_დღეს არის მოსამართლეთა მეათე კონფერენცია. ფაქტურად, დღეს ჩატარდება მოსამართლეთა რეალური არჩევნები, რომელიცსაშუალებას მოგვცემს იუსტიციის საბჭო არჩეული იყოს თავად მოსამართლეების მიერ. მოსამართლეთა თვითმმართველობა ნიშნავს იმას, რომ მოსამართლე თავად ირჩევს ვინც უნდა უხელმძღვანელოს მათ საქმიანობას. მხედველობაში მაქვს ადმინისტრაციული საქმიანობა და სხვა პროცედურული საკითხი. ასე რომ, ძალიან მნიშვნელოვანი დღეა. 9 ივნისი შეიძლება საქართველოში დამოუკიდებელი სასამართლოს დაბადების დღედ იქცეს. ამიტომ, ამ დღეს მე როგორც იუსტიციის საბჭოს წევრი, აუცილებლად გამოვიყენებ დამკვირვებლის უფლებას. დავაკვირდები როგორ განვითარდება პროცესი. იქ არის წინააღმდეგობა თავად მოსამართლეთა შორის რეგლამენტის შინაარსის განმარტებათა მიმართებაში, ასევე როგორ განსხვავებული დღის წესრიგის შედგენასთან დაკავშირებით მოსამართლეთა დიდი ნაწილი აყენებს საკითხს, არ ჩადგეს არცერთი მოსამართლე პრივილეგირებულ მდგომარეობაში. ყველა მოსამართლე, თანამდებობის მქონე იქნება თუ რიგითი მოსამართლე, ერთიანად იყაროს კენჭი. ერთიანად შეეკითხოს ერთმანეთს ვინ მოიპოვებს მოსამართლეთა უმრავლესობის მხარდაჭერას. ასევე მოსამართლეთა ნაწილი არ ეთანხმება დღის წესრიგში საკითხების განლაგებას და მიაჩნიათ, რომ პირველ რიგში საბჭოს წევრები უნდა აირჩეს. ხოლო შემდეგ, სკოლის ხელმძღვანელობა. ეს არის ის ცნობილი სკოლა, რომელსაც სააკაშვილის ძმა წლების განმავლობაში ხელმძღვანელობდა და წარმოადგენდა სააკაშვილების ექსკლუზიურ სკოლას, მოსამართლეთა მომზადების სკოლის სახით, _ განაცხადა ქუცნაშვილმა.
“გურია ნიუსის” კითხვაზე, აღმასრულებელი ხელისუფლების წარმომადგენლები და უზენაესი სასამართლოს თავმჯდომარე ერთმანეთს ურთიერთ ბრალდებებს უყენებდნენ. საუბრობდნენ, რომ მიმდინარეობდა მოსამართლეთა გადაბირება. თქვენ თუ გაქვთ ინფორმაცია, მოხდა თუ არა მოსამართლეთა გადაბირების კონკრეტული ფაქტი? _ ქუცნაშვილმა აღნიშნა, რომ ასეთი ბრალდებები საარჩევნო რეჟიმისთვის დამახასიათებელია.
_ ჩემი ინფორმაციით მოსამართლეები არც მალავდნენ, რომ სასამართლოს ხელმძღვანელი პირები აგიტაციას ეწეოდნენ. თუმცა აგიტაცია შესაძლებელია. ეწეოდნენ დამოუკიდებელი მოსამართლის საწინააღმდეგო კამპანიას შავი პიარის სახით. თითქოს ისინი პროკურატურასთან არიან შეკრულები და ა.შ. იყო ბრალდებები მეორე მხრიდანაც, თითქოს დამოუკიდებელი მოსამართლეები არსებული ხელისუფლების მხარდაჭერას იყენებენ. ასეთი ბრალდებები საარჩევნო რეჟიმისთვის დამახასიათებელია. ვნახოთ, ჩატარდება კონფერენცია და დაადგენს ვინ იმსახურებს მოსამართლეთა ნდობას, _ აღნიშნა ჩვენთან საუბრისას ქუცნაშვილმა.
