შიდა გზის სახელით ცნობილი მონაკვეთი გაცილებით დიდი მნიშვნელობისაა, თუმცა, მუდმივად მოუწესრიგებელია

საზოგადოება

შიდა გზის სახელით ცნობილი მონაკვეთი გაცილებით დიდი მნიშვნელობისაა, თუმცა, მუდმივად მოუწესრიგებელია

2019 ივლ 11 11:15:02

ოზურგეთს მუნიციპალიტეტის სოფელ გაღმა დვაბზუსა და დაბა ნასაკირალს შორის არსებული გზის მონაკვეთი მარადიულ პრობლემად რჩება ამ სოფლების (და არა მარტო ამ სოფლების) მცხოვრებთათვის თუ ნებისმიერი სტუმრისთვის.

განსაკუთრებით დაზიანებული მონაკვეთი გაღმა დვაბზუს ცენტრიდან იწყება და ნასაკირალამდე ერთ კილომეტრსა და სამას მეტრს შეადგენს. მასზე მოძრაობს, როგორც ნებისმიერი სახის ტრანსპორტი, ისე სკოლისა და საბავშვო ბაღის ავტობუსები, რომლითაც ბავშვები და პედაგოგები გადაჰყავთ.

როგორც აქაურები ამბობენ, რაც თავი ახსოვთ, გზა პრობლემურია და მოუწესრიგებელი:

"გზის ძირითად ნაწილზე ასფალტიც არასდროს დაგებულა, მოხრეშილია, მაგრამ მთელი გზა ყოველ ნაბიჯზე ორმოებითაა სავსე. წვიმის დროს გუბეებით გადაჭედილი ველი უფრო გეგონებათ, ვიდრე გზა. ამ გზაზე სიარული სასჯელია, დაკავშირებულია მკვეთრ დისკომფორტთან, დროის უმიზნო ხარჯვასთან და ადამიანის ნერვულ-ფსიქიკურ გაღიზიანებასთან", _ გვეუბნებიან აქაურები.

_ 70 წლის ვარ. რაც თავი მახსოვს, აქ ასფალტი არ გვინახავს, არც ვინმეს გაუკეთებია. მოხრეშეს ადრე და მერე, დროთა განმავლობაში, ორმოებით გაივსო. რამდენი წელია, ვითხოვთ გაკეთებას. სიმართლე გითხრათ, არც ერთხელ არავის უთქვამს, არ გავაკეთებთო, მაგრამ არც გაკეთებაზე უფიქრია ვინმეს. ცარიელი დაპირებაა, რომელიც ასი პროცენტით ტყუილს შეიცავს და სწორედ ამ გზას ეხება. აბა, სხვაგან, მგონი, სოფელი არ დარჩა ჩვენს რაიონში, რომ გზა გაუკეთებელი იყოს. ქალაქთან ასე ახლოს ვართ და რა გახდა ეს დვაბზუს გზა?! მარტო დაპირება რად გვინდა, ამას ხომ ჯობს, გვითხრან, არ ვიცით, როდის გავაკეთებთო? _ გვითხრა დვაბზუს მცხოვრებმა იზოლდა მამალაძემ.

თინა ჭიჭაღუა, დვაბზუს მკვიდრი: "ვინ მოთვლის, რამდენჯერ დავსვით ამ გზის რეაბილიტაციის საკითხი. რაც თავი მახსოვს, ხვეწნა-მუდარით დავდივართ. ამ წლის დასაწყისში, ოზურგეთის საკრებულოში, როცა "ღია კარის დღე" მოაწყვეს, მე პირადად ვიყავი და პრობლემის შესახებ ვისაუბრე. დაპირება, იცოცხლე, არ მოგვკლებია, მაგრამ შედეგი რაა, ნახეთ _ არც არაფერი. გზა, რომელიც დაფლეთილია და ორმოებითაა სავსე, უარესად როგორ უნდა გაფუჭდეს, არ ვიცი. ერთი თვის წინ, ჩვენი თხოვნით, აქ გურიის გუბერნატორი, ნასარაია გვესტუმრა. უნდა ითქვას, რომ როგორც კი ვითხოვეთ მისი მოსვლა, მაშინვე გვეწვია და ამისთვის მადლიერება რომ არ გამოვხატო, არ შეიძლება. შეგვპირდა, რომ მალე დავიწყებთ გაკეთებასო და რა ვიცი _ იქნებ, მისი სიტყვა მაინც აღმოჩნდეს სარწმუნო. ახლა ასე გადავწყვიტეთ, მედიის საშუალებით მივმართოთ ხელისუფლებას. ეს გზა დაგვრჩა _ აბა, განცხადებით სიარული ან ღია კარის დღეზე სირბილი არ დაგვკლებია".

