გახმაურებული სპეცოპერაციის ირგვლივ ბევრი ბუნდოვანი კითხვის ნიშანი გაჩნდა

ჟურნალისტური გამოძიება

გახმაურებული სპეცოპერაციის ირგვლივ ბევრი ბუნდოვანი კითხვის ნიშანი გაჩნდა

31 იან. 2011, 11:18:26
სამართალდამცავებმა ძებნილი დავით ქადეიშვილის ლიკვიდაცია მისსავე სოფელში, ოზურგეთის მუნიციპალიტეტის სოფელ შრომაში მოახდინეს. როგორც "გურია ნიუსთან" საუბარში სოფელ შრომის რწმუნებული ზურაბ მჟავანაძე ამბობდა, ქადეიშვილი 4 იანვარს, დილის საათებში,  შრომაში ერთ-ერთ ოჯახში შევარდა და ბიძის (მამიდას ქმრის) ძმისშვილის ცოლი დაჭრა. ქადეიშვილმა დააპირა, რომ ოზურგეთის პოლიციის უფროსისთვის ესროლა, მაგრამ ვერ მოასწრო და ხელში დაიჭრა. მჟავანაძისვე თქმით, დაჭრილმა მაინც მოახერხა პოლიციელების მისამართით გასროლა, რა დროსაც მას სასიკვდილო ტყვია მოხვდა.
"გამოძახების ადგილზე მისვლის შემდეგ, დაზარალებულ ქალბატონს გაეწია პირველადი დახმარება, შემდეგ კი საავადმყოფოში გადმოვიყვანეთ. მას სასწრაფო ოპერაცია ჩაუტარდება, "_ ამბობდა მომხდარიდან რამდენიმე წუთში ოზურგეთის სასწრაფო სამედიცინო სამსახურის მორიგე ექიმი. მოგვიანებით კი, "გურია ნიუსს" რაიონული ცენტრალური საავადმყოფოს მორიგემ ექიმმა ლია გოგოტიშვილმა უთხრა, რომ სასუნთქ აპარატზე მიერთებული დაჭრილის მდგომარეობა კრიტიკული იყო. იგი. ქუთაისში გადაიყვანეს და მისი ჯანმრთელობის მდგომარეობა მძიმე რჩებოდა.

დაჭრილის ოჯახის წევრების განცხადებები
დაჭრილის მამამთილი ამბობს, რომ ქადეიშვილმა მისი რძალი დაჭრა და მიიმალა, პოლიცია კი დაახლოებით ერთი საათის შემდეგ მოვიდა.
_ საპირფარეშოსთან მივედით მე და ორი პოლიციელი. ქადეიშვილი გამოვარდა და მითხრა, რომ გვერდზე გავსულიყავი, რის შემდეგაც გაისროლა პოლიციელების მისამართით, თუმცა, სამართალდამცავებმა მისი ლიკვიდაცია მოახერხეს, _ ირწმუნებოდა დაჭრილის მამამთილი.
დაზარალებულის დედამთილი ამტკიცებს, რომ ქადეიშვილმა მათ საცხოვრებელ სახლში 15 ტყვია გაისროლა: _ ახლაც ვერ ვხვდები, რატომ დაჭრა ჩემი რძალი. არანაირი ცუდი ურთიერთობა არ გვქონდა მასთან, კარგად არც ვიცნობდით, _ გვითხრა მან.
"გურია ნიუსის" წყაროს ინფორმაციით, დავით ქადეიშვილი, სანამ კუტოღლიანის ოჯახში მივიდოდა, მანამ სხვა ოჯახში იმყოფებოდა, სადაც ხელყუმბარა გავარდნია, რის შემდეგაც დაჭრილი და ფეხშიშველი,  ნათესავის სახლში მისულა. რატომ ესროლა ახალგაზრდა ქალს ქადეიშვილმა, ან მან ესროლა თუ არა, ამ კითხვებზე პასუხი, ჯერჯერობით, გაუცემელია. არაოფიციალური ინფორმაციით, სწორედ დაჭრილმა ქალბატონმა მოახერხა პოლიციისთვის ეცნობებინა, თუ რა ხდებოდა მის ოჯახში.

