პატრიარქის ჯანმრთელობის მდგომარეობა უკეთესია, _ ამის შესახებ განცხადებას საპატრიარქოს ჯანდაცვის დეპარტამენტის ხელმძღვანელის მოადგილე, ექიმი ცისანა შარტავა აკეთებს.
მისივე თქმით, პატრიარქის მკურნალობაში დადებითი დინამიკა გამოიკვეთა და ეს არის მნიშვნელოვანი.
„პატრიარქი გაცილებით უკეთესად არის, დინამიკა დადებითია. მკურნალობა გრძელდება. ტემპერატურა არ აქვს. დანარჩენს დრო გვაჩვენებს. მთავარი ტემპერატურა არ არის, მთავარი სხვა რამეა, მაგრამ დინამიკა არის დადებითი და მდგომარეობა ბევრად უკეთესია. ღვთის შეწევნით, ყველაფერი კარგად მიდის“, _ უთხრა ცისანა შარტავამ "ინტერპრესნიუსს".
მისივე თქმით, პატრიარქი ამჟამად საპატრიარქოში იმყოფება.
