თვალსაჩინოებას მიღმა დარჩენილი ქუჩის პრობლემა

საზოგადოება

თვალსაჩინოებას მიღმა დარჩენილი ქუჩის პრობლემა

2017 ივნ 12 11:51:01

მოუწესრიგებელი ინფრასტრუქტურის გამო, ქალაქ ლანჩხუთში, მარჯანიშვილის ქუჩის მობინადრეებს, პრეტენზიები აქვთ ადგილობრივი ხელისუფლების მიმართ და პრობლემის მოგვარებას ითხოვენ

"სამწუხაროდ, მოსახლეობა და მისი პრობლემები მხოლოდ მაშინ ახსენდებათ, როცა არჩევნებია კარს მომდგარი. დაივლიან ქუჩებს, უბნებს, ოჯახებს და ცრუ დაპირებებით თვალებს გვიხვევენ. იმედია, რაიონის ხელმძღვანელობა ახლა მაინც მოგვაქცევს ყურადღებას და ჩვენი პრობლემის მოსაგვარებლად რაიმეს იღონებს", _ ამბობენ მარჯანიშვილის ქუჩის მცხოვრებლები და იმ გაუსაძლისი მდგომარეობის შესახებ საუბრობენ, რომელიც მათ წლებია, აწუხებთ.

მოსახლეობის ინფორმაციით, ქუჩა, რომელზეც ისინი ცხოვრობენ, დიდი ხანია, სარეაბილიტაციო სამუშაოებს საჭიროებს _ ამ გზაზე გავლა ერთნაირად მოუხერხებელია როგორც ქვეითად მოსიარულეებისთვის, ისე, ავტომანქანებისთვის.

"მზიან ამინდშიც არ გვადგას კარგი დღე, მაგრამ როცა წვიმს, მაშინ ხომ საერთოდ შეუძლებელი ხდება აქ გავლა _ ყველგან გუბეა და წვიმაში მთელი ქუჩა თითქმის წყლით იფარება. ხშირად ყოფილა, რომ სკოლაში გაშვებული ბავშვი უკან მოგვიბრუნებია ტანსაცმლის გამოსაცვლელად", _ ამბობს მოსახლეობა, რომელთა თქმით, ქუჩის ერთ ნაწილზე სრული სარეაბილიტაციო სამუშაოები 2012 წელს გახორციელდა.

"ქუჩის ნაწილი, სადაც ქალაქის პირველი საბავშვო ბაღია, წლების წინ გაკეთდა. გვეგონა, რახან დაიწყეს კეთება, მთლიანად შესრულდებოდა სამუშაოები. მაგრამ ამაოდ _ მხოლოდ თვალსაჩინო ადგილი გააკეთეს, იქ სადაც საბავშვო ბაღია.

სამარცხვინოდაა მიტოვებული სამუშაოები. ჩვენ მხოლოდ ჭიშკართან სახიდე გადასასვლელი გაგვიკეთეს. სანიაღვრე არხიდან კი ამოიღეს მიწა, მაგრამ მიატოვეს. დროთა განმავლობაში ეს არხიც ჩაიშალა, ქუჩა და ტროტუარი დაპატარავდა და ხელში ფაქტობრივად, საურმე გზა შეგვრჩა. გვაინტერესებს, ან დაწყება რას ნიშნავდა ან დასრულება ვის ევალება და როდისთვის?!" _ კითხულობენ მარჯანიშვილის ქუჩის მობინადრეები და იმასაც დასძენენ, რომ ქუჩაზე შექმნილი მდგომარება მათსა და მათი შვილების ჯანმრთელობას საფრთხეს უქმნის:

"დღე და ღამე გაუთავებლად ისმის აქ არსებული ჭაობებიდან ბაყაყების ყიყინი, კოღოებით და ბუზებითაა სავსეა აქაურობა, ქვეწარმავლებიც მრავლადაა და ჩვენს ჯანმრთელობას, განსაკუთრებით ბავშვების, საფრთხე ექმნება.

გაიგონ, რომ ჩვენ, მარჯანიშვილის ქუჩაზე მცხოვრებლებიც ადამიანები ვართ, გვაქვს ოჯახები, გვყავს შვილები და შვილიშვილები. ყველაფერს აქვს ბოლოს და ბოლოს საზღვარი!"

გამგეობის ინფრასტრუქტურისა და არქიტექტურის სამსახურის უფროსი ლევან ჩხაიძე "გურია ნიუსთან" საუბრისას ამბობს, სათანადო პროექტი მზადაა, თუმცა, როდის გახორციელდება მარჯანიშვილის ქუჩის რეაბილიტაცია, ეს ფინანსებზეა დამოკიდებული;

"მარჯანიშვილის ქუჩაზე, საბავშვო ბაღის მიმდებარედ, სარეაბილიტაციო სამუშაოები 2012 წელს გახორციელდა. ქუჩის დარჩენილი ნაწილის პროექტი მზად გვაქვს და მიმდინარე წელსაც გვქონდა გეგმაში მისი გაკეთება თუმცა, საჭირო ფინანსების არ არსებობის გამო სამუშაოები გადაიდო", _ ამბობს ლევან ჩხაიძე და დროს, თუ როდის გახორციელდება მარჯანიშვილის ქუჩის მეორე ნაწილზე ინფრასტრუქტურული სამუშაოები, ვერ აკონკრეტებს.




