დედამიწაზე გლობალური დათბობის შედეგად მყინვარები დნებიან და ქრებიან. იტალიის დედაქალაქ რომში ამასთან დაკავშირებით გამოფენა გაიმართა, რომლის მიზანი ამ გლობალური პრობლემის წინააღმდეგ ღონისძიებების გატარების აუცილებლობა იყო ხაზგასმული. ყურადღების ცენტრში კი სხვა ქვეყნებთან ერთად საქართველო, უფრო სწორად კი მისი მყინვარებიც მოექცა.
ჰიმალაის, ანდების და კავკასიის დიდებული მყინვარები სწორედ გლობალური დათბობის მსხვერპლნი ხდებიან. 1880 წლის შემდეგ დღემდე მათ მიერ დაფარული ტერიტორიები დაახლოებით 50 პროცენტით შემცირდა. მიზეზი ტემპერატურის მომატებაა, რომელმაც 1890 წლიდან დღემდე საშუალოდ 1 გრადუსი შეადგინა.
შესაძლებელია, რომ ეს პროცესი მთლად ადამიანის საქმიანობით არ იყოს გამოწვეული, მაგრამ სხვადასხვა კვლევები ადასტურებენ, რომ ამ პროცესში ადამინსი წვლილიც საკმაოა. ამ პროცესზე თვალის მიდევნება საკმაოდ რთულია რადგანაც იგი ნელა და ათეული წლებია მიმდინარეობს, მაგრამ უამრავი სამეცნიერო ექსპედიციების მიერ დანატოვარი ფოტოარქივის დახმარებით, იტალიელმა ფოტოგრაფმა ფაბიანო ვენტურამ რომელმაც პროექტ „მყინვარების კვალდაკვალ“ ფარგლებში კავკასიის, ჰიმალაის და სამხრეთ ამერიკის მიყინვარების ახალ ფოტოები გადაიღო. ახალ ფოტოები ზუსტად იმ წერტილიებიდანაა გადაღებული საიდანაც ძველად გადაიღეს. შედეგი, საინტერესო და დასაფიქრებელი აღმოჩნდა. მიღებული შედეგი კი საზოგადოებას წარუდგინა.
1. მწვერვალები თეთნულდი (4853) და შხარა (5200). განსხვავება ფოტოებს შორის 121 წელია. ძველ, ვიტორია სელას (1890 წელს) გადაღებულ ფოტოზე კარგად ჩანს მყინვარის ორი ზოლი – ადიშისა და ხალდეს. ახალ, ფაბიანო ვენტირას მიერ 2011 წელს გადაღებულ ფოტოზე კი ისინი თითქმის გამქრალნი არიან.
2. მყინვარ ადიშის წინა მხარე. ძველი და ახალი ფოტოების სედარებით კარგად ჩანს ყინულის საფარის გაქრობა. ძველი ფოტო მორ ფონ დეშის მიერ 1884 წელსაა გადაღებული. ახალი 2011 წელს ფაბიანო ვენტურის მიერ.
3. ჭალაადის მყინვარი. ფოტოებს შორის სხვაობა 121 წელია. მყინვარმა 200 მეტრი სიმაღლეში უკვე დაკარგა და დაახლოებით 4 ნახევარი კვადრატული კილომეტრით შემცირდა (27 პროცენტი), რის გამოც უკან დაიხია დაახლოებით 2, 6 კილომეტრზე. ისტორიული ფოტო გადაღებულია 1890 წელს. ახალი კი 2011 წელს ფაბიანო ვენეტურას მიერ.
4. ტვიბერის მყინვარი. ფოტოებს შორის სხვაობა 127 წელია. იქ სადაც ადრე ყინული იყო ახლა ტყეა. 1960-იან წლებში ის კავკასიაში უდიდეს მყინვარად ითვლებოდა. მან უკვე დაკარგა საკუთარი ფართობის თითქმის 40 პროცენტი. ისტორიული ფოტო მოგ დონ ფეშის ეკუთვნის. ახალი კი ფაბიანო ვენტურას, რომელიც 2011 წელსაა გადაღებული.
გამოყენებულია www.brasil247.com -ის მასალა
თეთნულდი
ადიში
ჭალაადი
