უკრაინის პრეზიდენტმა ვლადიმირ ზელენსკიმ გაზეთ Bild-თან მიცემულ ინტერვიუში განაცხადა, რომ რუსული ძალები უკრაინელ მაშველებს ესვრიან, რომლებიც ცდილობენ მიაღწიონ დატბორილ ტერიტორიებს ხერსონის რეგიონში, რომლებიც რუსეთის კონტროლის ქვეშ არის.
,,მაშველები ცდილობენ ათასობით ადამიანის ევაკუაციას რუსეთის მიერ ოკუპირებული ნოვა კახოვკას კაშხლისა და ჰიდროელექტროსადგურის წყალდიდობის ზონაში, რომელიც სამშაბათს ჩამოინგრა, რის შედეგადაც მდინარე დნეპროს წყალი გადავიდა.
ადამიანები, ცხოველები დაიღუპნენ. დატბორილი სახლების სახურავებიდან ხალხი ხედავს დამხრჩვალ ადამიანებს, რომლებიც მიცურავენ. თქვენ ამას ხედავთ მეორე მხარეს. ძალიან რთულია ხალხის გაყვანა ხერსონის რეგიონის ოკუპირებული ნაწილიდან.
როდესაც ჩვენი ძალები ცდილობენ მათ გამოყვანას, მათ ოკუპანტები შორიდან ესვრიან. როგორც კი ჩვენი დამხმარეები შეეცდებიან მათ გადარჩენას, მათ ესვრიან. ჩვენ ვერ დავინახავთ ყველა შედეგს რამდენიმე დღის შემდეგ, როდესაც წყალი ცოტათი ჩამოიწევს,”– განაცხადა ზელენსკიმ.
კაშხლის განადგურებამ და შემდგომ წყალდიდობამ აიძულა 1800-ზე მეტი ადამიანი დაეტოვებინა საკუთარი სახლები, დატბორა ათასობით ჰექტარი სასოფლო-სამეურნეო მიწა, საფრთხე შეუქმნა სასიცოცხლო მნიშვნელობის წყალმომარაგებას და მოჰყვა გაფრთხილება უკრაინელი ოფიციალური პირებისა და ექსპერტებისგან გარემოს კატასტროფული ზიანის შესახებ.
კიევი და მოსკოვი კაშხლის დანგრევაში ერთამნეთს ადანაშაულებენ, მაგრამ კონკრეტული მტკიცებულების გარეშე, რომ მეორე დამნაშავეა. კაშხალი დაშლის დროს რუსეთის მიერ იყო ოკუპირებული. ჯერ არ არის ნათელი, განზრახ დაესხეს კაშხალს, თუ გარღვევა კონსტრუქციული ჩავარდნის შედეგი იყო.
ავტორი
