სხვა გრძნობაა, რომელსაც სიტყვებით ვერ გამოვთქვამ. ვულოცავ საკუთარ თავს და ყველას, ვისაც შენი ბედნიერება უხარია. ასეთი თვალებგაბრწყინებულები იყავით სიცოცხლის ბოლომდე თქვენს საყვარელ ადამიანებთან ერთად!"  _ წერს ფეისბუქის საკუთარ გვერდზე ჩოხატაურელი ხატია პაიჭაძე. გიგა პაიჭაძემ და სალომე შერგელაშვილმა ერთმანეთი დიდი ხნის წინ ბახმაროში გაიცნეს, ამიტომ სიმბოლურია, რომ შეყვარებულმა ბიჭმა გოგოს ხელი სწორედ ბახმაროში სთხოვა, სადაც სალომე "მაყრიონთან" ერთად ტყუპების 22 წლის იუბილეს აღნიშნავდა. ეს სიურპრიზი მოულოდნელი იყო მისთვის, მაგრამ იუბილარ სატრფოს როგორ გააწბილებდა. დაქორწინდნენ და მაყრიონიანად ჩარჩნენ ბახმაროში და ახლა გზის გახსნას ელოდებიან, რომ თავიანთი სიხარული სხვებსაც გადასდონ. "გურია ნიუსი" ულოცავს ახლად დაქორწინებულ წყვილს და ბედნიერებას და შვილთა სიმრავლეს უსურვებს ... ...
  • ბახმაროში გზის გაწმენდითი სამუშაოები მიმდინარეობსამ წუთებში ბახმაროში გზის გაწმენდითი სამუშაოები მიმდინარეობს. ჩოხატაურის მუნიციპალიტეტის მერი, ირაკლი კუჭავა სოციალურ ქსელში ავრცელებს ფოტოებს, თუ რა ხდება ამ წუთებში ბახმაროს გზაზე. ცნობისთვის, ბახმაროში მისასვლელ გზაზე დღეს   მეწყერი ... ...
  • “სამი ადამიანი ვართ ახლა მთაში“ამ საღამოს დაბა გომისმთაზე გამოიდარა. ჩვენთან საუბრისას ადგილობრივი  მცხოვრები  მერაბ სანიკიძე ამბობს, რომ დაბა გომისმთაზე ახლა სამი ადამიანი იმყოფება. “სამი ადამიანი ვართ ახლა მთაში. დიდი თოვლი არის მოსული. ამ საღამოს გამოიდარა და ყინავს“, - გვითხრა ... ...
  • ბახმაროში გზის გახსნას ელოდებიანგურიაში, კონკრეტულად ბახმაროში  მოსულმა თოვლმა გზა ჩაკეტა. ჩოხატაურის მუნიციპალიტეტის მერის პრესსამსახურის, იამზე ვაჩეიშვილის ინფორმაციით, ამ წუთებში მიმდინარეობს გზის გაწმენდითი სამუშაოები. “გურია ნიუსის“ ინფორმაციით, კურორტზე 50 მანქანა და 200-მდე ადამიანი იმყოფება ამ დროისთვის. ისინი გზის გახსნას ... ...
  • გომისმთაზე 80 სმ თოვლი მოვიდადაბა გომისმთაზე თოვლი მოვიდა. ეს ფოტოები “გურია ნიუსს“ დაბის მკვიდრმა მერაბ სანიკიძემ ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...