რაშიც მონაწილეობა იუსტიციის და სასჯელარსრულების მინისტრებმაც მიიღეს.
იუსტიციის მინისტრის თეა წულუკიანის განცხადებით, მნიშვნელოვანია, რომ არ მოხდეს მასიური ამნისტიის შედეგად გათავისუფლებული პატიმრების საზოგადოებისაგან გარიყვა. სწორედ ამისთვის შეიქმნა რესოციალიზაცია-რეაბილიტაციის პროგრამა, რასაც იუსტიციის და სასჯელაღსრულების სამინისტროები ახორციელებენ.
ამ დროისთვის ყოფილი პატიმრების დასაქმების სურვილი რამდენიმე პატარა კომპანიამ გამოთქვა. მათ შორის ყველაზე მეტად ტაქსის კომპანიები აქტიურობენ _ პირველი პატიმარიც სწორედ მათ დაასაქმეს. მინისტრის თქმით, პატარა კომპანიები დიდ კომპანიებზე ადრე მიხვდნენ, რამხელა სახელმწიფოებრივი საქმე კეთდება ყოფილი პატიმრების დასაქმებით.
“პრობლემებსაც ვაწყდებით და მივიჩნევთ, რომ ამ ორი სამინისტროს ჩართულობა არ არის საკმარისი ამ კომპლექსური თემის მოსაგვარებლად. კარგი იქნება, თუ პროგრამაში ჩაერთვება ყველა სახელმწიფო სტრუქტურა და არასამთავრობო ორგანიზაციები, რადგან სერვისები ძირითადად მათგან უნდა მოდიოდეს და ის ექსპერტული ცოდნა, რაც მათ აქვთ, ხშირად სამთავრობო სტრუქტურებს არ გააჩნიათ. ჩვენი საბოლოო მიზანია, საქართველოს ჰქონდეს რესოციალიზაციის სახელმწიფო პოლიტიკა, რისი პირველი ნაბიჯებიც ამჟამად იდგმება,” _ განაცხადა თეა წულუკიანმა.
მინისტრმა აღნიშნა, რომ იუსტიციის სამინისტროს, დაახლოებით, 600 ყოფილმა პატიმარმა მიაკითხა და პროექტში ჩართვის სურვილი გამოთქვა.
“ეს არ მომხდარა ერთი ხელის მოსმით, აბსოლუტურად ყველას ფსიქოლოგიური სტრესი და უარყოფა ჰქონდა იმ ადგილზე გამოჩენის, სადაც პროკურატურაა განთავსებული. მათ ნელ-ნელა გადალახეს ეს სტრესი და ფეხი შემოადგეს ამ შენობაში ისე, რომ დარწმუნებული იყვნენ, უკან წავიდოდნენ”.
თეა წულუკიანმა მადლობა გადაუხადა საქსტატს, რომელმაც მოსახლეობის აღწერის პროექტში ყოფილი პატიმრების დასაქმების სურვილი გამოთქვა.