შსს ოფიციალური განცხადება
შინაგან საქმეთა სამინისტრომ,  სპეცოპერაციიდან რამდენიმე საათში,  განცხადება გაავრცელა:  "2011 წლის 4 იანვარს, შინაგან საქმეთა სამინისტროს გურიის სამხარეო მთავარ სამმართველოს დაუკავშირდა სოფელ შრომის მკვიდრი, რომელმაც განაცხადა, რომ მასთან სახლში იმყოფებოდა პოლიციის მიერ ძებნილი დავით ქადეიშვილი. მოგვიანებით გაირკვა, რომ დავით ქადეიშვილი იმყოფებოდა მისი ნათესავის კუტოღლიანი-მიშკინას ბინაში,  სადაც ის მივიდა დახმარების თხოვნით. თუმცა, უარის მიღების შემდეგ, მას მოუვიდა კონფლიქტი მისსავე ნათესავთან და კუტოღლიანი-მიშკინასი დაჭრა მუცლის არეში ავტომატური ცეცხლსასროლი იარაღიდან გასროლით, რის შემდეგაც ოჯახის წევრებმა მოახერხეს პოლიციასთან დაკავშირება. ადგილზე მისულ პოლიციას დავით ქადეიშვილმა გაუწია შეიარაღებული წინააღმდეგობა, არ დაემორჩილა სამართალდამცველების კანონიერ მოთხოვნას, ჩაბარებოდა პოლიციას და ავტომატური ცეცხლსასროლი იარაღიდან გახსნა ცეცხლი პოლიციის მიმართულებით. ორმხრივი სროლის შედეგად, სამწუხაროდ, დავით ქადეიშვილი გარდაიცვალა. რაც შეეხება დაჭრილ კუტოღლიან-მიშკინას, იგი გადაყვანილია საავადმყოფოში, სადაც მას ჩაუტარდა ქირურგიული ოპერაცია", _ აღნიშნულია ოფიციალურ განცხადებაში.
ასევე ოფიციალური ინფორმაციით, დავით ქადეიშვილი შემდეგი დანაშაულობების ჩადენისთვის იძებნებოდა: 2008 წლის აგვისტოში, ოზურგეთის რაიონის სოფელ შრომაში მცხოვრებ მალხაზ მჟავანაძის საცხოვრებელი სახლის ავტომატური ცეცხლსასროლი იარაღით დაყაჩაღება; 2008 წლის აგვისტოში ოზურგეთის რაიონის სოფელ შრომაში მცხოვრებ ავთანდილ გელაშვილის მკვლელობის მცდელობა; 2009 წლის 29 დეკემბერს, ოზურგეთის რაიონის დაბა ურეკის ტერიტორიაზე ბენზინგასამართი სადგური "ვისოლის" დაყაჩაღების ფაქტი; იმავე დღეს, ოზურგეთის რაიონის სოფელ შრომაში მცხოვრებ ავთანდილ კუგასიანისაგან ავტომატური ცეცხლსასროლი იარაღით ფულის გამოძალვა და ავტომანქანის გატაცება; 2010 წლის 7 იანვარს ოზურგეთის რაიონის სოფელ შრომაში მცხოვრებ მიხეილ მჟავანაძის საცხოვრებელი სახლის ავტომატური ცეცხლსასროლი იარაღით დაცხრილვა; ამავე სოფლის საჯარო სკოლისა და სკოლის ავტობუსის ავტომატური ცეცხლსასროლი იარაღით დაცხრილვა; ყაჩაღობის მიზნით, ამავე სოფელში მდებარე მაღაზიის ავტომატური ცეცხლსასროლი იარაღით დაცხრილვა; სოფელ შრომაში მცხოვრებ სიმონ კუგასიანის საცხოვრებელი სახლის ავტომატური ცეცხლსასროლი იარაღით დაყაჩაღება; ამავე სოფელში მცხოვრებ ზურაბ მჟავანაძის ოჯახზე ყაჩაღური თავდასხმა და მისი კუთვნილი ავტომანქანა "ნივას" გატაცება; 2010 წლის 15 დეკემბერს ავტომატური ცეცხლსასროლი იარაღით შეიარაღებული თავს დაესხა ოზურგეთის რ-ნის სოფ. თხინვალში მცხოვრებ, 1957 წ.დ. თედორე გიორგის ძე ხურციძის ოჯახს და შურისძიების მოტივით, ავტომატიდან გასროლით მოკლა მამა-შვილი _ 1957 წელს დაბადებული თედორე და 1980 წელს დაბადებული თედორე და ირაკლი ხურციძეები, ასევე დაჭრა ირაკლი ხურციძის მეუღლე _ 1985 წელს დაბადებული ქეთინო აშუბა და შვილი _ 10 თვის გიორგი ხურციძე.
