გამოცემა Foreign Policy-მა (FP) საქართველოს საგარეო კურსის შესახებ სტატია მოამზადა, რომლის მიხედვითაც პრო-დასავლურიდან პრო-რუსულად გარდაიქმნა.
,,როდესაც საქართველოს მმართველი პარტიის თავმჯდომარე ცოტა ხნის წინ თავს დაესხა აშშ-სა და ევროკავშირის ელჩებს, ეს იყო უახლესი ნიშანი იმისა, რომ ქვეყანა რამდენიმე თვეში მტკიცე დასავლელი მოკავშირიდან გადაიქცა ანტაგონისტურ პროკრემლის რეჟიმში, ევროკავშირში გაწევრიანების მცდელობით და ნატო ახლა ეჭვშია,“ – ასე იწყება სტატია, რომლის ავტორიც უილ კატკარტია.
სტატიაში წერია, რომ 4 აგვისტოს საქართველოს პარლამენტის 48 წევრმა გაავრცელა განცხადება , რომელშიც დაგმო მმართველი პარტიის „ქართული ოცნების“ ცრუ განცხადება იმის შესახებ, რომ საქართველოს სტრატეგიული მოკავშირეები ცდილობენ აიძულონ ქვეყანა რუსეთთან ომში ჩართვა. პარლამენტარებმა მიმართეს მმართველ პარტიას, შეწყვიტოს „ცილისმწამებლური და დეზინფორმაციული კამპანია საქართველოს სტრატეგიული პარტნიორების – აშშ-სა და ევროკავშირის წინააღმდეგ“.
სტატიის ავტორის, უილ კატკარტის შეფასებით, არაფორმალური მმართველობის, მართველი გუნდის წევრების პრო-რუსული რიტორიკისა და მიკერძოებული სასამართლოს გამო ქართული ოცნების მმართველობის პირობებში საქართველოს NATO-სა და ევროკავშირში გაწევრიანების შანსები ქრება.
,,საქართველოს მმართველი პარტიის, ქართული ოცნების თავჯდომარის, ირაკლი კობახიძის მიერ აშშ-სა და ევროკავშირის ელჩებზე თავდასხმა უკანასკნელი ნიშანია, რომ ქვეყანა დასავლეთის მყარი მოკავშირეობიდან ანტაგონისტურ პრო-რუსულ რეჟიმად გადაიქცა, რაც ძირს უთხრის მის NATO-სა და ევროკავშირში გაწევრიანების მცდელობებს,“ – წერს სტატიის ავტორი.
Foreign Policy-სთან საუბრისას, აშშ-ში საქართველოს ყოფილმა ელჩმა, ბათუ ქუთელიამ ქვეყნის საგარეო კურსის ცვლილებაში ბიძინა ივანიშვილის წვლილზე ისაუბრა.
ქუთელიას თქმით, ივანიშვილის მიერ არაფორმალური მმართველობის ერთ-ერთი მტკიცებულება არის ის, რომ მთავრობის თითქმის ყველა მინისტრი რაღაც ეტაპზე ივანიშვილის პირად სამსახურსა და მის მიერ დაფუძნებულ ქართუ ბანკში მუშაობდა.
,,მისი პრო-რუსული, პუტინის სტილის ანტიდემოკრატიული ქმედებები და მის მიერ არაფორმალური გზებით მმართველობა ასაბუთებს, რომ ივანიშვილი არის საქართველოს არაფორმალური მმართველი და რუსეთის მოკავშირე“, – თქვა ქუთელიამ.
სტატიაში, ასევე საუბარია ევროკავშირის მიერ საქართველოსთვის კანდიდატის სტატუსის მინიჭებაზე უარის თქმის შესახებ.
სტატიის ავტორი წერს, რომ ქართული ოცნების აშკარა პოზიციისგან განსხვავებით, ქართველების 80 პროცენტზე მეტს კვლავ სურს ევროკავშირში გაწევრიანება , ხოლო 70 პროცენტზე მეტს სურს ნატოში შესვლა. დაახლოებით 120 000 ქართველი გამოვიდა ქუჩებში 20 ივნისს ევროკავშირში გაწევრიანების მხარდაჭერის დემონსტრირებისთვის და მათი მთავრობის კურსის შეცვლის მოთხოვნით. პრემიერ-მინისტრმა ირაკლი ღარიბაშვილმა პირობა დადო , რომ “არ შეიწყალებს” დემონსტრანტებს, თუმცა მისმა პარტიამ სწრაფად შეცვალა ტონი , როდესაც მასობრივი მოძრაობა უდაო გახდა.
