რა ხდება ოზურგეთის ცენტრში: „მალე აქ ნიფხ..საც გამოკიდებენ“

საზოგადოება

რა ხდება ოზურგეთის ცენტრში: „მალე აქ ნიფხ..საც გამოკიდებენ“

27 აპრ. 2018, 11:32:05

ოზურგეთის ცენტრალურ ნაწილში,  გურიის ქუჩაზე,  ბაზრის თითქმის ყველა მოვაჭრე გარეთაა გამოსული, მათ ახალი შემადგენლობაც მიემატა და ტროტუარებზე წარმოდგენილი სანახაობა მეტად კომიკურია.

ყველაზე სასაცილო  მაინც მთელ სიგრძეზე გაჭიმული თოკია, რომელზეც მეორადი სამოსია გაკიდული: შარვლები, კაბები, პერანგები. გამვლელ-გამომვლელები სარკასტულ ქირქილს არ იშურებენ: „მალე აქ ნიფხ..საც  გამოკიდებენ, ცოტა დაიცადეთ და მერე გადაიღეთ“, _ ჩაილაპარაკებენ და კითხვაზე, მოსწონთ თუ არა ეს მდგომარეობა, კვლავ ირონიულად გვპასუხობენ, აბა, იმათ ჰკითხეთ, თუ არ მოსწონთ“.

გასაშრობად გაკიდული სარეცხივით გაფენილი მეორადი ტანსაცმლის სიახლოვეს ქალბატონები სხედან. კითხვაზე, ქმნის თუ არა ქალაქის ცენტრში ასე გაფენილი ტანსაცმელი უხერხულობას,  რატომ გაჭიმეს თოკი და ამ ფორმით რატომ სთავაზობენ კლიენტს საქონელს, ხუმრობით გვპასუხობენ:

_ ყუთიდან ამოვიღეთ და  გავკიდეთ ამ "ბაწარზე", ჭინჭებს ვამზეურებთ და ჭკუასაც ვამზეურებთ ხან, აბა, რა ვქნათ?

ასაკოვანი ქალბატონი, რომელიც სახელს და გვარს არ გვიმხელს, ამბობს, რომ სამიოდე წიწილა მოაკლო სახლის ქონებას:

_ არაფრით წამოვიყვანდი, ხვალისთვის  პურის ფული რომ მქონდეს. წაიყვანე, სამი ცალი ორ თუმნად, თან ორი ვარიკაა, ერთი ყვინჩილა. სამი ქათამი გეყოლება მალე, დიდებია. აქ გამვლელ-გამომვლელი ბევრია, იქნებ, მალე გავყიდო“, _ გვეუბნება ის და ძნელია არ დაუჯერო, რომ მართლაც უჭირს, მაგრამ ტროტუარის თავში ჯდომა, ქალაქის ცენტრში რამდენად გამართლებულად მიაჩნია, ამაზე პასუხი არ აქვს.

გარემოვაჭრეთა შორის ერთი „სიახლეცაა“,  ახლა აქ, ისე, როგორც ზოგიერთ  „ტაქსების ბირჟაზეა“, ნარდს თამაშობენ. ვაშლებით სავსე ყუთების შუაში ორი ახალგაზრდა კაცი, მომხმარებლის მოლოდინში, როგორც თვითონ გვიხსიან, „კამათელს აგორებს და   დროს კლავენ“.

_ ვთამაშობთ, არაფერს  ვაშავებთ, კლიენტი როცა მოვა, შევწყვეტთ თამაშს და მოვემსახურებით. ბევრი რომ ყიდულობდეს, სათამაშო დრო გვექნება? აბა, რა ვქნათ... _ ამბობენ ისინი.

გურიის ქუჩაზე  მთლიანად ამორტიზებულია ტროტუარი და მოსიარულე ადამიანებს ფეხებში  ყველაფერი ერთად  ებლანდებათ: ქვები, ამოცვენილი ფილები თუ  ღორღი, რაზეც ისინი სამართლიან საყვედურს გამოთქვამენ. თუმცა, ასევე, სიბრალულს იწვევს იმ ადამიანების მდგომარეობა, რომლებიც მუდმივად  იმას  ამბობენ, სახლში რომ პური მიიტანონ, მთელი დღე მზის გულზე ამიტომ დგანან.

_ ჩვენ გვსიამოვნებს აქ დგომა? რომელიმეს გვილხინს? „პეტრუშკას“ და პრასს ვყიდი, რომ „კაპლი“ ვიყიდო და ორიოდე პური მივიტანო სახლში.

