"თავად რომ მაღალი ხელფასები აქვთ და დანაყრებულები არიან, სხვებიც ასე ჰგონიათ"

საზოგადოება

"თავად რომ მაღალი ხელფასები აქვთ და დანაყრებულები არიან, სხვებიც ასე ჰგონიათ"

13 მაი. 2019, 12:59:11

"ყველას გეხვეწებით, ღვთისნიერო ადამიანებო, ვის როგორი საშუალებაც გაქვთ, დამეხმარეთ! დამეხმარეთ, რომ ცოტა ხნით მაინც შევინარჩუნო სიცოცხლე!" _ ამ სიტყვებით მომართა "გურია ნიუსს" დახმარების თხოვნით ლანჩხუთის მუნიციპალიტეტის სოფელ ჭანჭათში მცხოვრებმა 55 წლის მთვარისა კუჭუხიძემ, რომელიც მძიმედაა ავად, ოჯახს კი არანაირი ფინანსური შემოსავალი არ გააჩნია, რომ პურისა და ავადმყოფისთვის წამლის ყიდვა შეძლოს.

როგორც მთვარისა კუჭუხიძის მონათხრობიდან ირკვევა, მან  დახმარების თხოვნით არაერთხელ მიმართა სოციალური სააგენტოს ლანჩხუთის განყოფილებასა და მუნიციპალიტეტის ადგილობრივ ხელმძღვანელობას, მაგრამ ამას არანაირი დადებითი შედეგი არ მოჰყოლია. პირიქით _ სამედიცინო პოლისი, რომლითაც მანამდე სარგებლობდა, გაუუქმდა:

"სოფელში ყველამ კარგად იცის, როგორ მიჭირს და რა პირობებში მიწევს ცხოვრება _ ავადმყოფ ადამიანს წამლისა და პურის ფული მაქვს სანატრელი. მესამე სტადიის სიმსივნე მაქვს, მარჯვენა ხელი გაჩერებული მაქვს. ლანჩხუთის მერიაში, დახმარების სათხოვნელად მისულს,  ყურადღება არავინ მომაქცია, პირიქით, ამრეზით დამიწყეს ყურება _ კეთროვანივით მიყურებდნენ. ერთმა ისიც კი მითხრა, პარიკი გეყიდა და თავზე დაგეხურაო. ეტყობა, თავად რომ მაღალი ხელფასები აქვთ და დანაყრებულები არიან, სხვებიც ასე ჰგონიათ. პარიკის საყიდელი ფული რომ მქონდეს, თავს კი არ დავიმცირებდი და დახმარების სათხოვნელად კი არ მივადგებოდი მაგ გაზულუქებულებს. ეტყობა, არ იციან გაჭირვების გემო.

არავინ მოიტყუოს  მერიაში და არ თქვას, დავეხმარეთო _ 200 ლარი მომცეს ერთჯერადად. ეს იყო და ეს _ სხვა თეთრიც არ გამოუმეტებია ვინმეს. ფულს ვინღა ჩივის, კეთილი სიტყვაც არ უთქვამთ", _ ტირილით გვიყვება მძიმედ ავადმყოფი ქალბატონი, რომლის ოჯახიც ყოველგვარი ფინანსური შემოსავლის გარეშეა დარჩენილი.

მისივე თქმით, შემწეობის დანიშვნის თხოვნით განაცხადი შეავსო სოციალურ სააგენტოში, მაგრამ მისთვის გაუგებარი მიზეზების გამო, რატომღაც მაღალი ქულები დაუფიქსირდა.

 "ვერავისთან  მივაღწიე სამართალს, ყურადღებას არავინ მაქცევს. სოციალურ სააგენტოში ხომ კარგად იციან, დახმარება რომ მეკუთვნის?! ჯერ მითხრეს, მიწა გაწერია ბევრი და შემწეობას იმიტომ ვერ მოგცემთო. მიწა გამოირიცხა. მერე თქვეს, 11 ლარის დენი გაქვს დამწვარი და ეს მაღალი მაჩვენებელიაო.

