გავრცელებული მოსაზრებით, მუსიკას შეუძლია ადამიანებზე გავლენა მოახდინოს. ზოგიერთებს ის უმაღლებს განწყობილებას, ზოგისთვის მუსიკა გამამხნევებელია, ზოგს კი, ის ამშვიდებს. გააჩნია, რა სახის მუსიკა მოსწონს ადამიანს. აღსანიშნავია ისიც, რომ მუსიკის აღქმაზე ასევე ახდენს გავლენას ნაციონალურ-კულტურული ფაქტორი.
მეცნიერებმა დაამტკიცეს, რომ მუსიკას შეუძლია იმაზე მეტი ზეგავლენა მოახდინოს ადამიანზე, ვიდრე მხოლოდ ემოციური განწყობის შეცვლაა.
აღმოჩნდა, რომ მუსიკის ზემოქმედება განპირობებულია არამარტო მელოდიით, არამედ იმ ინსტრუმენტით, რომელზეც სრულდება ეს მელოდია. ამასთან, ცალკეული ინსტრუმენტი ადამიანის ორგანიზმზე სხავადასხვა სახის გავლენას ახდენს.
სიმებიანი საკრავები – გულსისხლძარღვთა დაავადებების დროს
გიტარა, ვიოლინო, არფა და სხვა სიმებიანი საკრავები დადებითად მოქმედებს გულსისხლძარღვთა სისტემაზე. გარდა ამისა, ამ ინსტრუმენტების ჟღერადობას შეუძლია ადამიანში თანაგრძნობის ნაპერწკალი გააღვივოს.
კლავიშებიანი ინსტრუმენტები ფსიქიკური დარღვევებისა და შიდა ორგანოების დაავადებების დროს
ფორტეპიანო ადამიანის ფსიკიქის ჰარმონიზებას ახდენს. მისი ჟღერადობა ხელს უწყობს შარდის ბუშტის, თირკმელების მუშაობის სტაბილიზაციას, ასევე ხდება ფარისებრი ჯირკვლის მუშაობის ნორმალიზება. ორღანზე შესრულებული მელოდია კი, პასუხს აგებს თავის ტვინის სტიმულირებაზე.
სასულე ინსტრუმენტები სუნთქვითი დარღვევების დროს
სასულე ინსტრუმენტებს წესრიგში მოჰყავთ სასუნთქი სისტემა. მათი ჟღერადობა ასუფთავებს ფილტვებს და ბრონქებს. ამასთან, ხდება სისხლის მიმოქცევის გაუმჯობესება.
დასარტყამი ინსტრუმენტები გულის რიტმის დარღვევის დროს
დასარტყამ ინსტრუმენტებს შეუძლია დადებითი ზეგავლენა მოახდინოს ჩვენს ორგანიზმზე. ისინი კურნავს თირკმელს, აუმჯობესებს გულის რიტმს და სისხლის მიმოქცევის სისტემის მუშაობას.
კლასიკური მუსიკა ტვინის მუშაობის სტიმულირებისთვის და რევმატიზმის დროს
ჩატარებული კვლევების შემდეგ, მეცნიერებმა დაასკვნეს, რომ ისეთი გენიოსების კლასიკური მუსიკა, როგორებიც არიან ბეთჰოვენი, მოცარტი, ვივალდი და ასე შემდეგ, ჯადოსნურ ზეგავლენას ახდენს ადამიანებზე. მოცარტის მუსიკა ადამიანის ტვინის მუშაობის სტიმულირებას ახდენს.
ასევე გარკვეულია, რომ კლასიკური მუსიკა ხელს უწყობს რევმატიზმის მკურნალობას. ეს დადასტურდა ექსპერიმენტის შემდეგ: რევმატიზმით ავადმყოფების ნაწილს ასმენინებდნენ კლასიკურ მუსიკას და მათ იმაზე სწრაფად დაიწყეს გამოჯანმრთელება, ვიდრე მათ, ვინც მუსიკის გარეშე გადიოდა მკურნალობის კურსს.
გიყვართ პოპულარული მუსიკა? არც ესაა საგანგაშო.
კუნთების დაჭიმულობის მოხსნა თითქმის ყველანაირ მუსიკას შეუძლია. მუსიკის მოსმენის დროს, ადამიანს შეუძლია უფრო კარგად აღიქვას ინფორმაცია. იმის გასაგებად, თუ როგორ ზეგავლენას ახდენს მუსიკა ჩვენზე, მისი მოსმენისას უნდა გააანალიზოთ, რა შეგრძნებებსა და ემოციებს აღგიძრავთ ეს მელოდია.
