The Beatles-ის წევრის, ჯონ ლენონისა და მისი მეუღლის, იოკო ონოს ყოფილი სახლი 47,5 მილიონ დოლარად იყიდება.
სახლი ფლორიდაში, პალმ-ბიჩში ე.წ. მილიარდერების ბულვარზე, დონალდ ტრამპის რეზიდენციის მახლობლად მდებარეობს. 1920 წელს აშენებული სახლის ფართობი დაახლოებით 1300 კვადრატული მეტრია. მას აქვს შვიდი საძინებელი, დიდი სასადილო ოთახი და ბიბლიოთეკა. ტერიტორიაზე ასევე განლაგებულია ჩოგბურთის კორტი, ორი აუზი და სამადგილიანი ავტოფარეხი.
ჯონ ლენონმა ის 1980 წელს შეიძინა. ის და იოკო ონო სახლში რემონტის დაწყებას აპირებდნენ, თუმცა გეგმებს ხელი ლენონის მკვლელობამ შეუშალა. იოკო ონომ სახლი 1986 წელს გაყიდა. ახლა ქონება ფინანსისტ ჯონ საიტსა და მის მეუღლეს ეკუთვნის, რომლებმაც ის 2016 წელს 23 მილიონ დოლარად შეიძინეს.
[sexy_author_bio]
