„გურიაში“ განვითარებული მოვლენების ლოგიკური დასასრული

gurianews.com

სპორტი

„გურიაში“ განვითარებული მოვლენების ლოგიკური დასასრული

2017 დეკ 5 15:43:11

3 დეკემბერს ლანჩხუთის „გურიამ“ მორიგი სამარცხვინო ფურცელი ჩაწერა საკუთარ ისტორიაში და  ქართული ფეხბურთის დამოუკიდებლობის პერიოდში, ყველაზე დაბალი ლიგის რანგის დონეზე დაქვეითდა.

ეს მას შემდეგ  მოხდა, რაც კვირას პლეი-ოფის განმეორებით შეხვედრაში, გურულებმა ვერ მოახერხეს თელავური 1:2 -ის გაბათილება, მხოლოდ ფრეს დასჯერდნენ და კუთვნილი ადგილი პრო ლიგა 2-ში „თელავს“ გადაულოცეს.

უშუალოდ ეს შეხვედრა, მართალია, ლანჩხუთელთა უპირატესობით გაილია, მაგრამ რეალურად, ეს ყველაფერი მოჩვენებითი გამოდგა. პირველ ტაიმში ქარის საპირისპიროდ მოთამაშე კახელებს, ოდნავ გაუჭირდათ მასპინძელთა იერიშების მოგერიება და რამდენიმე ეპიზოდში მეკარემაც იყოჩაღა. ისინი შანსს მაინც ელოდნენ და ტაიმის ბოლოსკენ იხეირეს კიდეც. ერთ-ერთ შეტევაში გართულ გურულებს სტუმართა ორი თავდამსხმელი გაეპარათ და მეკარესთან პირისპირ დარჩენილ ნიქაბაძეს გატანა არ გასჭირვებია.

შესვენების შემდგომ „გურიას“ წესით თამაშის გადასარჩენად ყველაფერი უნდა გაეღო, მაგრამ ნახევარი საათი ისე მიილია, სტადიონზე მოსულ 3 ათასამდე ქომაგს, სახეირო არაფერი უხილავს. სიტუაცია  ტრიბუნებზე განსაკუთრებით მას შემდეგ გამძაფრდა, რაც მსაჯმა ორი ყვითელი ბარათის გამო მასპინძელთა მცველი გააძევა.

საქმეს ისეთი პირი უჩანდა, რომ კაცნაკლული „გურია“ ამ შეხვედრის შემომბრუნებელი არ იყო, მაგრამ ერთმა ეპიზოდმა შანსი გააცოცხლა. საჯარიმოს მარცხენა კიდიდან ჩახვეული საჯარიმო მოულოდნელად შენგელიამ გოლად აქცია და აირია სიტუაცია...

გაშვებულმა გოლმა კახელები დააბნია და მალე მათი მდგომარეობა უფრო დამძიმდა, რაც მსაჯმა სრულიად დამსახურებული პენალტი დანიშნა. მატჩის დასრულებას წუთები აკლდა და თერთმეტმეტრიანის ნიშნულიდან ზუსტი დარტყმა, მინიმუმ, დამატებით დროს მოასწავებდა და უფრო მეტიც, იმდენად „აიჭრნენ“ სტუმრები, კიდევ ერთი გოლიც რომ გაეშვათ, გასაკვირი არ იქნებოდა. მაგრამ აქ მოხდა ის, რაც მოხდა. ბურთთან მივიდა დავით მეგრელიშვილი, გამოიქცა და მეკარისგან მარჯვენა კუთხეში დაარტყა, არცთუ ძლიერად და კუთხეგამოცნობილმა მეკარემ ბურთი კი არ მოიგერია, უბრალოდ, ხელებში გააქვავა.

ეს იყო და დარჩენილ წუთებში სრული ქაოსი იყო მინდორზე, ნირწამხდარი გურულების აქტივობა არაფრისმომცემი გამოდგა და მატჩიც 1:1 დასრულდა, რაც თელაველთა  დიდი სიხარულით აღინიშნა კიდეც.

მეგრელიშვილს კი ვერაფრით აპატიეს ეს ვერგატანა და მაყურებელი აშკარა აგრესიაზე გადავიდა და პოლიციელებმა ის კი განარიდეს გასახდელში, თუმცა,  ჩვენი ინფორმაციით, მოგვიანებით, მეგრელიშვილი მაინც ვერ გადაურჩა რისხვას და ამბობენ, ერთი-ორი მოხვდა კიდეცო...  

ასეა თუ ისე, ბოლო რამდენიმე წელია, „გურიაში“ მოვლენები კატასტროფულად ცუდად ვითარდებოდა და ამის ლოგიკური დასასრული იყო ეს გავარდნაც.