შინაგან საქმეთა სამინისტრომ ქადეიშვილზე ძებნა და მისი ადგილსამყოფელის შეტყობინების სანაცვლოდ ჯილდო _ 10 000 ლარი, 2010 წლის 15 დეკემბერს, ოზურგეთის მუნიციპალიტეტის სოფელ თხინვალში მომხდარი მკვლელობის შემდეგ გამოაცხადა. თუმცა, ვინ მიიღებს სამინისტროს მიერ დაწესებულ ჯილდოს, ამ ეტაპზე უცნობია.

რა ვერსიებზე საუბრობენ შრომაში
მომხდარის შესახებ აბსოლუტურად სხვადასხვა ვერსიები ვრცელდება. როგორც "გურია ნიუსს" ოზურგეთის მუნიციპალიტეტის სოფელ შრომაში უთხრეს, არ სჯერათ შინაგან საქმეთა სამინისტროს მიერ გავრცელებული ინფორმაციის: _ ბილ ლადენებს იჭერენ და არ ჰკლავენ. ყველა გაოცებულნი ვართ _ დავითი სპორტსმენი და საკმაოდ მოწესრიგებული ახალგაზრდა იყო. ჩვენს განცვიფრებას ისიც იწვევს, რამ მიიყვანა იგი ამ ზომამდე, რატომ მიიღო ეს გადაწყვეტილება. სხვას ვერაფერს ვიტყვი იმიტომ, რომ სოფლის მოსახლეობის უმრავლესობა ამ ოჯახს კარგად ახასიათებს. ძალიან ბევრი ისეთი რამ დააბრალეს, რაც არ ჩაუდენია, _ გვითხრა ერთ-ერთმა მოქალაქემ.
_ რას გულისხმობთ _ რა დააბრალეს და რა არ ჩაუდენია?
_ მან თავისი ნათესავები დააყაჩაღაო. ხურციძეებს ვგულისხმობ. თუმცა, ამბობენ, რომ მათ კარგი ურთიერთობა ჰქონდათ. ეს ოჯახი იფარებდა გარკვეული დროით, მაგრამ შემდეგ რა მოხდა, ვერ გეტყვით. საერთოდ, ამდენ ხანს ძიებაში იყო ეს ადამიანი და სოფელს იქეთ არ წასულა. თუ სოფელში იყო, რატომ არ მოხდა მისი ნორმალურად აყვანა?! რა შეიარაღებული ან მიუკარებელი ის იყო, რომ ვერ მოხერხდა მისი დაკავება? გასვენებაშიც ვიყავი, მაგრამ არც მამა იყო იქ და არც მისი ძმა, რომლებიც დაჭერილები არიან. ხომ შეიძლებოდა, ერთი საათით მიეყვანათ იქ, თავისი შვილის და ძმის დასაფლავებაზე? როგორც ხმა გავრცელდა, დათას ძმა ნერვიულობის ნიადაგზე ცუდად არის. როგორც თქვეს, დიაბეტით დაავადდა. 
_ ამბობენ, რომ მოკვლამდე მას ხელყუმბარა აუფეთქდა და დაიჭრა.
