სახელმწიფო მინისტრის ვიზიტი საბერძნეთში

ვიზიტის ფარგლებში, 6 ივნისს, ისინი საბერძნეთის საგარეო საქმეთა მინისტრის მოადგილეს კოსტას ციარასს შეხვდნენ. შეხვედრაზე საუბარი შეეხო ურთიერთობებს ორ ქვეყანას შორის. განიხილეს სამომავლო თანამშრომლობის პერსპექტივები საერთო ინტერესის სფეროებში. შეხვედრისას განსაკუთრებული ყურადღება დაეთმო დიასპორის, სპორტის, განათლებისა და კულტურის საკითხებს.

ვიზიტის ფარგლებშივე იყო გაწერილი შეხვედრა თესალონიკში მცხოვრებ ჩვენს თანამემამულეებთან.

შეხვედრა, რომელსაც 50-მდე ადამიანი დაესწრო, მუნიციპალურ ბიბლიოთეკაში გაიმართა.

რას შეეხებოდა საუბარი და როგორი განწყობით დატოვეს ემიგრანტებმა შეხვედრა, ამის გასაგებად შეხვედრაზე მყოფ ლია წიქარიშვილს დავუკავშირდით.

ლია წიქარიშვილი: “მოგეხსენებათ ემიგრაციის დატვირთული რეჟიმი, აქედან გამომდინარე, შევძელით დავსწრებოდით მინისტრებთან შეხვედრას, რადგან, ვფიქრობდი, დიასპორის მინისტრთან ჩვენი ემიგრაციის საჭირბოროტო საკითხები იქნებოდა განხილული, პროექტში შესული, დამტკიცებული და ჩვენამდე გადმოსაცემი. თუმცა ჩვენი, ემიგრაციის მოლოდინი, იმედი, უკეთესობისკენ, ჩვენთვის მისაღები არ აღმოჩნდა. საკითხები ეხებოდა და ყურადღება გამახვილებული იყო მხოლოდ განათლების სისტემაზე, ოლნაილით მომსახურებაზე თუ დაფინანსებაზე. ეს ყველაფერი მისაღებია, მაგრამ ჩვენ და მე პირადად, რაზე ვიყავი იქ მისული, ვერ გავიგე. ბატონ ლევან ყიფიანის გამოსვლაში უფრო შეიმჩნეოდა და შეინიშნებოდა მომავალი პრიორიტეტები და გახორციელების დიდი სურვილი. კიდევ ერთი ტკივილიან დღეს დავარქმევდი თესალონიკის შეხვედრას, რადგან, გულდათუთქულმა და გულნატკენმა ემიგრანტებმა უშედეგოდ დატოვეს დარბაზი. კიდევ ერთხელ მინდა აღვნიშნო, რომ ლევან ყიფიანმა თავისი სათქმელი სპორტში მიზანმიმართულად და იმედის მომცემად ჩამოაყალიბა.”