დედამთილი და ასტროლოგია

ზაფრანი

დედამთილი და ასტროლოგია

1 ივნ. 2020, 19:25:54

ვერძი-დედამთილი ნამდვილი ლიდერია ოჯახში. მოემზადეთ იმისათვის, რომ თქვენს "მეორე დედიკოსთან" პირველივე შეხვედრა  მისი არაჩვეულებრივი ვაჟის მომსახურების ინსტრუქციას დაემსგავსება და ყველა კეთილი სურვილი ბრძანების ფორმით იქნება გაცხადებული - "არავითარ შემთხვევაში არ გაუხამო პერანგები! არავითარი მტვერსასრუტი, ოთახები მხოლოდ სველი მეთოდით უნდა დალაგდეს! საღამოს ცხელი ვახშამი უნდა დახვდეს!" საუკეთესო სტრატეგია აქ – სიტუაციასთან შერიგებაა. დაეთანხმეთ "გენერალს კაბაში", თუნდაც საუბრის ტონი გაღიზიანებდეთ, ხოლო ბრძანებები შეუსრულებლად გეჩვენებოდეთ. არავითარ შემთხვევაში არ გაბედოთ წინააღმდეგობის გაწევა. დედამთილის კეთილგანწყობის მოპოვებას მხოლოდ იმ შემთხვევაში შეძლებთ, თუ ყველა მის მოთხოვნას შეასრულებთ - დროთა განმავლობაში ის იარაღს აუცილებლად დაყრის.

კურო დედამთილისთვის ცხოვრებისეული ფასეულობები ყველაზე მაღლა დგას. ამიტომაც აუცილებლად დაანახეთ მას, როგორ კალორიულად კვებავთ მის შვილიკოს და როგორ გინდათ მისთვის ჯანმრთელი შთამომავლობის გაჩენა. ნუ უარყოფთ მის თქვენი ოჯახისადმი ზრუნვას (ამას დედამთილი კუროები არ გაპატიებენ) – მიიღეთ მის მიერ გაკეთებული და შემოთავაზებული ყველაფერი, თუნდაც ეს იყოს 1973 წლის დროინდელი კაბა, რომელსაც იარაღის მუქარის ქვეშაც არ ჩაიცვამდით. როცა თქვენს დედამთილს თავში მორიგი იდეა მოუვა (მაგალითად, გადააადგილოს სახლში ავეჯი) – ის ამ იდეისკენ სწორხაზოვნად, ყველანაირი დაბრკოლების გადალახვის ფასად წავა. ამიტომაც კამათი აქ არ ღირს – უმჯობესია, გვერდზე გადგეთ, თქვენ ხომ, პრინციპში, გაგიმართლათ – თქვენსა და ქმარს შორის არეულობის შემთხვევაში, ის შვილს ოჯახის შენარჩუნებას ურჩევს.

ტყუპი-დედამთილი, ერთი შეხედვით, "თქვენიანად" მოგაჩვენებთ თავს და ურთიერთობის დასაწყისში არანაირ პრობლემას არ შეგიქმნით. შესაძლოა, შემოგთავაზოთ, რომ სახელითაც კი მიმართოთ, მაგრამ არ იჩქაროთ დასკვნების გამოტანა – ეს უბრალოდ გამოცდაა მისი მხრიდან. არ გაბედოთ მისი მოტყუება ან თვალებში ნაცრის შეყრა – ტყუპს კარგად შეუძლია ადამიანების გამოცნობა. მოუსმინეთ ყველა ისტორიას, რასაც მოგიყვებათ და არ დაგავიწყდეთ თქვენი ისტორიების მოყოლაც – დაფარული მისთვის მაინც არაფერი არსებობს. კიდევ ერთი შენიშვნა – ქმრებისა და თაყვანისმცემლების რაოდენობით თქვენი ახალი დედიკო მხოლოდ ცნობილ კინოვარსკვლავ ელიზაბეტ ტეილორს თუ შეედრება. ამიტომაც ოჯახის ინსტიტუტის მიმართ არც ისეთი ტრადიციული დამოკიდებულება აქვს. ასე რომ, ფრთხილად იყავით, რომ თქვენი პირველივე კამათისას დედამთილმა თავის შვილს თქვენგან შორს გაქცევა არ ურჩიოს. განსაკუთრებული მიზეზის გარეშე, ხშირად დაურეკეთ და მოიკითხეთ, თუ გსურთ, რომ ის მართლაც თქვენიანი გახდეს.

