მაღალჩინოსნები და ბიზნესმენები დასაკითხ პირთა სიაში _ რა ეტაპზეა ლისის ტბის საქმის გამოძიება

ჟურნალისტური გამოძიება

მაღალჩინოსნები და ბიზნესმენები დასაკითხ პირთა სიაში _ რა ეტაპზეა ლისის ტბის საქმის გამოძიება

30 მარ. 2017, 00:44:29

ფინანსური პოლიციის და ხელისუფლების ყოფილი მაღალჩინოსნები, ნოტარიუსები, ბიზნესპარტნიორები, ჯამში, დაახლოებით, 10-მდე ადამიანის დაკითხვას ითხოვს მთავარი პროკურატურისგან ქონებაჩამორთმეული რამაზ ახვლედიანი. ლისის ტბის საქმეზე დაწყებული სისხლის სამართლის გამოძიების შედეგები, კი ამ დრომდე არ დადებულა, საგამოძიებო უწყება არც დასაკითხ პირთა და არც გამოძიების შედეგების შესახებ ინფორმაციას არ ამხელს.

რამაზ ახვლედიანმა თავის უფლებადამცველებთან ერთად, დღეს, ლისის ტბის საქმეზე მიმდინარე გამოძიებისა შედეგების შესახებ მედიასთან ისაუბრა. როგორც შეხვედრისას აღინიშნა, ხელისუფლებამ 2012 წლის შემდეგ სამართლიანობის აღდგენის პროცესში, საეტაპო ნაბიჯები გადადგა (ამნისტია, ცვლილებები სისხლის სამართლის კოდექსში, პოლიტიკურად მოტივირებული განაჩენების გადახედვა, სხვა), თუმცა მოცემულ ეტაპზე საჭიროა ქმედითი და შედეგზე ორიენტირებული გადაწყვეტილებები, რადგანაც გახმაურებულ, ქონების დათმობის რეზონანსულ საქმეებზე, მთავრობის შესაბამისი სამინისტროები (საქართველოს ეკონომიკისა და მდგრადი განვითარების სამინისტრო), სასამართლოები ადამიანის უფლებების აღდგენის საწინააღმდეგო გადაწყვეტილებებს მიღებენ.

შეგახსენებთ, რომ „გურია ნიუსმა“ აღნიშნულ საქმესთან დაკავშირებით ჟურნალისტური გამოძიება ცოტა ხნის დაიწყო. ჩვენს მიერ მოპოვებული და გამოქვეყნებული დოკუმენტაციიდან ირკვევა, რომ 2006 წელს, რამაზ ახვლედიანს საკუთრებაში არსებული ლისის ტბის მიმდებარე ტერიტორია იძულებით, ზეწოლით დაათმობინეს ფინანსური პოლიციის ყოფილი უფროსის კაბინეტში, თუმცა, ეს გარემოება სასამართლომ არ გაითვალისწინა და მტკიცებულებად არ მიიღო წერილი, რომელიც მას, როგორც თვითონ ამბობს, იძულებით დააწერინეს პრეზიდენტის სახელზე. წერილის მიხედვით, ახვლედიანი თმობდა საკუთრებაში არსებულ, უკვე გამოსყიდულ ქონებას, სანაცვლოდ კი, მას კომპენსაცია უნდა მიეღო. თუმცა, დღემდე არც კომპენსაცია მიუღია და ქონებაც ვერ დაიბრუნა.

ბიზნესმენის განცხადებიდან მე-6 დღეს, 2006 წლის 10 ნოემბერს, ყოფილმა პრეზიდენტმა, მიხეილ სააკაშვილმა გამოსცა ახალი განკარგულება და 1999 წელს რამაზ ახვლედიანის მიერ შეძენილი და 2006 წელს კი პრეზიდენტის განკარგულებითვე გადაცემული ქონება ჩამოართვა.

