"სხვანაირი გაგების" თბილისელი ბებია

ზაფრანი

"სხვანაირი გაგების" თბილისელი ბებია

23 იან. 2016, 17:12:33

თბილისი ის ქალაქია, სადაც არაფერი იმალება, სადაც ნამდვილი კაცის სახელს უფრთხილდებიან, სადაც განსხვავებული ურთიერთობები იციან და აქ ყველა ყველას ახლობელ-ნაცნობია. ყოველ შემთხვევაში, ასე მიაჩნიათ მათ, ვინც აქ ცხოვრობს და ნაღდი, "კარენოი" თბილისელია.

უფროსი თაობის თბილისელი კოლორიტები ამბობენ, თუ თბილისელობა და აქ ცხოვრება გინდა, მაშინ ამ ქალაქის წესები უნდა დაიცვა, პატივი სცე დაუწერელ კანონებს და გამოიმუშავო ის ქცევები, რაც ნაღდ თბილისელს ეკადრებაო. ნათქვამიცაა, სადაც წახვალ, იქაური ქუდი უნდა დაიხურო.

ალბათ მიხვდით რომ დღევანდელი საკვირაო სახალისო მოგონებები თბილისელ კოლორიტებს ეკუთვნით. წინა კვირას „თბილისობის“ მორიგი დღესასწაული ვიზეიმეთ. სხვა საკითხია, ეს ზეიმი როგორ ჩატარდა.

ამ წერილში სიტყვას რამდენიმე დედაქალაქელს დავუთმობთ.

თავდაპირველად მომღერალი გია ნიკოლაძის ერთ  საინტერესო მოგონებას შემოგთავაზებთ.

"სკოლის პერიოდში, შატალოზე გავიპარეთ და მთელი სასტავი მთაწმინდაზე ავედით. საღამოს რომ დავბრუნდით, გოგებაშვილის ქუჩაზე "აბლავა"დაგვხვდა, მილიციელებს უნდოდათ ვიღაცეების აყვანა. ამ გაუგებრობაში ჩვენც მოვყევით.

დავიბენით, გავიქეცით ეს ოცი კაცი და ვერ მივხვდით, საით წავიდეთ. ზევით დავაპირეთ გაქცევა, მილიციელები "გაიჩითნენ". მოკლედ, მივხვდით შარში ვართ. გოგებაშვილზე ბებიაჩემი ცხოვრობდა. უცებ, გვესმის ქალის ჩახლეჩილი ხმა: ბიჭებო, ბიჭებო, "პადიეზდისკენ" გაიქეცით, იქ "სკვაზნოია" და გაძვრებითო. ხმა მეცნო, ავიხედე და... ბებიაჩემი და მისი და არ გადმომდგარან ძველი ბიჭებივით აივანზე.

მეც არ დავიბენი და ავძახე - ვა, ქეთო და თამარ, როდიდან გაძველბიჭდით-მეთქი. მახსოვს, სიცილით დაიხოცნენ. სამართალდამცავები კი კვდებოდნენ სიცილით, ნახე, როგორი დამცველები გამოუჩნდათ ამ ბიჭებსო. მერე ხუმრობდნენ, ამ უბანში ისეთი გარჩევები ხდება, ამ ასაკიან ხალხსაც კი დაგვაწყებინეთ ძველბიჭურად საქმეების გარჩევაო.

ჩემს ახალგაზრდობაში, მართლაც ბევრი გარჩევა და გაწევ-გამოწევა ხდებოდა უბნებში და ბებოებიც კი გამოვწვრთენით ჩვენი შემხედვარე. იმ დღის შემდეგ, ბებიაჩემს ვეუბნებოდი, "მალადეც" ბებო, ნაღდი თბილისელივით მოიქეცი, გადაგვარჩინე მთელი საძმაკაცო-მეთქი. ისიც სიცილით მპასუხობდა, აბა რა, ეს ისეთი ქალაქია, თუ ერთმანეთი არ გავიტანეთ, სხვანაირად არაფერი გამოვაო".

