“2003 წელს ამომრჩევლების რაოდენობა იყო 3 200 00, დღეს არის დაახლოებით ნახევარი მილიონით მეტი. თუ ეს პრობლემა ადგილობრივი არჩევნების დროსაც არ იქნება მოგვარებული, ისევ ვიქნებით გაურკვევლობაში. ჯერ ერთი იმიტომ, რომ ამდენი ამომრჩეველი რეალურად არ არის, უამრავი მკვდარი სულია სიაში, ასევე სიასი არიან ადამიანები, რომლებიც წლებია წავიდნენ საქართველოდან. მეორე მთავარი პრობლემაა გაყალბება და კარუსელი, სწორედ ამიტომ იყო, რომ „ქართულ ოცნებაში“ შემავალი პატრიები მოითხოვდნენ ბიომეტრიულ პასპორტებს, რათა თავიდან ყოფილიყო ზემოთ აღნიშნული აცილებული. კარგად მახსოვს, ბიძინა ივანიშვილმა განაცხადა, რომ მე დავაფინანსებ ამ პასპორტების დამზადებასო, მაგრამ უკვე ერთი წელი გავიდა და ეს საკითხიც ისევე არ დაძრულა ადგილიდან, როგორც სხვა ბევრი დაპირება. არ მოგვარდა საარჩევნო კანონდმებლობა. ანუ ის, რითაც “ქართული ოცნება” უკიდურესად უკმაყოფილო იყო, ხელისუფლებაში ყოფნის ერთი წლის განმავლობაში არ მოაგვარეს”.
დევდარიანი არამართებულად მიიჩნევს ქმედებას, როცა პრემიერ-მინისტრი ასახელებს თავის შემცვლელს, მოაზრებული ჰყავს თბილისის მერის კანდიდატურაც და აცხადებს, რომ ქვეყანაში არ არის ორდინალური სიტუაცია.
“ეს სწორი არ არის და იმ ფონზე განსაკუთრებით, როცა საპარლამენტო უმცირესობის წევრები ამბობენ, რომ ბატონ ბიძინას გადასაწყვეტია ეს საკითხები, ნორმალურ ვითარებაში საპარლამენტო უმრავლესობაში მხოლოდ ერთი ადამიანი არ წყვეტს საკითხებს. უნდა იყოს კონსულტაციები, თუმცა არავისთვის არ არის უცხო, რომ დეპუტატთა კორპუსი საქმის კურსში არ არის რა კანდიდატურებია შემოთავაზებული”.
“გლობალური კვლევების ცენტრის” ხელმძღვანელმა აღნიშნა, რომ შსს მინისტრისა და მთავარი პროკურორის პოსტებზე წარდგენილ კანდიდატურებს არ იცნობს საზოგადოების ფართო ნაწილი, ხოლო ვინც იცნობს, შეშფთებას გამოთქვამს იმის გამო, რომ ისინი ნამუშევრები არიან ძალოვან სტრუქტურებში სწორედ ბოლო პერიოდის განმავლობაში, იმ რეჟიმში, რომელსაც “ქართული ოცნება” დანაშაულებრივ რეჟიმად მოიხსენიებდა წინასაარჩევნო პერიოდში.
“ეს ბევრ კითხვას ბადებს. თუმცა ვნახოთ, მათი საქმიანობის პირველი თვეები ყველაფერს დაგვანახებს. არის მეორე მხარეც–ახალი პრემიერი არ მოეკიდება ამ ყველაფერს ზერელედ და ეცდება სანდო კადრები შეარჩიოს”.
დევდარიანის განცხადებით, საზოგადოება ელის სამართლიანობის აღდგენას და საჭიროა დაჩქარდეს ქვეყანაში ნორმალიზაციის პროცესი.