_ პირველად გავრცელდა ვერსია, რომ ის ღამეს ათევდა ერთ-ერთ ნაცნობთან და ხელყუმბარა გაუვარდა ხელიდანო. შიშის გამო. ყური დაუზიანდა და როცა გამოვიდა გარეთ, უკვე ალყაში იყოო. მეორე ვერსიით, იმ ოჯახიდან წავიდა კუტოღლიანებთან, რის შემდეგაც გახორციელდა ზარი შინაგან საქმეთა სამინისტროში და ურეკის პოლიცია ამოვიდა უმალვეო. როგორც ვიცით, ის უკვე გარდაცვლილი იყო პოლიციის ასვლამდე. გავრცელდა ხმა, რომ ცხედარი იყო ნაწამები, ძვლები დამტვრეული ჰქონდაო.
_ თქვენ ფიქრობთ, რომ გარდაცვლილი აწამეს?
_ სხვადასხვა ვერსიები არსებობს, ურთიერთგამომრიცხავი. სამწუხაროდ, სიმართლის მოძიება გაჭირდება.
_ თქვენ აქ ცხოვრობთ. გაგიგიათ რომ სკოლა და სკოლის ავტობუსი დაიცხრილა? ამ ინფორმაციას შინაგან საქმეთა სამინისტრო ავრცელებს.
_ რასაც ავრცელებდნენ ტელევიზიები ქადეიშვილზე, ბევრი შეთითხნილი, გამუქებული და არარეალური იყო, რომ ბრალდება უფრო საფუძვლიანი გამოსულიყო და შემდეგ ქადეიშვილის ლიკვიდაცია მომხდარიყო.
შრომაში მცხოვრები 74 წლის მამაკაცი, რომლის ვინაობას წინა რესპონდენტის მსგავსად, შეგნებულად არ ვასახელებთ, ამბობს, რომ დათა ქადეიშვილი კარგი სპორტსმენი იყო და კარგი მომავალი ჰქონდა.
_ მის ძმაზე რას გვეტყვით?
_ ისიც კარგი სპორტსმენია.
_ გაგიგიათ სკოლის დაცხრილვის შესახებ?
_ არაფერი არ ვიცი. ამბობენ, რომ დაცხრილაო, მაგრამ, მივედი, ვნახე და დაცხრილული არაფერი შემინიშნავს. არ გვჯერა ჩვენ პოლიციის ვერსიების.
სოფელში ამბობენ, რომ მსგავსი ტრაგედიის მომსწრენი არასოდეს ყოფილან და დათა ქადეიშვილის მსგავსი ფიზიკური მონაცემების მქონე ახალგაზრდა იშვიათიაო. რაც შეეხება ქადეიშვილის მამას და ძმას, ისინი კვლავ პატიმრობაში რჩებიან. მოკლულის დედა ითხოვს, რომ შეიწყალონ მისი ქმარ-შვილი, რომლებიც, მისი თქმით, არანაირ კავშირში არ არიან დავით ქადეიშვილის დანაშაულობებთან.

რატომ დააკავეს მოკლულის მამა
დაკავებულის მეუღლე ფოთოლა მხეიძე 2010 წლის 4 თებერვალს "გურია ნიუსთან" საუბარში ამბობდა, რომ მისი უფროსი შვილი დათა ძებნაში იყო, სახლში ჩატარებული ჩხრეკის და მუქარის შემდეგ კი, მისი უმცროსი შვილიც გაუჩინარდა: _ დათოს და ლაშას მთელი სოფელი იცნობს. პატიოსნად გავზარდე, ორივე სპორტსმენია. წელიწადნახევარია, დათა ძებნაშია _ბრალად ყაჩაღობა ედება. ვერ დავიჯერებ, რომ ჩემმა შვილმა დანაშაული ჩაიდინა. ახლახან, შრომაში მომხდარი ყაჩაღობის შემდეგ, პოლიციის თანამშრომლები კიდევ შემოვიდნენ ჩემს ოჯახში, ჩაატარეს ჩხრეკა, ეზოში "აღმოაჩინეს" გეკოს ტყვიები და კონვერტში ჩადებული მაჩვენეს. მსგავსი ტყვიები და შესაბამისი იარაღი ჩემს ოჯახში არასოდეს ყოფილა. მთელი ოჯახი ამოსაწყვეტი და დასაწვავი ხართო, ასე მითხრა ერთ-ერთმა პოლიციელმა, რომელიც დაბა ურეკის პოლიციაში მუშაობს. მისი სახელი არ ვიცი. რატომ დაამცირეს და შეურაცხჰყვეს ჩემი ოჯახი, როცა ჯერ გამოძიებული არაფერი აქვთ? მეუღლე ციხეში მყავს, ერთი შვილი იძებნება, მეორის ნახვა სანატრელი გამიხდა. დაღამების მეშინია, მარტო არ მოვკვდე და ძაღლებმა არ შემჭამონ. ყველაფერი ამ უბედურებასთან ერთად ერთად, ჩემი ეზო დაიმეწყრა, არაფერი აღარ შემომრჩა, თავი რომ გავიტანო, _ ამბობდა "გურია ნიუსთან" საუბარში  ფოთოლა მხეიძე.