მომდევნო საკვირაო სტუმარი ბატონი ილიკო ფერაძე გახლავთ. ამ პიროვნებას ალბათ განსაკუთრებული წარდგენა არ ესაჭიროება.

"სანდრო ჟორჟოლიანი დედაჩემის ბიძა გახლდათ. როდესაც ბოლოს ცუდად შეიქნა, საავადმყოფოში დააწვინეს. არ მეცალა, ძალიან დაკავებული ვიყავი და ვერ ვნახე.

დედამ ნამუსზე შემაგდო, არ გრცხვენია, ბაბუაა შენი და სანახავად არ მიდიხარო. მოკლედ, როგორც იქნა, მივედი. იქ დამხვდა მისი ქალიშვილი და ცოლი. უკანასკნელ წუთებში მივუსწარი და მე ჩამაკვდა სანდრო ხელში.

ცოლ-შვილი დაბნეული იყო. მაშინ სულაც არ იყო ადვილი ადამიანის გაპატიოსნება და ამ ქალაქში არც ამდენი, სხვადასხვა ადგილას გაბნეული, სარიტუალო მომსახურების ცენტრი არსებობდა.

ერთი სიტყვით, ბაბუა სანდრო გადაასვენეს საავადმყოფოს პროზექტურაში, ცოლ-შვილი კი სახლში წავიდნენ ტანსაცმლის მოსატანად. მოკლედ, გავაპატიოსნეთ მიცვალებული და როცა სანიტარი ჟორჟიკა გამოვიდა პროზექტურიდან, გვერდით გამიყვანა და მითხრა: "ხაზეინ, ცალი ნასკი შავია, ცალი მწვანე და რა ვქნა".

უკვე გვიანი იყო. სანიტრის მანქანა ჩქარობდა გამოძახებაზე წასვლას და იძულებულები ვიყავით, ასე ცალ-ცალი "ნასკით" გადმოგვესვენებინა ცხედარი სახლში. გადაირივნენ ახლობლები, კაცო, ცხოვრებაში ისედაც ცირკი კაცი იყო და ახლა ასე ჯამბაზივით, ცალ-ცალი "ნასკით" როგორ გავუშვათ იმქვეყნად, რას იტყვიან, ჩვენი წინაპრები, იქ რომ დახვდებიანო. მოკლედ, ბევრი სარბენი იყო და ვეღარ მოვიცალე ამ საკითხის მოსაგვარებლად.

დაკრძალვის დღეს, დილითვე წავედი საავადმყოფოში, სანიტარ ქალს ვთხოვე და თავისი "ატრიბუტიკით" წამოვიყვანე. მანქანაში მეკითხებოდა: ქალია თუ კაცი? დასაბანია? გასაპარსია? ჩასაცმელია? რომ ვპასუხობდი არა-მეთქი, გადაირია, აბა, რა მინდა მიცვალებულთანო. რაღას ვიზამდი, ავდექი და ვუთხარი: ყველაფერი რიგზეა, ოღონდ კუბოში თბილი "ნასკები" ჩავაცვით, ამიტომ ცოტა ფეხები გაუოფლიანდა და "ნასკები" უნდა გამოუცვალო-მეთქი".

თბილისელებზე ვსაუბრობთ და როგორ იქნება  გია კორკოტაშვილი გამოვტოვოთ.

"ერთი თბილისელი ბიჭი, მართვის მოწმობის გარეშე დადიოდა ქუჩაში მანქანით. ბედზე, ერთი და იგივე ინსპექტორი აჩერებდა, ისიც მოთაფლავდა და უძვრებოდა ხელიდან.