ყველაფერი კი მას შემდგომ დაიწყო, რაც უმაღლეს ლიგაში გადასული გუნდის მესვეურთა წინააღმდეგ გარკვეული დევნა დაიწყო.  ამას მოყვა ის, რომ თანდათან გუნდი დაიცალა პროფესიონალებისგან და სხვას რომ თავი დავანებოთ, მათ ნაცვლად იქ მოვიდნენ უბრალო დილეტანტები, რომლებსაც ფეხბურთთან შეხება ხშირად არც ჰქონიათ. ამას დაემატა მუნიციპალიტეტის იმჟამინდელი ხელმძღვანელის, ზაზა ურუშაძის მიდგომებიც. ის მოულოდნელად კლუბის პრეზიდენტი გახდა და ხშირ შემთხვევაში, მისი  გადაწყვეტილებების გამო, კლუბი მიზანმიმართულად კარგავდა სახეს, ავტორიტეტს და იმიჯს.

ბევრის თქმით, ურუშაძის  და მის ირგვლივ მყოფი ადამიანების ხუშტურების გამო, 20-ზე მეტი მწვრთნელი  და 200 -ზე მეტი ფეხბურთელი გამოიცვალა და ეს იმ ფონზე, რომ მიზანმიმართულად ხდებოდა ადგილობრივი კადრების იგნორირება და გუნდში სხვადასხვა ეგზოტიკური ქვეყნიდან ლეგიონერთა მოყვანა.

გულშემატკივრების აზრით,დროთა განმავლობაში, სრულიად მოიშალა კლუბის მენეჯმენტი და ისედაც გაღლეტილი ადგილობრივი ბიუჯეტიდან მილიონობით დახარჯული ფული შედეგის მომტანი არ იყო. პირიქით, რაც დრო გადიოდა, დილეტანტიზმი სულ უფრო მძვინვარებდა და ამას ჯერ უმაღლესი ლიგიდან, ხოლო ახლა მეორე ლიგიდანაც გავარდნა მოყვა.

მოკლედ, გურული ფეხბურთი სხვა ორბიტაზე აღმოჩნდა. ერთის მხრივ, ჩოხატაურმა ივარგა და ზედა ლიგაში გადავიდა, „გურია“ კი ჩამოქვეითდა და უკვე ერთ ლიგაში გამოვდივართ.  თუ „ბახმარომ“ შეიძინა, ჩვენ პირიქით, ბევრი რამ დავკარგეთ. უპირველესად _ ფული, რომელიც ფეხბურთის განვითარების ფონდიდან გვერგებოდა და ამიერიდან 250 ათასი უნდა ვიკმაროთ 700 ათასის ნაცვლად. ამას დავუმატოთ ბავშვთა ფეხბურთის პერსპექტივაც. სამწუხაროდ, ვეღარ დაგვიფინანსდება ჭაბუკთა ლიგა და სხვა სიკეთეები. რაც მთავარია, არაა გარანტია, რომ „გურია“ კიდევ ერთი საფეხურით არ ჩამოქვეითდება და მეორე გურულ კლუბს, ოზურგეთის „მერცხალს“ არ შეუამხანაგდება.




