“ძაღლი შინ არ ვარგოდა და სანადიროდ გარბოდაო” _ გამდლიშვილი ბოლქვაძის მიერ “ოცნების” დატოვებაზე

ჩოხატაურის მუნიციპალიტეტის არქიტექტურის, სივრცითი მოწყობისა და ინფრასტრუქტურის სამსახურის უფროსის გოგი ბოლქვაძის განცხადებას მმართველი პარტიის დატოვებისა და გახარიას გუნდში გადასვლის შესახებ სოციალურ ქსელში გაკეთებულ განცხადებას მმართველი პარტიის ადგილობრივი წარმომადგენლების მხრიდან უამრავი კომენტარი მოჰყვა.

ბოლქვაძის განცხადებას ახლახან უპასუხა მუნიციპალიტეტის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა გამდლიშვილმა.

როგორც გამდლიშვილი წერს, ქართული ოცნების კანდიდატი უალტერნატივოა.

“ორიოდე სიტყვით მინდა გამოვეხმაურო გუშინ მერიის სამსახურის უფროსის მიერ გაკეთებულ განცხადებას, რომ “პარტია ქართულ ოცნებას ტოვებს და გადადის სხვა გუნდში”. ერთი ასეთი ლამაზი გამოთქმა არსებობს _ “ძაღლი შინ არ ვარგოდა და სანადიროდ გარბოდაო”. აგერ მე და აგერ თქვენ. აგერ ეს (პოსტიც). შედეგები დაგვანახებს ამ ანდაზის სისწორეს.

პ.ს “მეგობარო” ეს არ არის 2013 წელი, რომ ნაცებიდან ოცნებაში გადმობარგდე ლობისტების დახმარებით.

 უახლოეს დღეებში დასახელდება მერობის კანდიდატი, რომელიც უალტერნატივოა და მისი შრომისმოყვარეობიდან გამომდინარე ვფიქრობ აღმოჩენა იქნება როგორც ჩვენი პარტიის ისე ჩვენი მუნიციპალიტეტისთვის. ბედნიერ დღეს გისურვებთ”, _ წერს ფრაქციის თავმჯდომარე.

შეგახსენებთ, რომ გოგი ბოლქვაძის გახარიას გუნდში გადასვლის განცხადებას გუშინ მუნიციპალიტეტის მერი, ირაკლი კუჭავაც გამოეხმაურა.