ჯორჯია მელონმა, როგორც იტალიის პირველმა ქალმა პრემიერ-მინისტრმა, თავის კაბინეტის წევრებთან ერთად დადო ფიცი, რაც ნიშნავს, რომ ქვეყანას მეორე მსოფლიო ომის შემდეგ ყველაზე მემარჯვენე მთავრობას ყავს. ამის შესახებ reuters წერს.
“ვფიცავ, რომ რესპუბლიკის ერთგული ვიქნები”. – თქვა მელონიმ.
მინისტრთა კაბინეტი 24 მინისტრისგან დაკომპლექტდა, რომელთა ვინაობაც უკვე ცნობილია.
იტალიის ვიცე-პრემიერი და საგარეო საქმეთა მინისტრი ანტონიო ტაიანი გახდა, რომელიც ყოფილი პრემიერ-მინისტრის, სილვიო ბერლუსკონის ერთ-ერთი პირველი მოადგილე იყო. ტაიანი 2018 წლიდან ბერლუსკონის პარტიის, Forza Italia-ს წევრია.
როგორც გამოცემა წერს, ის თანამდებობას იკავებს განსაკუთრებით მძიმე მომენტში, როდესაც იტალიის ვალებით დატვირთული ეკონომიკა კვლავ რეცესიაში მიდის, ფირმები იხურება ენერგიის მზარდი გადასახადების სიმძიმის გამო, ასევე იყოფა მის კოალიცია ორ ნაწილად უკრაინის ომის გამო.
იტალიის ნაციონალისტი ძმების ხელმძღვანელმა, მელონიმ გაიმარჯვა გასულ თვეში გამართულ არჩევნებში, როგორც კოალიციის ნაწილი, რომელშიც შედიოდა Forza Italia, რომელსაც ხელმძღვანელობდა ყოფილი პრემიერ-მინისტრი სილვიო ბერლუსკონი, და მატეო სალვინის ანტიემიგრანტული ლიგა.
მიუხედავად იმისა, რომ მელონმა უკრაინას მხარდაჭერას აღუთქვა, ამ კვირის დასაწყისში ბერლუსკონიმ არაერთხელ დაადანაშაულა კიევი ომის დაწყებაში. მან, ასევე განაცხადა, რომ თავის ძველ მეგობართან, რუსეთის პრეზიდენტ ვლადიმერ პუტინთან საჩუქრები გაცვალა.
ჯორჯია მელონიმ სილვიო ბერლუსკონი გააფრთხილა, რომ რუსეთის ფედერაციის პრეზიდენტთან, ვლადიმირ პუტინთან მეგობრობით ამცირებს საკუთარ შანსებს, ჰქონდეს ნებისმიერი გავლენა ახალ მთავრობაზე.
21 ოქტომბერს გავრცელებული ინფორმაციით, ჯორჯია მელონი მთავრობის ფორმირების პროცესს დათანხმდა და შედეგად იგი ქვეყნის პირველი ქალი პრემიერ-მინისტრი გახდა.
ავტორი
