20 მაისს, ოზურგეთის სახელმწიფო თეატრში, ოზურგეთის მეორე საჯარო სკოლის მე-12 კლასელთა ბოლო ზარის ზეიმი შედგა.
სცენის სივრცეში, ოქროსმაძიებელთა და ლელოს გამტანთა სიმბოლური პლაკატები და ფრაზები ჩანდა: „ოქროსმაძიებლები“, „ლელოს მაინც ჩვენ დავდებთ“…
მეთორმეტეკლასელთა “ა” და “ბ” ჯგუფებმა წარმოადგინეს სასკოლო ცხოვრების მრავალი ეტაპი: შემოქმედებითი, მხატვრულ-მუსიკალური, კლასელებსა და მასწავლებეთა ურთიერთობის ეპიზოდები, საგაკვეთილო პროცესების მთელი კასკადი…
ზეიმის დასასრულს დიდი ოვაციები მოჰყვა დასკვნით ნაწილს, როცა ფეიერვერკების ფონზე კურსდამთავრებულებს სკოლის დირექტორი, ქალბატონი ფატი სიორიძე მიესალმა:
_ჩემო ძვირფასო მეთორმეტეკლასელებო, დღეს როცა სკოლის ისტორიის მნიშვნელოვანი ისტორიის ფურცელს ვხურავთ, მე ძალიან ბედნიერი და ამაყი ვარ, რომ თქვენს გვერდით ვდგავარ. სკოლის წარმატებით დასრულების გზა რუკაა. მინდა, ეს რუკა სულ წინ გედოთ. მედღეს ბედნიერი ვარ, რომ თქვენს გვერდით ვარ. სკოლის დამთავრება მარტო თქვენი თავგადასავლებით არ შემოიფარგლება. ეს არის ნაყოფი ჩვენი პედაგოგების, მშობლების და ჩვენი სკოლის თითოეული თანამშრომლის თავდადებული შრომისა. და თქვენ ამ დიდი პროექტის ნაწილი ხართ. არაფერი იმაზე მნიშვნელოვანი არ ის, რაც სკოლაში შეიძინეთ. ეს არა მარტო წიგნების ცოდნაა, არამედ უნარები, შესაძლებლობები და ის ღირსეული ფასეულობებია, რომელიც თქვენი პიროვნების ნაწილია. თქვენ შეძელით გესწავლათ დაბრკოლებბის გადალახვა და უნარების შეძენა. როცა სკოლიდან გახვალ, გახსოვდეთ, რომ ეს სკოლის კარი თქვენთვის მუდამ ღიაა. თქვენი სკოლა მუდამ თქვენს გვერდით იქნება… მადლობა თითოეულ თქვენგანს…მადლობა, – თქვა მან.
ფატი სიორიძემ პერსონალური მადლობა გადაუხადა ღონისძიების ორგანიზატორებს.
ავტორი