საქმეში იკვეთება შპს ლისი ლეიქ დეველოპმენტისა და შპს ფროფერთი დეველოპმენტ ჰოლდინგის პარტიონრების მხრიდან შესაძლო არაკეთილსინდისიერება, განსაკუთრებით, მამუკა ხაზარაძის მხრიდან, რომელიც რამაზ ახვლედიანის მოქმედი და ყოფილი პარტნიორია და მათ დაგეგმილი ჰქონდათ ერთად გაეუმჯობესებიათ ლისის ტბისა და მიმდებარე ტერიტორიის მდგომარეობა“, _ აცხადებს რამაზ ახვლედიანის ინტერესების დამცველი „ახალგაზრდა ადვოკატების“ ხელმძღვანელი არჩილ კაიკაციშვილი.

„ახალგაზრდა ადვოკატების“ მტკიცებით, საქმის მასალებიდან დგინდება, რომ ქონების ჩამორთმევის საკითხი მტკივნეული აღმოჩნდა მხოლოდ რამაზ ახვლედიანისათვის, მამუკა ხაზარაძე კი, დღემდე სადავო ქონების თაობაზე დუმს. რამაზ ახვლედიანმა საქართველოს პროკურატურას, მათ შორის მამუკა ხაზარაძის მოწმის სახით დაკითხვის მოთხოვნით უკვე მიმართა.

გარდა ამისა, ახვლედიანი ითხოვს დაიკითხოს გიორგი ხიზანიშვილი, რომელიც საქმიანობდა განსაკუთრებით მნიშვნელოვან საქმეთა სამმართველოს II განყოფილების უფროსის პოზიციაზე.

როგორც რამაზ ახვლედიანი ამბობს, სწორედ აღნიშნული პიროვნების მხრიდან მის მიმართ, სისტემატურად ხორციელდებოდა სატელეფონო ზარები და ისმოდა მოთხოვნა უძრავი ქონების გადაფორმებასთან დაკავშირებით. სწორედ გ. ხიზანიშვილის ასეთი მორიგი ზარის საფუძველზე.

ბიზნესმენის თქმით, ხიზანიშვილმა დაიბარა ის მაშინდელ ფინანსურ პოლიციაში, სადაც იძულებით დააწერინეს განცხადება თბილსიის მერიისა და საქართველოს მთავრობის მიმართ ლისის ტბის უძრავი ქონების დათმობასთან დაკავშირებით.

ახვლედიანი ასევე ამბობს, რომ უნდა დაიკითხოს ფინანსური პოლიციის ყოფილი უფროსის ყოფილი მოადგილე მერაბ გელოვანი. ახვლედიანი აღნიშულ პირთან დაკავშირებით განმარტავს, რომ ის დახვდა მას ფინანსურ პოლიციაში, მიაყენა სიტყვიერი და ფიზიკური შეურაცხყოფა, მიაყენა კედელთან, დაემუქრა ოჯახის წევრებისა და ახლობელი ნათესავების დაპატიმრებით და უთხრა, რომ ასრულებდა დავით კეზერაშვილის დავალებას.

გარდა ამისა, მითხრა, რომ იმავე დღეს - 4 ნოემბრის ღამის 23:00 საათამდე თუ არ დავწერდი ქონების დათმობის შესახებ განცხადებას, დამიჭერდნენ არამხოლოდ მე, არამედ მერაბ გელოვანსაც, რადგანაც ქონების დათმობის მოთხოვნა მომდინარეობდა საქართველოს პრეზიდენტისგან.

გელოვანმა მაჩვენა ქალაქის ყოფილი არქიტექტორი დავით ახვლედიანი. შენობაში ასევე იმყოფებოდა ნოტარიუსი ზოიძე, რომელსაც წარსულში ჩემს მიმართ დამოწმებული ჰქონდა კომპანიის სადამფუძნებლო დოკუმენტაცია. გელოვანი მეუბნებოდა, რომ თუკი ხელს არ მოვაწერდი ქონების დათმობის განცხადებას, დაიჭერდა დავით ახვლედიანსაც და ნოტარიუს ზოიძესაც, თაღლითობის ბრალდებით და სხვა იმ პირებსაც, რომელიც მას დაბარებული ან დასაბარებელთა სიაში ჰყავდა“, _ ამბობს ახვლედიანი.