ირმა სანიკიძე, დვაბზუს მკვიდრი: "ეს გზა დასაბამიდან უვარგისია, მგონი. რა გახდა ამის გაკეთება, მართლა გვიკვირს. შიდა გზის სახელით ცნობილი მონაკვეთი გაცილებით დიდი მნიშვნელობისაა და მარად მოუწესრიგებელია.

მივალთ, დაგვპირდებიან... წამოვალთ და არაფერი... კი არის ყველაფერი ძველებურად. გუბერნატორი გვესტუმრა ახლახან და იმედია, საკითხი დაიძვრება. კი, ბატონო, კარგია დაპირება, მაგრამ აგერ 70 წლის ქალბატონი რომ ამბობს, რაც თავი მახსოვს, ამ გზის პრობლემა დგასო, გამოდის, რომ ახალგაზრდებმაც ამ ასაკამდე უნდა იცადონ და იხტუნონ ამ ორმოებში? ამდენი ხნის მანძილზე ვერავინ როგორ ვერ გაიგო სოფლის ხმა, როცა სულ ვეხვეწებით ყველას".

როზეტა სკამკოჩაიშვილი, სოფელ დვაბზუს წარმომადგენელი ოზურგეთის მუნიციპალიტეტის საკრებულოში: "სერიოზული პრობლემაა. მონაკვეთი კილომეტრნახევრიანიც არ არის, თუმცა, მასზე გავლას იმდენი დრო სჭირდება, კეთილმოწყობილ გზაზე ხუთ კილომეტრს გაივლის კაცი. მუნიციპალიტეტის მერიაში ამის შესახებ იციან. არის დაპირება და იმედია, მალე მოხდება გზის რეაბილიტაცია. ხალხი გამუდმებით გვსაყვედურობს და უფრო იმიტომ ღიზიანდებიან, ამდენი წლის განმავლობაში მხოლოდ დაპირებით რატომ გვკვებავენო. ერთი თვის წინ გუბერნატორი ეწვია სოფელს და აღნიშნულ პრობლემასთან დაკავშირებით ესაუბრნენ დვაბზუელები. რაკი ის საქმის კურსშია, იმედი მაქვს, ახლა მაინც გაკეთდება რაიმე.   

"გურია ნიუსი" ოზურგეთის მუნიციპალიტეტის მერიას დაუკავშირდა და დვაბზუს მოსახლეობის მომართვის შესახებ ჰკითხა, მერიის პრესსამსახურიდან კი ასეთი პასუხი მივიღეთ: "გაღმა დვაბზუსა და ნასაკირალს შორის არსებულ ამ მონაკვეთზე გზის რეაბილიტაცია ნამდვილად იგეგმება, ოღონდ, ჯერ სხვადასხვა მიწისქვეშა კომუნიკაციებია მოსაწესრიგებელი. კონკრეტულ ვადებს ვერ დაგისახელებთ, თუმცა, ეს არ არის მხოლოდ შეპირება, მიწისქვეშა სამუშაოების მოწესრიგების შემდეგ მალე დაიწყება გზის რეაბილიტაციის პროექტის გახორციელება".




