წლების პრობლემა, რომელიც ზემო აკეთის მოსახლეობას აწუხებს

საზოგადოება

წლების პრობლემა, რომელიც ზემო აკეთის მოსახლეობას აწუხებს

2019 მარ 25 14:27:41

ლანჩხუთში, სოფელ ზემო აკეთის მოსახლეობა უგზოობას უჩივის. მათი ინფორმაციით, გზის ავარიული მდგომარეობის გამო, რაიონულ ცენტრში ჩამოსასვლელად მსუბუქი ავტომანქანის მძღოლებს, ძირითადად, შემოვლითი გზით უწევთ სარგებლობა.

როგორც ადგილობრივები ამბობენ, სოფლის ცენტრალურ გზაზე მსუბუქი ავტომანქანებისთვის გადაადგილება მას შემდეგ გახდა შეუძლებელი, რაც ჩინური კომპანიის კუთვნილმა ავტომანქანებმა დაიწყეს აღნიშნულ გზაზე მოძრაობა.

"ისედაც დაცლილია მოსახლეობისგან აკეთი, გზის არარსებობა კი უფრო ამძაფრებს მდგომარეობას და დღითიდღე იცლება აქაურობა. გაგვიმართლა, რომ წელს საკმაოდ მშრალი და თბილი ზამთარი იყო, თორემ ჩვენი გაჭირვება მაშინ გენახათ. თუმცა, არც ახლა ვართ კარგ დღეში, აქაურობა მაინც რთულ მდგომარეობაშია. მზიან ამინდშიც კი მსუბუქი მანქანებისთვის აქ გავლა შეუძლებელი ხდება. ზემო აკეთში, ე.წ. "ინწრუასთან" ტალახისგან შექმნილი ჭაობის გამო ავტომანქანებს უჭირთ მოძრაობა, მცირედი წვიმის დროსაც კი ტალახითა და ლაფით იფარება აქაურობა, რის გამოც მსუბუქი ავტომანქანები მხოლოდ შემოვლით, აცანის გზით გადაადგილდებიან. ეს პრობლემა, გზის ამ მონაკვეთზე, ჩინური კომპანიის კუთვნილი, მძიმეწონიანი ავტომანქანების მოძრაობამ უფრო გაამძაფრა. ერთი ძლიერი წვიმაც კი საკმარისია, რომ სოფელი საერთოდ გზის გარეშე დარჩეს. თუ ასე გაგრძელდა, ტრანსპორტი საერთოდ ვეღარ შეძლებს აქ გავლას", _ ამბობენ ადგილობრივები და სოფლისა და მუნიციპალიტეტის ხელმძღვანელობისგან მეტ ყურადღებას ითხოვენ.

მოსახლეობის ინფორმაციით, სოფელს გზის პრობლემა წლებია აწუხებს და არა ერთი თხოვნის მიუხედავად, ამ პრობლემის მოგვარება ვერ მოხერხდა.

"მიგდებული და უპატრონო სოფელი გვაქვს, კაციშვილი არაა ჩვენი ამბის მკითხავი. წლებია უკვე, რაც უგზოობის პრობლემა გვაწუხებს. ამ ხნის განმავლობაში მთავრობები კი გამოვიცვალეთ, მაგრამ ჩვენს პრობლემას მაინც არაფერი ეშველა და სოფელს ხეირიანი გზა არ ეღირსა. ეტყობა, მოსახლეობა ვართ ამაში დამნაშავე, რადგან ერთსულოვნება ვერ გამოვიჩინეთ და კარგად ვერ ვთქვით ჩვენი სათქმელი მთავრობის გასაგონად. აბა, სირცხვილი არაა, სოფლის ცენტრალური გზა ამისთანა დღეში იყოს?! სოფელში დარჩენილებსაც გვინდა, ბატონო, ელემენტარული საცხოვრებელი პირობები, რამდენიმე ოჯახს სახლთან მისასვლელი გზაც კი არ აქვს", _ ამბობს მოსახლეობა, რომლებიც, საჭიროების შემთხვევაში, აქციის გამართვასაც არ გამორიცხავენ.

სოფლის ცენტრალური გზა რომ ავარიულ მდგომარეობაშია და ავტომანქანებს შემოვლითი გზით უწევთ სარგებლობა, "გურია ნიუსთან" საუბრისას ადასტურებს სოფლის მაჟორიტარი დეპუტატი გიორგი მორჩილაძე. მისი თქმით, ავტობანზე მომუშავე მძიმეწონიანი მანქანების მოძრაობის გამო, სოფლის ცენტრალური გზა ხშირად ზიანდება და რეაბილიტაციას საჭიროებს:

"თითქმის, ყოველ ორ კვირაში საჭიროებს ეს გზა შეკეთებას. მძიმეწონიანი მანქანების ხშირი მოძრაობის გამო, მართლაც ძალიან ცუდი მდგომარეობაა შექმნილი. ამ გზის შეკეთების ვალდებულება ჩინურ კომპანიას აქვს, რომლის მანქანებიც ამ გზით სარგებლობენ. არაერთხელ შეაკეთეს კიდეც. მე, პირადად, მაქვს მათთან ხშირი კომუნიკაცია. ბოლო პერიოდშიც რამდენჯერმე დავუკავშირდი და ვთხოვე პრობლემის მოგვარება. დამპირდნენ, რომ როგორც კი ამინდები გამოვა, გზას გააკეთებენ. ვნახოთ, ველოდები გამოდარებას", _ გვითხრა მორჩილაძემ.