რამაზ ახვლედიანი ასევე აღნიშნავს, რომ აუცილებლად უნდა დაიკითხოს ჩოხელი (მისი სახელი რამაზ ახვლედიანს არ ახსოვს, ავტ.), რომელიც საქმიანობდა ფინანსურ პოლიციაში გამომძიებლის პოზიციაზე.

მისი თქმით, სწორედ ამ პიროვნების სამუშაო კაბინეტში შეიყვანეს, სადაც ხდებოდა ზეწოლა და ზემოქმედება ქონების დათმობის განცხადების დაწერაზე. ახვლედიანმა სწორედ ჩოხელის კარნახით შეადგინა განცხადების ის ტექსტი, რომლითაც ქონება დათმო.

გარდა ამისა, ახვლედიანი მთავარი პროკურატურისგან ითხოვს დაიკითხოს ნოტარიუსი ციური ბერიძე, რომელმაც სანოტარო მოქმედება შეასრულა.

ციური ბერიძესთან მიმიყვანეს ფინანსური პოლიციიდან, ღამის საათებში ფინანსური პოლიციის ავტომობილით და დაამოწმეს 4 ნოემბრის განცხადება. ბერიძემ მითხრა, რომ იმ ღამით, უკვექვეყნის მე-15 პატრიოტი ვიყავი“. ხიზანიშვილსაც კი უთხრა, „სად პოულობდა ამდენ პატრიოტს?!-“, _ ამბობს რამაზ ახვლედიანი, რომელიც გარდა ყოფილი მაღალჩინოსნებისა, საკუთარი ბიზნესპარტნიორების დაკითხვსაც ითხოვს.

რამაზ ახვლედიანის ინტერესების დამცველი ორგანიზაცია „ახალგაზრდა ადვოკატები“ აცხადებენ, რომ გამოძიებამ მამუკა ხაზარაძე უნდა დაკითხოს, ვინაიდან უნდა დადგინდეს, თუ რა ინფორმაციას ფლობდა რამაზ ახვლედიანის ბიზნეს-მოწილე და პარტნიორი იმ პროცესის შესახებ, რომელიც ქონების დათმობის პერიოდს უკავშირდება.

რამაზ ახვლედიანმა არაერთხელ სთხოვა მამუკა ხაზარაძეს, რომ ჩართულიყო და გარკვეულიყო საკითხში, თუ რამ გამოიწვია ხელისუფლების წარმომადგენელთა ასეთი აგრესიული მოქმედებები და ქონების დათმობის სურვილი, როდესაც განწყობა სახელმწიფოსთან მხარეებს გააჩნდათ სათანამშრომლო. ხაზარაძე მაშინ ირიბ პასუხს ამბობდა, რომ პრობლემების შემთხვევაში, ახვლედიანს დაიცავდა კონსტიტუცია.

მამუკა ხაზარაძის დაკითხვა ემსახურება მნიშვნელოვან იურიდიულ ინტერესს, ვინაიდან რამაზ ახვლედიანის მიმართ ქონების დათმობის შემდეგ, პრეზიდენტის განკარგულებით, იგივე საპროექტო პირობებით, დათმობილი ქონების მესაკუთრე გახდა ხაზარაძე და მისი კომპანიები. შესაბამისად, მისი დაკითხვა საქმის ყოველმხრივ შესწავლისა და გამოძიებისთვის, არის არსებითად მნიშვნელოვანი.

ასევე, დაიკითხოს ირაკლი კილაურიძე, რომელიც წარმოადგენდა კომპანიაჯიარდისისგენერალურ დირექტორს. აღნიშნული პიროვნება სრულად ფლობდა ინფორმაციას, ქონების . ახვლედიანის მხრიდან დათმობის თუ შემდგომი განკარგვის პროცესის თაობაზე, ვინაიდან . ხაზარაძესა და .ახვლედიანს შორის გამართული თითქმის ყველა საქმიანი მოლაპარაკების მონაწილე და . ხაზარაძის ნდობით აღჭურვილი პირი გახლდათ . კილაურიძე“, _ აღნიშნულია წერილში, რომელიც „ახალგაზრდა ადვოკატების“ ხელმძღვანელმა არჩილ კაიკაციშვილმა მთავარ პროკურორს ირაკლი შოთაძეს გაუგზავნა.

როგორ მიმდინარეობს გამოძიება, დაკითხულები არიან თუ არა ის პირები, რომელსაც რამაზ ახვლედიანი ასახელებს, ამ კითხვებით „გურია ნიუსმა“ მთავარი პროკურატურის სამართალწამოების პროცესში ჩადენილი დანაშაულის გამოძიებიების დეპარტამენტის პროკურორს, ანრი არსენიშვილს ოფიციალური წერილით 20 მარტს მიმართა. წერილში ვითხოვდით, მაღალი საზოგადოებრივი ინტერესიდან გამომდინარე, მოეწოდებინათ ჩვენთვის კონკრეტული პასუხები, თუმცა, მთავარი პროკურატურიდან დღეს მიღებული კორესპონდენციაში აღნიშნულია, რომ გამოძიების შედეგებისა და მიმდინარეობის შესახებ მედიასაშუალებას არ აქვს უფლება ინფორმაცია მოითხოვოს. შედეგის შესახებ ეცნობება მხარეს.

თუმცა, აქვე უნდა აღინიშნოს, რომ გამოძიების შესახებ ინფორმაცია მთავარი პროკურატურიდან არც მხარეს მიუღია.

რამაზ ახვლედიანის ინტერესების დამცველი, ადვოკატი მზევინარ ანსიანი „გურია ნიუსთან“ საუბრისას ამბობს, რომ პროცესი გაჭიანურებულია და წელიწადნახევარია გამოძიებას ხელჩასაჭიდი შედეგი არ აქვს.

მთავარ პროკურატურას ხელისუფლების შეცვლისთანავე მივმართეთ, 2012 წლის დეკემბერში. იმ ეტაპზე არავითარი მსვლელობა არ მისცემია ამ საჩივარს. დაახლოებით, წელიწადნახევრის უკან დაგვიკავშირდნენ და გვითხრეს რომ გამოძიება დაიწყო. იმის მერე მიმდინარეობს ეს გამოძიება, მაგრამ სწრაფად და ეფექტურად ნამდვილად არა. დროში გაჭიმულია პროცესი.

ჩვენ წარვადგინეთ მოწმეები და დაიკითხნენ კიდევაც. დაახლოებით, 7-8 ადამიანი, რომლების მიერ მიწოდებული ინფორმაციაც გამოძიებისთვის უკვე იძლევა სურათს რა მოხდა 2006 წელს და როგორ დაათმობინეს ქონება ბატონ რამაზ ახვლედიანს. როგორც პროკურატურაში აცხადებენ, ამ ეტაპისთვის მიმდინარეობს სხვა ტიპის საგამოძიებო მოქმედებები, დოკუმენტების გამოთხოვა-დამუშავება, რის გამოც, ჯერჯერობით არ დაკითხულან სხვა მოწმეები. თუმცა, ფიქრობენ, რომ ამის საჭიროება აუცილებლად დადგება“, _ ამბობს ანსიანი.

კითხვაზე _ რამდენად არის შესაძლებელი აღნიშნულ საქმეზე დაიკითხოს რამაზ ახვლედიანის ბიზნესპარტნიორი მამუკა ხაზარაძე, ბადრი ჯაფარიძე და თანამდებობის ის პირები, რომლების დაკითხვასაც რამაზ ახვლედიანი ითხოვს?_ ანსიანი ამბობს:

პირთა წრე ჯერჯერობით გამოძიების მხრიდან გამოკვეთილი არ არის, ვინ შეიძლება დაკითხონ. ეს მოხდება გამოძიების და მტკიცებულებების შეჯერების შემდეგ. ყოფილი მაღალჩინოსნების დანაშაულებრივი ქმედება იკვეთება ამ საქმეში, თანაც არაერთის. სწორედ ეს იყო სისხლის სამართლებრივი დევნის დაწყების საფუძველი. ძალადობის და იმ დანაშაულის გამო, რომელიც მათ ჩაიდინეს რამაზ ახვლედიანის მიმართ. გამოძიება მიმდინარეობს სს კოდექსის 333- მუხლით თანამდებობის პირების მიერ უფლებამოსილების შესაძლო გადამეტების ფაქტზე. ის, რომ რამაზ ახვლედიანის მიმართ დაირღვა უფლებები, ის იყო ძალადობის და უკანონობის მსხვერპლი, ამაზე ორი აზრი არ არსებობს“, _ აღნიშნავს ანსიანი.

გარდა ამისა, ადვოკატი აღნიშნავს, რომ ჯერჯერობით საქმეში არ დევს ტელეფონების ამონაწერი, რომლის გამოთხოვასაც რამაზ ახვლედიანი პროკურატურას სთხოვდა.

ანსიანის განმარტებით, ამ სატელეფონო ამონაწერებიდან გაირკვევა, რომ რამაზ ახვლედიანზე 2006 წლის ნოემბერში მიმდინარეობდა ზეწოლა.

ნამდვილად არ დევს საქმეში ეს ამონაწერები. ამ საკითხში ხედავენ ტექნიკურ პრობლემას. ძალიან დიდი ხნის უკან ხდებოდა ეს ამბები და არც ვიცით ის ჩანაწერები არის თუ არა არქივში. შესაბამისად, ამის ამოღება შესაძლოა, პრობლემური გახდეს“, _ ამბობს ანსიანი.

რაც შეეხება რამაზ ახვლედიანის დაზარალებულად ცნობას, ადვოკატი ამბობს, რომ ამ ეტაპზე ნამდვილად არ არის ის ცნობილი დაზარალებულად.

როგორც გამოძიებამ განმარტა, ამ ეტაპზე გამოძიებას არ აქვს საკმარისი მტკიცებულება მოპოვებული იმისთვის, რომ მისულიყვნენ ამ ეტაპამდე. დაზარალებულად ცნობა ხდება მაშინ, როცა უკვე გამოკვეთილი აქვს გამოძიებას სურათი. სამწუხაროდ, ჯერჯერობით გამოძიების შედეგი არ გვაქვს“, _ ამბობს მზევინარ ანსიანი.

შეგახსენებთ იმასაც, რომ გარდა პროკურატურის გამოძიებისა, ლისის ტბის საქმეზე პროცესები სასამართლოშიც მიმდინარეობს. ამ ეტაპზე, სააპელაციო სასამართლოში დავა გრძელდება პრეზიდენტის მიერ გამოცემული აქტების ბათილად ცნობაზე, სადაც პრეზიდენტის ადმინისტრაციასთან ერთად, მხარეები თბილისის მერია და „ლისი ლეიქ დეველოპმენტია“. საქმეზე მონიტორინგს ახორციელებს სახალხო დამცველის აპარატიც.

მედიასთან დღევანდელ შეხვედრაზე „ახალგაზრდა ადვოკატების“ხელმძღვანელმა არჩილ კაიკაციშვილმა განაცხადა, რომ ორგანიზაცია უახლოესს მომავალში კვლევით ჯგუფს დააფუძნებს, რომლებიც ქვეყანაში ჩადენილი სისტემური დანაშაულის საქმეებზე საერთაშორისო ადვოკატირებას მოახდენს.

„გურია ნიუსი“ კი, რამაზ ახვლედიანის და ლისის ტბის საქმესთან დაკავშირებით ჟურნალისტურ გამოძიებას აგრძელებს.

