როგორც ჩვენთვის ცნობილია სტუმრებს შორის იქნებიან: ვიქტორ ხლუსი _ სსრკ ჩემპიონი. სსრკ თასის მფლობელი. თამაშობდა სსრკ ოლიმპიურ ნაკრებში. შვეციის ჩემპიონატის ვერცხლის მედლის მფლობელი; იური მოროზი – უკრაინის ჩემპიონთა თასის ფინალისტი. ახალგაზრდულ ასაკში მსოფლიო ჩემპიონი. გამოდიოდა უკრაინის ნაკრებში; ოლეგ სალენკო _ თამაშობდა სსრკ-სა და უკრაინის ნაკრებებში; ვიქტორ ლეონენკო – ექვსგზის უკრაინის ჩემპიონი, სამგზის უკრაინის თასის მფლობელი. უკრაინის ნაკრებში ითამაშა 25 თამაში. სამჯერ დასახელდა უკრაინის საუკეთესო ფეხბურთელად; ვლადიმერ ბესონოვი _ სსრკ ნაკრების წევრი, სპორტის დამსახურებული ოსტატი, უკრაინის დამსახურებული მწვრთნელი; სერგეი ფეოდოროვი _ მცველი. უკრაინის პირველი არხის თასის გამარჯვებული და სხვა ცნობილი სპორტსმენები.
“გურიას” შემადგენლობაში ითამაშებენ ლანჩხუთის მაჟორიტარი დეპუტატი, “გურიას” ლეგენდარული კაპიტანო თემურ ჩხაიძე და “გურიას” ახალი დირექტორი. კობა მირზაშვილი.
სტუმრების ჩამოსვლა ფინანსურად უზრუნველყვეს “რომპეტროლმა” _ 6 000 ლარით და ვაგონშემკეთებელმა ქარხანამ _ 6 000 დოლარი. არიან სხვა სპონსორებიც, რომელთა ვინაობაც ოფიციალურად ჯერ ცნობილი არ არის.