 ახალი ამბები
  • ოჯახი და პოლიცია 45 წლის მამაკაცს ეძებსოჯახი 45 წლის ლაშა ხვინგიას ეძებს. ახალგაზრდა მამაკაცი თბილისში ცხოვრობს. ის სახლიდან 30 ოქტომბერს გავიდა და მას შემდეგ მის შესახებ არავინ არაფერი იცის. ნათესავების ინფორმაციით, ის ბოლოს საავადმყოფოში გამოკვლევების ჩასატარებლად წავიდა. პოლიციამ ოფიციალურად გამოაცხადა მასზე ძებნა, თუმცა ჯერჯერობით უშედეგოდ. წყარო: ... ...
  • საპრეზიდენტო არჩევნების მეორე ტურის თარიღი, სავარაუდოდ, დღეს დასახელდებასაქართველოს ცენტრალურ საარჩევნო კომისიაში დღეს, 13:00 საათზე სხდომა გაიმართება, რომელზეც ერთ-ერთი მთავარი განსახილველი საკითხი საპრეზიდენტო არჩევნების მეორე ტურის თარიღზე შეჯერებაა. ამის შესახებ ინფორმაცია ცეკოს ვებგვერდზეა განთავსებული. დღის წესრიგის მიხედვით, სხდომაზე შეჯამდება საქართველოს პრეზიდენტის 2018 წლის 28 ოქტომბრის არჩევნების პირველი ტურის შედეგები. ასევე იმსჯელებენ 28 ოქტომბრის არჩევნების მეორე ტურისთვის სახელმწიფოს მიერ გამოყოფილი თანხის განაწილებისა და გამოყენების წესის განსაზღვრის თაობაზე. ცესკომ განაცხადა, რომ კანონდარღვევა არ იქნება თუ მეორე ტური სამუშაო დღეს ... ...
  • ქმარმა ცოლი საჭმლის დროულად არ მიტანის გამო გაკოჭა, სცემა და დანით დაჭრა14 თებერვალს, მარნეულის რაიონში, მთვრალ მდგომარეობაში მყოფმა კაცმა მის გამო, რომ მეუღლემ დროულად არ მიუტანა საჭმელი, სასტიკად სცემა, ამის შესახებ ინფორმაციას საქართველოს მტავარი პროკურატურა ავრცელებს. უწყების ცნობით, ბოლნისის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და მეუღლის მიმართ განხორციელებული წამებისა და თავისუფლების უკანონო აღკვეთისთვის ბრალდებული გ.გ. დამნაშავედ ცნო. ამის შესახებ ინფორმაციას მთავარი პროკურატურა ავრცელებს. როდესაც დაზარალებული  წინააღმდეგობის გაწევას შეეცადა, იატაკზე წააქცია და ხელ-ფეხი პლასტმასის ე.წ. ხამუთებით შეუბოჭა, რა დროსაც ცოლის წინააღმდეგობის დასაძლევად ფეხში დანა ჩაარტყა. ქალი შებოჭილი, დაახლოებით, 4 საათის განმავლობაში იყო და ამ დროის განმავლობაში ქმარი მას ფიზიკური ტკივილის და მორალური ტანჯვის მისაყენებლად ფეხებით და ხელებით სცემდა. სამართალდამცველებმა გ.გ. 2018 წლის 17 თებერვალს დააკავეს. მარნეულის რაიონულმა პროკურატურამ მას ბრალდება სსკ-ის 111,143-ე მუხლის მე-2 ნაწილის „გ“ ქვეპუნქტით (თავისუფლების უკანონო აღკვეთა, ჩადენილი სხვა დანაშაულის ჩადენის გაადვილების მიზნით ოჯახის ერთი წევრის მიერ ოჯახის სხვა წევრის მიმართ) და 111,1441 მუხლის პირველი ნაწილით (ოჯახის ერთი წევრის მიერ, ოჯახის სხვა წევრის მიმართ წამება) წარუდგინა. ბოლნისის რაიონულმა სასამართლომ კაცი დამნაშავედ ცნო წარდგენილ ბრალდებაში და 7 წლით და 6 თვით თავისუფლების აღკვეთა ... ...
  • ახალციხეში გარყვნილი ქმედებისთვის პაკისტანის მოქალაქე დააკავესახალციხეში 7 არასრულწლოვნის მიმართ ჩადენილი გარყვნილი ქმედების ბრალდებით ქმედების  პაკისტანის მოქალაქე დააკავეს. შინაგან საქმეთა სამინისტროს განცხადებით, დაკავებული ჩადენილ დანაშაულს აღიარებს. ახალციხის სასამართლომ ბრალდებულს აღკვეთის ღონისძიების სახით წინასწარი პატიმრობა შეუფარდა. მომხდარ ფაქტზე გამოძიება საქართველოს სისხლის სამართლის კოდექსის 141-ე მუხლის პირველი ნაწილით ... ...