რას ფიქრობს ახვლედიანის ბიზნესპარტნიორი მამუკა ხაზარაძე წლების წინ დათმობილ ქონებაზე, მიიჩნევს თუ არა ის თავს დაზარალებულად და რატომ არ გააპროტესტა მან ბიზნესპარტნიორის მხრიდან ქონების დათმობა, სადაც ინვესტიცია თვითონაც განხორციელებული ჰქონდა, _ ამ კითხვებზე პასუხებს მოგვიანებით შემოგთავაზებთ.


ამავე თემაზე:

რატომ არ მიიღო მტკიცებულებად სასამართლომ კეზერაშვილის მოადგილის კაბინეტში ქონების დათმობაზე დაწერილი განცხადება

შუაღამისას „საკუთარი ნებით დათმობილი" ქონება, ანუ როგორ დაკარგა ბიზნესმენმა „ლისის ტბა“ - ნაწილი I




 ახალი ამბები
  • "სასტუმროს მეპატრონეები წელს გადასახადებისგან უნდა გათავისუფლდნენ" _ ჭიჭინაძე  "თუ ქვეყანაში ფორსმაჟორია, თუ ვირუსი მძვინვარებს, მაშინ ფორსმაჟორი უნდა გამოცხადდეს მცირე მეწარმეებთან მიმართებაშიც და ადამიანები წელს გადასახადებისგან უნდა გათავისუფლდნენ!  მცირე სასტუმროების მეპატრონეებს იმ  დრომდე უნდა გადაუვადდეთ გადასახადი, სანამ არ აღდგება ის სიტუაცია, რაც იყო კორონამდე საქართველოში!“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე და იმ უმძიმეს სურათზე და პრობლემებზე საუბრობს, რაც განსაკუთრებით დასავლეთ საქართველოში ტრიალებს და განსაკუთრებით ტურისტული სეზონის ჩავარდნის შედეგად. „ხელისუფლება ვითომ პროცენტების რაღაც ნაწილი სუბსიდირების ინიციატივით გამოვიდა, მაგრამ შედეგად მივიღეთ ის, რომ აქიდანაც სარგებელს ისევ კომერციული ბანკები მიიღებენ. რადგან, 1. ადამიანი, რომელიც 200 ლარიან დახმარებას  იღებს, 6 თვის თავზე ბანკი საპროცენტო განაკვეთს 9%-დან 13%-მდე უზრდის! 2. თუ სექტემბრის ბოლოს არ აქვს ადამიანს ვალდებულების გადახდის საშუალება, ნოემბრის ბოლოს  როგორ ექნება, თან გაზრდილის?!“ - აცხადებს ჭიჭინაძე. ... ...
  • სასკოლო კრებებზე დაუშვებელია მოსწავლეების აკადემიური მოსწრებისა და ყოფაქცევის საჯარო განხილვასახელმწიფო ინსპექტორის სამსახურში აცხადებენ, რომ ბავშვების პერსონალური მონაცემების დაცვა განსაკუთრებულ ყურადღებას საჭიროებს, რადგან ისინი ნაკლებად აცნობიერებენ რისკებს და შედეგებს, რაც შესაძლოა, მათი მონაცემების არაკანონიერ დამუშავებას მოჰყვეს. „ბავშვების პერსონალური მონაცემების არასწორი მოპოვება, გამოყენება, მესამე პირისთვის გაზიარება ან/და გასაჯაროება შესაძლოა, გახდეს ბავშვის დისკრიმინაციისა და ბულინგის მიზეზი. სწორედ ამიტომ სკოლის ადმინისტრაცია, მასწავლებლები და მშობლები განსაკუთრებული სიფრთხილით უნდა მოეკიდონ ბავშვის პერსონალურ მონაცემებს, პატივი უნდა სცენ მის პირად ცხოვრებას და ყოველ კონკრეტულ შემთხვევაში იმოქმედონ ბავშვის საუკეთესო ინტერესების გათვალისწინებით“, – აცხადებენ სახელმწიფო ინსპექტორის სამსახურში. სახელმწიფო ინსპექტორის სამსახური