თუ თქვენი დედამთილის ჰოროსკოპის ნიშანი კირჩხიბია, ძალიან გაგიმართლათ. მაშინაც კი, თუ თქვენით აღფრთოვანებული არ არის, ის შვილის არჩევანს უსიტყვოდ დაემორჩილება - "ბავშვს ცოლის მოყვანა უნდა". შვილი მისთვის მარად პატარა ბიჭია. ამიტომაც თქვენი ქმრის უსუსურობასა და დაბალ ხელფასზე ნაკლებად იწუწუნეთ. თვდაპირველად კირჩხიბი-დედამთილი თავშეკავებულად და გაუცხოვებულად მოგეჩვენებათ, მაგრამ ის მზად იქნება, თავისი შვილის მიმართ სიყვარული თქვენც გიწილადოთ – რა თქმა უნდა, თუ თბილი და გულისხმიერი იქნებით მის მიმართ და რაც მთავარია, "დედას" დაუძახებთ. შეისწავლეთ ოჯახის ტრადიციები და მისი პირადი ინტერესები (ის წლებთან ერთად თითქმის არ იცვლება) და დროდადრო გამოიჩინეთ მის მიმართ ყურადღების პატარ-პატარა ნიშნები. დარწმუნებული იყავით, რომ თქვენს შვილებს ის, როგორც საკუთარს, ისე მოექცევა.

ლომი-დედამთილი თავიდანვე გაგაგებინებთ, რომ მისი შვილის შესაფერისი არ ხართ, რადგან თქვენი სისხლი საკმარისად ცისფერი არ არის (თუ, რა თქმა უნდა, სამეფო ოჯახის წარმომადგენელი არ ხართ). მზად იყავით, რომ მის შეკითხვებს უპასუხოთ, მაგალითად, იცნობთ თუ არა რომელიმე კონკრეტულ ცნობილ ადამიანს. მისი სნობური გამოხდომების განეიტრალება ადვილია – თქვენის მხრივ, დაინტერესდით, თვითონ თუ იცნობს რომელიმე კონკრეტულ ცნობილ ადამიანს (უცებ თავში რაც მოგივათ, ის სახელი და გვარი ახსენეთ – ის მაინც ვერასოდეს გაიგებს, ვინ არის). თუმცა სამომავლოდ დედამთილ-ლომს აშკარა პატივისცემით უნდა მოეპყრათ. "დედა" და "შენ" - ეს მიმართვები საშინელი შეცდომა იქნება. გამოიყენეთ მხოლოდ სიტყვა "თქვენ" ან "ქალბატონო". ურთიერთობის საუკეთესო ტაქტიკა იქნება – არ გააწყვეტინოთ საუბარი და არ ეკამათოთ. საუბრის შესაფერისი თემა კი – მხოლოდ მისი პერსონაა (მაგალითად, როგორ შესანიშნავად გაზარდა მან თავისი ვაჟი, რა არაჩვეულებრივი დიასახლისია და ასე შემდეგ...)

თუ ქალწულის ნიშნის ქვეშ დაბადებულის რძალი გახდით, გათხოვების დღიდანვე იცოდეთ, რომ თქვენ ერთი კი არა, ორი დედამთილი გყავთ, უფრო სწორად, ერთი ორ ჰიპოსტასში. "პირველი" უსიტყვოდ დაგეხმარებათ ოჯახის საქმეებში, გასწავლით ქსოვას, ქარგვას (თუ თქვენი სურვილი იქნება), მოუვლის ბავშვებს და ასე შემდეგ. ის ყველანაირი რთული სიტუაციიდან გამოგიყვანთ, შემდეგ კი, მთელი ცხოვრება ყელში ამოგადენთ – მოგცემთ უამრავ რჩევა-დარიგებას და უპირობოდ ჩაერევა თქვენს ცხოვრებაში. ერთადერთი, რასაც ის ვერასოდეს გაპატიებთ, მოუწესრიგებელი გარეგნობა და არაეკონომიურობაა.