 ახალი ამბები
  • დაირღვა თუ არა 7 წლის ბავშვის უფლებები _ დიდი გამოხმაურება სოციალურ ქსელშიდღეს დიდი აჟიოტატი მოყვა სოციალურ ქსელში გავრცელებულ ვიდეოს და ფოტოს, სადაც შვიდი წლის გოგონა არის გადაღებული. “გული მაქვს გახეთქვაზე. 7 წლის გოგოს აცვია პენუარი, უჩანს საცვალი და ცეკვავს დაახლოებით, ისე, როგორც სტრიპტიზ ბარში ცეკვავენ; ანუ არის ჰიპერსექსუალიზირებული, დასწავლილი მოძრაობებით, რომელიც ერთმნიშვნელოვნად მიმართულია სექსუალური ლტოლვის აღძვრაზე. ამ ვიდეოებს აქვს ათასობით ნახვა, ზოგი ბოროტად იყენებს და ზოგი რატომღაც ვერ ხვდება, რომ ბავშვი არ შეიძლება წარმოვაჩინოთ სექსუალურ ობიექტად.“ - წერს სოციალურ ქსელში ქალთა უფლებადამცველი ბაია პატარაია. ის ასევე აღნიშნავს: განათლების სამინისტროს საღათას ძილით სძინავს საპატრიარქოს და ვასაძისებრთა შიშით, სქესობრივი უმეცრება და პედოფილია კი ყვავის ქვეყანაში. ბოლო 6 თვეში 28 პირს შეეფარდა პატიმრობა არასრულწლოვანის მიმართ გარყვნილ ქმედებაზე. შსს-ს უკვე მივმართე და გარკვეული ნაბიჯები უკვე დაგეგმილი აქვთ. შეიბრალეთ თქვენი ქალიშვილები, ნუ წაართმევთ ბავშვობას, ქალობას ისედაც მოესწრება, ნუ აქცევთ პატარა გოგონებს პედოფილების სამიზნედ. ბავშვის სექს-ობიექტად გადაქცევა არის საზიანო და ძალიან საშიში პრაქტიკა. სოციალურ ქსელში ამ თემას დიდი გამოხმაურება მოჰყვა. როგორც გაირკვა, გოგონა ოზურგეთიდან არის. მისი ახლობელი კი ფეისბუქზე შემდეგი სახის კომენტარს წერს. მ.ც.-ძე: არ შემიძლია ამ თემას არ გამოვეხმაურო. დავიწყებ იქიდან, რომ ეს ბავშვი, არის ულამაზესი და უნიჭიერესი. 6 წლის ასაკში ცდილობს მიაღწიოს წარმატების მწვერავლებს და ჩვენ რას ვაკეთებთ? _ ბავშვს ყოველგვარ იმედს და ხალისს ვუკლავთ, ჩვენი ბოღმით, მერე რა რომ გამოპრანჭულია, თქვენი შვილები მსგავს კონკურსში რომ გამოდიოდნენ, არ გამოპრანჭავდით ? თქვენ არ იპრანჭებოდით ბავშვობაში? ყველაფერს თავი რომ დავანებოთ, არის ბავშვი. როგორ შეიძლება მსგავსი სიტყვები ჩემმამდე მართლა არაღწევს. მიუხედავად იმისა, რომ არვიცნობ ამ ულამაზეს პატარას, მინდა ვუსურვო უამრავი წარმატება ცხოვრებაში და ვურჩიო, რომ არავის ლაპარაკს ყურადღება არ მიაქციოს და ისწრაფოს თავისი მიზნებისა და ოცნებების ასრულებისთვის. #არაბულინგს. (ამის შემდეგ გოგონას მშობლებს მიმართავს) საუკეთესო მშობლები ხართ თქვენს შვილს ასე რომ უვლით და ხელს უწყობთ წარმატების მიღწევაში. "ეს ჩემი შვილია, 7 წლის. არავის არაფერს ვუმტკიცებ, მაგრამ უმაკიაჟოადაც ბრილიანტი მყავს. აი, თქვენ კი თქვენს ნაკლს ვერ ხედავთ და სხვას აკრიტიკებთ. ჩემი შვილის ჩაცმა-გამოპრანჭვას თქვენ ნამდვილად არ შეგეკითხებით. თქვენ მაგაზე არ იდარდოთ, თქვენს თავს მიხედეთ. ის კი ნამდვილად ვიცი, თქვენნაირ სულით მახინჯ ადამიანად ნამდვილად არ აღვზრდი. მადლობა ყურადღებისათვის," - ეს კი 7 წლის გოგონას დედის კომენტარია, რომელიც ასევე ფეისბუქით ვრცელდება. სოციალურ ქსელში ფსიქოლოგმა, მაია ცირამუამ და ბავშვთა უფლებადამცველმა, ანი აბაშიძემ შემდეგი სახის პოსტები გაავრცელეს, რომელსაც “გურია ნიუსი“ უცვლელად გთავაზობთ. მაია ცირამუა: ბავშვი არ არის ინსტრუმენტი, თოჯინა, სათამაშო .... ბავშვი არ შეიძლება გამოპრანჭოს მშობელმა, გაუკეთოს მაკიაჟი, რაც ყველაზე შემზარავია "გაასექსუალუროს" და მერე ფბ-ზე გამოჭიმოს მისი ვიდეო, რომელსაც 150 000 ზე მეტი ნახვა აქვს - ანუ კარგი მასალაა ცუდად დაინტერესებული ადამიანებისთვის. ბავშვის ასეთ საფრთხეში ჩაგდება არ შეიძლება, სულ რომ გალიაში გამოკეტოთ და დაცული გყავდეთ - აზიანებთ, სერიზოულად აზიანებთ მის ფსიქიკას და ამას გარდა ნორმად აქცევთ ბავშვის სექსუალიზაციას. ასეთ მშობელს სოციალურმა სამსახურმა უნდა გააგებინოს საკუთარი ფუნქცია, სულ რომ მდიდარი და გავლენიანი იყოს, სოციალურ სამსახურს აქვს უფლებამოსილება ეს გააკეთოს, რადგან ბავშვის ინტერესი არის უპირატესი. P.S. არ მკითხოთ რა მოხდა, მაშინ მომიწევს ლინკების მოცემა და გავრცელება იმისი, რაც პირიქით უნდა შეიზღუდოს ამ სივრცეში. რაც მოხდა მიწერია ისედაც. ანა აბაშიძე: პატარა გოგონასთან დაკავშირებულ ვიდეო და ფოტო მასალებთან დაკავშირებით, ჩემი შეფასებით:1. მოხდა ბავშვისთვის სექსუალიზება; 2. ბავშვი ჩააყენეს მისთვის სრულიად შეუსაბამო და შეუფერებელ როლში და ამით მას მიაწოდეს მისთვის არასასურველი და ასაკის გათვალისიწინებით დაუშვებული სექსუალური შინაარსის ინფორმაცია; 3. ბავშვის საშუალებით მოხდა ბავშვთა ქორწინების რომანტიზება/ნორმალიზების ხელშემწყობი ქცევა; 4. შესაძლოა ბავშვი გახდეს ონლაინ და ოფლაინ პედოფილების სამიზნე; 5. შესაძლოა ბავშვი გახდეს ბულინგის სამიზნე 6. მსგავსი ქცევა არ ეხმარება ბავშვის ფსიქო-ემოციურ, კოგნიტურ და ფიზიკურ განვითარებას, უფრო აზიანებს მას. ახლა რა უნდა მოხდეს, მნიშნელობა არ აქვს განზრახ თუ გაუფრთხილებლობით მოხდა ეს, შსს-მ, სოც სამსახურმა, მანდატურის სამსახურმა და სხვა დაკავშირებულმა უწყებებმა უნდა შეიმუშაონ ერთობლივი განცხადება აუხსნან და გააფრთხილონ მშობლები ამ რისკებზე და მოუწოდონ მასალის აღება დაუყოვნებლივ. ეს არის აუცილებელი პრევენციული ქცევა. თუ განმეორდება მსგავსი რამ უკვე უწყებების უშუალო ჩარევის საფუძველი გახდება. გვახსოვდეს, ბავშვს ვაზიანებთ გააზრებულად თუ გაუაზრებლად, შედეგეს არ ცვლის ამიტომ ყველა თანაბრად ყურადღებით უნდა იყოს.