ქადეიშვილის პატიმრობაში აყვანის შესახებ, ოჯახმა სამი დღის შემდეგ შეიტყო.
"გურია ნიუსი" 14 იანვარი, 2010 წელი: "7 იანვარს გამთენიისას, სამართალდამცავებმა ოზურგეთის მუნიციპალიტეტის სოფელ შრომის მკვიდრი დათა ქადეიშვილი დააკავეს. სწორედ ამ დღეს მოხდა ყაჩაღური თავდასხმა აღნიშნული სოფლის გამგებლის ზურაბ მჟავანაძის ოჯახზე.
დათა ქადეიშვილი პოლიტიკური ორგანიზაცია "მოძრაობა სამართლიანი საქართველოსთვის" პარტიის სოფელ შრომის კოორდინატორი იყო. დაპატიმრებიდან სამი დღის განმავლობაში, ოჯახის წევრებს და ნათესავებს მისი ადგილსამყოფლის შესახებ, არანაირი ინფორმაცია არ გააჩნდათ, რადგან დაკავების შემდეგ, ქადეიშვილს არ მიეცა საშუალება, ოჯახს ან ნათესავებს დაკავშირებოდა. ბრალდებული ბათუმის ციხეში გადაიყვანეს და მხოლოდ სამი დღის შემდეგ აუყვანეს ადვოკატი.
პოლიტიკური ორგანიზაციის "მოძრაობა სამართლიანი საქართველოსთვის" გურიის რეგიონულ ოფისში ეჭვობდნენ, რომ ეს სიმართლეს არ შეესაბამებოდა.  რადგან ყაჩაღობის დროს უმცროსი ვაჟი საავადმყოფოში იმყოფებოდა _ მას დაზიანებული ჰქონდა ყბის ძვალი და მკურნალობდა. მათი მოსაზრებით, დათა ქადეიშვილი შვილების გამო გახდა მძევალი. გასათვალისწინებელია ისიც, რომ ქადეიშვილის აყვანის დროს, პოლიციელებმა მას "ქვეყნის მოღალატე" უწოდეს. როგორც ჩანს, პოლიტიკური მოღვაწეობის გამო მოექცნენ ასე".
"გურია ნიუსისთვის" ცნობილი გახდა, რომ მოკლულ დავით ქადეიშვილს გულის ჯიბეში ლოცვანი და საქართველოს კათალიკოს-პატრიარქის ილია მეორის მიერ დაწერილი ლექსი ედო.
ასევე, ჩვენი წყაროს ინფორმაციით, ქადეიშვილის ასაყვანად თბილისიდან სპეციალური დანიშნულების რაზმიც იყო ჩამოსული, თუმცა, მიუხედავად ამისა, მაინც ვერ მოახერხეს მისი ცოცხლად აყვანა.
შსს გურიის სამხარეო სამმართველოს პრესსამსახურის შეფმა მაია გიორგაძემ, როგორც ყოველთვის გვითხრა, ზურაბ გვენეტაძისთვის მიგვემართა: "ხომ იცით, რომ მე ვერაფერს ვერ გეტყვით. გვენეტაძეს მიმართეთ", _ გვითხრა სატელეფონო საუბარში გიორგაძემ.