დედამთილი-სასწორი მუდამ სიყვარულის ძიებაშია. ასე რომ, თქვენ ძალიან გაგიმართლებთ, თუ იმ მომენტში, როცა მის შვილს გაჰყვებით ცოლად, მას ცხოვრების მეგზური ეყოლება. სხვაგვარად დედამთილი-სასწორი აუცილებლად მთელ თავის ყურადღებასა და დაუხარჯავ გრძნობას საკუთარ შვილს მიაპყრობს და აშკარად იბრძოლებს მისი ყურადღების მოსაპოვებლად – მისგან დაელოდება კომპლიმენტებს, საჩუქრებსა და შვილის მოვალეობის სხვა გამოვლინებებს. ამასთან, არ დაივიწყებს კონკურენტის (ანუ თქვენი) იმიჯის შელახვას. მისი შენიშვნები (ერთი შეხედვით აბსოლუტურად კეთილგანწყობილი) ნებისმიერს გამოიყვანს წყობილებიდან: "დღეს ჩემი რძალი არაჩვეულებრივად გამოიყურება - არ აქვს, როგორც ყოველთვის, ჩაშავებული თვალები"... ერთადერთი მეთოდი მისი ასეთი გამოხდომების გასანეიტრალებლად – მისი პირადი ცხოვრების მოწყობაა. მაგალითად, გააცანით მას არა თქვენი დაქალები, არამედ მათი უცოლო ბიძები ან თუნდაც ცოლს გაშორებული მამები.

მორიელი-დედამთილის ნდობის მოპოვება ძალიან გაგიჭირდებათ. ის ნებისმიერი ბუნების რძალს გამოიყვანს წყობილებიდან თავისი შენიშვნებით იმის შესახებ, რომ არ იცის პომადის წასმა ან გაუთავებლად მოუყვება ისტორიებს იმის შესახებ, რა მაგარი მეგობარი გოგონები ჰყავდა მის ვაჟს ცოლის მოყვანამდე. ასეთივე წარმატებით მორიელ-დედამთილს შეუძლია ჩაგიძვრეთ სულში და თქვენი საიდუმლოებებიც შეიტყოს. ამ შემთხვევაში უნდა მიიღოთ სატყუარა ზომები. მაგალითად, თავი მოაჩვენეთ, რომ მასავით წინააღმდეგობებით სავსე და რთული პიროვნება ხართ. სულ ცოტა არტისტიზმი და ის თქვენიანების სიაში ჩაეწერება – თქვენზე კონტროლი კი დროებით შენელდება. თუმცა მხოლოდ დროებით... ასე რომ, შეეცადეთ მისგან თავი შორს დაიჭიროთ.

მშვილდოსანი-დედამთილი ჭკვიანი, ოპტიმისტი და ამასთან, ძალიან აქტიური და მოუსვენარია. ის მთელი თავისი ცხოვრება ოცნებობდა, რომ მის ვაჟს განათლებული და ჯანმრთელი კარიერული ამბიციების მქონე ინტელექტუალი შეხვდებოდა ცოლად. ამიტომაც თუ თქვენ არ გაქვთ უნივერსიტეტის დოპლომი, დოქტორის ხარისხი ან თუნდაც ინგლისურის ცოდნა – მოგიწევთ, მის თვალში ბიზნესლედის იმიჯი შეიქმნათ.გარეგნული სიკაშკაშე მისგან არ მოგეთხოვებათ – დედამთილ-მშვილდოსანს ურჩევნია, რძალზე უკეთესად გამოიყურებოდეს. მეტიც, ის ჩუმად ყოველთვის შეგეჯიბრებათ – ახალი კაბიდან დაწყებული, სამზარეულოში რემონტით დამთავრებული. ნუ შეეცდებით გადაასწროთ მას – პირიქით, აღიარეთ, რომ "მისი გაკეთებული ღვეზელები თქვენსაზე გემრიელია" და ყინულის ლოდი მაშინვე გალღვება.დაიმახსოვრეთ, რომ მშვილდოსან დედამთილთან არ ღირს რელიგიაზე, სექსსა და ფილოსოფიაზე საუბარი. და თუ მაინც ვერ გაექეცით ამ თემას, ღმერთმა დაგიფაროთ, ამ საკითხზე თქვენი აზრი მკაცრად და ერთმნიშვნელოვნად გამოთქვათ.