  • გზავნილებიდან მიღებული შემოსავალი სესხის გაცემისას დამაბრკოლებელი ფაქტორი აღარ იქნება„მიკროსაფინანსო ორგანიზაციებისთვის რეგულაციების ვადა არ იცვვლება და ძალაში შედის 2019 წლის 1-ლი იანვრიდან. კარგია ის, რომ ინდუსტრია და მარეგულირებელი ისეთ კონფიგურაციაზე შეთანხმდნენ, რომელიც მისი ეტაპობრივი დანერგვის საშუალებას იძლევა“, -ამის შესახებ „ბიზნესპრესნიუსს” მიკროსაფინანსო ორგანიზაცია „კრისტალის“ დამფუძნებელმა განუცხადა. მისი განმარტებით, ეროვნულ ბანკთან მოლაპარაკებების შედეგად, სესხის გაცემისას მიკროსაფინანსო ორგანიზაციების შემთხვევაში, დაუსაბუთებელი შემოსავლების გათვალისწინებაც მოხდება. „რეგულაციების შესახებ არსებული დოკუმენტი მნიშვნელოვნად შეიცვალა მას შემდეგ, რაც პირველი ვერსია გამოვიდა. ეს ძალიან მნიშვნელოვანია ჩვენი სექტორისთვის, შემოსავლები, რომლებიც დოკუმენტებით არ არის დადასტურებული, კვლავ იქნება მიჩნეული შემოსავლად და მისი დადგენის სექტორში არსებული პრაქტიკა იქნება გათვალისწინებული. ასევე ჩვენთვის პრაქტიკულად არაფერი არ იცვლება ბიზნესის დაფინანსების კუთხით. გარკვეულწილად შეიზღუდება სამომხმარებლო დაკრედიტება და მოექცევა პასუხისმგებლიანი დაკრედიტების ჩარჩოში. საქართველოში მთელი ჯამური შემოსავლის მხოლოდ 45%-ია ხელფასის სახით არსებული შემოსავალი. დანარჩენი ფრაგმენტული, სეზონური და არარეგულარული ბიზნესშემოსავლებია. ასევე ჩვენი კლიენტების შემთხვევაში, დიდი წილი უჭირავს უცხოეთიდან განხორციელებულ გზავნილებს. სწორედ ამ რეალობის გათვალისწინება მოხდა რეგულაციებში. შესაბამისად, საბოლოო ჯამში, რეგულაციებმა სწორი სახე მიიღო. ჩვენ გავაგრძელებთ ბიზნესის დაფინანსებას და ასევე კლიენტების სამომხმარებლო საჭიროებების დაკრედიტებას, მაგრამ არა იმ დოზით, რომ ამ ოჯახების ფინანსური პრობლემები წარმოიშვას,“- განაცხადა არჩილ ბაკურაძემ. „კრისტალის“ დამფუძნებლის პროგნოზით, რეგულაციების ამოქმედების შემდეგ, ფინანსური სექტორი ზრდას განაგრძობს, მაგრამ ტემპი შენელდება. შეგახსენებთ, რომ ეროვნული ბანკის დადგენილებით, „ფიზიკურ პირებზე სესხის გაცემის შესახებ“ ახალი რეგულაციები საბანკო სექტორზე 1-ლი ნოემბრიდან უნდა ამოქმედებულიყო, თუმცა აღნიშნულმა ვადამ 15 ნოემბრამდე გადაიწია. დანარჩენ საფინანსო სექტორზე კი რეგულაციების გავრცელება 2019 წლის იანვრიდან ... ...

არქივი

ზაფრანი

როგორ ვუმკურნალოთ სახლის პირობებში ხველას

ექიმები გვაძლევენ რამდენიმე რჩევას, რომელიც...

ზოდიაქოს რომელი ნიშნები დაწყვილდებიან 2019 წელს?

ვერძი და მშვილდოსანი _ ვერძსა...

„შერიგებული“ ვარსკვლავები

ერთხელ მაინც გაიგებდით ისტორიას იმის...

როგორ ავიცილოთ თავი რთული სიტუაციებიდან

თუ თქვენ ვინმე გიყვირით, შეინარჩუნეთ...

წიწიბურის დიეტა

წიწიბურას სასარგებლო თვისებების წყალობით შესაძლებელია...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?