“ "პალიტრავიდეოსთან" შსს პრესსამსახურში გავრცელებულ კადრებზე შემდეგი სახის კომენტარი გაკეთდა. „გავრცელებული ინფორმაცია არ შეიცავს დანაშაულის ნიშნებს, თუმცა ცნობიერების ამაღლება მსგავსი ვიდეოების საფრთხეებთან და ბავშვის განვითარების რისკებთან დაკავშირებით საჭიროებს განზოგადებას და ხანგრძლივვადიან მულტიდისციპლინურ მუშაობას, რომელშიც ჩართული უნდა იყოს როგორც სახელმწიფო უწყებები, ისე სამოქალაქო სექტორის წარმომადგენლები.ამ მიზნით, ადამიანის უფლებათა დაცვისა და გამოძიების ხარისხის მონიტორინგის დეპარტამენტი გეგმავს ქეის-კონფერენციას შესაბამისი უწყებების ჩართულობითა და ... ...
  • ბოლნისში ქმარმა ცოლი მოკლაბოლნისში ქმარმა ცოლი მოკლა. შემთხვევა სოფელ ტალავერში მოხდა. გავრცელებული ინფორმაციით, კაცმა ქალი ქამრით გაგუდა. წყვილს 3 არასრულწოვანი შვილი ჰყავს. როგორც შსს-ში აცხადებენ, დანაშაულში ეჭვმიტანილი უკვე დაკავებულია. უწყების ინფორმაცით, სისხლის სამართლის საქმე 109-ე მუხლის მეორე ნაწილის ბ- ქვეპუნქტითაა ... ...
  • თეთრიწყაროში დასაქმებისა და პროფესიული განათლების ფორუმი გაიმართება18 ოქტომბერს, თეთრიწყაროში დასაქმებისა და პროფესიული განათლების ფორუმი გაიმართება.    ფორუმი, რომელიც სამუსიკო სკოლის დარბაზში, 11 საათსა და 30 წუთზე დაიწყება,  მიზნად ისახავს ადგილობრივი სამუშაოს მაძიებლების პროფესიულ საგანმანათლებლო დაწესებულებებსა და კერძო კომპანიებთან დაკავშირებას. ღონისძიებაში მონაწილეობას სოფლის განვითარების პროექტების წარმომადგენლები მიიღებენ.  ფორუმის ფარგლებში, სამუშაოს მაძიებლები დამსაქმებლების მიერ შეთავაზებულ ვაკანსიებს ადგილზე გაეცნობიან და პროფესიული მომზადების კურსების შესახებ დეტალურ ინფორმაციას მიიღებენ. თავის მხრივ, დამსაქმებლებს  საშუალება ექნებათ არსებულ ვაკანსიებზე მოიძიონ შესაბამისი კადრები. გარდა ამისა, სხვადასხვა სფეროში მომუშავე წარმატებული ადამიანები, ფორუმის მონაწილეებს თავიანთ ისტორიებს გაუზიარებენ, თუ როგორ შეიძლება  გახდე კონკურენტუნარიანი შრომის ბაზარზე. RDFG კი,  ღონისძიების მიმდინარეობისას, ფორუმის მონაწილეთათვის პროფესიული მომზადება-გადამზადების კურსების 30 უფასო ვაუჩერებს გაათამაშებს. გამარჯვებულებს  შესაძლებლობა ექნებათ, მათი ინტერესების შესაბამისი, პროფესიული მომზადება-გადამზადების მოკლევადიანი კურსი თავად შეარჩიონ. სოციალური მომსახურების სააგენტომ ფორუმის გამართვის შესახებ მოკლე ტექსტური შეტყობინება worknet-ზე დარეგისტრირებულ რეგიონში მცხოვრებ, 26 000-მდე, სამუშაოს მაძიებელს წინასწარ გაუგზავნა. ღონისძიებაზე მონაწილეობისთვის სამუშაოს მაძიებელმა რეგისტრაცია უნდა გაიაროს (სარეგისტრაციო ლინკი - http://apps.ssa.gov.ge:4000/ ). ღონისძიების მსვლელობისას სამუშაო მაძიებლებს ინდივიდუალურ კონსულტაციებს  გაუწევენ და საჭიროების შემთხვევაში, worknet.gov.ge-ზეც დაარეგისტრირებენ.  