ნაგაზი "მურას" გმირობა

ზაფრანი

ნაგაზი "მურას" გმირობა

2016 ივლ 2 23:14:05

დღეს მორიგ სახალისო ამბებს შემოგთავაზებთ და სიტყვას კვლავ ქართველ სამართალდამცველებს გადავცემ. ამ მოგონებების ავტორებსაც დავასახელებ. იმედია ამ წერილს წაიკითხავენ და დამსახურებულ პენსიაზე მყოფები კიდევ ერთხელ გაიხარებენ.

თავდაპირველად სიტყვას ბატონ რეზო ნოდიას გადავცემ.

"ძველი თაობის მილიციელებს კარგად ემახსოვრებათ ძმები გორგილაძეების მოუხელთებელი ბანდა. ოთხნი იყვნენ და მთელ მილიციას სისხლს გვიშრობდნენ. ორი წლის განმავლობაში ნახევარი საქართველო „გააუთოეს“ და ძებნის სამსახურს ქანცი გვქონდა გაწყვეტილი მათ დევნაში. კუდზე კი ვეჯექით, მაგრამ მაინც ვერ ვიხელთებდით და მაშინდელი ჩვენი მინისტრი ედუარდ შევარდნაძე ყველას მოხსნით გვემუქრებოდა... ერთ მშვენიერ დღეს, ახმეტიდან ჩემმა კოლეგამ და დიდი ხნის მეგობარმა სოსო აღნიაშვილმა დამირეკა და მეუბნება:

– კარგი ამბავი რომ გითხრა, ციკანს დაკლაავ?

სოსო მოქეიფე, ხუმარა კაცი იყო, სიტყვაზე გამოჭერა უყვარდა და, რომ არ გავბითურებულიყავი, მივაგებე: – მე უფრო კარგ ამბავს გეტყვი და ციკანი შენ დაკალი-მეთქი.

– მართლა, მართლა, არ გატყუებ. რომ გითხრა, დაკლაავ? – ჩაუკახურა ისევ სოსომ.

რომ იტყვიან, პურმარილი დაძველებული გვქონდა, თან სოსოც მენატრებოდა და მივუგე:

– ჯანდაბას შენი თავი, მითხარი, როდის ჩამოდიხარ თბილისში, ციკანს დაგიკლავ  და კარგად შევუბეროთ-მეთქი...

– მაშ, მისმინე ეხლა, – თქვა სოსომ, – მააჯექი შენს ავტოსა და ახმეტაში გამოგაზე. შენ რო სისხლი გაგიშრეს, ი გორგილაძეები საავადმყოფოში ყრიან...

თავიდან ვიფიქრე, რომ სოსო მატყუებდა და ჩემი ჩატყუება უნდოდა საქეიფოდ. მაგრამ, შვილები რომ დაიფიცა, დავუჯერე და ჩემს სამ თანამშრომელთან ერთად ახმეტაში გავემგზავრე. საავადმყოფოში რომ მივედით, ძმები გორგილაძეები დაკბენილ-დაგლეჯილები დაგვხვდნენ პალატაში გაშოტილები. სოსომ თითი გაიშვირა მათკენ და ამიხსნა:

– ეს ვერანები მოპარული „უაზიკითა“ მთაში მიდიოდნენ, რომ დაღესტანში გადაპარულიყვნენ დასამალათა. გზაში ცხვრის ფარა შეხვედრიათ და ერთ-ერთ ვერანს უფიქრია, ბატკანსაც თან გავიყოლებთო. მანქანის კარი გაუღია, ხელი უტაცნია ცხვრისთვინა და შიგ შეუგდიათ, კარი კი გამოუხურავთ... ბრიყვები! არ იცოდნენ, რომ ფარებს ქოფაკები დაჰყვებიან. ამ სითეთრეში შეშლიათ, ცხვრის მაგივრად, მეცხვარე ნაგაზი შეუგდიათ მანქანაში და, მეცხვარეებს რომ არ ემარჯვნათ, მურა ოთხივეს წირვას გამოუყვანდა...

