"გურია ნიუსის" მიერ მოპოვებული ინფორმაციით, ოზურგეთის მუნიციპალიტეტის სოფელ ბაილეთში მგლებმა 7 ძროხა დაგლიჯა.
სოფელ ბაილეთში ოზურგეთის მუნიციპალიტეტის გამგებლის წარმომადგენლის, სპარტაკ მამულაიშვილის თქმით, ეს ფაქტი ორი დღის წინ მოხდა. მგლებმა 7 ძროხა დაგლიჯა და ორი კი, დაკაწრულია.
როგორც მამულაიშვილი ამბობს, ამის შესახებ უკვე ინფორმირებულია ოზურგეთის გამგეობა.
ინფორმაციისთვის, ბოლო პერიოდში მგლების, ტურების და დათვების შემოსევა ახალი ამბავი არ არის და ამის შესახებ "გურია ნიუსი" აქამდეც წერდა.
