სახელმწიფო აუდიტის სამსახურის გენერალურმა აუდიტორმა ლაშა თორდიამ გურიის მხარის ადგილობრივ თვითმმართველობებთან შეხვედრა გამართა, რაც გახორციელდა „აუდიტის პროცესში მოქალაქეთა ჩართულობის გაზრდის“ პროექტის ფარგლებში. შესავალ სიტყვაში მან დასჯის მეთოდის, როგორც ცნობიერებიდან ამოსაღებ გაუსვა ხაზი.
_ჩვენ არ გვაქვს სურვილი, ვინმე იყოს დაჭერილი, არამედ გვინდა, გამოსწორდეს ესა თუ ის პრობლემა. ამიტომ ურთერთობის გახსნილ ფორმატს გთავაზობთ. ბრძოლა უნდა მოხდეს პრობლემების გამომწვევ მიზეზთან და არა შედეგთან, _ თქვა ლაშა თორდიამ.
მან ბიუჯეტზე თემატიკის მიხედვით ისაუბრა, რაც შეეხებოდა 2012-2013 წლებს _ დაუსაბუთებელმა ხარჯებმა 1235900 ლარი შეადგინა. 270 ათასი ლარის საწვავი იყო ოზურგეთის მუნიციპალიტეტში დახარჯული და ვერ იქნა განმარტებული, რატომ. ასევე ისაუბრა ჩოხატაურის და ლანჩხუთის მუნიციპალიტეტებზე.
ლაშა თორდიამ გამოყო ა(ა)იპ სამსახურების საკითხი და მათი არსებობა ყველაზე უარყოფითად შეაფასა:
_სამივე მუნიციპალიტეტში სულ 45 ა(ა)იპ ორგანიზაცია არსებობს. 15 მილიონია ხელფასისთვის გაცემული. ძირითადი ნაწილი ამ სამსახურებისა, ეს არაა მიზნობრივი. გენდერული და „ქინძი-პეტრუშკის“ მოყვანის ა(ა)იპი რატომ გვჭირდება? ჩვენი ხელით ვანგრევთ ეკონომიკას.
სამიათასი კაცი დაბალანაზღაურებადია, არც მას არგია ეს დაბალი ხელფასი დიდად და ფაქტიურად კანალიზაციაში მიდის. მაღალფარდოვანი სიტყვებით მოგონილი ა(ი)პ სამსახურები გვაქვს, _ თქვა მან და ასევე საჭიროდ და შედარებისას, აუცილებლად მიიჩნია სკოლამდელი აღზრდის, ასევე არაერთი სხვა, ა(ა)იპ სამსახურის არსებობა.
_ ძირითადად, ასეთი სამსახურების უმრავლესობა არაა მიზნობრივად შექმნილი და ემსახურება მცირე ხელფასის გაცემას ბევრი ადამიანისთვის. საერთო ჯამში კი ეკონომიკის დანგრევის მეტი არაფერი მოაქვს, _ დასძინა მან.
აუდიტის ანგარიშში მოხვდა ქალაქ ოზურგეთის აგრარული ბაზრის თემა, რომელიც 30 წლიანი იჯარით გასცა ქალაქის მერიამ. მოხდა ის, რომ თავისი არსებობის მანძილზე ბაზარი წაგებაზე იმყოფებოდა, ახლა კი მოგება მოუტანა ბიუჯეტს. ეს კი წინ გადაგმული ნაბიჯია და ძალიან კარგი და მისასალმებელია, _ თქვა ლაშა თორდიამ.
