კორონავირუსის ე.წ. მიუ შტამს ვაკვირდებით, მასზე ჯერ მსოფლიოშიც არ არის ინფორმაცია, – ამის შესახებ ჯანდაცვის მინისტრმა, ეკატერინე ტიკარაძემ ჟურნალისტებს განუცხადა.
„მიუ შტამს ვაკვირდებით, ჯერჯერობით სრული ინფორმაცია ამ შტამზე, არა მარტო ჩვენ, არამედ მსოფლიოს არ აქვს. ვაკვირდებით, როგორი იქნება მისი ქცევა. დამატებით ინფორმაციას, მას შემდეგ, რაც ჩვენი უცხოელი კოლეგებისგან მეტი დეტალი გვეცოდინება, მოგახსენებთ“, – განაცხადა ეკატერინე ტიკარაძემ.