თუ თქვენი დედამთილი თხის რქაა, იმედი არ იქონიოთ, რომ შეხვედრისას დედაშვილურად გადაგეხვევათ, თუმცა ოჯახური სკანდალები და თქვენი დადანაშაულებაც არასოდეს იქნება. თხის რქები თავშეკავებულები და ტრადიციულები არიან. ამიტომაც, ერთადერთი, რაც მისი თანდასწრებით არ უნდა გააკეთოთ – ეს მოწევა, დალევა და ექსპერიმენტული ვარცხნილობის გაკეთებაა. მასთან სადილად უმჯობესია, თუ დროულად მიხვალთ. ასევე მნიშვნელოვანია, თუ დაიმახსოვრებთ ოჯახურ თარიღებს და მასთან ერთად აღნიშნავთ მათ. თუ მის ფორმალურ წესებსა და მოთხოვნებს დააკმაყოფილებთ და დაამტკიცებთ, რომ გსურთ მის ვაჟთან ერთად მთელი ცხოვრება განლიოთ – დედამთილი-თხის რქის სიმპათია გარანტირებული გექნებათ.

მერწყული-დედამთილი დემოკრატიულია და ვაჟის ნებისმიერ არჩევანს უსიტყვოდ ემორჩილება. დაგვეთანხმეთ – ეს ძალიან კარგია, თუმცა მისი დემოკრატიისგან ძალიან მალე ცივი ნიავი დაუბერავს. დედამთილმა-მერწყულმა საეჭვოა, ახალდაქორწინებულებისთვის გააკეთოს მურაბა, დაეხმაროს ფულით და სულაც არ აპირებს, თავისი დარჩენილი ცხოვრება შვილიშვილების აღზრდას შეალიოს. მისთვის მთავარია სამუშაო, სულიერი სრულყოფილება და ძველ მეგობრებთან დროსტარება. მის გულში მოსახვედრად მხოლოდ ერთი გზა არსებობს – მის ინტერესებთან შეგუება, თუმცა ესეც არ მოგცემთ 100%-იან გარანტიას.

თევზების ნიშნის ქვეშ დაბადებული დედამთილი გულწრფელად თვლის, რომ საკუთარ შვილს თუ ვინმესთვის გაიმეტებს, მხოლოდ სათნოების დისთვის. თუ თქვენს დედამთილს ჰკითხავთ: "როგორ ხართ?" ის პასუხად  დეტალურად მოგიყვებათ მეზობელთან გაჩაღებული სკანდალის შესახებ და გადაეშვება თავის უსიამოვნებების შორეულ მოგზაურობაში. ამიტომაც მანამ მისი ჯანმრთელობით დაინტერესდებოდეთ, მოიმარაგეთ დრო და მოთმინება. შესაძლოა, თევზი-დედამთილის ზოგიერთმა ეთიკურმა მომენტმა არასასიამოვნოდ გაგაოცოთ – მაგალითად, სახლში დალაგებაში მოხმარებისას მას შეუძლია თამამად შეძვრეს თქვენს კარადაში ან ისარგებლოს თქვენი კოსმეტიკით. ამასთან, თევზ-დედამთილს შეუძლია თავდაპირველად ცამდე აგიყვანოთ, შემდეგ კი მიწაზე დაგანარცხოთ – მისი თქვენდამი დამოკიდებულება, ფაქტობრივად, ფანჯრის მიღმა ამინდზეა დამოკიდებული. თუ მისმა საყვარელმა შვილიკომ რამდენიმე დღე არ დაურეკა, სასწრაფოდ მოიკითხეთ თქვენ. სხვაგვარად, გამოგიტანთ სასიკვდილო განაჩენს "ის მხოლოდ შენზე ზრუნავს, სწორედ შენ არ აძლევ უფლებას, რომ ჩემთან იკონტაქტოს".