ეტყობა, სინდისი არც სააგენტოს და არც მუნიციპალიტეტის ხელმძღვანელობას არ აქვს, თორემ ჩემს დღეში მყოფ ადამიანს დახმარებისა და ყურადღების გარეშე როგორ დატოვებდნენ?! მიხაროდა, შემწეობა დამენიშნება, წამალს და ერთ ტომარა  პურის ფქვილს ვიყიდი,-მეთქი, მარა ოცნება ოცნებადვე დარჩა. მე დღეები მაქვს დათვლილი, მაგრამ უწამლოდ და შიმშილით არ უნდა ვკვდებოდე?!

გამაგებინონ, როგორ უნდა ვიარსებოთ! სამსახური მისცენ მაშინ ჩემს მეუღლეს, თუ დახმარების გაცემაზე უარს მეუბნებიან", _ ამბობს ჩვენი რესპონდენტი და საუბრისას ცრემლებს ვერ იკავებს.

მთვარისა კუჭუხიძის პრობლემასთან დაკავშირებით ლანჩხუთის მერიაში მოკლე კომენტარით შემოიფარგლნენ და გვითხრეს, რომ მას მუნიციპალიტეტი გასულ წელს 400 ლარით დაეხმარა, მიმდინარე წლის მარტში კი მერიამ შუამდგომლობით მიმართა სოციალურ სააგენტოს კუჭუხიძისთვის დახმარების დანიშვნასთან დაკავშირებით.

სოციალური სააგენტოს ლანჩხუთის განყოფილებიდან მიღებული განმარტებით კი, ოჯახის ხელმეორედ გადამოწმება მხოლოდ მომავალი წლის აპრილის ბოლოდანაა შესაძლებელი, მანამდე კი ბენეფიციარს  შეუძლია ჩაერთოს "ქრონიკული დაავადებების სამკურნალო  მედიკამენტებით  უზრუნველყოფის  პროგრამაში":

"ოჯახის მიერ მოწოდებული მონაცემების საფუძველზე, შეივსო "ოჯახის დეკლარაცია" (დეკლარირებული ინფორმაცია დადასტურებულია უფლებამოსილი წარმომადგენლის ხელმოწერით). "სოციალურად დაუცველი ოჯახების სოციალურ-ეკონომიკური მდგომარეობის შეფასების მეთოდოლოგიის დამტკიცების შესახებ" საქართველოს მთავრობის 2014 წლის 31 დეკემბრის #758 დადგენილების შესაბამისად, 2019 წლის 28 აპრილს ოჯახის სარეიტინგო ქულა განისაზღვრა 83 120 ერთეულით. "ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ" საქართველოს მთავრობის 2010 წლის 24 აპრილის #126 დადგენილებით დამტკიცებული წესის მე-12 მუხლის შესაბამისად, ოჯახის სოციალურ-ეკონომიკური მდგომარეობის განმეორებითი შეფასება შესაძლებელია სარეიტინგო ქულის მინიჭებიდან ერთი წლის გასვლის შემდეგ, 2020  წლის  28 აპრილიდან.

 ამავე დადგენილების შესაბამისად, ოჯახის ვადამდელი გადამოწმება შესაძლებელია იმ შემთხვევაში, თუ შეიცვალა ოჯახის  წევრთა რაოდენობა (დემოგრაფიული ცვლილება), ოჯახმა შეიცვალა საცხოვრებელი ადგილი, ოჯახის წევრს დაუდგინდა შეზღუდული შესაძლებლობის მქონე პირის სტატუსი, დასაქმდა და მიიღო ლეგალური შემოსავალი ან დაკარგა სამუშაო, ასევე, ოჯახის წევრზე თუ იქნება წარმოდგენილი ცნობა ჯანმრთელობის მდგომარეობის შესახებ სამედიცინო დოკუმენტაცია ფორმა 1V-100.