ერთხელაც, ცუდი დღე გაუთენდა, სხვა ინსპექტორმა გააჩერა. გადმოვიდა მანქანიდან. ინსპექტორმა მკაცრი სახით უთხრა, წარმოადგინეთ საბუთებიო. შეწუხდა კაცი, რა ქნას? დაიწყო კოსტიუმზე ხელების ფათური, ვითომ სახლში დამრჩას იმიტაციას აკეთებს. ბოლოს ამოღერღა, მაპატიეთ ბატონო, ძველი კოსტიუმის ჯიბეში დამრჩენია საბუთებიო. ინსპექტორმა შეხედა თურმე და უთხრა, შე უბედურო, ამაზე ძველი კოსტიუმიც თუ გაქვს, წაეთრიე აქედან, შე უბედურო, გაიარე, გაიარეო".

"მოგონებების ესტაფეტას" ბატონ ვახტანგ ცხადაძესთან გადავდივართ.

"ჯანსუღ კახიძის შვილი, ვახტანგი, ღმერთმა გაუმარჯოს და, ბავშვობაში ძალიან მაგარი მჭამელი იყო.

ჯანსუღის მამა, ვანიჩკა კახიძე, ცნობილი თამადა გახლდათ და ხშირად ეპატიჟებოდნენ დიდ სუფრებზე. სამეგობროშიც ჰყავდა ძველი, მოქეიფე ხალხი. ერთხელაც, მისთვის ჭუტა ავალიშვილს დაურეკავს ტელეფონზე და უთქვამს, სუფრა მაქვს გაშლილი, აბა შენ იცი, წამოიყვანე შენი ბიჭები და ის შვილიშვილიც, ოღონდ ნასადილევი იყოს, თუ ძმა ხარო".

მოგონებებს  ლადო კახაძე დაასრულებს.

"მესამე სამშობიაროში იყო კათედრა, სადაც კვალიფიკაციის ასამაღლებლად რაიონიდან ჩამოდიოდნენ გინეკოლოგები. გავიხედეთ, კახეთიდან ჩამოვიდა გინეკოლოგი მამაკაცი, სახელად სერგო. გინეკოლოგები, საერთოდ, გრძელი თითებით ვამაყობთ. ანუ, რომელ მამაკაც გინეკოლოგსაც გრძელი თითები აქვს, ის კარგადაც მუშაობს, ადვილადაც სინჯავს პაციენტ ქალბატონებს და ერთი სიტყვით, მაგარია.

მოკლედ, ეს კახელი გინეკოლოგი მართლაც გამოირჩეოდა გრძელი, ულამაზესი თითებით. ვიფიქრეთ, ისეთი რამე გავუჩალიჩოთ ამ ადამიანს, რომ ჩვენს გვერდით, თბილისში გატარებული დღეები არ დაავიწყდეს მთელი ცხოვრებაო.

ჩვენს სამშობიაროში იყო ხელოვნური აბორტების განყოფილება. გავიხედეთ და ერთ დღეს უმშვენიერესი, რუსი, ნატიფი აღნაგობის გოგონა მოვიდა აბორტის გასაკეთებლად. გავსინჯეთ. მოვილაპარაკეთ, მოდი, ამ გოგოს შევუთანხმდეთ და ის კახელი გადავრიოთო.

ეს გოგონა კარგი, დამყოლი ხასიათის აღმოჩნდა. შევთანხმდით, რომ იმ კახელს გადარევდა, დავახვიეთ იმდროინდელი, ლენინისთავიანი ოცდახუთმანეთიანი, კარგად დავკუჭეთ და ამ გოგონას შევუცურეთ, ღრმად "იქ". დავუძახეთ კახელ გინეკოლოგს და ვუთხარით, გოგონაა მოსული ხელოვნურ აბორტზე, გავსინჯეთ და რაღაც უჩვეულო წარმონაქმნი შევნიშნეთ, ჩვენ ხელით ვერ მივწვდით და იქნებ შენმა გრძელმა თითებმა გაჭრასო.

სახე გაუბრწყინდა, იფიქრა, დავჭირდი ამათ და ახლა უნდა გამოვიჩინო თავიო. მიუახლოვდა გოგონას, დაამშვიდა და დაუწყო გასინჯვა. ვხედავთ, სერგოს სახის გამომეტყველება შეეცვალა. ვკითხეთ, რა მოხდაო. გვიპასუხა, მართლა ისინჯება რაღაც გაურკვეველი, იქნება მივწვდე ჩემი გრძელი თითებით და გავარკვიო, რა არისო.