 ახალი ამბები
  • მოჭრილი ჭადრების ნაცვლად ჟორდანიას ქუჩას ნეკერჩხლის ხეივანი დაამშვენებსლანჩხუთის შემოსასვლელში, ცენტრალური ავტომაგისტრალის გასწვრივ, სადაც ტროტუარის მოწყობა მიმდინარეობს, ადგილობრივი ხელმძღვანელობის ინფორმაციით, ნეკერჩხლის ხეებს დარგავენ. საქმე ისაა, რომ ინფრასტრუქტურული სამუშაოების გახორციელებისას აქ არსებული ჭადრის ხეები მოიჭრა, რასაც ლანჩხუთელთა ნაწილის უკმაყოფილება მოჰყვა. მაშინ პასუხად მერიამ განმარტა, რომ  უწყებაში არაერთხელ შევიდა განცხადება ადგილობრივი მოსახლეობის მხრიდან, სადაც ისინი იქ  არსებული  ჭადრების ხეივანის მოჭრას ითხოვდნენ. მერიისვე ინფორმაციით, ჟორდანიას ქუჩაზე ნეკერჩხალი დაირგვება. „განაშენიანების გეგმა მოიცავს საფეხმავლო ბილიკების მოწყობას დეკორატიული ფილებით, ასევე მოეწყობა სანიაღვრე არხი, დამონტაჟდება გარე განათების ახალი ბოძები, დაიწყება ქუჩის გამწვანება და ჭადრების ნაცვლად მთელ ქუჩაზე დაირგვება ნეკერჩხლის ჯიშის ნერგები“, _ განმარტავენ მერიაში. როგორც ირკვევა, აქ გასახორციელებელი სამუშაოების ღირებულებაა 549 999 ლარი და  ორ ეტაპად წარიმართება.  პირველი ეტაპისთვის  გათვალისწინებულია 642 ათასი ლარის სამუშაოების შესრულება, ხოლო მთლიანად პროცესი 2021 წელს ... ...
  • „ივანიშვილი ოქტომბერში უნდა წავიდეს“ _ გიგი უგულავა ოზურგეთშიახლახან, ოზურგეთს სტუმრობდა პოლიტიკური გაერთიანება „ევროპული საქართველოს“ გენერალური მდივანი   გიგი უგულავა.   ის პარტიის ოფისში  მედიის წარმომადგენლებს შეხვდა.  როგორც თავად აღნიშნა, ჩამოსვლის  მიზანი არის რაიონული ორგანიზაციების ხელმძღვანელებთან შეხვედრა, წინასაარჩევნო სამზადისი და მუშაობის გააქტიურება. გიგი უგულავამ ისაუბრა მოახლოებულ საპარლამენტო არჩევნების შესახებ და ძირითადად, ყურადღება გაამახვილა ხელისუფლებიდან ივანიშვილის და „ქართული ოცნების“ არჩევნების გზით ჩამოშორებაზე. _ ივანიშვილი ქართული პოლიტიკიდან ოქტომბერში უნდა წავიდეს.  ეს არის ქართული საზოგადოების დაკვეთა და ამაში ოპოზიცია ერთიანია. ეს ჩვენი პრინციპული ერთობაა . ამისთვის  უნდა დაიგეგმოს სწორი  საარჩევნო კამპანია. სწორედ ასეთ საკითხებზე სასაუბროდ ვართ  დღეს ჩვენ აქ და შევხვდებით  „ევროპული საქართველოს“ რეგიონული ორგანიზაციების წარმომადგენლებს, - განაცხადა მან ჟურნალისტებთან და  ასევე მედიის წარმომადგენლებს უთხრა, რომ მზადაა  ყველა კითხვაზე პასუხისთვის. კითხვაზე, ნამდვილად იქნება თუ არა ხათუნა გოგორიშვილი ოპოზიციის საერთო კანდიდატი გურიაში, მან თქვა, რომ შესაძლოა, ასეც იყოს, თუმცა, ეს უნდა გადაწყდეს ოპოზიციური პარტიების  ერთობლივი შეთანხმებით. _ ცალკე ოპოზიციურ პარტია,  რომელიც არ უნდა იყოს, გამარჯვების შანსი არ ექნება. ეს ჩვენ კარგად გვაქვს გააზრებული. ამიტომ ერთსულოვანი ვართ საერთო კანდიდატის დასახელებისას. მიმდინარეობს კონსულტაციები, ვინ იქნება გურიის რეგიონში ერთიანი ოპოზიციის კანდიდატი.  