 ახალი ამბები
  • შემთხვევა მყინვარწვერზე_ 4 000 მეტრის სიმაღლიდან კაცი ყინულის ნაპრალში ჩავარდამაშველებმა ყაზბეგში ლიეტუვას მოქალაქე გადაარჩინეს. როგორც საგანგებო სიტუაციების მართვის სამსახურში ამბობენ, მყინვარწვერზე მყოფი ტურისტთა ჯგუფიდან ერთ-ერთი, 53 წლის მამაკაცი.  სამაშველო ოპერაციაში ჩართული იყო შინაგან საქმეთა სამინისტროს სასაზღვრო პოლიციის ვერტმფრენიც. მამაკაცი მაშველებმა ამოიყვანეს და თბილისში, ღუდუშაურის კლინიკაში გადაიყვანეს. ამ დროისთვის ლიეტუვის მოქალაქეს შესაბამისი მკურნალობა ... ...
  • აზიის განვითარების ბანკმა საქართველოს ბანკთან პარტნიორობით ლარის ობლიგაციების მასშტაბური განთავსება განახორციელა (R)საქართველოს ბანკის ჩართულობით და „გალტ ენდ თაგარტთან“ პარტნიორობით აზიის განვითარების ბანკმა ლარის ობლიგაციების მასშტაბური განთავსება განახორციელა და 60 მილიონი ლარი მოიზიდა. საქართველოს ბანკი ობლიგაციების მასშტაბურ განთავსებაში ჩართული იყო როგორც  ანგარიშსწორების ბანკი, და ასევე იქნება ამ ობლიგაციებისთვის კალკულაციისა და  საგადამხდელო აგენტი. ფასიანი ქაღალდების საჯარო განთავსება კი „გალტ ენდ თაგარტმა“ უზრუნველყო. ADB-ის მიერ მსგავსი ორტრანშიანი ფასიანი ქაღალდების გამოცემა საქართველოს კაპიტალურ ბაზარზე 2015 წლის შემდეგ მესამედ განხორციელდა. ობლიგაციების გამოშვება ორ ტრანშად მოხდა. მათგან პირველის ვადიანობა - 3 წელი, მეორე ტრანშის ვადიანობა კი 5 წელია. ობლიგაციის განაკვეთი არის ცვლადი და ის საქართველოს ეროვნული ბანკის 3-თვიანი დეპოზიტის განაკვეთთან არის ინდექსირებული. ADB პირველი ორგანიზაციაა, რომელმაც ობლიგაციები საქართველოს ფასიანი ქაღალდების ცენტრალიზებულ სისტემაში გამოუშვა და განათავსა საჯარო აუქციონის გზით. საქართველოს ფასიანი ქაღალდების ცენტრალიზებული სისტემა საქართველოს ეროვნული ბანკის მიერ 2018 წლის დეკემბერში დაინერგა და ცენტრალური ბანკის სახსრებით ურისკო, სწრაფი და უსაფრთხო ოპერაციების ჩატარების საშუალებას იძლევა, რისთვისაც დროის რეალურ რეჟიმში ანგარიშსწორების სისტემას იყენებს. ADB-ის ფასიანი ქაღალდები ასევე განთავსებულია საქართველოს საფონდო ბირჟაზე. ფასიანი ქაღალდების მფლობელები ქართული ინსტიტუციური ინვესტორები გახდნენ. „ADB ძალისხმევას არ იშურებს, რათა განვითარდეს ადგილობრივ ვალუტაში დენომინირებული ფასიანი ქაღალდების ბაზრები. ამ ფასიანი ქაღალდების გამოშვებით ეროვნულ ვალუტაში გაიცემა თანხები არა მხოლოდ ADB-ის კერძო სექტორის ოპერაციების განსახორციელებლად, არამედ ამით ხელს ვუწყობთ განვითარებას, რაც საქართველოს მოწინავე ფინანსური ბაზრის ინფრასტრუქტურის გაუმჯობესების ხელშეწყობით გამოიხატება“,- განაცხადა „ADB“-ის ხაზინის უფროსმა პიერ ვან პეტეგემმა. „მოხარული ვართ, რომ აზიის განვითარების ბანკმა ობლიგაციების მასშტაბური განთავსებისთვის პარტნიორად სწორედ საქართველოს ბანკი აირჩია. საქართველოს ბანკი შეასრულებს კალკულაციისა და საგადამხდელო აგენტის როლს და 60-მილიონიან ტრანზაქციაში წარმოადგენს ანგარიშსწორების ბანკს. საქართველოს ფასიანი ქაღალდების ბაზარი