სოსოს კოლორიტულ ტონსა და თხრობის მანერაზე ისეთი სიცილი ამიტყდა, რომ კარგა ხანს ვხარხარებდი. გორგილაძეები ორი დღის შემდეგ გაძლიერებული ბადრაგის თანხლებით ჩამოვიყვანე თბილისში. ის ორი დღე კი მე, სოსომ და ჩვენმა კოლეგებმა ზღაპრულად მოვილხინეთ და, ტრადიციულ სადღეგრძელოებთან ერთად, ნაგაზ მურასაც პერსონალურად ვადღეგრძელებდით, რომელმაც შრომა შეგვიმსუბუქა“.

ბატონი ბეგლარ კედია ერთი „უჩვეულო შემთხვევის“ შესახებ მოგვიყვება.

"1970 წელს მე და ჩემი მეწყვილე, წარმოშობით ზუგდიდელი ოთარ მანია, რომელიც ყოფილი მოჭიდავე იყო, „მურმა“ პოლონეთში მიგვავლინა. იქ სოციალისტური ქვეყნების ძალოვანი სტრუქტურების თანამშრომელთა სპორტული ფესტივალი ტარდებოდა სხვადასხვა სახეობაში. ოთარმა ჭიდაობის ტურნირი ბრწყინვალედ განვლო და ფინალს მიაღწია. იქ კი მას ბუმბერაზი კუბელი კაპიტანი „დაეჯახა“, რომელთანაც გამარჯვების მიზერული შანსიც კი არ ჰქონდა ოთარს.

– ჭიდაობის ქვეყნიდან ვართ და იქნებ პირველი პერიოდი მაინც გაუძლო, – ვუთხარი ოთარს.

– ვეცდები, – მომიგო მან და ხალიჩაზე გავიდა.

როგორც კი ორთაბრძოლა დაიწყო, კუბელი ხარივით ეტაკა ჩემს ძმაკაცს. ოთარმა კი მალულად თითი ატაკა თვალში, რომ  შეტევა შეენელებინა. კუბელს მცირე სამედიცინო დახმარება აღმოუჩინეს და ორთაბრძოლაც განახლდა. თუმცა, უკვე ოთარი იყო გაცეცხლებული. ის კუბელს მიეჭრა. ხელები მძლავრად ჩაავლო და წამში ძირს დასცა – გოლიათს სუფთად მოუგო პირველივე პერიოდში.

– გილოცავ, ოთარ, მაგრამ როგორ მოახერხე ეს? შენ რომ გიყურებდი, გამძინვარებულ ვეფხვს ჰგავდი, – ვუთხარი ოთარ მანიას.

– გავცეცხლდი კი არა და, მადლობელი იყოს, რომ არ მოვკალი. თვალში რომ თითი ვატაკე, მეგრულად მითხრა: – „სკან დიდა ფხო...“ – მითხრა ჯერ კიდევ აღგზნებულმა ოთარმა.

ერთი სიტყვით, თურმე იმ კუბელს მოსკოვში უსწავლია და საერთო საცხოვრებელში სამეგრელოს მკვიდრ სტუდენტებთან ძმაკაცობდა, რომლებისგანაც მშვენივრად აუთვისებია მეგრული. დამარცხებული გოლიათი კუბელი საღამოს რესტორანში დავპატიჟეთ და რომ დათვრა, „ოდოია“ არ დასცხო!“

დღვანდელი კრიმინალური მოგონებების დასასრულს ქუთაისში გადავინაცვლოთ. ბატონი მალხაზ ტყებუჩავა ამ ქალაქში თავის დროზე გახმაურებულ ორ „კრიმინალს“ გაიხსენებს.

„ქუთაისში რომ ვმუშაობდი მილიციის სამმართველოს ოპერმუშაკებად, ერთი მეწყვილე მყავდა, პირობითად მას რომანი ვუწოდოთ. რომანს ძალიან პატიოსანი და მოხდენილი ცოლი ჰყავდა – იზო (პირობითი სახელი).

ერთხელ მე და რომანი ქალაქში რომ ვმორიგეობდით (ვპატრულირებდით), ძალიან მოგვშივდა და რომანმა თავის სახლში დამპატიჟა და მითხრა:

– წამოდი ჩემთან, იზოიას რამე ექნება და ვჭამოთ, თან ცოტაც „ჩავარტყათო“.

