ამერიკის შეერთებული შტატების სახელმწიფო დეპარტამენტმა ტრეფიკინგის კონტროლის შესახებ 2015 წლის ანგარიში გამოაქვეყნა, სადაც საქართველოს მონაცემებიც არის შესული.
"გურია ნიუსი" გთავაზობთ ამერიკის შეერთებული შტატების სახელმწიფო დეპარტამენტის გვერდზე გამოქვეყნებულ ანგარიშს საქართველოში არსებული ვითარების შესახებ.
"საქართველო არის ტრანზიტის წყარო და ქვეყანა, სადაც ქალები და გოგონები ტრეფიკინგის მსხვერპლნი ხდებიან, ხოლო მამაკაცები, ქალები და ბავშვები იძულებით შრომობენ.
მდედრობითი სქესის წარმომადგენლები საქართველოდან ტრეფიკინგის მსხვერპლნი ხდებიან როგორც ქვეყნის შიგნით, ასევე თურქეთში, ჩინეთში, ეგვიპტეში, საბერძნეთში, არაბეთის გაერთიანებულ საემიროში და რუსეთში.
ხოლო ქალები აზერბაიჯანიდან და ცენტრალური აზიის ქვეყნებიდან იძულებით პროსტიტუციას ეწევიან აჭარის პროვინციაში, ბათუმსა და გონიოში.
ექსპერტების ანგარიშის მიხედვით, ქალები სექსუალური ტრეფიკინგის მსხვერპლი ხდებიან საუნაში, კლუბებში, კაზინოებსა და სასტუმროებში.
ტრეფიკინგის მსხვერპლი არიან ახალგაზრდა, დასაქმების მსურველი უცხოელი ქალები.
ქართველი კაცები და ქალები იძულებით შრომობენ საქართველოსა და თურქეთში, ერაყში, რუსეთში, აზერბაიჯანში და სხვა ქვეყნებში.
ქართველი ემიგრანტები დაბალი სამუშაო კვალიფიკაციის გამო დამსაქმებელ აგენტებს უკავშირდებიან, რის შემდეგაც ტრეფიკინგის მსხვერპლი ხდებიან.
ბოლო წლებში, საქართველოში უცხო ქვეყნის მოქალაქეების ექსპლუატაცია ხდება სოფლის მეურნეობაში, სამშენებლო და საყოფაცხოვრებო მომსახურების სერვისებში.
ქართველ, ბოშა და ქურთ ბავშვებს იძულებით შემწეობის თხოვნას და კრიმინალში მონაწილეობას აიძულებენ.
ინფორმაცია არ მოიპოვება ტრეფიკინგის მდგომარეობის შესახებ სეპარატისტულ რეგიონებში აფხაზეთსა და სამხრეთ ოსეთში, თუმცა ხელისუფლება და არასამთავრობო ორგანიზაციები მიიჩნევენ, რომ ოკუპირებულ ტერიტორიაზე იძულებით გადაადგილებულ პირები ტრეფიკინგის მსხვერპლნი ხშირად ხდებიან.
საქართველოს მთავრობა სრულად არ შეესაბამება მინიმალურ სტანდარტებს ტრეფიკინგის აღმოსაფხვრელად, თუმცა ამის გასაკეთებლად სერიოზულ ძალისხმევას იყენებს", _ აღნიშნულია ანგარიშში.
მათი ინფორმაციით, საანგარიშო პერიოდში გამოძიების მიმართ რწმენა გაიზარდა.
"პრემიერ-მინისტრმა ხელი მოაწერა განკარგულებას, შრომის ინსპექციის უფლებამოსილების დამყარებისთვის და შრომითი ტრეფიკინგის აღმოსაფხვრელად, აღასრულოს პრევენციული ზომები.
მთავრობამ გაზარდა ტრეფიკინგთან მებრძოლი მობილური ერთეულები სამიდან ოთხამდე, რომელიც სამართალდამცავებს მეტ რესურსს აძლევს ტრეფიკინგის შესახებ გამოძიების ჩასატარებლად, თუმცა სამართალდამცავების შეზღუდული შესაძლებლობები ტრეფიკინგის გამოძიებას აფერხებს.
ექსპერტების თქმით,გამომძიებლები ორიენტირებულები არიან მტკიცებულების შეგროვებაზე, ვიდრე მათთან გასაუბრებაზე, რათა დადგინდეს არიან თუ არა ისინი პოტენციური მსხვერპლი.
ხელისუფლება არ გამოყოფს სტრატეგიას ქუჩაში მათხოვრობასთან საბრძოლველად. ექსპერტების ცნობით, პოლიციამ უარი თქვა იძულებითი მათხოვრობის რამდენიმე შემთხვევის გამოძიებაზე, ამტკიცებენ, რომ მოქმედი კანონმდებლობის შესაბამისად ქუჩაში მოწყალების თხოვნა არ არის ბავშვის უფლებების დარღვევა", _ აღნიშნულია ანგარიშში.
