რეჟისორ ლევან თუთბერიძის ფილმმა "მოირამ" , რომელმაც საქართველოს რესპუბლიკა აზიის მსოფლიო კინოფესტივალზე წარადგინა 50 ერის მიერ წარდგენილ საუკეთესო ფილმებს შორის გაიმარჯვა. აღნიშნულ ინფორმაციას The WRAP ავრცელებს.
"ქართული ფილმი დღითიდღე თავის პირვანდელ პრესტიჟს იბრუნებს," _ განაცხადა ლევან თუთბერიძემ კინოჩვენებაზე.
როგორც ცნობილია, ფილმი შავი ზღვისპირა ქალაქში მცხოვრები ოჯახის ამბავს მოგვითხრობს, რომელიც სიღარიბესა და დანაშაულს ებრძვის.
"ფილმში ნეორეალიზმის რამდენიმე ელემენტია, მაგრამ მოხარული ვარ, თუკი ფილმში პროფესიონალიზმიცაა,"_ განაცხადა მან.
ისევე როგორც რობერტო როსელინმა 1940 წლის რომი ასახა, ასევე თუთბერიძემ ფილმში რეალობა აღწერა.
"მოთხრობილი ოჯახის ამბავი ქართულ რეალობას ძალიან ჰგავს. როდესაც საბჭოთა კავშირის დაშლის შემდეგ, სისტემა დაიშალა და საქართველო დაზარალდა,"_ განაცხადა რეჟისორმა.
ფილმში "მოირა", მტავარი პერსონაჟის დედა საბერძნეთში მიემგზავრება და მღერის, რომ ოჯახს დაეხმაროს.
"ეს დღესაც ხდება. ქალები ოჯახებს ტოვებენ და სამუშაოდ უცხოეთში მიდიან. ზოგიერთი მათგანი 90-იანებში დარჩა და დღესაც ქვეყნის ფარგლებს გარეთაა,"_ აღნიშნა რეჟისორმა.
ვაჟები, რომლებსაც დედა ტოვებს "შავი სამყაროს" გავლენიანი პირების მიერ შეთავაზებული ფულის ადვილად შოვნის სურვილით ცდუნდებიან.
"ყველაზე ცუდია, რომ დამნაშავე და პოლიციის ოფიცერი ნათესავები არიან. ეს არის მაფია, რომელსაც ვერავინ დაამარცხებს. მინდა, რომ თრილერის შეგრძნება განვავითარო. დღეს, ადამიანები ფილმებში ყურადღებას ამახვილებენ ტექნიკურ მხარეზე, მუსიკაზე და მჯერა, რომ ისინი ფილმის შეგრძნების უნარს კარგავენ. ჩემთვის კი სცენარი, ამბავი არის ყველაზე მნიშვნელოვანი,"_აცხადებს რეჟისორი.
რეჟისორის თქმით, ფილმს არანაირი კავშირი არ აქვს იტალიის "გომორასთან" და რუსეთის "ლევიატანთან".
მისი თქმით, ფილმი მხოლოდ დამოუკიდებელი აზროვნების პროცესია.
რეჟისორი ორ წელზე მეტ ხანს მუშაობდა სკრიპტზე, ვიდრე ის არ გამოვიდა სახელწოდებით, "მითოლოგიური ბედი", ("მოირაი" ბერძნულად ბედს ნიშნავს) რომელიც ადამიანების სიცოცხლეს იწირავს.
"მე მქონდა მთელი სკრიპტი, მაგრამ ვგრძნობდი, რომ იქ რაღაც აკლდა, ისევე როგორც ალმასის გულსაკიდს ბეჭედი,"_ განაცხადა მან.