 ახალი ამბები
  • "ოთახში ბავშვის ტირილზე შევიდნენ და ეს მძიმი სურათი დახვდათ" _ ტრაგედია გორში საზარელი ტრაგედია მოხდა გორში - 22 წლის გოგო, საკუთარ დაბადების დღეს, საცხოვრებელ სახლში, ოჯახის წევრებმა გარდაცვლილი ნახეს. შემთხვევა რამდენიმე დღის წინ, სოფელ ფლავში მოხდა. ინფორმაცია "გურია ნიუსს"მერის წარმომადგენელმა აღნიშნულ ადმინისტრაციულ ერთეულში დაუდასტურა. "ოთახში ბავშვის ტირილზე შევიდნენ და ეს მძიმი სურათი დახვდათ",-განმარტავს ზაზა კორინთელი. რა გახდა 22წლის გოგოს გარდაცვალების ზუსტი მიზეზი, ამ დრომდე, უცნობია. გარდაცვლილს სამი თვის ბავშვი ... ...
  • ბრიფინგი „ევროპული საქართველოს“ ლანჩხუთის ოფისშილანჩხუთში „ევროპული საქართველოს“ ადგილობრივი ორგანიზაციის ხელმძღვანელობამ ბრიფინგი გამართა და მედიას პარტიის ახალი სახე წარუდგინა. „ჩვენს ადგილობრივ ორგანიზაციას შემოემატა ახალგაზრდა, განათლებული, ორი შვილი დედა ქალბატონი ხატია კესარელი, რომელიც დღეს მუშაობს შრომისუბნის საბავშვო ბაღის მასწავლებლის თანაშემწის პოზიციაზე. გარდა იმისა, რომ ქალბატონი ხატიას შემოსვლა ეფექტური და სასარგებლოა ჩვენი ორგანიზაციისთვის, ასევე აღსანიშნავია, რომ მისი ეს ნაბიჯი, ფაქტობრივად, გმირობის ტოლფასია. მივმართავ ყველა ლანჩხუთელს, ნუ შეეშინდებათ თავიანთი პოზიციის დაფიქსირება და პირობას ვაძლევთ, რომ მათი უფლებები დაცული იქნება", _ აღნიშნა ლანჩხუთის ორგანიზაციის ხელმძღვანელმა ირაკლი მარშანიშვილმა. ბრიფინგს საზოგადოებრივი ჯანდაცვის ცენტრის ყოფილი ხელმძღვანელი ლადო ჩხაიძეც ესწრებოდა, რომელიც „ევროპულ საქართველოსთან“ ერთად აქტიურადაა ჩართული წინასაარჩევნო კამპანიაში. როგორც ბრიფინგის მთავარმა გმირმა, ხატია კესარელმა თქვა, მისი ეს ნაბიჯი არ არის სპონტანური და დიდი ფიქრის შედეგად, სწორედ ამ ორგანიზაციის რიგებში წარმოუდგენია საკუთარი თავი: „მივიღე გადაწყვეტილება ჩავერთო აქტიურ პოლიტიკაში და ჩემი თავი დავუკავშირე ევროპული საქართველოს ლანჩხუთის ორგანიზაციას. ეს ნაბიჯი არ არის სპონტანური. დიდი ხნის ფიქრის შემდეგ სწორედ აღნიშნულ ორგანიზაციაში წარმომიდგენია ჩემი თავი, ვინაიდან ევროპული საქართველო არის არა ერთი რომელიმე კონკრეტული ლიდერის პარტია, არამედ ლიდერების პარტია სწორი ... ...