ავრცელებს რეკომენდაციებს როგორც სკოლებისთვის, ასევე მოსწავლეებისა და მშობლებისთვის. აღნიშნულ რეკომენდაციებში განსაკუთრებით არის გამოყოფილი სასკოლო კრებების საკითხი. „სასკოლო კრებები ეფექტური საშუალებაა, რათა მასწავლებლებმა და მშობლებმა ერთობლივად განიხილონ სასწავლო პროცესთან დაკავშირებული ზოგადი და საორგანიზაციო საკითხები. დაუშვებელია კრებებზე კონკრეტულ მოსწავლეებთან დაკავშირებული ისეთი საკითხების საჯარო განხილვა, როგორიცაა აკადემიური მოსწრება, ყოფაქცევა და ა.შ., რადგანაც ამ საკითხების განხილვამ შესაძლოა, შელახოს მოსწავლეების უფლებები. მაგალითად, მოსწავლის ქცევის ნეგატიურ კონტექსტში განხილვამ შეიძლება შელახოს მოსწავლის ღირსება, გამოიწვიოს თანატოლებში, მშობლებსა და მასწავლებლებში მის შესახებ სტერეოტიპული დამოკიდებულების ჩამოყალიბება, უარყოფითად იმოქმედოს მოსწავლის ჩართულობაზე სასწავლო პროცესში და კითხვის ნიშნის ქვეშ დააყენოს მისი უფლება მიიღოს განათლება თანაბარი შესაძლებლობების პირობებში. მეორე მხრივ, განსაკუთრებით პოზიტიურ კონტექსტში განხილვა შესაძლოა, გახდეს მოსწავლეთა შორის დაპირისპირების და ზოგ შემთხვევაში მოსწავლეზე ფსიქოლოგიური ზეწოლის მიზეზიც“, – აღნიშნულია სახელმწიფო ინსპექტორის სამსახურის მიერ გავრცელებულ ... ...
  • ცესკო-მ 31 ოქტომბრის არჩევნებისთვის საარჩევნო სუბიექტების რიგითი ნომრები განსაზღვრაკორონავირუსის გავრცელების პრევენციის მიზნით, 31 ოქტომბრის არჩევნების კენჭისყრის დღისთვის, საარჩევნო ღონისძიებისა და სანიტარიულ-ჰიგიენური მოთხოვნების განსაზღვრის შესახებ ცენტრალურმა საარჩევნო კომისიამ დადგენილება გამოსცა. დადგენილების მიხედვით, კენჭისყრის შენობაში ყოფნის უფლების მქონე პირი პირბადის გარეშე კენჭისყრის შენობაში არ დაიშვება, ხოლო კენჭისყრის შენობაში ყოფნა დასაშვებია მხოლოდ პირბადის გამოყენებით. ამასთან, ამომრჩეველი ვალდებულია, დროებით მოიხსნას პირბადე, კენჭისყრის ოთახში ამომრჩეველთა ნაკადის მომწესრიგებელი კომისიის წევრისთვის საქართველოს მოქალაქის პირადობის მოწმობის ან საქართველოს მოქალაქის პასპორტის წარდგენის დროს; ამასთან, ამომრჩეველთა რეგისტრატორი კომისიის წევრის მიერ საქართველოს მოქალაქის პირადობის მოწმობაში ან საქართველოს მოქალაქის პასპორტში აღნიშნული ამომრჩევლის სარეგისტრაციო მონაცემების ამომრჩეველთა სიაში არსებულ მონაცემებთან შესაბამისობის შემოწმების დროს; თუმცა, პირბადის გამოყენება არ მოეთხოვება პირს, რომელსაც ჯანმრთელობის მდგომარეობის გამო უჭირს პირბადის ტარება, რაც დასტურდება სამედიცინო/ექიმის ცნობით. დადგენილების მიხედვით, ამომრჩევლებს თერმოსკრინინგი არ ჩაუტარდებათ. ყველა სხვა პირს კი, ვინც კენჭისყრის შენობაში შევა, სავალდებულო თერმოსკრინინგის გავლა მოუწევს. ტემპერატურის დაფიქსირების შემთხვევაში 5 წუთიანი განმეორებითი თერმოსკრინინგისას ცხელების კვლავ დადასტურების შემთხვევაში, პირი კენჭისყრის შენობაში არ ... ...