კარგა ხანს სინჯა, ჩვენ აქედან "ვბალეშჩიკობდით" – მიდი, სერგო, აბა, შენ იცი, შენი თლილი თითების იმედი გვაქვს, გაგვაგებინე, რა ხდება მანდო. როგორც იქნა, იყვირა სერგომ, არიქა, ბიჭებო, მივწვდი და ნელ-ნელა გამომაქვსო. გამოიღო, გამოიღო და... გაგიჟდა, ვერ მიხვდა რა უნდოდა იქ დაკუჭულ ქაღალდს.

გახსნა, გახსნა და არ შერჩა ხელში ლენინისთავიანი ოცდახუთმანეთიანი? აგვიტყდა სიცილი. ამოგვხედა სერგომ და კახური ჩვეული იუმორით გვითხრა: კაცო, თხუთმეტი წლის გინეკოლოგი ვარ, უამრავი აბორტი მაქვს გაკეთებული, მაგრამ ყოველთვის ხელით მაძლევდნენ ფულსო.

ამ ამბავს კარგა ხანი ვიხსენებდით ექიმები და ყოველთვის აღვნიშნავდით, რომ არც სერგო ჩამორჩა თავისი ენამოსწრებულობით ჩვენს მისდამი "გაჩალიჩებულ" ხუმრობას და კახურად, სათანადო დასასრულით დააგვირგვინა".




