“ღია დემოკრატიის კომიტეტი ულოცავს საქართველოს ცენტრალურ საარჩევნო კომისიას”
თბილისი, საქართველო – საზღვარგარეთ მცხოვრებ ქართველ ამომრჩეველთა სასარგებლოდ, საქართველოს ცენტრალურმა საარჩევნო კომისიამ გააუქმა მოთხოვნები ქვეყანაში საცხოვრებელი ადგილის დამადასტურებელ საბუთთან დაკავშირებით მათთვის, ვისაც სურს ხმის მიცემა 1 ოქტომბრის საპარლამენტო არჩევნებზე.
“ძალიან სასიხარულოა ცესკო-ს მიერ ამ მოთხოვნის გაუქმება”, განაცხადა ბრაიან მეფორდმა, “ღია დემოკრატიის კომიტეტის” აღმასრულებელმა დირექტორმა, რომელიც აპრილიდან მოყოლებული ახორციელებს ხანგრძლივ არჩევნებზე სადამკვირვებლო მისიას საქართველოში.
“ჩვენ მივესალმებით მათ ამ გადაწყვეტილებას, ასევე იმედით ველით მომდევნო პოზიტიურ ნაბიჯებსაც. საქართველო აქტიურად იბრძოდა იმ დემოკრატიული წინსვლისთვის, რასაც მან მიაღწია და ეს პროცესი, გულწრფელად გეტყვით, არასდროს მთავრდება“.
მეფორდმა აღნიშნა, რომ გარდა ამისა, კიდევ რამდენიმე სხვა დადებითი ნაბიჯის გადადგმა უფრო დაეხმარებოდა საზღვარგარეთ მცხოვრე საქართველოს მოქალაქეებს საკუთარი ხმის უფლების გამოყენებაში.
“წინა არჩევნები კვირა დღეს ტარდებოდა ხოლმე, ეს კეთდებოდა იმისათვის, რომ მინიმუმამდე დაეყვანათ ამომრჩევლების პრობლემები სამუშაო ან სასწავლო პროცესთან დაკავშირებით. წელს, არჩევნები ტარდება ორშაბათს, რაც საქართველოში დასვენების დღედაა გამოცხადებული, მაგრამ ყველა სხვა ქვვეყანაში ეს დღე სამუშაო დღედ რჩება. მოხარული ვიქნებოდით, თუ ხმის მიცემა შესაძლებელი გახდებოდა გარდა ორშაბათისა, რომელიც არჩევნების დღეა, დამატებით შაბათს და კვირას, არჩევნების წინა დღეებში. ასეთი დაშვებები ჩვეულებრივ ხშირად ხდება დასავლეთის დემოკრატიულ ქვეყნებში და იგი ანალოგიურად ფასეული მტკიცებულება იქნებოდა საქართველოს დემოკრატიისადმი ერთგულებისა. გარდა ამისა, საზღვარგარეთ მყოფ ქართველებს პირდაპირ უნდა მიენიჭოთ იგივენაირი რეგისტრაციის უფლებები, როგორც ქართველებს საკუთარ სამშობლოში. სამი დამატებითი დღე, რომელიც დაუშვა ცესკო-მ, ძალიან კარგია. ეს ხალხი ისეთივე ამომრჩეველია, როგორც სხვები და ისინი ამ თანასწორობას იმსახურებენ”.
საზღვარგარეთ ყოფნისას და განსაკუთრებით კი ინფორმირებული უნდა იყვნენ ნებისმიერი ცვლილებების შესახებ“, _ განაცხადა მეფორდმა.
“ჩვენმა გუნდმა დაურეკა საქართველოს ხუთ სხვადასხვა საელჩოს ევროპაში და მხოლოდ ორს, საბერძნეთის და ბელგიის საელჩოებს აღმოაჩნდათ ხელმისაწვდომი ინფორმაცია. რამდენიმემ საერთოდ არ უპასუხა ტელეფონს, მიუხედავად განმეორებითი ზარებისა. ამ საელჩოებს, შესაძლოა, დაჭირდეთ დამატებითი პერსონალი ამომრჩეველთა ზარებზე პასუხისა და საარჩევნო პუნქტებზე ადმინისტრირების უზრუნველყოფის მიზნით, ასევე დამატებითი პერსონალია საჭირო ამ საკითხების საჯაროდ გამოქვეყნებისათვის. ამ ყველაფერს გადამწყვეტი მნიშვნელობა აქვს. როგორც ითქვა, ჩვენ მართლა გვსურს, მტკიცედ და ერთსულოვნად გამოვხატოთ მადლიერება ცესკო-ს ამ მნიშვნელოვანი გადაწყვეტილების გამო, რომელიც გულისხმობს ქვეყანაში ცხოვრების ოფიციალურ დამადასტურებელ საბუთთან დაკავშირებით მოთხოვნების შეცვლას”, – ნათქვამია განცხადებაში.