განვითარებისკენ შესამჩნევ ნაბიჯებს დგამს და საქართველოს ბანკი ამ პროცესში აქტიურად არის ჩართული“,- განაცხადა საქართველოს ბანკის გენერალურმა დირექტორმა არჩილ გაჩეჩილაძემ. „მოხარული ვარ, აღვნიშნო „გალტ ენდ თაგარტის“ როლი ამ მნიშვნელოვან გარიგებაში. ჩვენ ვცდილობთ, ვიყოთ პარტნიორი მსგავსი ტრანზაქციების განხორციელებაში არა მხოლოდ საერთაშორისო საფინანსო ინსტიტუტებისთვის, არამედ იმ მზარდი ქართული კომპანიებისთვის, რომლებიც ცდილობენ,  მოიპოვონ კაპიტალის დამატებითი წყაროები.  მსურს, მივულოცო მთელ გუნდს, რომელიც მუშაობდა ამ მნიშვნელოვან გარიგებაზე“, - განაცხადა „გალტ ენდ თაგარტის“ მმართველმა დირექტორმა ოთარ შარიქაძემ. ... ...
  • „ჩვენ არ ვართ გავრილოვები“, „პუტინი ოკუპანტია“ - რუსი ტურისტები პარლამენტთან აქციას მართავენსაქართველოში მცხოვრები რუსეთის მოქალაქეები და ტურისტები პარლამენტთან აქციას მართავენ. აქციის მონაწილეები ტრანსფარანტებით „ჩვენ არ ვართ გავრილოვები“, „პუტინი ოკუპანტია“ საქართველოს ტერიტორიულ მთლიანობას მხარდაჭერას უცხადებენ. საქართველოში მყოფი რუსი ტურისტები მოგზაურობას უსაფრთხოდ განაგრძობენ და აცხადებენ, რომ სამაჩაბლო და აფხაზეთი საქართველოს ტერიტორიაა. 2008 წლის აგვისტოს ომი კი რუსეთის ამბიციის შედეგია. წყარო: ... ...
  • ქუთაისის შემოვლითი-სამტრედიის გზაზე მოძრაობა ორივე მიმართულებით ცალმხრივი გახდებაქუთაისის შემოვლითი-სამტრედიის გზის ახალი ორზოლიანი მონაკვეთის მშენებლობა მომავალი წლის ბოლოს დასრულდება. ახალი ორი ზოლის აშენებით ქუთაისის შემოვლითი-სამტრედიის გზაზე მოძრაობა ორივე მიმართულებით ცალმხრივი გახდება. პროექტი ჩქაროსნული გზის სტანდარტის დაცვით აშენდება და მნიშვნელოვნად გააუმჯობესებს საგზაო უსაფრთხოებას. ჩქაროსნული ავტომაგისტრალის სხვა მონაკვეთებისგან განსხვავებით, აღნიშნული გზის მშენებლობა სრულად სახელმწიფო ბიუჯეტიდან ფინანსდება. პროექტის ჯამური ღირებულება 200 მილიონ ლარს ... ...
  • ყვითელი მიკროავტობუსები ახლებით უნდა შეიცვალოს„ყვითელი მიკროავტობუსების მდგომარეობა კრიტიკას ვერ უძლებს და ისინი ახლებით უნდა ჩანაცვლდეს“, _ ამის შესახებ თბილისის მერმა კახა კალაძემ 16 ივლისს, დედაქალაქის მთავრობის სხდომაზე განაცხადა. მისი თქმით, ამ მიკროავტობუსებმა, რომლებიც თბილისში 2011 წელს არის შემოყვანილი და მას შემდეგ ემსახურება დედაქალაქის მოსახლეობას, ყველანაირი რესურსი ამოწურა: „ჩვენ ვაწარმოებთ მოლაპარაკებას კომპანიასთან, რომ ძველი მიკროავტობუსები ახლებით ჩანაცვლდეს“, - ამბობს კახა კალაძე. თბილისის მერმა ისიც თქვა, რომ მიკროავტობუსები ივლის მხოლოდ და მხოლოდ იმ ქუჩებზე, სადაც 8 და 10 მეტრიანი ავტობუსენი ფიზიკურად ვერ შეძლებენ გადაადგილებას. და რომ სიმართლეს არ შეესაბამება გავრცელებული ცნობა იმის თაობაზე, რომ მიკროავტობუსები მხოლოდ გარეუბნებში იმოძრავებს. „ჩვენ არასდროს დაგვიყვია ქალაქი ცენტრალურ უბნებად და გარეუბნებად, ეს მიდგომა ჩემთვის და ჩემი თანაგუნდელებისთვის კატეგორიულად მიურებელია“, _ განაცხადა თბილისის ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...