„პაკისტანი ფლობს დადასტურებულ ინფორმაციას, რომ ინდოეთი აპირებს უახლოეს 24-36 დაიწყოს საომარი მოქმედებები მათი ქვეყნის წინააღმდეგ“, _ განაცხადა პაკისტანის ინფორმაციის მინისტრმა ატაულა ტარარმა.
ტარარის თქმით, ინდოეთი საომარ მოქმედებს დაიწყებს უსაფუძვლო ბრალდების საფუძველზე _ საქმე იმაშია, რომ ინდოეთის კონტროლირებად ტეროტორიაზე, კერძოდ, 22 აპრილს, პაჰალგამში, შეიარაღებულმა პირებმა ტურისტებს ცეცხლი გაუხსნეს. სროლის შედეგად 26 ადამიანი დაიღუპა. მომხდარზე პასუხისმგებლობა აქამდე უცნობმა დაჯგუფებამ აიღო, რომელიც თავის თავს „წინააღმდეგობის ფრონტს“ უწოდებს.
ინციდენტის შემდეგ ინდოეთმა შეამცირა პაკისტანთან დიპლომატიური ურთიერთობების დონე და გააუქმა ყველა ვიზა, რომელიც პაკისტანის მოქალაქეებზე იყო გაცემული. საპასუხოდ, პაკისტანმა შეაჩერა ვაჭრობა ინდოეთთან და დაკეტა საკუთარი საჰაერო სივრცე ყველა ავიაკომპანიისთვის.
პაკისტანის ინფორმაციის მინისტრის თქმით, პაკისტანმა შესთავაზა ინდოეთს, ჩაეტარებინათ გამჭვირვალე და დამოუკიდებელი გამოძიება პაჰალგამში მომხდარ ინციდენტზე, თუმცა, „ინდოეთმა გადაწყვიტა, დადგომოდა ირაციონალურ და კონფრონტაციის გზას“, _ თქვა ტარარმა.
Pakistan has credible intelligence that India intends carrying out military action against Pakistan in the next 24-36 hours on the pretext of baseless and concocted allegations of involvement in the Pahalgam incident.
Indian self assumed hubristic role of Judge, Jury and… pic.twitter.com/WVW6yhxTJ0— Attaullah Tarar (@TararAttaullah) April 29, 2025
