_ მოგეხსენებათ, რომ საუბარი მიდის ორ ცვლილებაზე, კონსტიტუციიდან ამოვიღოთ ის მუხლი, რომელიც 2012 წელს დაამატეს, პარლამენტი გინდა თუ არა ქუთაისში იყოსo და ამის გაუქმებას ვაპირებთ და მეორე ცვლილება ეხება იმ რისკის შემცირებას, რომელიც საქართველოს პრეზიდენტს საშუალებას აძლევს, რომ შექმნას პოლიტიკური კრიზისი, დესტაბილიზაცია ქვეყანაში. რა გზით? მას შეუძლია გაადაყენოს მთავრობა, მერე ცოტა ხანში მიაყოლოს პარლამენტი და ხალხის ნებას ყურადღება არ მიაქციოს.
_ “ერთიანი ნაციონალური მოძრაობა” აპრილის თვეში ხელისუფლებაში დაბრუნებასაც აპირებსო…
_ ღმერთმა ნუ ქნას, რომ ამდაგვარი რამე მოხდეს. ამის მცდელობა თუ იქნება, ამაზე პასუხს ჩვენ კი არა, ამაზე პასუხს ხალხი გასცემს და ეს იქნება მძიმე პასუხი. ამიტომ, აქამდე საქმე, რომ არ მივიდეს, ჩვენ ვცდილობთ ეს რისკი შევამციროთ.
_ იქნებ, ბოლო პერიოდში თვითმმართველობებში განვითარებულ მოვლენებზეც გვითხრათ თქვენი მოსაზრება. რამდენიმე მუნიციპალიტეტში აქცია იმართება, არის მუნიციპალიტეტები, სადაც ახალი გამგებელი და საკრებულოს თავმჯდომარე აირჩიეს და ხშირად საუბრობენ, რომ ეს დანიშვნები კანონის ფარგლებს ცდება.
_ ზოგიერთ ადგილას ჩანს, რომ მთლად კანონის გზით არ ხდება რაღაცეები, ბევრგან არაფერი უკანონო არ არის. როდესაც იცვლება ზოგადად პოლიტიკური სიტუაცია ქვეყანაში, ამას მიყვება ადგილებზეც ცვლილებები და ნუ წარმოვიდგენთ ისე, რომ ყველგან ხდება რაღაც ძალადობით. თუ სადმე ხდება კანონის დარღვევა, ეს უნდა აღიკვეთოს.