  • „ქართულ ოცნებას“ აქვს იმის შესაძლებლობა, რომ არანაირი კოალიციის შექმნის საჭიროება არ იყოსპარტია „ქართული ოცნება - დემოკრატიული საქართველო“ არის ერთადერთი ძალა საქართველოში, რომელსაც აქვს იმის შესაძლებლობა, რომ არჩევნები ძალიან მაღალი შედეგით დაასრულოს, ისე რომ არანაირი კოალიციის შექმნის საჭიროება არ იყოს, - ამის შესახებ ჟურნალისტებს პარტიის გენერალურმა მდივანმა, კახა კალაძემ განუცხადა,. მან კომენტარი მიხეილ სააკაშვილის მორიგ განცხადებაზე გააკეთა და აღნიშნა, რომ საპარლამენტო არჩევნების შემდეგ კოალიციური მთავრობის შექმნის არ სჯერა. „ზოგადად, მაგაში ვეთანხმები, არც მე მჯერა კოალიციური მთავრობის და ამის აუცილებლობა არ არის ნამდვილად. პოლიტიკური პარტია „ქართული ოცნება - დემოკრატიული საქართველო“ არის ერთადერთი ძალა საქართველოში, რომელსაც აქვს იმის შესაძლებლობა, რომ არჩევნები ძალიან მაღალი შედეგით დაასრულოს, ისე რომ არანაირი კოალიციის შექმნის საჭიოროება არ იყოს“, - აღნიშნა კალაძემ. მისივე თქმით, „ქართული ოცნების“ მთავარ კონკურენტად „ნაციონალური მოძრაობას“ არ განიხილავს. „ჩვენ არ ვფიქრობთ, რომ „ნაციონალური მოძრაობაა“ მთავარი კონკურენტი დღეს. ქვეყანაში ბევრი პოლიტიკური პარტიაა, ბევრი ადამიანია, რომელსაც აქვს განსხვავებული შეხედულებები და ეს პოლიტიკური პლურალიზმი ქვეყნის დემოკრატიული განვითარებისთვის მხოლო და მხოლოდ წინგადადგმული მაბიჯია. დანარჩენი ხალხსა და საზოგადოებაზეა დამოკიდებული, თუ რამდენი პოლიტიკური პარტია, კონკრეტულად ვინ შევა 2020 წლის პარლამენტში“, - განაცხადა კალაძემ. ... ...
  • არჩილ თალაკვაძე: მიხეილ სააკაშვილის მთავარი კონკურენტი არის მისი წარსული„მიხეილ სააკაშვილის მთავარი კონკურენტი არის მისი წარსული, დღეს თვითონ ოპოზიცია ფიქრობს, რომ ის არის ოპოზიციის ბორბალში ჯოხივით და სწორედ ამიტომ არის, რომ თავის კოლეგებს  შორის, თანაგუნდელებს შორის, დიდ აგრესიას და კრიტიკას იმსახურებს", - ასე ეხმაურება საქართველოს პარლამენტის თავმჯდომარე ყოფილი პრეზიდენტის, მიხეილ სააკაშვილის განცხადებას.  „ჩვენი საქმე ეს არ არის. ჩვენ არ გვაქვს ახლა დრო მიხეილ სააკაშვილზე ვიფიქროთ და მასზე ვისაუბროთ, ჩვენთვის არის მნიშვნელოვანი საქმე, მომავალი და ის ურთიერთობა და ნდობა, რომელიც ჩვენ გვაქვს საზოგადოებასთან",- განაცხადა არჩილ თალაკვაძემ.  (R)   ... ...
  • ,,სტრატეგია აღმაშენებელი"-გიორგი ვაშაძემ დღეს იმერეთში ოფისები გახსნაგიორგი ვაშაძემ დღეს წყალტუბოში, ხონში, სამტრედიასა და ვანში სტრატეგია აღმაშენებელის" ოფისები გახსნა. შეხვდა ადგილობრივ მოსახლეობას და მათ ,, სტრატეგია აღმაშენებელის" საარჩევნო პროგრამა გააცნო. პოლიტიკურ გაერთიანებას ოპოზიციური ინტერესებიდან გამომდინარე 2020 წლის საპარლამენტო არ ჰყავს მაჟორიტარი კანდიდატები. ,, ჩვენთვის მთავარი არის დავძლიოთ სიღარიბე და უმუშევრობა. სწორედ ,,სტრატეგია აღმაშენებელს" აქვს დეტალურად გაწერილი გეგმა, როგორ უნდა შევქმნათ 300 000 სამუშაო ადგილი, გავანახევროთ სესხის პროცენტი და მინიმუმ, 50 პროცენტით შემცირდეს წამლის ფასი."-განაცხადა სამტრედიაში ოფისის გახსნის დროს,,გურია ნიუსთან" კომენტარში გიორგი ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...