დალევაზე სასტიკი უარი ვუთხარი, რადგან მორიგეობა გვიან ღამით გვიმთავრდებოდა, ბევრი საქმე გვქონდა და „ასობისტებს“ რომ დავეჭირეთ, „გაგვტისკავდნენ“... არც სახლში ავყევი, რადგან ვიცოდი, დალევას დამაძალებდა და ცდუნებას ვერ გავუძლებდი. ამიტომ, მანქანაში დავრჩი, რომანი კი სახლში ავიდა „სუხოი პაიოკის“ ჩამოსატანად. არ გასულა ათიოდე წუთი, რომ გაცეცხლებული რომანი სადარბაზოდან გამოვარდა გინებ-გინებით, კარს წიხლი ჩასცხო და სახეშეშლილი წამოვიდა მანქანისკენ. ჩაჯდა და უშვერი სიტყვებით  დაუწყო ცოლს გინება.

– რომანია, ბიჭო, რა მოხდა, რამ გადაგრია-მეთქი, – ვკითხე მეწყვილეს, მან კი გამწარებულმა მიპასუხა:

– რაის რამ გადამრია, ბუჯო, რვა წელია, მე და იზოია ცოლ-ქმარი ვართ და ახლა გავიგე, რომ ბოზი ყოფილა, მე მაგის დედა...

იზოს პატიოსნებაში ეჭვის შეტანა სისულელე იყო და რომანს შევუტიე:

– გაგიჟდი, რომანია? რაის ბოზი, ხომ არ დეიშოკე, რაებს ბოდავ?

– ვბოდავ კი არა და... – თვალები გაუფართოვდა რომანს და მომიყვა, რომ სახლში რომ ასულა და კარი გაუღია, საეჭვო ხვნეშის ხმა გაუგია საძინებლიდან. მისულა, კარი ფრთხილად გაუღია და დაუნახავს, რომ მის საწოლზე საბანწამოფარებული წყვილი ერთ ამბავშია. რომანს მუხის სკამისთვის დაუვლია ხელი, „საბანქვეშელები“ სასტიკად უცემია და უკან წამოსულა.

– სანამ ხმები არ ჩაუწყდათ, მანამდე ვურტყი. დეიხოცნენ, გონია... მივაგდე ასე საბანწაფარებულები და წამევედი, – დაასრულა რომანმა თხრობა. ამ დროს სადარბაზოსთან ტაქსი გაჩერდა, იქიდან კი ორი უზარმაზარი ჩანთით რომანის ცოლი გადმოვიდა.

– ე, ბიჭო, აგერ შენი იზოია, – მივახედე უკან რომანი, რომელიც გაფითრდა და ამოილუღლუღა:

– აბა, ვინ ვცემე მე?..

იმ დილით, თურმე, იზოს ძმა ჩამოსულა სოფლიდან თავის ახალმოყვანილ ცოლთან ერთად. იზოს ჯერ ბავშვები წაუყვანია სკოლაში და სტუმრებისთვის დაუბარებია, – ბაზარშიც გამოვივლიო... ახალგაზრდებმა კი დრო იხელთეს და საძინებელში განმარტოვდნენ... ერთი სიტყვით, ორივე სასტიკად იყო ნაცემი და საწყლებმა თაფლობის თვე საავადმყოფოში გაატარეს. იზომ კი, ეს ამბავი რომ გაიგო, რომანს ერთი წელი არ ელაპარაკებოდა და ძლივს შევარიგე...“

„ერთხელ მე და ჩემი კოლეგა, ოთარ ქორიძე, ქუთაისში ერთ-ერთ ძებნილს ვუთვალთვალებდით. ოცდაოთხი საათის განმავლობაში მანქანაში ვისხედით და იქიდან „ვალივერებდით“ დურბინდით. არც თვალი მოგვიხუჭავს და ლუკმაც არ ჩაგვიდევს პირში. ერთი სიტყვით, გვშია და, იმის თავიც არ გვაქვს, მანქანიდან გადავიდეთ და საჭმელი ვიყიდოთ. უცებ გზაზე ათიოდე წლის გოგონა დავინახეთ, რომელიც ჩანთით ხელში მოდიოდა. მე სამმანეთიანი ამოვაცურე ჯიბიდან, გოგონა მოვიხმე და ვუთხარი:

– ერთი, შენს გაზრდას, გასტრონომში რომ დიდი ხაჭაპური იყიდება, წადი და ის იყიდე-მეთქი.