ალბათ, ათ დღეში გახდება ცნობილი.  _ თქვა მან. გიგი უგულავამ ჩამოაყალიბა მისეული  პოზიცია, თუ როგორი სქემით შეიძლება გაიმარჯვოს ოპოზიციამ.   ხაზი გაუსვა, რომ ცალკე ვერცერთი ოპოზიციური პარტია ვერ გაიმარჯვებს. 40 პროცენტს ვერ მოიპოვებს და  თქვა, რომ ასეთი შედეგის მოპოვება „ქართულ ოცნებასაც“ გაუჭირდება. _ჩვენი მოქალაქეების დაკვეთაა, ივანიშვილის და  მისი "ქართული ოცნების" პოლიტიკიდან წასვლა. ამაში ერთსულოვანია ქართული ოპოზიციაც.  ჭაობში ყოფნა და დარჩენა არ შეიძლება და ის უნდა შეიცვლოს ახლით, _ თქვა მან. „გურია ნიუსის“ კითხვაზე, რომელია ახალი პარტია და დღევანდელი ოპოზიციაც არის  თუ არა წარსული  და  ჭაობი, მან თქვა, რომ  ოპოზიციაშიც არის ახალი სახეები. თუმცა, როგორც ასეტი, პოლიტიკური პარტიები არსებობენ  მუდმივად  და ყოველდღე ახალ-ახალი  არ იქმნება. ხდება ბვრი რამის შეცვლა,  გადაფასება. _ჩვენ შევდივართ ახალ ეპოქაში. უნდა მოხდეს ეპოქალური ცვლილებები, სადაც იქნებიან კოალიციური გაერთიანებები და ხელისუფლებები ბატონები კიარ იქნებიან, ისინი იქნებიან მსახურები, ხალხის მსახურები _ განაცხადა  უგულავამ. _ ბატონო გიგი, თქვე ჩამოყალიბეთ  თქვენეული   ხედვა, ერთგვარი სქემა, რომლის წესის დაცვის შემთხვევაში, ოპოზიცია უთუოდ გაიმარჯვებს. ცალკე რომელიმე კი  _ვერა.   როგორია თქვენი პროგნოზი, მართლაც რომ  პრინციპით, „ძალა ერთობაშია“, გაერთიანდეს   მთელი ოპოზიცია , „ქართულ ოცნებას“ დაამარცხებთ ოქტომბერში? _თუ სწორად წარიმათა გათვალისწინებული და დაგეგმილი  საარჩევნო პროცესი,  კი. მე ინგა გრიგოლიასთან   სანაძლეოც მაქვს დადებული,  ციხიდან როცა ჩავერთე.  რომ 2012 წლის უკუპროპორციული  იქნება  ოქტომბერში ჩვენი გამარჯვება, _ ღიმილით გაიხსენა სანაძლეო უგულავამ. თუმცა რამდენად იქნება ეს სანაძლეო არგუმენტი ოქტომბერში ოპოზიცის გამარჯვებისა, ამას შემოდგომაზე ... ...
