"დღეისათვის საქართველოს ინტერნეტბაზარზე რამდენიმე ათეული კომპანია ოპერირებს, თუმცა ბაზრის 60%–ს კომპანიები "კავკასუს ონლაინი" და "სილქნეტი" ფლობენ და შესაბამისად, თამაშის წესებსაც ისინი ადგენენ", _ ამის შესახებ, სეპციალურად გამართულ ბრიფინგზე "ახალგაზრდა ფინანსისტთა და ბიზნესმენთა ასოციაციის" ვიცე–პრეზიდენტმა, გიორგი კაპანაძემ განაცხადა.
ორგანიზაციამ ინტერნეტპროვაიდერების მხრიდან ტარიფების ზრდაზეც გაამახვილა ყურადღება და აღნიშნა, რომ ამ შემთხვევაში მომხმარებლების ინტერესები გათვალისწინებული არ ყოფილა.
"როგორც ცნობილია, პირველ ეტაპზე ინტერნეტ ტარიფებზე ფასი კომპანია "კავკასუს ონლაინმა" გაზარდა დაახლოებით 2–5 ლარით. შემდეგ უკვე "სილქნეტიც" ასე მოიქცა, თუმცა მან ფასები 6–10 ლარით გაზარდა. ორივე შემთხევაში კომპანიებმა ფასების ზრდის მიზეზად მომხმარებელთა მოთხოვნა დაასახელეს ინტერნეტის სიჩქარის ზრდასთან დაკავშირებით, რასაც შესაბამისად ფასების ზრდაც მოჰყვა. თუმცა, ახალგაზრდა ფინანსისტების შეფასებით, ამ შემთხვევაში აუცილებელი იყო მომხმარებელთა ინტერესების გათვალისწინება, რათა მათ არჩევანის საშუალება მისცემოდათ – ან დარჩენილიყვნენ არსებულ ტარიფზე და ნაკლები სიჩქარის ინტერნეტით ესარგებლად, ან გაეზარდათ სიჩქარე და შესაბამისად ფასებიც.
ამ ყველაფრის შემდგომ, კავკასუს ონლაინმა კვლავ დააანონსა ფასების ზრდა და ამის მიზეზად საერთაშორისო ბაზარზე არსებული და საქართველოში შექმნილი ეკონომიკური მდგომარეობა დაასახელა. თუმცა როგორც კომუნიკაციების მარეგულირებელი კომისიიდან გამოთხოვილი ინფორმაციიდან ჩანს 2014 წელს, 2013 წელთან შედარებით, "კავკასუს ონლაინს" შესყიდულ ინტერნეტზე ხარჯი 5 მილიონით შეუმცირდა, შესაბამისად მიგვაჩნია, რომ ფასების ზრდა ყოვლად დაუსაბუთებლად მოხდა," _ განაცხადა გიორგი კაპანაძემ.
ორგანიზაციის პრეზიდენტმა „კავკასუს ონლაინის" მიერ შესყიდული ინტერნეტის მოცულობაც წარადგინა, საიდანაც ირკვევა, რომ 2013 წელის, პროვაიდერმა 1096705 მბ 9 420 439 ლარად შეიძინა. ხოლო 2014 წელს 915778 მბ 3 693 002 ლარად.
რაც შეეხება ლიქნეტის დანახარჯებს, ის ასე გამოიყურება: 2013 წელი – 378 344 მბ ყიდვა 2 482 559 ლარი დაჯდა, ხოლო 2014 წელს 590 000 მბ-ს ყიდვა 4 539 101 ლარი.
"როგორც ვხედავთ "სილქნეტს" 211 656 მბ თ მეტი აქვს შეძენილი და შესაბამისაც 2 056 542 ლარით მეტი ხარჯიც ჰქონდა. თუმცა მარეგულირებილის მიერ მოწოდებული ინფორმაციიდან ჩანს, რომ მხოლოდ სხვა ქვეყნის ოპერატორებისგან და მხოლოდ 6 თვის მონაცემებით 2013 წლის მთლიან შემოსავალთან შედარებით 605 393 ლარით მეტი შემოსავალი მიიღო კომპანიამ და 46000 მბ თ მეტი გაყიდა. ასევე ამას ემატება ქართული პროვაიდერებისთვის მიყიდული მოცულობა, შემოსავლები და საკუთარი მომხმარებლების ზრდა და მიღებული შემოსავლები", _ განაცხადა აფბას ვიცე–პრეზიდენტმა.
გიორგი კაპანაძის თქმით "ახალგაზრდა ფინანსისტთა და ბიზნესმენთა ასოციაცია", დაინტერესდა მსოფლიოს სხვადასხვა ქვეყანაში არსებული ინტერნეტ ტარიფებით. მან წარმოადგინა სხვადასხვა ქვეყნებში ინტერნეტზე არსებული ფასები და განაცხადა, რომ ქართველი ინტერნეტპროვაიდერები ფაქტობრივად კაბალური ფასებით ოპერირებენ.
ინტერნეტ ტარიფები იურიდიული პირებისთვის
კაპანაძის განცხადებით "აფბა" ასევე დაინტერესდა "კავკასუს ონლაინისა" და "სილქნეტის" მიერ იურიდიული პირებისთვის დაწესებული დატიფებით.
"უნდა აღინიშნოს, რომ აღნიშნული ინფორმაცია პროვაიდერებს საკუთარ საიტებზე არ აქვთ განთავსებული და მათი მოპოვება მხოლოდ ოპერატორთან დაკავშირების შემდეგ არის შესაძლებელი. რაც შეეხება ტარიფების ფასსს იგი 55 ლარიდან იწყება და 100 მეგაბაიტის შემთხვევაში 10 000 ლარსაც კი აღწევს რაც ახალგაზრდა ფინანსისტების შეფასებით საკმაოდ მაღალი ტარიფია და ბიზნესს საკმაოდ მძიმე ტვირთად აწვება,"– განაცხადა გიორგი კაპანაძემ.
კაპანაძე მოუწოდებს კომუნიკაციების მარეგულირებელ კომისიას აუცილებლად დაინტერესდეს აღნიშნული საკითხით და კომპანიებს მოსთხოვოს იურიდიული პირებისთვის დაწესებული ტარიფის ოფიციალურად, მათ საიტზე გამოქვეყნება. ასევე, მისი თქმით პროვაიდერებმა მომხმარებლებს მისცენ არჩევანის უფლება, დარჩნენ ძველ პაკეტზე ძველი პირობებით თუ გადავიდნენ ახალ პაკეტეზე ახალი პირობებით.
"აუცილებლად კომუნიკაციების მარეგულირებელმა კომისიამ დეტალურად შეისწავლოს ინტერნეტპროვაიდეტების ბაზარი, დაადგინოს კომპანიების რეალური ხარჯი და შემოსავალი, ბაზრის შესწავლის შემდეგ, თუ დადასტურდება კომპანიების მიერ ფასების ხელოვნური ზრდა და თუ დადასტურდება ზემოგებაზე მუშაობა, საქართველოს ელექტრონული კომუნიკაციების შესახებ კანონით მინიჭებული უფლება გამოიყენოს და დაუწესოს კომპანიებს ზედა ზღვრული ტარიფი.
"ახალგაზრდა ფინანსისტთა და ბიზნესმენთა" ასოციაცია გააგრძელებს აღნიშნული ბაზრის შესწავლას და სხვადასხვა მონაცემებს საზოგადოებას პერიოდულად წარუდგენს", _ განაცხადა აფბას ვიცე–პრეზიდენტმა გიორგი კაპანაძემ.