ბავშვმა ფული გამომართვა და წავიდა. ორიოდე წუთის შემდეგ კი ვხედავ, ისევ მოდის. ხელში უზარმაზარი ხაჭაპური უჭირავს და ჭამს. მოგვიახლოვდა, მანეთიანი გამომიწოდა, „მადლობა ბიძიაო,“ – მითხრა და ჭამა-ჭამით განაგრძო გზა...

მშიერი კი დაგვტოვა იმ ბავშვმა, მაგრამ, ხურდაც მოგვიტანა და, რაც მთავარია, იმდენი ვიხარხარეთ მე და ოთარმა მშიერ კუჭზე, ჭამა გადაგვავიწყდა...“




 ახალი ამბები
  • "ბუხრის ხანძარი"_ რა ხდება ბუკისციხეშიჩოხატაურის მუნიციპალიტეტის სოფელ ბუკისციხის მაცხოვრებლის, კახა კალანდაძის სახლში მეხანძრე-მაშველები იმყოფებიან. როგორც „გურია ნიუსს“ სახანძრო-სამაშველო სამსახურში განუცხადეს, მდგომარეობა საშიში არ არის. „ბუხრის ხანძარია. საკვამლე სისტემა არ დამწვარა. საგანგაშო არაფერი არ არის“,_ გვითხრეს სახანძრო-სამაშველო ... ...
  • გომელაური: ჯარიმების წერა არ გვიხარია, თუმცა იძულებული ვართშინაგან საქმეთა მინისტრმა ვახტანგ გომელაურმა ჟურნალისტებთან საუბრისას ქვეყანაში არსებული ვითარება შეაფასა და განაცხადა, რომ თითქმის  ყველა რეგიონის მთავარი ქალაქი  კონტროლდება. "რაც შეეხება საქართველოს მასშტაბით სიტუაციას, იცით, რომ თითქმის  ყველა რეგიონის მთავარი ქალაქი  კონტროლდება, შესასვლელები, გასასვლელები. იმ შემთხვევაში, თუ დასჭირდებათ ჩაკეტვა, როგორც მარნეულში, ბოლნისში მოხდა, რომ უსწრაფესად განხორციელდეს  გადაკეტვა მთლიანად,   ვთქვათ, რომელიმე ქალაქის, თუ საჭიროება იყო, თუ  რეკომენდაციას მოგვცემს ჩვენი ჯანდაცვის სამინისტრო", - აღნიშნა შინაგან საქმეთა მინისტრმა.ვახტანგ გომელაურის თქმით, მოქალაქეები ემორჩილებიან დაწესებულ შეზღუდვებს და მოლოდინის მიუხედავად, გასული ღამის განმავლობაში მცირე რაოდენობით იყო სამართალდარღვევები. “სხვათა შორის ემორჩილებიან ნამდვილად, მეტ დარღვევებს ველოდებოდი, თუმცა, გუშინ ღამე, როდესაც დაიწყო უკვე განსაკუთრებული მნიშვნელობის შეზღუდვები,  იყო  ძალიან ცოტა - 17 დარღვევა იყო მთელი საქართველოს მასშტაბით.  მეტს ველოდებოდი სტატისტიკურად. მთლიანობაში, 350-მდე მოგვიწია, სამწუხაროდ.  ეს არავის არ გვიხარია, არც ჩვენ და არც რიგით პოლიციელებს, არც ხელმძღვანელობას, რომ   ჯარიმები ვუწეროთ  ჩვენს მოქალაქეებს, თუმცა იძულებული ვართ, რომ ეს გავაკეთოთ. სადღაც 350-მდე ადამიანი   და  10-15-მდე საწარმო დაჯარიმდა", - განაცხადა შინაგან საქმეთა ... ...