 ახალი ამბები
  • „ბაბუასთან იმყოფებოდა სტუმრად“ - ახალციხეში 14 წლის მოზარდი მდინარეში დაიხრჩოცოტა ხნის წინ უბედური შემთხვევა მოხდა ახალციხეში, სოფელ მუგარეთში - 14 წლის მოზარდი, რომელიც ბაბუასთან სტუმრად იმყოფებოდა, მდინარეში დაიხრჩო. ინფორმაცია „გურია ნიუსს“ სოფლის რწმუნებულმა  გიორგი ბლიაძემ დაუდასტურა. „გარდაცვლილი 14 წლის ბიჭია, რომელიც ბაბუასთან იმყოფებოდა სტუმრად“, _  ამბობს ბლიაძე.  მოზარდის ცხედარი ამ დროისთვის პროზექტურაშია ... ...
  • ძვირფასო მგზავრებო! _ აღმოაჩინე საქართველო რკინიგზასთან ერთად! (R)ძვირფასო მგზავრებო! ხვალ, 6 აგვისტოს თბილისი-ქუთაისის რეისზე ჩვენი გზამკვლევები ნიკოლოზ წულუკიძე და ციცინო ზივზივაძე იქნებიან. სატახტო ქალაქისა  და მისი მნიშვნელობის შესახებ მგზავრობის დასაწყისში გიამბობთ, მოგვიანებით კი საინტერესო ამბებს ქუთაისზე  მოგიყვებით.  თეატრალების ეზო, ადგილი სადაც რეზო გაბრიაძე და იპოლიტე ხვიჩია ცხოვრობდნენ, იშხნელების გორა, პირველი აფთიაქი და კინო პავილიონი - დაგვემგზავრეთ და წინ თავგადასავლებით სავსე მოგზაურობა გელოდებათ. მგზავრობის პროცესში ჩვენი გადამღები ჯგუფი აწარმოებს გადაღებას, მოგვიანებით კი მოვამზადებთ საინფორმაციო ვიდეო რგოლს, რადგან სხვა ადამიანებსაც მოვასმენინოთ ჩვენი გზამკვლევების მიერ მოყოლილი ამბები. აღმოაჩინე საქართველო რკინიგზასთან ერთად! ... ...
  • „დარბაზში თავმოყრილია ჩვენი წინაპრების მოღვაწეობა"- ემიგრაციის მუზეუმი პარლამენტის ეროვნულ ბიბლიოთეკაშისაქართველოს პარლამენტის ეროვნულ ბიბლიოთეკაში ემიგრაციის მუზეუმი გაიხსნა. პარლამენტის ეროვნულ ბიბლიოთეკის დირექტორის, გიორგი კეკელიძის განცხადებით, მზადება მუზეუმის გასახსნელად 8 წლის განმავლობაში მიმდინარეობდა. „რვა წელია რაც ეროვნულ ბიბლიოთეკაში ემიგრანტული მასალების მიმართულებით დიდი სამუშაო წამოვიწყეთ - ჩამოვიტანეთ მნიშვნელოვანი არქივები ამერიკიდან, საფრანგეთიდან, გერმანიიდან და სხვა ქვეყნებიდან. თუმცა დღევანდელი დღე მაინც სხვა მოვლენამ განაპირობა - თბილისის სახელმწიფო უნივერსიტეტიდან ემიგრაციის მუზეუმი, რომელიც სრულიად უნიკალური მასალების უდიდესი საცავი იყო, ეროვნულ ბიბლიოთეკაში გადმოვიდა. ეს არქივი, თავის დროზე, გურამ შარაძემ გადასცა უნივერსიტეტს, ეროვნულ ბიბლიოთეკაში კი, ბინა, გურამ შარაძის შვილის, რუსუდან შარაძის დიდი მეცადინეობით, დაიდო“,_ აცხადებს კეკელიძე. საქართველოს პარლამენტის თავმჯდომარის, არჩილ თალაკვაძის განცხადებით: „დარბაზში თავმოყრილია ჩვენი წინაპრების მოღვაწეობა, მათი ოცნებები და ანდერძი, რომელიც ჩვენი ქვეყნის თავისუფლებას, დამოუკიდებლობას და მის ევროპულ ოჯახში მიღებას უკავშირდება. ემიგრანტთა ამ გამორჩეული თაობების წვლილი უდიდესია იმაში, რომ დღეს, საქართველო ევროპაში ბრუნდება და აქვს ევროკავშირთან ასოცირების ხელშეკრულება!“   ... ...
  • სპეცოპერაცია ქუთაისში - დაკავებულია შუახნის მამაკაციცოტა ხნის სპეცოპერაცია ჩატარდა ქუთაისში. როგორც "გურია ნიუსს" ერთ-ერთმა თვითმხილველმა განუცხადა, დაკავებულია შუახნის მამაკაცი. გავრცელებული ინფორმაციით, დაკავებული მამაკაცი მეტადონის პროგრამით სარგებლობდა და მან მედიკამენტები ერთ-ერთი შენობიდან გაიტანა. სპეცოპერაციის სხვა დეტალები,ჯერჯერობით, ... ...
