საქართველოს ყოფილი პრეზიდენტის, მიხეილ სააკაშვილის განცხადებით "საქართველოს ათასწლოვან ისტორიაში არ გაკეთებულა იმდენი რამ, რაც ე.წ. ავადსახსენებელი 9 წლის განმავლობაში":
"ოდესმე, რომელიმე ეპოქაში, ხაზს ვუსმვამ _ რომელიმე ეპოქაში, შექმნილა იმაზე მეტი, ვიდრე ე.წ. ავადასახსნებელი 9 წლის განამავლობაში?
თავი რომ დავანებოთ სვეტიცხოველს, გელათს, ვეფხისტყაოსანს, ხახულს და ა.შ. საქართველოს ათასწლოვან ისტორიაში ოდესმე ყოფილა ასეთი შემთხვევა, ამდენი რამე გაკეთებულიყოს, რასაც ახლა ჩვენ ვაჩვენებთ მთელ მსოფლიოს და ვამაყობთ
აბა, 6 მილიონი ტურისტი ვიღაცა ინაშვილის სანახავად ხომ არ ჩამოდის საქართველოში? როდისმე, რომელიმე ეპოქაში შექმნილა უფრო მეტი, ვიდრე ე.წ. ავადსახსენებელ 9 წელიწადში?!
ვიღაც ავადმყოფმა თქვა ავადსახსენებელი 9 წელიო და თუთიყუშებივით იმეორებენ ამ სრულ სისულელეს, იდიოტიზმს, კლინიკურ დებილიზმს.
ამ 9 წელიწადში შეიქმნა უფრო მეტი, ვიდრე დამოუკიდებელი საქართველოს ნებისმიერ სხვა პერიოდში.
ეს მე გავაკეთე და გააკეთა "ნაციონალურმა მოძრაობამ", მაგრამ ჩვენი იდეა ის არ არის, რომ ეს ჩვენ გავაკეთეთ. ჩვენი იდეაა საქართველოს მრავალსაუკუნოვანი ლტოლვა აღმშენებლობისკენ" _ განაცხადა ოდესის გუბერნატორმა გადაცემა 'არჩევანში" საუბრისას.
მისივე თქმით, ეპოქა არ შეიძლება მარტო 9 წლით შემოიფარგლოს _ უნდა გაფარდოვდეს და გაგრძელდეს:
"საჭიროა ლაპარაკი იმაზე, რომ ფუნდამენტურად ახალი ხალხი უნდა მოვიდეს. საჭიროა ძალიან ბევრი ნიჭიერი, მაგარი ადამიანი, რომლის რესურსიც საქართველოში არის. ძალიან კარგია, რომ ასეთი ნიჭიერი ხალხი მოილტვის პოლიტიკაში.
იმედია, ჩემ პარტიაშიც ესმით, რომ ახლა საჭიროა, წინ გავუშვათ ახალი ხალხი, ახალი გამოცდილება. თუმცა, ეს არ ნიშნავს, რომ ძველ ხალხზე უარი უნდა ვთქვათ _ ეს იქნება მიუტევებელი შეცდომა.
პარტიამ გაუძლო პოლიტიკურ რეპრესიებს, მისი ლიდერები სხედან ციხეში სრულიად უსამართლოდ, გადაუარეს და არ გატყდა, არ დაიშალა. ეს მეტყველებს. რომ ეს არის ბევრად დიდი, ვიდრე ცალკე აღებული სააკაშვილი, სხვადასხვა გარემოებებიდან გამომდინარე.
ჩვენ გვიკეთებენ დიკრედიტაციას _ მე ვარ კიევში, ზოგი ციხეშია, ზოგი დისკრედიტებულია, თუმცა, პარტია მაინც არსებობს, რადგან ჩვენ მარავალსაუკუნოვანი ლტოლვა გქვონდა მომავლისკენ და განახლებისკენ.
მე და ჩემ მეგობრებს გვაერთიანებს იდეა, რომლის გარშემო საქართველომ უნდა გააგრძელოს გაერთიანება და უნდა გაარძელოს რეფორმები“ _ განაცხადა სააკაშვილმა.