 ახალი ამბები
  • მერაბ ჭანუყვაძე: სალომე ზურაბიშვილი პირნათლად შეასრულებს პრეზიდენტისთვის კონსტიტუციით დაკისრებულ ფუნქცია-მოვალეობებს (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთში შეხვედრა გაიმართა. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე და ორგანიზაციის წევრები, რაიცენტრალურისა და ზვანის უბანში მცხოვრებ მოსახლეობას შეხვდნენ. შეხვედრაზე ადგილობრივებს პრეზიდენტობის დამოუკიდებელი კანდიდატის სამომავლო გეგმები გააცნეს და მათ შეკითხვებს უპასუხეს. „სალომე ზურაბიშვილი არის ის კანდიდატი, რომელსაც აქვს პოლიტიკაში დიდი გამოცდილება და საერთაშორისო კავშირები. ის პირნათლად შეასრულებს პრეზიდენტისთვის კონსტიტუციით დაკისრებულ ფუნქცია-მოვალეობებს“, _  აღნიშნა მერაბ ... ...
  • სალომე ზურაბიშვილი: ძალიან ბედნიერი ვარ იმ ხალხმრავლობით, რომელიც თბილისის უბნებში მხვდება (R)საქართველოს პრეზიდენტობის დამოუკიდებელმა კანდიდატმა სალომე ზურაბიშვილმა, წინასაარჩევნო კამპანიის ფარგლებში, თბილისის ყველა რაიონის მოსახლეობასთან შეხვედრები გამართა. სალომე ზურაბიშვილმა ამომრჩეველთან შეხვედრისას ქვეყნისთვის მნიშვნელოვანი საკითხები განიხილა და მათ საკუთარი ხედვები გააცნო. „ნამდვილი თბილისური მარათონი შედგა. ძალიან ბედნიერი ვარ იმ ხალხმრავლობით, რომელიც თბილისის უბნებში მხვდება. ჩემი მთავარი გზავნილები ახლა უკვე არის შეჯამება იმ კამპანიის, რომლის დროსაც სხვადასხვა თემები წარვადგინე. მე მგონი, მთავარი მაინც არის ის, რომ არა დაპირისპირებას, არა კონფრონტაციას, არამედ, ჩვენ უნდა შევქმნათ ახალი საქართველო, სადაც ყველანი ერთად ამ ქვეყნისთვის, ამ სახელწმიფოსთვის ვიზრუნებთ და პირველ რიგში, ამას საკუთარ თავზე აიღებს ქალი პრეზიდენტი", _ განაცხადა დამოუკიდებელმა კანდიდატმა ჟურნალისტებთან ... ...
  • გრიგოლ ვაშაძე: როგორც ყველა ნორმალური მამაკაცი, ორჯერ ვიყავი დაქორწინებულიროგორც ყველა ნორმალური მამაკაცი, ორჯერ ვიყავი დაქორწინებული“, - ამის შესახებ „ნაციონალური მოძრაობის“ ოპოზიციური ჯგუფის პრეზიდენტობის კანდიდატმა, გრიგოლ ვაშაძემ ტელეკომპანია „რუსთავი2“-ის გადაცემაში „პოსტკრიპტუმი“ განაცხადა. მისი თქმით, პირველად ის 18 წლისა დაქორწინდა და პირველი შვილისგან უკვე შვილიშვილიც ჰყავს. პრეზიდენტობის კანდიდატის შვილი, ნოდარ ვაშაძე ევროპაში ოჯახის ღვინის კომპანიის წარმომადგენელია. პოლიტიკოსის პირველი ცოლი ნატალია ალხიმოვა იყო.  ვაშაძის მეორე ცოლი თბილისის საბალეტო დასის ხელმძღვანელი ნინო ანანიაშვილია, რომელთანაც გრიგოლ ვაშაძეს ქალიშვილი ელენე ... ...
  • ხანძარი თბილისში მოსკოვის გამზირზეთბილისში, მოსკოვის გამზირზე, კერამიკის ქარხნის ტერიტორიაზე საბურავები, პენოპლასტი და ჯიხური დაიწვა. საგანგებო სიტუაციების მართვის სამსახურის ინფორმაციით, ხანძარი ამ დროისთვის ლიკვიდირებულია. შემთხვევის შედეგად არავინ დაშავებულა. ადგილზე მუშაობდა 4 სახანძრო ჯგუფი. დამწვარია 130 კვ. მ.   ... ...
  • „თვალნათლივ გვაჩვენა ივანიშვილის გუნდის დამოკიდებულება საზოგადოების მიმართ“_ბოკერია„ამ ჩანაწერებმა, უბრალოდ, დაადასტურა კომისიის დასკვნაში მოცემული ფაქტები, რომ ხელს აფარებდნენ კონკრეტულ მკვლელობაში ეჭვმიტანილს და რომ ეს ყველაფერი ხდებოდა სუბელიანის გამო. ამას აკეთებდნენ უმაღლესი თანამდებობის პირები, ყოფილი მთავარი პროკურორი და ა.შ. “,_აღნიშნული განცხადება დღეს გიგა ბოკერიამ გააკეთა. როგორც მან აღნიშნა, ჩვენების შეცვლის სანაცვლოდ შესაწირში ჩაგდებული თანხის შესახებ ინფორმაცია ჩანაწერებიდან შეიტყო. ბოკერიას თქმით, ჩანაწერებმა ივანიშვილის გუნდის უპატივცემულო დამოკიდებულება საზოგადოების მიმართ უფრო თვალნათელი გახადა. „ჩანაწერებმა უფრო თვალნათლივ და უფრო დიდი მასშტაბით გვაჩვენა ცინიზმის და იმ სრული უპატივცემულობის საზოგადოების მიმართ და ახალგაზრდის სიცოცხლის და მართლმსაჯულების მიმართ და კანონის უზენაესობის მიმართ, რომელიც ახასიათებს ივანიშვილის გუნდს. კორუფცია, ნეპოტიზმი, ორგანიზებული დანაშაული და მაფიისთვის დამახასიათებელი მმართველობის ფორმა. ეს არის ერთ-ერთი მიზეზი, რის გამოც 28 ოქტომბერს უნდა ვუთხრათ უარი ამ ყველაფერს“,_განაცხადა გიგა ბოკერიამ. ... ...

არქივი

ზაფრანი

ყველაზე ცნობილი მზარეულები მსოფლიოში

გორდონ რამზი ცნობილი კულინარიული პროგრამების...

ბუნების სამკურნალო თვისებები

შოტლანდიის შეტლანდის კუნძულებზე ჩატარებული წარმატებული...

რატომ თვლით, რომ უბედური ხართ

იმისათვის, რომ ტკივილი გადაიტანოთ, საჭიროა...

მიზეზები, რომელიც ლამაზს გხდის

იქნებ საქმე შინაგან განწყობაში, ახალ...

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?