„გურია ნიუსი“ ოზურგეთის მუნიციპალიტეტის  მერიის ზედამხედველობის სამსახურის განყოფილების უფროსს,  შუქრი გაბრიჩიძეს ესაუბრა. იგი ხშირად ჩანს ქალაქის ამ ნაწილში, მოვაჭრეებთან მოსაუბრე. ამჯერად საკუთარი თვალსაზრისი და უახლოესი გეგმები გარევაჭრობის პრობლემასთან დაკავშირებით ასე გამოთქვა:

_ ჩვენ არაერთხელ ვთხოვეთ ხალხს, შესულიყვნენ ბაზარში, თუმცა, ისინი ამბობენ, რომ შიგნით აქვთ პრობლემა.  მაღაზიები დაიდგა და ადგილები არ არის.

_თუმცა, ბაზარში ბევრი ცარიელი დახლია...

_იქ არ სურთ. ამბობენ, სადაც ადრე ვდგებოდით, ის ადგილები გვინდაო. ბაზრის  გარე ტერიტორიაზე, ძირითადად, მანქანებით დგებოდნენ და იქედან ვაჭრობდნენ. როგორც იქნა, ავკრძალეთ მანქანებიდან ვაჭრობა. მერე დაკეტეს ეს მანქანები და პროდუქცია პირდაპირ  ტროტუარზე  გადმოიტანეს. რა უნდა ვქნათ? ადრეც გვეხმარებოდა პატრული და ახლაც დაგვეხმარება, თუმცა, მაშინ, თუ ჯოხი მოგხვდება თავში...  ფიზიკურ დაპირისპირებაში ვერ ჩავერთვები.

_ ეს ადამიანები ამბობენ, რომ მერიასთან ყველაფერი გარკვეული აქვთ და ნება აქვთ დართული. რომ აქ იდგნენ.

_ არაფერიც არ დაურთავს მერს. მან თქვა, რომ სანამ ადგილებს არ გამოვნახავთ, იქნებ, მოხერხდეს და ქოლგების ქვეშ დადგნენ ლამაზადო, _ ეს თქვა.  ვინ აღარ იყო აქ, მოვიდნენ იურისტები, ჟურნალისტები, დეპუტატებიც. ახლა  აღარავის მოსწონს ეს ყველაფერი, მაგრამ რა ვქნა?  ეს ხალხი ამბობს, აბა, ერთი ვინმემ გაბედოს  და ხელი მოგვკიდოსო. ჩვენ  რაღაც  რეგულაცია უნდა მოვიფიქროთ. გარევაჭრობის აკრძალვასთან დაკავშირებით, სამინისტროს დონეზე უნდა მოხდეს რაიმე  გადაწყვეტილების მიღება. დიდ ქალაქებშიც ასეთი ამბავია ბაზრების წინ. აღდგომამდე გვაცალეთო, გვეუბნებოდნენ და ავდგებითო.   ვაცალეთ. გავიდა ბრწყინვალე შვიდეულის კვირაც და მაინც არ ადგნენ. კანონში კი წერია, რომ მაგიდებს თუ ვნახავ ტროტუარზე გადმოდგმულს, 50 ლარით დავაჯარიმო. მაგრამ, ვინ დავაჯარიმო, სახელი ვიცი თუ გვარი. ყველაზე უწყინარი და შედეგიანი ფორმა მაინც ის იქნება,  მგონია, რომ ტროტუარის გასწვრივ ღობე გაკეთდეს. შიგნით უკვე ვერ დაჯდება ვერავინ, რადგან  გზაც ვიწროა და გამვლელი ამას არც თვითონ დაუშვებს. ღობის აქეთ კი პატრული არ მისცემს ნებას. მე მგონი,  ეს ყველაზე უწყინარი ფორმა იქნება.  ბევრს ვფიქრობთ ამ საკითხზე. ყველას გვაწუხებს  ეს და არავის უხარია, თუმცა. ჯერ ვერ მოწესრიგდა, _ გვითხრა შუქრი გაბრიჩიძემ.

 