ასევე,  გაცნობებთ, რომ 2017 წლის 31 მაისის #04–350/ო  ბრძანების შესაბამისად, საჭიროებიდან გამომდინარე, ოჯახს შეუძლია ჩაერთოს "ქრონიკული დაავადებების სამკურნალო  მედიკამენტებით  უზრუნველყოფის  პროგრამაში", _ წერია სოციალური სააგენტოდან  მიღებულ განმარტებაში.




 ახალი ამბები
  • კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 1244 ფაქტი გამოავლინესშინაგან საქმეთა სამინისტროს შესაბამისი დანაყოფების თანამშრომლები, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებენ. სამართალდამცველების მიერ განხორციელებული მონიტორინგის შედეგად ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 1244 ფაქტი გამოვლინდა. პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 67 ფიზიკური პირი დააჯარიმა. გარდა ამისა 24 საათის განმავლობაში პირბადის ტარების წესის დარღვევის ფაქტზე, ადმინისტრაციულ სამართალდარღვევათა კოდექსის 42(11)-ე მუხლის შესაბამისად 1177 ფიზიკური პირი დაჯარიმდა. „შინაგან საქმეთა სამინისტრო კვლავ მოუწოდებს მოქალაქეებს, დაიცვან დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები. საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს. პირბადის ტარების წესის დარღვევა იწვევს ადმინისტრაციულ პასუხისმგებლობას და ასკ-ის 42(11) -ე მუხლის შესაბამისად ჯარიმას 20 ლარის ოდენობით. იზოლაციისა და კარანტინის წესის დარღვევა იწვევს ადმინისტრაციულ პასუხისმგებლობას და ასკ–ის 42(10)-ე მუხლის შესაბამისად ფიზიკური პირის დაჯარიმებას 2 000 ლარით, ხოლო იურიდიული პირის – 10 000 ლარის ოდენობით. განმეორებითი ჯარიმა კი სისხლის სამართლებრივი პასუხისმგებლობას ითვალისწინებს“, - აღნიშნულია შსს-ს მიერ გავრცელებულ ... ...
  • შსს-ს განცხადება შპს „ონლაინ მეჯიქ“-ის დალუქვასთან დაკავშირებითმიმდინარე წლის 29 ნოემბერს, შინაგან საქმეთა სამინისტროს აჭარის პოლიციის დეპარტამენტის თანამშრომლების მიერ გადაუდებელი აუცილებლობიდან გამომდინარე, განხორციელდა საგამოძიებო მოქმედებები შპს „ონლაინ მეჯიქ“-ში, რის შედეგადაც მოხდა აღნიშნული ფიტნეს კლუბის დალუქვა. გამოძიების დაწყებას საფუძვლად დაედო საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტიდან შინაგან საქმეთა სამინისტროში რეაგირების მიზნით გადმოგზავნილი მასალები. კერძოდ,მასობრივი ინფორმაციის საშუალებით ცნობილი გახდა, რომ შპს "ონლაინ მეჯიქ" ე.წ. "რეფორმერი ფიტნესი" არ დაემორჩილა „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილებით გათვალისწინებულ შეზღუდვებს, გააგრძელა სპორტული/სავარჯიშო დარბაზის ფუნქციონირება, რის გამოც საქართველოს ადმინისტრაციულ სამართალდარღვევათა კოდექსის 42(10) მუხლის თანახმად, 2020 წლის 28 ნოემბერს დაჯარიმებული იქნა 10 000 ლარით. აღნიშნულის შემდეგ, 2020 წლის 29 ნოემბერს შრომის პირობების ინსპექტირების დეპარტამენტმა განმეორებით განახორციელა შპს "ონლაინ მეჯიქ"-ის ე.