აზერბაიჯანის პრეზიდენტის, ილჰამ ალიევის ხელფასი რამდენჯერმე იყო აზერბაიჯანული პარლამენტის – მილი-მეჯლისის განხილვის თემა. სწორედ პარლამენტის დადგენილებითა და ალიევის ინიციატივით, მისი ხელფასი რამდენჯერმე შემცირებულა და ამჟამად ილჰამ ალიევი თვეში 16 500 დოლარს იღებს, არადა, მისი ხელფასი წარსულში 19 500 იყო.
რუსეთის ფედერაციის პრეზიდენტი ვლადიმირ პუტინის ხელფასი თვეში 6 200 დოლარია.
ევროპელი ლიდერებიდან სოლიდურ ხელფასს იღებს დიდი ბრიტანეთის პრემიერ-მინისტრი დევიდ კამერონი – წელიწადში 142 ათას გირვანქა სტერლინგს.
საფრანგეთის პრეზიდენტის, ფრანსუა ოლანდის ამჟამინდელი ხელფასი თვეში 14 900 ევროა. ცნობილია, რომ ოლანდმა 30 პროცენტით შეიმცირა ხელფასი. მისი წინამორბედი ნიკოლა სარკოზი თვეში 29 ათას ევროს იღებდა.
ევროპის ყველაზე მაღალანაზღაურებად ლიდერებში ფიგურირებს გერმანიის კანცლერი ანგელა მერკელი, რომლის წლიური ხელფასი 305 800 ევროა, თუმცა, ბოლო დროს გავრცელდა ინფორმაცია, რომ მერკელმა თავისი ხელფასის მომატების ბრძანებას მოაწერა ხელი და მომავალში რამდენიმე ასეული ევროთი მეტს მიიღებს.
გავრცელებული ცნობის თანახმად, ამერიკის შეერთებული შტატების პრეზიდენტი ბარაკ ობამა სულაც არ გახლავთ პლანეტის ყველაზე მაღალანაზღაურებადი ლიდერი – მისი ხელფასი წელიწადში 400 000 დოლარია,
არგენტინის პრეზიდენტი კრისტინა ფერნანდეს დე კირშნერი – თვეში 4 839 დოლარს, ჩილეს პრეზიდენტი, სებასტიან პინიერა თვეში 13 776 დოლარს, გვატემალის პრეზიდენტი ალვარო კოლომა – თვეში 18 657 დოლარს, მექსიკის პრეზიდენტი ფელიპე კალდერონი – თვეში 27 312 დოლარს, ურუგვაის პრეზიდენტი ხოსე მუხიკა კი, რომელიც მსოფლიოს ერთ-ერთ ყველაზე "ღარიბ" პრეზიდენტად არის მიჩნეული, ხელფასის სახით თვეში 12 500 დოლარს იღებს, თუმცა, თავისთვის მხოლოდ 1 250 დოლარს იტოვებს, დანარჩენ თანხას კი ქველმოქმედებაში ხარჯავს.
თურქმენეთის სამუდამო პრეზიდენტი გურბანგულ ბერდიმუჰამედოვი თვეში 900 დოლარს იღებს ხელფასის სახით, რაც პოსტსაბჭოთა სივრცის პრეზიდენტებს შორის ერთ-ერთი ყველაზე დაბალი ხელფასია. თუმცა, ამავე დროს, ბერდიმუჰამედოვი გახლავთ სახელმწიფო კომერციული ბანკის – „პრეზიდენტბანკის” დამფუძნებელი და ამ ბანკის ფონდი პირადად მის საკუთრებას წარმოადგენს, თანხა კი საკმაოდ სოლიდურია – 60 მილიონი ამერიკული დოლარი.
პოსტსაბჭოთა სივრცის კიდევ ერთი "ღარიბი" პრეზიდენტია ბელორუსის მუდმივმოქმედი მმართველი ალექსანდრ ლუკაშენკო, რომლის თვიური ანაზღაურება 300 ამერიკული დოლარია, თუმცა ბელორუსის ოპოზიციური მედიის ცნობით, ლუკაშენკოს ხელფასი გაცილებით მეტია – 2 300 დოლარი. საინტერესოა, რომ თავად პრეზიდენტი სახელმწიფოს ხარჯზე ცხოვრობს და საკუთარ ხელფასს თითქმის არ ხარჯავს.
