ამერიკული საინფორმაციო გამოცემა, WASHINGTON POST ქართული ღვინის ხარსისხსა და ტრადიციაზე საუბრობს.
„გურია ნიუსი“ გამოქვეყნებული სტატიის თარგმანს გთავაზობთ:
„ჩვენ, როგორც წესი, როდესაც ევროპული კლასიკური ჯიშის ყურძნის ღვინოზე ვფიქრობთ, ვგულისხმობთ, ფრანგულს, იტალიურსა და ესპანურ ღვინოებს, მაგრამ მეღვინეობა აღმოსავლეთიდან მომდინარეობს, კავკასიის რეგიონში, სადაც ევროპა და აზია იკვეთება, სადაც უძველესი სავაჭრო გზები შავი ზღვისა და სპარსეთის მთებში გადიოდა და სადაც ბიბლიის მიხედვით არარატის მთაზე ნოემ ვენახი გააშენა და შემდეგ დასახლდა“_ ასე იწყება WASHINGTON POST-ში გამოქვეყნებული სტატია.
„_არქეოლოგიური გათხრების მიხედვით, უძველესი ვაზის თესლი და ღვინის ჭურჭელი აღნიშნულ ტერიტორიაზე იპოვეს.
თუმცა, საქართველოც და სომხეთიც აცხადებს, რომ ღვინის სამშობლოა. იმ მიმართულებით ვიმსჯელოთ, რომ ღვინის სამშობლო საქართველოა, რადგან ახლა შეერთებულ შტატებში მისი ღვინოები უფრო ხელმისაწვდომია.
გამოცემის ინფორმაციით, საქართველო მეღვინეობით არის საინტერესო. ქვეყანა თანამედროვე ღვინის მრავალსახეობას გთავაზობთ. სხვაგან ვერსად ნახავთ ვაზის სხვადასხვა ჯიშს, თანამედროვე სტილის ღვინოებს, რომელსაც საუკუნეების მანძილზე აყენებენ და ძვირიც არ ღირს, ასევე ვერ შეიგრძნობთ ბუნებრივი ყურძნის მსგავს გემოს“, _ აღნიშნავს სტატიის ავტორი.
„საქართველო პატარა ქვეყანაა, მაგრამ აქვს ღვინის წარმოების იმიჯი და პოტენციალი, რომელიც ბევრად აღემატება მის ზომას,“ _განაცხადა ღვინის ოსტატმა, ლიზა გრანიკმა, ქართული ღვინის პრეზენტაციაზე საფრანგეთში.
„საქართველოს იმიჯი და ღვინის პოპულარობა მისი უძველესი ტრადიციული ღვინის ჭურჭლიდან, ქვევრიდან, მომდინარეობს, რომელიც მიწაშია ჩაფლული. ყველაზე თანამედროვე თეთრი ღვინოები ასე მზადდება: ყურძენს წურავენ და თავის თესლსა და ფუძესთან ერთად ქვევრში დასაყენებლად ათავსებენ, რა დროსაც ის დუღს, შემდეგ ღვინო მზადაა.
მეღვინეები ხშირად მიუთითებენ წითელსა თუ თეთრ ღვინოს არის თუ არა ქვევრში დაყენებული.
ქვევრში დაყენებულ თეთრ ღვინოს ნარინჯისფერი ელფერი აქვს,ამიტომ მამუკა წერეთელს, რომელიც საქართველოში შექმნილ ღვინოებს ვაშინგტონში ავრცელებს, ურჩევნია, რომ ქარვისფერი ღვინო ვუწოდოთ“, _ წერს სტატიის ავტორი.
„საქართველოში 500-მდე სახეობის ვაზის ჯიშია, ხოლო წერეთლის კომპანია, ქართული ღვინის სახლი ქართულ ღვინოს მერილენდში, ვირჯინიაში და ხუთ სხვა შტატში შეაქვს,“_განაცხადა წერეთელმა washingtonpost-თან საუბარში.
წერეთლის თქმით, საქრთველოს მთავარი რეგიონი ღვინის წარმოების მხრივ კახეთია, რომელიც ქვეყნის აღმოსავლეთ ნაწილში მდებარეობს,მიუხედავად იმისა,რომ ვაზი მთელ ქვეყანაში იზრდება, ქვეყნის დასავლეთით შავი ზღვის ბრტყელ და ნესტიან ლადშაფტზე მაღალი ხარისხის ყურძენი ნაკლებია.
გამოცემის უწყებით, ამერიკაში გავრცელებული ღვინოებია თეთრში-რქაწითელი და მწვანე, ხოლო წითლებში-საფერავი.
„წითელ ღვინოს შეიძლება ტკბილი გემო ჰქონდეს, რადგან ქვევრის მიწაში ჩაფლულობის გამო შესაძლებელია დუღილის შეწყვეტის შემთხვევაში შაქარი ალკოჰოლად ბოლომდე ვერ გარდაიქმნას. მისი გემო ძალიან წააგავს კაბერნე ფრანის, როემლიც საფრანგეთში ლუარას ხეობაში ხარობს. მაგრამ ქართული საფერავის მსგავსი გემო, რომელიც სუკუნეების ისტორიაზეა დაფუძნებული არცერთ ღვინოს არ აქვს მსოფლიოში,“_ აღნიშნულია WASHINGTON POST-ის მიერ გამოქვეყნებულ სტატიაში.