წ. "რეფორმერი ფიტნესის" ინსპექტირება, რა დროსაც აღმოჩნდა, რომ ადმინისტრაციული სახდელის დაკისრების მიუხედავად, კომპანია კვლავ აგრძელებდა საქართველოს მთავრობის დადგენილებით აკრძალულ ეკონომიკურ საქმიანობას. ინსპექტირების მასალები შემდგომი რეაგირებისთვის გადმოიგზავნა საქართველოს შინაგან საქმეთა სამინისტროში, რის საფუძველზეც დაიწყო გამოძიება საქართველოს სისხლის სამართლის კოდექსის 248-ე პრიმა მუხლით. როგორც საზოგადოებისათვის ცნობილია, საქართველოს სისხლის სამართლის კოდექსის 248 -ე პრიმა მუხლის თანახმად, იზოლაციის ან/და კარანტინის წესის დარღვევისათვის ადმინისტრაციულ სახდელდადებული პირის მიერ იგივე ქმედების განმეორებით ჩადენა იწვევს სისხლის სამართლებრივ პასუხისმგებლობას. კერძოდ, იურიდიული პირის შემთხვევაში დაჯარიმებას, საქმიანობის უფლების ჩამორთმევას, ასევე მის მიმართ ლიკვიდაციისა და დაჯარიმების ღონისძიების ერთობლივად გამოყენების შესაძლებლობას, ხოლო ფიზიკური პირის შემთხვევაში - შინაპატიმრობას ექვსი თვიდან ორ წლამდე ან/და თავისუფლების აღკვეთით ვადით სამ წლამდე ... ...
  • ირიშკა ქავჟარაძე გურამ რჩეულიშვილის კონკურსის გამარჯვებულიაახლახან, გამოვლინდა გურამ რჩეულიშვილის სახელობის ლიტერატურული კონკურსის - "ზამთარი მოდის" - გამარჯვებულები. კონკურსი წელს მესამედ ჩატარდა, რომელიც მხოლოდ სტუდენტთა მონაწილეობისთვის იყო განსაზღვრული. კონკურსში  ოზურგეთელმა ირიშკა ქავჟარაძემ  მეორე ადგილი დაიმსახურა ლექსით: „ფიფქები მატარებელში“. რჩეულიშვილის  კონკურსი მაღალი დონისაა და აქ გამარჯვება გამორჩეულ  ნიჭს  და შესაძლებლობებს მოითხოვს.  ახლა, როგორც კონკურსის ორგანიზატორები აცხადებენ, ქვეყანაში არსებული ეპიდემოლოგიური სიტუაციის გამო, დაჯილდოება არ გაიმართება. რაც გახდა მიზეზი იმისა, რომ გამარჯვებულების გამოვლენა მოხდა სოციალური ქსელით. როგორც კი სიტუაცია დასტაბილურდება, კონკურსის ორგანიზატორები და გამომცემლობების წარმომადგენლები შეხვდებიან ერთმანეთს. ირიშკა ქავჟარაძემ გასულ წელს დაამთავრა ოზურგეთის მეოთხე საჯარო სკოლა და რესპუბლიკაში ერთ-ერთი პირველი იყო, ვინც უმაღლესი ქულებით ჩაირიცხა თბილისის სახელმწიფო უნივერსიტეტში.  საზოგადოება დიდი ხანია, კარგად იცნობს უნიჭიერეს გოგონას, რომლის პოეტური კალამი „საზღვრებს  გადასცდა ფრენით“ და მას დიდ მომავალს უწინასწრამეტყველებენ. „გურია ნიუსი“ კვლავ მრავალ წარმატებას უსურვებს ახალგაზრდა ნიჭიერ ... ...