  • რამდენი პირი დაჯარიმდა ავტომობილით მგზავრობის წესების დარღვევისთვისშინაგან საქმეთა სამინისტროს მიერ გავრცელებული ინფორმაციით, სამართალდამცველებმა 12 პირი დააჯარიმეს მგზავრთა გადაყვანისა და ავტომობილით გადაადგილების წესის დარღვევის ფაქტზე. ცნობისთვის, კორონავირუსთან ბრძოლის მიზნით ქვეყანაში ავტოტრანსპორტით გადაადგილება მკაცრად კონტროლდება. აკრძალულია ავტომობილით 3-ზე მეტი პირის მგზავრობა, რომელთაგან 1 მძღოლი და 2 მგზავრი უნდა იყოს, მძღოლის გვერდზე კი არავინ უნდა იჯდეს. უკანა სავარძელზე მჯდომ 2 პირს შორის კი დისტანცია უნდა იყოს შენარჩუნებული. ქვეყანაში აკრძალულია საზოგადოებრივი ტრანსპორტით მგზავრობა, გადაადგილება მხოლოდ მსუბუქი ავტომობილით და ტაქსითაა შესაძლებელი. სხვადასხვა რეგიონებში, მუნიციპალიტეტების შესასვლელებთან დგას სპეციალური ბლოკოსტები, რომლებიც სამართალდამრღვევების გამოვლენას ცდილობენ და დაფიქსირების შემთხვევაში მოძრავ ავტომობილს აჩერებენ და ამოწმებენ. მოქმედებს სანქციებიც. შინაგან საქმეთა სამინისტროს ინფორმაციით, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის, მათ შორის ე.წ. კომენდანტის  საათის ფარგლებში დარღვევის 60 ფაქტი ... ...
  • საკადრო ცვლილებები თერჯოლაში _ ვინ შეასრულებს მერის მოვალეობასსაკადრო ცვლილებები გახორციელდა თერჯოლაში _ იმერეთში სახელმწიფო რწმუნებულმა ზვიად შალამბერიძემ თერჯოლის მუნიციპალიტეტის მერის პირველი მოადგილე ლაშა გოგიაშვილი წარადგინა, რომელიც მერის მოვალეობას შეასრულებს. ლაშა გოგიაშვილი მიმდინარე წლის 31 მარტს თერჯოლის მერიის 45 435 ბრძანების საფუძველზე, მანუჩარ ფანჩულიძის გათავისუფლების შემდეგ დაინიშნა. მუნიციპალიტეტის მერმა ბონდო სოფრომაძემ თერჯოლის მუნიციპალიტეტის საკრებულოს უფლებამოსილების შეწყვეტის შესახებ დღეს განცხადებით მიმართა. მას შემდეგ, რაც თერჯოლის საკრებულო ბონდო სოფრომაძეს უფლებამოსილებას შეუწყვეტს, მერის მოვალეობას ლაშა გოგიაშვილი შეასრულებს. ლაშა გოგიაშვილი 2017 წლიდან დღემდე ა(ა)იპ „მოსწავლე ახალგაზრდობის ეროვნული სასახლის“ დირექტორის მოადგილე იყო, 2012-2017 წლებში სსიპ საქართველოს ფოლკლორის სახელმწიფო ცენტრის სამეურნეო დარგის მთავარი მენეჯერის თანამდებობა ეკავა, 2006-2010 წლებში - შპს „ივენთ კომპანი“ აღმასრულებელი დირექტორი, 2002-2005 წლებში კი შპს "მელოდის არტი“ მიმართულების მენეჯერი იყო. ჰყავს მეუღლე და სამი ... ...
  • რამდენი მოქალაქე დაჯარიმდა კომენდანტის საათის დარღვევისთვისსამართალდამცველებმა, მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის, მათ შორის ე.წ. კომენდანტის საათის ფარგლებში დარღვევის 60 ფაქტი გამოავლინეს. როგორც სამინისტროს მიერ გავრცელებულ ინფორმაციაშია ნათქვამი, შინაგან საქმეთა სამინისტროს თანამშრომლებმა, 21 საათიდან დილის 6 საათამდე დაწესებულ ე.წ. კომენდანტის საათის დარღვევის ფაქტზე საქართველოს მასშტაბით 17 მოქალაქე ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...