საჭირო მასალა: 250 გრ (1 ჭიქა) ფქვილი; 6 სუფრის კოვზი შაქარი; 125 გრ კარაქი; 1 ცალი კვერცხი; 2 სუფრის კოვზი თეთრი ღვინო; მარილი, მუსკატის კაკალი _ გემოვნებით; გულსართისთვის _ 1 ჭიქა შაქარი; 1 სუფრის კოვზი დარიჩინი; 100 გრამი კარაქი; 2 კგ. მაგარი ჯიშის ვაშლი.
მომზადება: ფხვიერი ცომის მოსამზადებლად ღრმა ჯამში ავურიოთ ფქვილი, შაქარი, მარილი, მუსკატის კაკალი. დავუმატოთ კარაქის ნაჭრები; ავთქვიფოთ კვერცხი, ჩავუმატოთ ღვინო, შევურიოთ ცომში. ცომი ავაგუნდავოთ, შევახვიოთ ცელოფანში და მრგვალად გავათხელოთ. ნახევარი საათით შევდოთ მაცივარში. მანამდე გულსართი მოვამზადოთ: ვაშლი გავთალოთ, გული ამოვჭრათ და გავჭრათ 4-5 ნაწილად.
კარაქი შევათბოთ ტაფაზე (ფორმაზე, რომელზეც ვაცხობთ ამ ღვეზელს), მოვაყაროთ შაქარი, მჭიდროდ დავალაგოთ ვაშლის ნაჭრები, შევწვათ ძლიერ ცეცხლზე, რომ ვაშლი კარამელით დაიფაროს, რომელიც შაქრის და კარაქის შეწვისას წარმოიშობა. გაბრტყელებული ცომი გადააფარეთ ვაშლიან ტაფას (ფორმას) ისე, რომ ვაშლი მთლიანად დაფაროს. ცხელ აირღუმელში შევდგათ ღვეზელი და ვაცხოთ ოქროსფერი ქერქის წარმოქმნამდე (დაახლოებით 30 წუთი). მზა ღვეზელი გადმოაბრუნეთ ლანგარზე _ ვაშლებიანი მხარით ზემოთ. შეგვიძლია მოვრთოთ ლიმონის ცედრით, უკურკო ალუბლით, ფორთოხლის ნაჭრებით. ღვეზელი კარგია თბილი _ ცივ რძესთან ან ხილის წვენთან ერთად. ასევე, გემრიელია გაგრილებულიც.
