სოციალური მომსახურების სააგენტო unicef -ის მიერ გამოქვეყნებულ კვლევას ემაურება. როგორც "გურია ნიუსს" სააგენტოდან აცნობეს, კვლევაში აღნიშნული სიღარიბის მაჩვენებლები წინა წლებთან შედარებით შემცირებულია.
სააგენტოს ინფორმაციით, საარსებო მინიმუმს ქვემოთ მცხოვრები ბავშვები: 2009 წელი- 40.7 %, 2011 წელი- 38,6%, 2013 წელი- 20,6 %, ხოლო 2015 წელი- 15,6 % იყო.
"გაეროს ბავშვთა დაცვის ფონდი (Unicef) ყოველ ორ წელიწადში ერთხელ ატარებს კვლევას, სადაც მიმოხილულია მოსახლეობის სიღარიბის მაჩვენებელი, პენსიებისა და მიზნობრივი სოციალური დახმარებების ზეგავლენა სიღარიბეზე, ჯანდაცვის ხელმისაწვდომობა და ხარჯები. როგორც კვლევის ავტორები აღნიშნავენ, საარსებო მინიმუმის ზღვარს ქვემოთ მცხოვრები ბავშვების წილი მნიშვნელოვნადაა შემცირებული წინა წლებთან შედარებით. საარსებო მინიმუმს ქვემოთ მცხოვრები ბავშვები: 2009 წელი- 40.7 % 2011 წელი- 38,6% 2013 წელი- 20,6 % 2015 წელი- 15,6 % (საარსებო მინიმუმს ქვემოთ მცხოვრები ბავშვი ნიშნავს, რომ ის ყველა აუცილებელ საჭიროებას ერთდროულად ვერ იკმაყოფილებს – მაგალითად ტანსაცმელს, საკვებს, სასწავლო ნივთებს და ა.შ. ანუ ისინი დღეში 2,5 დოლარზე ნაკლებს მოიხმარენ), _ აცხადებენ სააგენტოში.
მათივე ცნობით, იგივე კვლევის მიხედვით, შემცირებულია სიღარიბის ზოგადი მაჩვენებელიც.
"2009 წელს – 49% 2015 წელს – 21.7%. კვლევაში აღნიშნულია, რომ მიზნობრივი სოციალური პროგრამა 2015 წლიდან უფრო მეტად ორიენტირებული გახდა ბავშვიან ოჯახებზე და ეს ფაქტიც, გარკვეულწილად, განაპირობებს ბავშვთა სიღარიბის მაჩვენებლის კლებას. ჯანდაცვა "იუნისეფის" კვლევის მიხედვით, 2013 წელს საქართველოს მთავრობის მიერ დანერგილმა საყოველთაო ჯანდაცვის პროგრამამ გარანტირებული დახმარება გაუწია იმ მოქალაქეებსაც (მოსახლეობის 50% ზე მეტი), ვინც იქამდე ვერ სარგებლობდა სახელმწიფო პროგრამებით და ამიტომ ისინი ზღუდავდნენ ექიმთან ვიზიტს – იშვიათად სარგებლობდნენ სამედიცინო მომსახურებით", _ აღნიშნავენ სააგენტოში და დასძენენ, რომ Unicef-ის კვლევით, გაზრდილია საშუალო წლიური ხარჯი (2013წ-243 ლარი; 2015წ -346,8ლარი), ასევე მთლიან დანახარჯში ჯანდაცვაზე გაწეული ხარჯების წილი (2013წ 7%, 2015წ 8,1%). "რაც თავის მხრივ გამოწვეულია ჯანდაცვაზე გაუმჯობესებული ხელმისაწვდომობით, რომელიც ასევე დაადასტურა შინამეურნეობების დანახარჯების 2014 წლის კვლევამ (WHO, WB, USAID), მოსახლეობის ნახევარზე მეტს მიეცა შესაძლებლობა ბარიერების გარეშე მიმართონ სამედიცინო დაწესებულებებს სხვადასხვა მომსახურების მისაღებად.
პაციენტებს აქვთ თავისუფალი არჩევანის საშუალება, გაიზარდა გეოგრაფიული ხელმისაწვდომობა და შემცირდა მოცდის პერიოდი. პროგრამით მოსარგებლეები გახდნენ ის პირებიც, (2 მილიონზე მეტი მოსახლეობა), ვისაც მანამდე არ შეეძლო ჯანდაცვის პროგრამით სარგებლობა. ჯიბიდან გადახდები, რომლებიც ძირითადად წარმოადგენს პაციენტების თანაგადახდის ან ლიმიტს ზედა თანხების წილს გაიზარდა მას შემდეგ, რაც სახელმწიფოსგან მიღებული დაფინანსების გამო, გაიზარდა მიმართვიანობა სამედიცინო დაწესებულებებში. მედიკამენტები მედიკამენტების მოხმარებაზე თავის კვლევებში ჯანდაცვის მსოფლიო ორგანიზაცია, USAID და მსოფლიო ბანკიც წერდნენ.
მათი, ისევე, როგორც Unicef ის კვლევაში აღნიშნულია რომ პაციენტებმა, მათ შორის ქრონიკული დაავადებების მქონე პაციენტებმაც, უფრო მეტჯერ მიიღეს სპეციალისტის დანიშნულება, ვიდრე წინა წლებში. ამან ლოგიკურად გაზარდა ამბულატორიული მედიკამანტების მოხმარება, რასაც დაერთო რეცეპტების ინსტიტუტის ამოქმედებაც, რაც მნიშვნელოვნად ამცირებს პაციენტების მხრიდან თვითმკურნალობას. "უნისეფის" კვლევაც ადასტურებს, რომ მაგალითად, სოფლად გაზრდილია ექიმთან ვიზიტის რაოდენობა 2013 წელი- 27,7% 2015 წელი– 39,1 % შესაბამისად, მოიმატა დანიშნული მედიკამენტების რაოდენობამ და მასზე გაწეულმა ხარჯმა (2013 წელი 146,2 ლარი; 2015 წელს 242,6 ლარი). ამით აიხსნება მედიკამენტებზე დანახარჯების ზრდა, თუმცა, სამომავლოდ ჯანდაცვის პოლიტიკა მიმართულია იქით, რომ შეეშველოს მოსახლეობას ამ ტვირთის შემსუბუქებაში," _ აცხადებენ სააგენტოში.
შგახსენებთ, რომ unicef-ის კვლევის მიხედვით, ყოველი მეხუთე ბავშვი სიღარიბის ზღვარს მიღმა ცხოვრობს. გარდა ამისა, კველაში აღნიშნულია, რომ "ხალხი ხარჯავს მეტს მეტი ფულის ქონის გარეშე". რაც შეეხება ჯანდაცვაზე გაწეულ ხარჯებს, რეგიონებში გურია, მცხეთა-მთიანეთი და კახეთი ლიდერობენ.