  • როგორია კახი კავსაძის ჯანმრთელობის მდგომარეობა„კახი კავსაძე ჩვენთან გუშინ, დაახლოებით 14:00 სთ-ზე შემოიყვანეს. შემოყვანისას მდგომარეობა კრიტიკული იყო. ჩატარდა ყველა ღონისძიება. დადასტურებულია კოვიდინფექცია, მაგრამ მინდა გითხრათ, რომ კოვიდინფექციის მძიმე ხარისხი ამ ეტაპზე არ იკვეთება. კლინიკურად მასთან სახეზე იყო ძირითადი დაავადება, რომელიც დააპროვოცირა კოვიდ ინფექციამ და მისმა გართულებამ. მინდა გითხრათ, რომ ამ ეტაპზე დადებითი დინამიკა გვაქვს. გემოდინამიკა უფრო სტაბილური გახდა. სუნთქვის პარამეტრები გაუმჯობესებულია. ვიმედოვნებთ, ღონისძიებები, რომელიც უკვე ჩატარდა და მომავალში ჩაუტარდება, პაციენტის გამოჯანმრთელებას გამოიწვევს“, - განაცხადა ჟურნალისტებთან საუბრისას თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა,   ლევან ... ...
  • აკრძალული ეკონომიკური საქმიანობის ფაქტზე 2 ობიექტი დაჯარიმდა, 2 309 ობიექტს კი საქმიანობა შეუჩერდაშრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტმა ქვეყნის მასშტაბით, იმ დაწესებულებების შემოწმება განახორციელა, რომლებიც საქართველოს მთავრობის 2020 წლის 23 მაისის N322-ე დადგენილებით აკრძალულ საქმიანობას ახორციელებდნენ. შემოწმების შედეგად დადგინდა, რომ ქ. ბათუმში შპს ,,ონლაინ მეჯიქ" ე. წ "რეფორმერი ფიტნესი" აკრძალულ ეკონომიკურ საქმიანობას ახორციელებდა, ფაქტის ადგილზე დაფიქსირების შემდეგ, დარღვევების შესაბამისად, იურიდიული პირი 10 000 ლარის ოდენობით დაჯარიმდა. თუმცა, მიუხედავად ამისა, სპორტული დარბაზი საქმიანობას კვლავ განაგრძობდა. შრომის ინსპექციამ განმეორებითი დარღვევის ფაქტის დაფიქსირების შესახებ ინფორმაცია შინაგან საქმეთა სამინისტროს მიაწოდა. N322-ე დადგენილებით დამტკიცებული "იზოლაციისა და კარანტინის წესების" მოთხოვნების განმეორებით დარღვევაზე პასუხისმგებლობა გათვალისწინებულია საქართველოს სისხლის სამართლის კოდექსის 248 I მუხლის შესაბამისად. ასევე, აკრძალული საქმიანობის გამო 10 000 ლარით დაჯარიმდა ქ. ბათუმში რესტორანი შპს "დიანა" - ე.წ. "კიდობანი". ობიექტი N322-ე დადგენილებით აკრძალულ ეკონომიკურ საქმიანობას ახორციელებდა. გარდა ამისა, შრომის ინსპექციის მიერ ქ. თბილისში ღამის კლუბების შემოწმებაც განხორციელდა. შემოწმების შედეგად, დადგინდა, რომ 10 000 ლარით დაჯარიმებული ობიექტი შპს ,,და ჰაუს რეკორდს”აკრაძალულ ეკონომიკურ საქმიანობას კვლავ განაგრძობდა. აღნიშნულის შესახებ შრომის ინსპექციამ შემდგომი რეგირების მიზნით, შინაგან საქმეთა სამინისტროს დაუყოვნებლივ აცნობა. ბოლო ორი დღის განმავლობაში შრომის ინსპექციამ გაფრთხილება 2738 ობიექტს მისცა, 2  დააჯარიმა და 2309 ობიექტს საქმიანობა შეუჩერა. შეგახსენებთ, რომ შექმნილი ეპიდემიოლოგიური ვითარებიდან გამომდინარე, შრომის ინსპექცია ქვეყნის მასშტაბით გამკაცრებულ კონტროლს ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ყველაზე, ყველაზე...

იცი თუ არა გეოგრაფია

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...