  • "ჩამევედი ბერიკაცი, რა ვქნა, ვერ ვჩერდები უგაზეთოდ" _ ერთგული მკითხველი "გურია ნიუსის" მოლოდინში85 წლის გურამ ჯინჭარაძე უკვე გავაცანით ჩვენს მკითხველს. იგი ჩოხატაურის მუნიციპალიტეტის სოფელ ბურნათში ცხოვრობს. სოფელი რაიონულ ცენტრს 10 კილომეტრითაა დაშორებული. მაშინ, როცა კორონავირუსის პანდემიის გამო გადაადგილება შეზღუდული იყო, ბატონმა გურამმა "გურია ნიუსის" წასაკითხად ეს გზა ფეხით გამოიარა. იგი დღეს ისევ ეწვია "გურია ნიუსის" ოფისს და მოუთმენლად ელოდება საყვარელ გაზეთს. "გრაფიკი თუ შეგეცვალათ, არ ვიცოდი და ჩამევედი აგერ ბერიკაცი, რა ვქნა, ვერ ვჩერდები უგაზეთოდ", _ გვითხრა ბატონმა გურამმა და გვთხოვა, თუ შეიძლება "ივლიტას ბიბლიოთეკაში" დაველოდები, თან წავიკითხავო.  "ძალიან მიყვარს კითხვა. ქართველი კლასიკოსები განსაკუთრებით. ცოტა ხნის წინ ილია ჭავჭავაძის ნაწარმოებები წავიკითხე, მერე _ ალექსანდრე ყაზბეგის, მგონი ყველაფერი. მარტო "მამის მკვლელი" ვერ ვნახე, ხომ ვერ დამეხმარებით?" _ გვითხრა ძალიან მორიდებულად და ჩვენც უარს როგორ ვეტყოდით თავაზიან და მადლიერ მკითხველს. მაშინ კი უნდა გენახათ მისი სიკეთით და სიხარულით გაბრწყინებული თვალები. "გურია ნიუსი" ჯანმრთელობას, ლამაზ დღეთა სიმრავლეს და დღეგრძელობას უსურვებს ბატონ ... ...
  • ექიმი კომაროვსკი: ჩაუდეთ ბავშვს ნაყინიანი კოვზი პირში და დათვალეთ ათამდეცნობილი უკრაინელი პედიატრი ევგენი კომაროვსკი მშობლებს მოუწოდებს ბავშვებს ნაყინი აუცილებლად აჭამონ და თავი არ შეიკავონ მხოლოდ იმის გამო, რომ ის ცივია. „ნაყინი აუცილებლად უნდა ჭამოთ, მეტიც, რეგულარულად უნდა მიირთვათ. არაერთხელ მითქვამს, რომ პირის ღრუს ადგილობრივი იმუნიტეტისთვის, ცივის ზემოქმედება ნუშურა ჯირკვლებზე ნამდვილად საჭიროა. თვეში ერთხელ ნაყინის ჭამა არ შეიძლება, ის რეგულარულად უნდა მიირთვათ”, – ამბობს ექიმი. ასევე, კომაროვსკი რჩევას აძლევს მათ, ვინც აპირებს რომ ამ სეზონზე პატარას პირველად გაასინჯოს ნაყინი. “შეიძინეთ თეთრი პლომბირი და ბავშვს დღეში 3-ჯერ ჩაის კოვზით მიეცით, ოღონდ მაშინვე ნუ ჩაყლაპავს. ჩაუდეთ ნაყინიანი კოვზი პირში და დათვალეთ ათამდე, ამის შემდეგ ჩაყლაპოს. მომდევნო დღეს ორ-ორი ჩაის კოვზი მიეცით და ასე შემდეგ. ცივის რეგულარული ზემოქმედება ქრონიკულ ტონზილიტს შველის“, – ამბობს ექიმი კომაროვსკი. წყარო: ... ...
  • საქართველოს ბანკი ღვინის სექტორის მხარდაჭერას განაგრძობსსაქართველოს ბანკი ბიზნესის მხარდაჭერას განაგრძობს. ბანკის ფინანსური თანამონაწილეობით და ევროპის საინვესტიციო ბანკის ჩართულობით კომპანია „ყვარლის სარდაფმა“ კახეთში ვენახის გაშენებისა და ახალი ტექნიკის შეძენის მიზნით ინვესტიცია განხორციელა.   