ცოტა ხნის შემდეგ, ევროკომისიამ უარი თქვა საქართველოსთვის ევროკავშირის კანდიდატის სტატუსის რეკომენდაციაზე, უკრაინისა და მოლდოვისგან განსხვავებით, რომლებსაც მან რეკომენდაცია გაუწია, სანამ ქვეყანა არ განახორციელებს 12 რეფორმის ჩამონათვალს , მათ შორის „დეოლიგარქიზაციას“.
ატლანტიკური საბჭოს კავკასიის მკვლევარმა, ეთო ბიზუიაშვილმა Foreign Policy-სთან თქვა, რომ ქართულმა ოცნებამ ყველაფერი გააკეთა იმისთვის, რომ საქართველო ევროპულ ინსტიტუტებთან არ დაახლოებულიყო.
“როგორც ჩანს, დემოკრატიისგან განდგომა, წარუმატებელი სასამართლო რეფორმები, პოლიტიკური მართლმსაჯულება, თავისუფალ მედიაზე, აქტივისტებსა და სიტყვის თავისუფლებაზე თავდასხმა მიზანმიმართულად ხდებოდა, რათა საქართველო არ გამხდარიყო დასავლური ინსტიტუტების ნაწილი და ეს არის ის, რისი ხილვაც სურს რუსეთს საქართველოში”. – ამბობს ბუზიაშვილი.
სტატიის ავტორი, უილ კატკარტი, სტატიაში, ასევე წერს, რომ “ქართული ოცნების” მიერ ქვეყანაში დემოკრატიის დონის გაუარესება განსაკუთრებით თვალსაჩინოა მართლმსაჯულების სისტემაში. ის აღნიშნავს, რომ ეუთოს (OSCE) დემოკრატიული ინსტიტუტებისა და ადამიანის უფლებების ოფისის 2021 წლის ანგარიშის მიხედვით, 2019-2021 წლებში “ქართულმა ოცნებამ” 20 უვადო მოსამართლე არაპატიოსანი, არაობიექტური და არადამაჯერებელი მეთოდებით დაამტკიცა.
სტატიაში ასევე საუბარია პოლიტიკურ მართლმსაჯულებაზე და მაგალითად მოყვანილია მთავარი არხის დირექტორი, ნიკა გვარამია, რომელსაც სასამართლომ მაისში პოლიტიკურად მოტივირებული ბრალდებით სამი წლითა და ექვსი თვით პატიმრობა მიუსაჯა. რომლის შედეგად, ევროპარლამენტმა, რომელიც საქართველოსთვის კანდიდატის სტატუსის მინიჭების საკითხს განიხილავდა, რეზოლუცია შეიმუშავა, რომლითაც ევროკავშირს ივანიშვილისთვის პერსონალური სანქციების დაწესებას ითხოვდა და მისი როლი ქართულ პოლიტიკაში შეაფასა, როგორც დესტრუქციული.
სტატიის ავტორი წერს, რომ აღნიშნულის საპასუხოდ, პრემიერ-მინისტრმა ევროკომისიის პრეზიდენტს, ურსულა ფონ დერ ლეიენს წერილი გაუგზავნა, სადაც უარყოფდა, რომ ბიძინა ივანიშვილი ოლიგარქი და არაფორმალური მმართველია. ასევე, ქართული ოცნების ზოგიერთმა წარმომადგენელმა და მათთან დაახლოებულმა პირებმა დაიწყეს თავდასხმა და აგრესიული რიტორიკა, როგორც დასავლური ინსტიტუტების, ასევე ევროკავშირისა და აშშ-ს ელჩების, კარლ ჰარცელისა და კელი დეგნანის მიმართ.
სტატიის მიხედვით, მმართველმა გუნდმა არაფერი გააკეთა, რათა ელჩების მიმართ გავრცელებული უსაფუძვლო ბრალდებები გაექარწყლებინა.
საქართველოში აშშ-ს ყოფილმა ელჩმა, იან კელიმ Foreign Policy-სთან ინტერვიუში აღნიშნა, რომ არ შეუძლია ისეთი დროის გახსენება, როდესაც მეგობრულმა ხელისუფლებამ და პარტნიორმა ვერ შეძლო აშშ-ს ელჩის დაცვა ყალბი ბრალდებებისგან. მისი თქმით, გონიერი ხალხი მიხვდება, რომ საქართველო ზურგს აქცევს დასავლეთს.
ავტორი
