სოფლის მცხოვრებლებისთვის, მშობლებისა და ახლობლებისთვის ეჩვენებინათ. ასე გრძელდებოდა წლების განმავლობაში.
როგორც გაირკვა, წელს XII კლასელებმა “ბოლო ზარი”, შესაძლებელია, ვერ იზეიმონ, რადგან სოფელს სცენა არ აქვს. შენობის შეკეთება, რომელიც შარშან მოხდა, სოფლის პრიორიტეტი გახლდათ. პირველ სართულზე _ მეთლახი, ხოლო სცენაზე ლამინატი დაიგო. ერთი შეხედვით, შენობა მოწესრიგდა, მაგრამ მოსწავლეების სამზადისმა ყველაფერი შეცვალა _ რეპეტიციის დროს სცენა ჩაინგრა და ღონისძიების ჩატარებაც ეჭვის ქვეშ დადგა.
რატომ უნდა ჩანგრეულიყო ერთი წლის წინ გაკეთებული სცენა, ვინ აგებს ამისთვის პასუხს, ვინ იცავს ჩოხატაურში ბავშვთა უფლებებს? – კითხულობენ მშობლები.
ყველაზე საკვირველი მაინც ის არის, რომ წელს სოფლის პრიორიტეტად ისევ აღნიშნული სახლის რემონტია განსაზღვრული. ჩვენ ამ თემას აუცილებლად მივუბრუნდებით, მაგრამ მანამდე, უფრო მნიშვნელოვანი, ბავშვების დახმარებაა. არადა, ბავშვებს უნდათ, თავიანთი შემოქმედება სოფელს აჩვენონ.
აქვე არ შეიძლება არ აღინიშნოს ისიც, რომ სოფელში მისულებს ადგილობრივი სამი ხელმძღვანელიდან, არც ერთი სამსახურში არ დაგვიხვდა, არც პასუხის გამცემი აღმოჩნდა ვინმე. თუმცა, როგორც მოგვიანებით გავარკვიეთ, ადამიანი, რომელსაც ვკითხეთ, თუ სად იმყოფებოდა სოფლის ხელმძღვანელობა, სოფლის რწმუნებულის თანაშემწე ყოფილა. მან არ ჩათვალა საჭიროდ, როგორც პასუხისმგებელი პირი, ისე წარმდგარიყო ჩვენ წინაშე და გვიპასუხა, გამგეობაში არიან წასულებიო. მოგვიანებით კი თავი იმით იმართლა, რომ ჩვენ არ გვიცნობდა.
14 მაისს, დილით ისევ ვეწვიეთ გუთურს, შევხვდით სოფლის ხელმძღვანელობას და ჩანგრეული სცენაც ვნახეთ. წამოსვლისას სოფლის რწმუნებულმა გვითხრა, რომ სცენას აუცილებლად შეაკეთებენ და ბავშვებს მაქსიმალურ პირობებს შეუქმნიან.
სტატია მომზადებულია ფონდის “ღია საზოგადოება _ საქართველოს” მიერ დაფინანსებული პროექტის _ “დათვალე საკუთარი ფული!”, ფარგლებში და მასში გამოთქმული მოსაზრება არ გამოხატავს ფონდის პოზიციას.