საწარმო ყვარლის რაიონის სოფელ ახალსოფლის ტერიტორიაზე, სოფელ ჭიკაანის მიმდებარედ,  ქინძმარაულის მიკრო ზონაში მდებარეობს. კომპანია ევროპული სტანდარტების შესაბამის, მაღალი ხარისხის ღვინოს აწარმოებს. კომპანია „ყვარლის სარდაფმა“  2007 წლიდან დღემდე შეძლო მსოფლიო ბაზარზე  დამკვიდრებულიყო,  როგორც ხარისხზე ორიენტირებული, სტაბილური ღვინის მწარმოებელი კომპანია. კომპანიის წარმოებული ღვინოები იყიდება ევროპისა და ყოფილი საბჭოთა კავშირის მრავალ ქვეყანაში, მაგრამ ორგანიზაციის სტრატეგიული ამოცანაა გაყიდვების დივერსიფიკაცია. კომპანია  აქტიურ მოლაპარაკებებს აწარმოებს ღვინოების დამატებით სხვა ქვეყნებში, მათ შორის ამერიკაში რეალიზაციასთან დაკავშირებით.   ორგანიზაციამ 2007 წლიდან დღემდე  გაიარა განვითარების გრძელი და რთული გზა.  ღვინის მაღალი ხარისხის, სტაბილურობისა და სანდო პარტნიორული ურთიერთობების გამო ორგანიზაციამ მოიპოვა დიდი ნდობა მომხმარებლებს შორის, გაიზარდა გაყიდვების რაოდენობა, ღვინოს დაემატა კონიაკისა და არყის წარმოება  და 100 000 ბოთლის ნაცვლად დღეს უკვე გაყიდვებმა  4-დან 5-მილიონ ბოთლამდე შეადგინა. პროექტი ითვალისწინებს იტალიური ნერგების ჩამოტანას და გაშენებას 20 ჰექტარზე, დამატებით  ხდება ჭაბურღილის მომზადება იტალიური წვეთოვანი სისტემის მოსაწყობად და  გვალვისგან დასაცავად. პროექტის ფარგლებში ასევე ხორციელდება ტექნიკის შესყიდვა. პროექტის ჯამური საინვესტიციო მოცულობა 1 500 000 ლარია. ვენახის გაშენების პროცესში და შემდგომ აგროტექნიკურ მოვლით სამუშაოებში   სხვადასხვა ეტაპზე ჯამში 100 ადამიანზე მეტი დასაქმდება. კომპანია მიღწეული შედეგების გაუმჯობესებას და ქართული ღვინის კიდევ უფრო მეტ ქვეყანაში პოპულარიზაციას გეგმავს. „საქართველოს ბანკისთვის მნიშვნელოვანია ეკონომიკურად გამართული პროექტების დაფინანსება, რადგან წარმატებული კერძო სექტორი, ქვეყნის ეკონომიკის განვითარების წინაპირობაა. ღვინისა და ალკოჰოლური სასმელების ბიზნესი საქართველოში ერთ-ერთი ყველაზე მომგებიანი დარგია.  ამიტომ, მიგვაჩნია რომ მნიშვნელოვანია მხარი დავუჭიროთ სექტორს და წავახალისოთ ის. ამ კონკრეტულ პროექტში ბანკის მხრიდან გაცემული დაფინანსება მოხმარდა ვენახის ავტომატიზირებულ, თანამედროვე სისტემებით    აღჭურვას. ვფიქრობთ, საქართველოს ბანკისა და „ყვარლის სარდაფის“ პარტნიორობის შედეგად განხორციელებული ინვესტიცია მნიშვნელოვნად შეუწყობს ხელს კომპანიის სამომავლო განვითარებას, უფრო მეტი სამუშაო ადგილების შექმნასა და ალკოჰოლური სასმელების ინდუსტრიის ბრუნვის ზრდას“,- განაცხადა ზურაბ ქოქოსაძემ საქართველოს ბანკის კორპორაციული საბანკო მიმართულების ხელმძღვანელმა. ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ყველაზე, ყველაზე...

იცი თუ არა გეოგრაფია

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...