 ახალი ამბები
  • სოფელ გუმათთან რკინის ჯებირები აიღესსოფელ გუმათთან რკინის ჯებირები აიღეს. ევროკავშირის ჩართულობით გამართულ შეხვედრაზე გაჟღერებული მოთხოვნებიდან სამი უკვე შესრულდა. ხეობაში აღარ არის რკინის ჯებირები, ხეობას დატოვებს პოლიციის ნაწილი და აქტივისტებს სოფელ ნამოხვანში გადაადგილება შეეძლებათ. „ნამახვანჰესის“ მოწინააღმდეგეების თქმით, ხეობაში ხვალიდან შევლენ. რაც შეეხება გრძელვადიან მოთხოვნებს, ისინი ჰესის მოსამზადებელი სამუშაოები შეჩერებას მოითხოვენ, რისთვისაც მედიაციის პროცესს გააგრძელებენ. "რიონის ხეობის მცველები" იმედოვნებენ, რომ მათი სხვა მოთხოვნებიც დაკმაყოფილდება. ვარლამ გოლეთიანის თქმით, მათი მომდევნო მოთხოვნა, გუმათის ხეობიდან საპოლიციო ძალების გაყვანაა. "რიონის ხეობის მცველი" მაკა სულაძე აცხადებს, რომ ნამახვანჰესის წინააღმდეგ აქტივისტების ბრძოლამ შედეგი გამოიღო. სულაძის თქმით, გუმათის ხეობაში ბარიკადების აღებასთან დაკავშირებით, შსს-ს გადაწყვეტილება, მთლიანად საზოგადოების დამსახურებაა. "ბრძოლამ გამოიღო შედეგი და ეს მთლიანად ქართული საზოგადოებისა და იმ ხმაურის დამსახურებაა, რომელიც დიალოგის ფორმით ყოველ საღამოს ხელისუფლებასთან გვქონდა. როგორც ჩანს ხელისუფლება დიალოგის ამ ფორმამ შეაწუხა და გააცნობიერა, რომ ცივილიზებულ, დემოკრატიულ და თავისუფალ ქვეყანაში ასეთი დიალოგი არ უნდა გამართოს საკუთარ მოსახლეობასთან", _ თქვა მაკა სულაძემ. შსს-ში აცხადებს, რომ "პოლიციის თანამშრომლები გუმათჰესთან და რიონის ხეობაში, უსაფრთხოების ზომებიდან გამომდინარე, კვლავ დარჩებიან, სამართალდარღვევის ნებისმიერი ფაქტის გამოვლენის შემთხვევაში, პოლიცია იმოქმედებს კანონმდებლობის შესაბამისად და თითოეულ ასეთ ფაქტზე თანმიმდევრულ რეაგირებას მოახდენს. "პოლიციის თანამშრომლები გუმათჰესთან და რიონის ხეობაში, უსაფრთხოების ზომებიდან გამომდინარე, კვლავ დარჩებიან და საზოგადოებრივ წესრიგს დაიცავენ", _ წერია უწყების განცხადებაში. უწყება მოუწოდებს ნამახვანჰესის მშენებლობის მოწინააღმდეგე მოქალაქეებს, შეკრებისა და გამოხატვის დროს დაიცვან კანონის მოთხოვნები და დაემორჩილონ პოლიციელთა კანონიერ ... ...
  • „ენკა“ - მივესალმებით პროცესის დეესკალაციისკენ გადადგმულ ნებისმიერ ნაბიჯს (R)მივესალმებით პროცესის დეესკალაციისკენ გადადგმულ ნებისმიერ ნაბიჯს. მნიშვნელოვანია, რომ რიონის ხეობაში, ადგილზე, არ იყოს დაძაბულობის კერები და მოვლენები წარიმართოს მშვიდ ვითარებაში, - ამის შესახებ „ინტერპრესნიუსს“ კომპანია „ენკაში“ განუცხადეს. კომპანიაში იმედს გამოთქვამენ, რომ აქტივისტები აიღებენ პასუხისმგებლობას, პროტესტის მშვიდობიანად და კანონის ფარგლებში წარმართვაზე და არ შეზღუდავენ ხეობაში თავისუფლად გადაადგილების უფლებას. „მნიშვნელოვანია, მათ დაიცვან კანონი, ყველა ფუნდამენტური, მათ შორის საკუთრების, უფლება“, - აცხადებენ კომპანიაში. ცნობისთვის, შინაგან საქმეთა სამინისტრო წყალტუბოს მუნიციპალიტეტის სოფელ გუმათთან, უსაფრთხოების მიზნით განთავსებული რკინის ჯებირების დემონტაჟს იწყებს.  წყარო: https://www.interpressnews.ge/ka/article/661428-enka-mivesalmebit-procesis-deeskalaciisken-gadadgmul-nebismier-nabijs-mnishvnelovania-rom-rionis-xeobashi-ar-iqos-dazabulobis-kerebi ... ...