  • როგორ არის გაკრული "ოცნების" მაჟორიტარობის კანდიდატის პლაკატები ნაძალადევშისაქართველოში საპარლამენტო არჩევნების ჩატარებამდე სულ ცოტა დრო რჩება. „გურია ნიუსი“ გთავაზობთ, თბილისში, გურამიშვილის გამზირზე გადაღებულ ფოტოებს, სადაც "ქართული ოცნების" მაჟორიტარობის კანდიდატის, მიხეილ ყაველაშვილის საარჩევნო პლაკატებია გამოსახული. ცნობისთვის,ყაველაშვილი ამომრჩეველთა ხმების მოსაპოვებლად კენჭს ნაძალადევის რაიონში ... ...
  • როგორ უნდა მოიქცნენ არჩევნებში მონაწილეობის მისაღებად საზღვარგარეთ მყოფი მოქალაქეები31 ოქტომბერს საქართველოს პარლამენტის არჩევნები გაიმართება. ცესკო ინფორმაციას ავრცელებს იმის შესახებ თუ რა უნდა გაითვალისწინონ საზღვარგარეთ მყოფმა საქართველოს მოქალაქეებმა  არჩევნებში მონაწილეობის მისაღებად: „საზღვარგარეთ მყოფ საქართველოს მოქალაქეებს შესაძლებლობა გაქვთ მიიღოთ მონაწილეობა საქართველოს პარლამენტის არჩევნებში. თქვენ 4 წლის ვადით ირჩევთ საქართველოს პარლამენტს. არჩევნებში მონაწილეობის მისაღებად: თქვენ უნდა იმყოფებოდეთ საქართველოს საკონსულო აღრიცხვაზე ან უნდა იყოთ რეგისტრირებული საზღვარგარეთ საქართველოს მოქმედი კანონმდებლობის შესაბამისად; თუ არ ხართ საქართველოს საკონსულო აღრიცხვაზე და არ გაქვთ რეგისტრაცია საზღვარგარეთ, 2020 წლის 10 ოქტომბრის ჩათვლით უნდა გაიაროთ რეგისტრაცია შესაბამის სახელმწიფოში არსებულ საქართველოს დიპლომატიურ წარმომადგენლობაში ან საკონსულო დაწესებულებაში (საკონსულო აღრიცხვაზე დადგომა არ ითვალისწინებს მოსაკრებლის გადახდას); საარჩევნო უბანზე მისვლისას თან უნდა იქონიოთ საქართველოს მოქალაქის პირადობის მოწმობა ან პასპორტი”,_ აცხადებენ ცესკოში. ცენტრალურ საარჩევნო კომისიაში აღნიშნავენ, რომ  არჩევნების შესახებ ნებისმიერ საკითხზე დაგვიკავშირდით მსოფლიოს ნებისმიერი წერტილიდან ონლაინ ჩათის საშუალებით შეუძლიათ. გარდა ამისა, მოქალაქეებს საკონსულო აღრიცხვაზე დადგომასთან დაკავშირებით ინფორმაცია შეგიძლიათ იხილოთ საკონსულო სამსახურის ვებგვერდზე შეუძლიათ, თუ ამომრჩეველი  ვერ აღმოაჩენს პირად მონაცემებს საკონსულო აღრიცხვის სიაში, მან უნდა მიმართოს ადგილსამყოფელ ქვეყანაში საქართველოს დიპლომატიურ წარმომადგენლობასა და საკონსულო დაწესებულებას. საქართველოს ის მოქალაქე, რომელიც საქართველოს ტერიტორიაზე შემოსვლიდან ექვსი თვის ვადაში არ დატოვებს საქართველოს ტერიტორიას, საკონსულო აღრიცხვიდან ავტომატურად მოიხსნება. დეტალური ინფორმაცია შეგიძლიათ იხილოთ საგარეო საქმეთა სამინისტროს ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...