  • "მოკლე ტექსტური შეტყობინებები გაიგზავნა"- სვანეთში დაკარგულ მოზარდს უწყვეტ რეჟიმში ეძებენშინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები უწყვეტ რეჟიმში განაგრძობენ სვანეთში, მესტიის მუნიციპალიტეტის სოფელ ლენჯერიდან გაუჩინარებული მოზარდის, ილია ფილფანის საძიებო სამუშაოებს. აღნიშნულ საქმესთან დაკავშირებით უწყებაში ცოტა ხნის წინ ბრიფინგი გაიმართა. „საძიებო სამუშაოებში ჩართულია საგანგებო სიტუაციების მართვის სამსახურის 80 მეხანძრე- მაშველი, პოლიციის დანაყოფები, დრონები, წყალზე მცურავი საშუალებები და სასაზღვრო პოლიციის ვერტმფრენი. მაშველები გაუჩინარებულ მოზარდს ეძებენ როგორც სვანეთში, ასევე, შავი ზღვის სანაპირო ზოლზე. ილია ფილფანის ფოტოსურათი დაგზავნილია, საქართველოს მასშტაბით, შინაგან საქმეთა სამინისტროს ყველა დანაყოფში. საქართველოში არსებულ ყველა აქტიურ სატელეფონო ნომერზე, საზოგადოებრივი უსაფრთხოების მართვის ცენტრის “112”-ის მიერ საინფორმაციო სამენოვანი, მოკლე ტექსტური შეტყობინებები გაიგზავნა ილია ფილფანის ფოტოსურათით, რათა მოქალაქეებმა, ნებისმიერი ინფორმაციის არსებობის შემთხვევაში, დარეკონ 112-ზე. ილია ფილფანის გაუჩინარებიდან დღემდე, მეხანძრე- მაშველების მიერ დათვალიერებული და შემოწმებულია სოფლები: ლენჯერი, ლაშდღვერი, მესგუნი, ნემსია, სოლი, კაერი, ლხანი, ქართვანი, ლანხვრი, ისკარი, ცალანარი, ეცერი, კალაში, უშგული, უღვალი, ფარი, ზემო ლუჰა, ქვემო ლუჰა, ლახამულა, ნოდაში, მაგარდი, ლეზგარა, სვიფი, ღვებალდი, სოლი, კაერი, ლემსია, ქაშვეთი, ლაშთღვერი, ნესგუნი, ზარგაში, ქურელი, ბეჩო, მაზერი, ჯორკვალი, ლატალი და აღნიშნულ სოფლებში არსებული მიტოვებული სახლები და კოშკები. ასევე, შემოწმებულია მუგვირის ტერიტორია, ქორულდის მთის ტერიტორია, ჭუბერი და მის გარშემო ტერიტორია, ლაღამი, ლანჩვალა, სოკოს უბანი. მეხანძრე-მაშველებმა ფეხით გაიარეს ბეჩო-დიზი-ხაიში-ჯვარამდე ზუგდიდის მიმართულებით საავტომობილო გზის მიმდებარე ტერიტორიები, ჭალადის მყინვარზე არსებული ტურისტული მარშრუტი, მესტიის საბაგიროს მიმდებარედ არსებული ტყის მასივი, მესტიის მთავარანგელოზის ეკლესიიდან სოფელ ლენჯერამდე ტყის ფერდობები, სოფელ ებუთის და ჰაწვალის მთის ტყის მასივი და უღელტეხილ ჰოკოს მიმდებარედ არსებული 4 ძველი უმოქმედო გვირაბი. ჯამში მეხანძრე-მაშველების მიერ შემოწმებულია 38 სოფელი და მისი მიმდებარე ტერიტორია. ასევე, დათვალიერებული და შემოწმებულია 7 მდინარე, მდინარის კალაპოტი და მიმდებარე ხეობები. მეხანძრე-მაშველებმა შეამოწმეს მთებში, საძოვრებზე არსებული სადგომები, მიტოვებული სახლები და გვირაბები, ასევე ტყეები. საძიებო სამუშაოები მდინარე ენგურსა და ენგურჰესზეც მიმდინარეობს. შინაგან საქმეთა სამინისტროს წარმომადგენლებს მუდმივი კომუნიკაცია აქვთ დაკარგული მოზარდის ოჯახთან. ილია ფილფანის მშობლებს ყოველდღიურ რეჟიმში მიეწოდებათ მიმდინარე სამუშაოების შესახებ ინფორმაცია. მოზარდის გაუჩინარებასთან დაკავშირებით, სამეგრელო-ზემო სვანეთის პოლიციის დეპარტამენტის მესტიის რაიონულ სამმართველოში შეტყობინების მიღებისთანავე გამოძიება დაიწყო საქართველოს სისხლის სამართლის კოდექსის 143-ე მუხლის მე-3 ნაწილის „დ“ ქვეპუნქტით, რაც არასრულწლოვნის მიმართ წინასწარი შეცნობით თავისუფლების უკანონო აღკვეთას გულისხმობს. ყველა ინფორმაცია, რომელიც არასრულწლოვნის გაუჩინარებას ან მის შესაძლო ადგილსამყოფელს უკავშირდება, მოწმდება სამართალდამცველების მიერ“,_ აცხადებენ შინაგან საქმეთა ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...