  • „ვუყურე შეჯახებას და უცებ დავრეკე სამაშველოში“ _ კიდევ ერთი ავარია ბაილეთშიდღეს, ოზურგეთის მუნიციპალიტეტის სოფელ ბაილეთში, კიდევ ერთი ავტოავარია მოხდა. ორი ტვირთმზიდი  ერთმანეთს შეეჯახა. _ ადგილზე შემთხვევით მოვხვდი. ჩემს სახლთან ახლოს მოხდა. აღმართზე მიმავალ ხრეშით დატვირთულ სატვირთოს,  მეორე სატვირთომ  კაბინა წაჰკრა. ტვირთიანი უცებ გადაყირავდა გვერდზე. როგორც  მანქანა გადავარდა გვერდზე, მაშინვე სამაშველოში და სასწრაფოში დავრეკე. ადგილზე მოსულმა სამაშველო სამსახურის წარმომადგენლებმა მანქანის ძარა  და კაბინა გაჭრეს და ისე ამოიყვანეს მძღოლი. როგორც თქვეს, ფეხები ჰქონდა დაზიანებული და „მედალფაში“ წაიყვანეს მაშინვე, _ გვითხრა ოზურგეთის მუნიციპალიტეტის მერის წარმომადგენელმა ბაილეთში,  ზურაბ დარჩიამ. ჩვენი ინფორმაციით, მძღოლი ახლა საავადმყოფოშია და სიცოცხლისთვის საშიში დაზიანება არ ... ...
  • დეპუტატი გრიგოლ ვაშაძე პარლამენტში მივიდაფრაქცია "შარლ მიშელის რეფორმების" ჯგუფის წევრი და დამოუკიდებელი დეპუტატი, გრიგოლ ვაშაძე პარლამენტში მივიდა. როგორც მან ჟურნალისტებს სხდომაზე შესვლამდე განუცხადა, საკანონმდებლო საქმიანობაში აქტიურად ჩაერთვება. რაც შეეხება შარლ მიშელის დოკუმენტს, ვაშაძემ თქვა, რომ დეკემბერში დოკუმენტის უკეთესი ვარიანტის გამოტანა შეიძლებოდა. მისივე თქმით, "ქართული ოცნების" ამნისტიის ვერსია მავნებლობაა. „სიმართლე გითხრათ, სია რომ არ ჩაეხსნათ ჩვენი ბლოკის, პარლამენტში შემოსვლას არც ვაპირებდი, მაგრამ რადგან შემოვედი, ამომრჩევლის ამ ნდობას გამართლება უნდა. ვითანამშრომლებ ყველასთან, უპირველეს ყოვლისა ფრაქციის წევრებთან. ეს არის ტექნიკური ფრაქცია, ფრაქციაში ადამიანებს ერთმანეთთან აკავშირებთ მხოლოდ ერთი მიზანი - 19 აპრილის შეთანხმების სრულფასოვანი რეალიზაცია და საქართველოს პოლიტიკაში ახალი ატმოსფეროს დამკვიდრება", _ განაცხადა ვაშაძემ. ცნობისთვის, გრიგოლ ვაშაძე ახლა საგარეო ურთიერთობათა კომიტეტის სხდომას ესწრება. შეგახსენებთ, რომ  გრიგოლ ვაშაძე ფრაქცია "შარლ მიშელის რეფორმების ჯგუფის" წევრია.   ... ...
  • ლუკ კოფი: დაუჯერებელია, რომ საქართველო ერთხელაც არ იყო ნახსენები პუტინის და ბაიდენის პრესკონფერენციაზე,,დაუჯერებელია, რომ საქართველო ერთხელაც ნახსენები არ იყო არც პუტინის და არც ბაიდენის პრესკონფერენციაზე", _ ასე გამოეხმაურა ბაიდენის და პუტინის შეხვედრას  საქართველოს საკითხზე,  The Heritage Foundation-ის საგარეო პოლიტიკის ცენტრის დირექტორი, ლუკ კოფი  Twitter-ზე. მან,  ასევე, აღნიშნა, რომ დასავლეთში საქართველოს მეგობრებმა მეტი უნდა იმუშაონ, რომ საქართველოს ოკუპაციის საკითხი საერთაშორისო დღის წესრიგში დაბრუნდეს. "დასავლეთში საქართველოს მეგობრებმა მეტი უნდა იმუშაონ, რომ რუსეთის მხრიდან აფხაზეთისა და ცხინვალის ოკუპაცია საერთაშორისო დღის წესრიგში დაბრუნდეს. საქართველოს 20% ოკუპირებულია. თითქმის დაუჯერებელია, რომ საქართველო ერთხელაც ნახსენები არ იყო არც პუტინის და არც ბაიდენის პრესკონფერენციაზე", _  წერს ლუკ ... ...

არქივი

ტესტები

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

კარმიდამო ჩემი

ტრადიციად ქცეული მავნე ჩვევა

სასოფლო-სამეურნეო სავარგულების გადაწვა სახიფათო და...

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...