ასევე, ფორუმზე სააგენტოს წარმომადგენლები როგორც სამუშაოს მაძიებლებს, ასევე დამსაქმებლებს ქვეყანაში დასაქმების ხელშემწყობი პროგრამებისა და სერვისების შესახებ დეტალურ ინფორმაციას ... ...
  • ჩოხატაურში სამუსიკო სკოლა გაიხსნა (R)ჩოხატაურში სამუსიკო სკოლა გაიხსნა. რეაბილიტირებული სკოლა დღეს გურიის მხარის რწმუნებულმა ზურაბ ნასარაიამ, ჩოხატაურის მერმა ირაკლი კუჭავამ და საკრებულოს თავმჯდომარე ზაალ მამალაძემ, მხარისა და ადგილობრივი ხელისუფლების წარმომადგენლებთან ერთად გახსნეს. მოსწავლეებმა სკოლის გახსნა საზეიმოდ აღნიშნეს. შესრულდა სხვადასხვა მუსიკალური ნომერი. ა(ა)იპ სამუსიკო სკოლას სრული რეაბილიტაცია ჩაუტარდა. გაფართოვდა საკონცერტო დარბაზი და მოეწყო შენობის თბოიზოლაცია. პროექტი, რომლის ღირებულებამ 277 988 ლარი შეადგინა, რეგიონებში განსახორციელებელი პროექტების ფონდიდან დაფინანსდა. ... ...
  • ინგა გრიგოლია TV პირველის დირექტორი გახდატელეკომპანია პირველის მფლობელის, ვატო წერეთელის განცხადებით, დღეიდან ტელევიზიას ჟურნალისტი ინგა გრიგოლია უხელმძღვანელებს. მანამდე ამ თანამდებობას პაატა კაკაურიძე იკავებდა. დღეიდან ტელეკომპანია ,,პირველს,, ინგა გრიგოლია უხელმძღვანელებს. გადავდივართ განვითარების ახალ ეტაპზე , რომელსაც სათავეში ახალი დირექტორი ჩაუდგება, დიდი გეგმებით და მთელი გუნდის ერთიანი ძალისხმევით .ინგა ,,პირველზე,, იმ დროს მოვიდა, როცა აქ პირველი აგური იდებოდა და ჩვენი ტელევიზიის ყველა თანამშრომელთან ერთად,, მთელი ენერგია ჩადო ჩვენი ტელევიზიის განვითარებაში. უკვე დღეიდან ,,რეაქციასთან " ერთად ის მთელი არხის ახალ ეტაპზე გადასვლის პროცესს ჩაუდგება სათავეში. მჯერა, ეს ახალი ეტაპი კიდევ უფრო წარმატებული გამოგვივა. ინგა გრიგოლია, წარმატებებს გისურვებ! _ წერს ვატო წერეთელი ფეისბუქის საკუთარ ... ...

არქივი

ზაფრანი

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...

ერთ დროს უსახლკარო ვარსკვლავები

თინეიჯერულ ასაკში ჯიმ ქერი ოჯახთან...

კოკა-კოლას სასარგებლო თვისება

დღესდღეობით თითქმის ყველამ იცის კოკა-კოლას...

რატომ უნდა დადოთ საწოლთან გაჭრილი ლიმონი

ლიმონი ვიტამინი C-ს წყაროა. გარდა...

სიზმრის ახსნა

კბილის გატეხვა ან ამოღება -...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...